Unha montaña rusa de última xeración será a gran novidade das atraccións de feira durante as festas patronais do Carballiño, que se celebrarán do 14 ao 19 de setembro.

A noticia foi anunciada polos concelleiros de Turismo e Cultura, Manolo Dacal e Diego Fernández, conjuntamente con dous membros da comisión de festas, durante a presentación do Libro/Programa de man das festas, que xa está na rúa.

Ambos aseguraron que se trata dunha atracción espectacular para todos os públicos, que é a primeira vez que acude á provincia de Ourense, e que de feito virá directamente da Semana Grande de Bilbao, que é a fsta máis popular do País Vasco.

Tamén dixeron que “esta atracción necesita moito espazo (40 x 20 metros, e unha altura de 15 metros), e que se ubicará na parte superior da Praza da Veracruz (anfiteatro), que é o único lugar do Carballiño onde ten cabida. Por iso replantexamos a situación doutras atraccións e dalgúns concertos e actividades que estaban previstos inicialmente nesta praza”.

Ao carón desta montaña rusa irán outras grandes atraccións, como a Barca Pirata e o Saltamontes, entre outras, conformando un novo espazo de atraccións de feira e algún postos máis.

Según dixeron os concelleiros, “cremos que as atraccións son unha parte moi importante das festas patronais do Carballiño e quixemos darlle un aire novo. Por iso imos repartir as atraccións entre a Alameda, a Praza do Emigrante, a Praza Irmáns Prieto, Xullo R. Soto, Conde Vallellano e a Praza da Veracruz. E por iso logramos traer esta montaña rusa que será a gran novidade destas festas e que vai atraer a moita xente da comarca e da provincia”.

“Evidentemente –aseguraron os concelleiros-, temos os informes pertinentes de Policía Local, dos Bombeiros e de Protección Civil para garantir calquera emerxencia”. Dixeron tamén que “este ano subscribimos un contrato cunha enxeñería para verificar que estas atraccións cumplan con todas as medidas de seguridade. Esto nunca se fixo”.

FOGOS E CONCERTOS

Pero non foi esta a única novidade que anunciaron Manolo Dacal e Diego Fernández, senón que tamén se referiron ao cambio de ubicación da sesión de pirotécnia da noite do sábado 16 de setembro.

Así, dixeron que “xa non se trata só de que non temos espacios axeitados no Carballiño para ubicar grandes atraccións, senón que os estoupidos dos morteiros podían acabar creando problemas de afectación ao noso monumento máis emblemático como é o templo da Vera Cruz, sobre todo á torre.

E por iso estudiamos unha nova ubicación para botar os fuegos. Naturalmente, pedimos informes da Policía Local, dos Bombeiros e de Protección Civil, e por iso acordamos que o mellor lugar para botalos é a explanada da entrada do parque municipal, xunto á estatua dos Irmás Prieto, pois conta con todos os informes favorables de seguridade e está a cinco minutos do centro do pobo. É un espazo amplo, sen edificios altos arredor e hai moito lugar para que a xente poida velos con comodidade e sobre todo con seguridade. E incluso hai moito aparcamento na Avenida do Parque para quen se desplace dende fóra en coche”.

Por outra parte, os concelleiros cren que “con estes cambios se consigue que a xente se mova do norte ao sur da vila, dende a Veracruz ao Parque, pasando pola Praza do Emigrante, pola Alameda, pola Praza Mayor, pola Praza Emilia Pardo Bazán e ainda que sexa só unha noite, ata a entrada do Parque”.

“Así pois -dixeron-, recuperamos espazos que apenas se utilizaban hai tempo, como é a Praza de Emilia Pardo Bazán, onde serán os concertos das bandas e do Orfeón, e haberá un Tributo á música dos 80. E aproveitamos mellor a Praza da Veracruz, con atraccións, postos de feira, o Festival dos grupos de pop e rock do Carballiño e a actuación da orquestra-espectáculo París de Noia. E teremos todos os días unha boa orquestra na Praza Maior. E polo tanto conseguimos extender a festa incorporando máis espacios para os espectáculos e as atraccións”.

Un total de 17 establecementos comerciais participarán na XI Feira do Stock, que se celebrará os días 8,9 e 10 de setembro na Praza Maior. O evento, que organiza o Centro Comercial Aberto, foi presentado esta mañá polo seu presidente, Julián Garriga; a xerente, Noelia Mares, e o concelleliro de Promoción Económica, Adolfo Nogueira.

A Feira abrirase o venres pola tarde ás 6 e estará aberta ata as 10 da noite. O sábado e o domingo amplíanse os horarios. Así, pola mañá abrirá de 11 a 2, e pola tarde, de 5 a 10.

O

A Conselleria de Politica Social, atendendo unha petición dos responsables da Mancomunidade de Concellos da Comarca do Carballiño incrementará este ano a partires do 1 de setembro o número de horas asignadas o servicio de axuda no fogar ( S.A.F ), que aumentarán en 11.488 horas anuais, pasando de 50460 a 61948 horas anuais para os cinco concellos que integran a mancomunidade, que son os de Beariz, Boboras, Irixo, Piñor e San Amaro.

A axuda económica para sufragar estas horas ronda os 600.000 €. Este feito permitirá que mellore a calidade vida para as persoas maiores ou dependentes destes concellos, favorecendo a estancia das persoas beneficiadas nas súas propias vivendas.

Asimesmo permitirá crear novos postos de traballos para as persoas coidadores dos maiores, ampliando o número actúal de auxiliares de axuda no fogar, creando novos postos de trraballo no ámbito rural da comarca.

Dende a mancomunidade de concellos do Carballiño, que preside o tenente alcalde do Irixo Manuel Cerdeira. felicítanse por este incremento nas horas do servizo de axuda no fogar e manifestan o seu compromiso “polos servicios sociais sendo os nosos piares fundamentais os maiores e os nenos, que son os colectivos mais vulnerables”.

O Festival de Teatro Galego, FETEGA, referente da cultura e do teatro galego ao ser o festival máis antigo da comunidade, chega este ano a súa XXVIII edición, cun completo programa de actividades que terán lugar do 5 ao 9 de setembro no Carballiño.

A presentación desta cita cultural tivo lugar no Pazo Provincial, acto no que participou o vicepresidente da Deputación de Ourense, Rosendo Fernández; o concelleiro de cultura do Carballiño, Diego Fernández; o director de AGADIC, Jacobo Sutil; a directora do FETEGA, Josi Lage, e de actores das compañías que actuarán no festival.

A Deputación de Ourense colabora "activamente con esta iniciativa co obxectivo de dinamizar a actividade cultural dos nosos municipios" sinalou Rosendo Fernández, quen destacou que este Festival é "un referente das artes escénicas de Galicia, ofrecendo un completo programa de actividades".

Pola súa parte, o concelleiro de Cultura do Carballiño mostrouse orgulloso de "acoller este Festival que reúne a mellor programación do teatro galego e que achega a moita xente ao noso municipio". Mentres que, Jacobo Sutil destacou a tradición da provincia de Ourense nas artes escénicas ao afirmar que "dos dez festivais nos que estamos presentes, catro celébranse nesta provincia" e sinalou "a promoción que fai o FETEGA das nosas artes escénicas tanto na programación como nos que recoñecementos que se conceden durante a súa celebración".

O programa comeza o martes, 5 de setembro, ás 22.30 horas, no Auditorio Municipal coa obra "Eroski Paraíso" da compañía Chévere, ao día seguinte será a quenda para "A canción do elefante" da compañía Redrum Teatro. O xoves, 7 de setembro, actuará a compañía Inherente Teatro coa obra "Dramaturxia das mulheres" e, ao día seguinte, "Impronews" da compañía Triatreros. O sábado, 9 de setembro, será a quenda para Sergio Pazos con "Afiando con humor" e será a gala e entrega de premios que, a partir de agora, "pasarán a chamarse Premios Fetega Dorotea Bárcena", sinalou Josi Lage. O custe das entradas para estes espectáculos será de 10 euros.

"O premio de honra desta edición recae en Carlos Blanco pola súa traxectoria, profesionalidade e talento", recalcou Josi Lage.

Por outra banda, ás 19.30 horas, no Anfiteatro, celebraranse actuacións para as cales a entrada será gratuíta. Comezarán o martes, 5 de setembro con "Welcome" da compañía Duelirum, ao día seguinte será "Lila Star" da compañía Vueltos de Rosca. O xoves, 7 de setembro, actuará a compañía Pistacatro coa obra "Escola de saltimbanquis e o venres será a quenda para a compañía Nono Productions coa obra "Nono". O sábado, 9 de setembro, actuará a compañía IO coa obra "Contiguo".

O programa do FETEGA complétase con actividades paralelas, que abranguen desde animación na rúa, obradoiros de "improvisación escénica" e "novas linguaxes escénicas", así como unha conferencia de Teatro Posdramático Galego.

O Concello de Boborás aprobou por unanimidade a eliminación da débeda con bancos a través dunha modificación orzamentaria na que se incorporou do remanente de tesourería 184.913,54 euros.

Desta maneira para este 2017, Boborás "pasará a ser un dos concellos de Galicia con débeda 0. A esta cantidade hai que sumarlle a xa reservada no orzamento para este ano, que eran 66.000 euros dos cales parte xa foron amortizados ao longo deste ano".

Para Patricia Torres, portavoz do grupo municipal de goberno tamén dixo que "este paso supón unha proba máis da saúde financeira do organismo, que paga en prazo tanto aos seu provedores coma a outras administracións nas que están incluída como o caso das Mancomunidades"

Outro dos puntos que se abordaron neste pleno foi modificación da taxa da auga, que foi aprobada con 6 votos do PP, a abstención de Xuntos por Boborás e os votos en contra de de Move Boborás. Na proposta da alcaldía, eliminábase o cuarto tramo de cobro que era de 5 euros para as actividades domésticas e de 6 euros para as industriais e hoteleiras, turismo rural, comercios. Ademais no tramo 2º, o concello amplia de 50 a 60 m3 de consumo.

Por outra banda, o pleno tamén aprobou o plan estratéxico de subvencións para o 2017, 2018 e 2019 por unanimidade. Serán a Banda de Gaitas, a asociación de pescadores, a de caza, o equipo de fútbol sala de Boborás, a Anpa, as emerxencias sociais, o cheque bebé os colectivos beneficiados, que xa estaban incluídos anteriormente, coa incorporación das axudas para material escolar para as etapas escolar de infantil, primaria e a E.S.O.

Tamén se aprobou cos votos a favor do Partido Popular da ordenanza sobre o transporte madeireiro nas estradas municipais. O grupo de goberno entende preciso regularizar esta actividades para controlar o dano sobre os viais locais. Deste xeito as empresas madeireiras terán que facer unha comunicación previa sobre a tala e depositar unha garantía segundo a tonelaxe a transportar sendo os importes dende os 150 euros a partir das 20 toneladas ata aos 3.000 euros para máis de 1.000 toneladas. Será o arquitecto municipal o que valore o estado dos viarios afectados antes da actividade e despois da mesma para definir os danos nas mesmas, de non haber ningunha consecuencia sobre as estradas, a garantía será devolta integramente.

A conta xeral 2016 tamén foi aprobada unicamente cos votos do grupo de goberno, neste caso a portavoz popular manifestou que fora aprobada na Comisión de Contas e "non tivo ningunha alegación e cumpre tanto a estabilidade orzamentaria como a regra de gasto deixando un resultado positivo de 208.000 euros", subliñou Patricia Torres.

No canto dos festivos locais para o 2018 quedaron determinados coma sempre os 13 de xuño; San Antón e o 19 de setembro; A Saleta.

Por outra banda e cos votos do PP tamén se aprobou unha modificación de crédito por valor de 20.000 euros para acometer obras de mellora nas seguintes estradas; Cardelle, Brués-Pontevella, acceso á Ponterriza e núcleo, acceso a Vilachá e estrada Brués a Balboa. Estas obras serán acometidas pola Brigada de obras da Deputación de Ourense, quen valorou os traballos en 36.828,08 euros dos que o Concello de Boborás terá que aportar o correspondente ao material de construción que ascende a 17.831,66 euros.

Finalmente tamén se elixiu por unanimidade o nomeamento da xuíza de paz de Boborás, que será Ana María Gómez Pena.

O evento gastronómico de moda “food trucks” ou “cociña sobre rodas” acude por vez primeira ao Carballiño dentro dunha iniciativa denominada “Carballiño Street Food”, e que se desenvolverá o 1,2 e 3 de setembro na Praza da Veracruz.

“Trátase dunha selección dos mellores food trucks cunha variada oferta gastronómica pensada para todos os públicos”. Así foi presentada este mediodía polos concelleiros de Turismo e Cultura, Manolo Dacal e Diego Fernández, respectivamente, e representantes da compañía que promove o evento.

Hamburguesas premium, xeados artesáns, bocadillos gourmet, ensaladas orixinais, tapas diferentes, viños de autor, cervexas especiais, sesión vermú e outras propostas gastronómicas, alternaranse coa animación de grupos de música en vivo e obradoiros infantís. As food trucks participantes son: Baden Baden Food Truck (comida alemana – salchichas), ComeCamiños Food Truck (hamburguesas), CrepCabaret (crepes douces e salados), Country Food (cociña Tex-Mex), La Perlita Food Truck (pasta fresca, focaccias recheas), Jabu Go! (xamón ibérico en distintas elaboracións), ToffeeGlass (douces e repostería artesá arxentina), e La Monda con zumos y helados.

A apertura terá lugar o venres, 1 de setembro, pola tarde, ás 19,00 h; o sábado 2 e o domingo 3, terá os horarios de 12,00 a 16,00 h., e de 19,00 a 00,00 h. As principais actuacións de grupos de música en vivo son: o venres 1, ás 21,30 h., THE TETAS´ VAN; o sábado 2, tamén ás 21,30 h., EN MALA HORA, e o domingo 3, en dobre sesión, ás 13,30 e 20,00 h., SOUL&ROLL. Todos os concertos, así como a animación de DJ e as actividades infantís terán lugar no escenario do auditorio da Praza da Veracruz.

As actividades infantís terán lugar o sábado 2, ás 19,00 h., e o domingo 3, ás 12,00 h. Os concelleiros de Cultura e Turismo dixeron na presentación que se trata dun evento moi atractivo que vai supoñer un aliciente nesta fin de semana previa ás festas patronais para que visiten a vila moitas persoas de fóra, e unha oportunidade para que os carballiñeses e a xente da comarca poida degustar un tipo de cociña e produtos de moita calidade que non se ofertan na gastronomía local.

Asemade, o reponsble da empresa que organiza o evento agradeceu a colaboración do concello, así como dos patrocinadores (Abanca, Gadis, Mahou e Pazo Tizón), e fixo fincapé no éxito que está acadando este tipo de iniciativas en Galicia e toda España, e que esperaba que tamén o fose no Carballiño.

O Diario Oficial de Galicia (DOG) vén de publicar a licitación do contrato de obras para a conservación e posta en valor no conxunto monumental do mosteiro de Santa María a Real de Oseira, no municipio de San Cristovo de Cea, uns traballos cofinanciados polo Fondo Europeo de desenvolvemento Rexional (80%), no marco do programa operativo Feder Galicia 2014-2020, obxectivo temático 6.

O importe de licitación base das obras ascende a 791.945 euros.

O obxectivo da intervención é velar pola conservación deste senlleiro mosteiro, declarado Ben de Interese Cultural, e que constitúe ademais un importante atractivo cultural e turístico para a súa contorna.

As actuacións previstas como prioritarias para acometer por fases inclúen obras de limpeza e mellora na cuberta, na carpintería, en diferentes portas do conxunto, nos parámetros e nas pinturas murais principalmente, así como a mellora das condicións ambientais dalgunhas partes do monumento.

Así mesmo, substituirase a cuberta que conecta o claustro dos pináculos co dos medallóns, así como de toda a carpintería da fachada principal. Así mesmo, realizaranse traballos varios de limpeza, restauración de vexas, pintado e iluminación e repararase a fonte do Claustro de Cabaleiros.

Asemade, realizarase un estudo básico do inmoble e das súas necesidades de cara á súa conservación e á elaboración dun estudo de conservación preventiva, e dun documento técnico que sirva de base para a futura redacción dun Plan director do monumento.

A forte tormenta de saraiba caída este pasado domingo no Carballiño, e que anegou varias rúas do casco urbano, afectando a algúns locais e garaxes, puido prodiucir maiores danos de non ser pola rápida intervención do Grupo Local de Emerexencias, manifestan dende o concello carballiñés.

Tras a tormenta -indican- tanto na Policía Local como no Grupo de Emerxencias, recibíronse un total de 50 chamadas telefónicas en cada servizo, actuándose coa maior celeridade posible segundo a urxencia e a orde das solicitudes realizadas.

O operativo posto en marcha achicou auga nuns 30 locais, e hoxe prosigue con este labor.

"Dende o primeiro momento en que se produciu a incidencia da tormenta, tanto o alcalde, Francisco Fumega, como o concelleiro de Servizos Públicos, Adolfo Nogueira, puxéronse ao fronte da coordinación do operativo, co obxectivo de solucionar os problemas máis acuciantes atendendo á orde de importancia e necesidade", subliñan dende a institución municipal.

Tamén aseguran que "a maioría dos sumidoiros da vila limpáronse hai unhas semanas, pero os sedimentos e follas que arrastrou a saraiba, así como a cantidade de auga caída nun período curto de tempo, provocaron que non se dise evacuado toda a auga, anegándose algunhas rúas".

Non son da mesma opinión dende o Partido Popular,entenden que a resposta municipal non foi nin rápida nin eficaz "xa que na mañá do lúns aínda moitos sumidoiros estaban atascados e sen limpar".

Os populares lamentan que o concello non houbesen realizado traballos preventivos cando xa se coñecía con antelación as previsións meteorolóxicas que auguraban unha situacion destas características como a vivida na tarde deste pasado domingo no Carballiño.

Sete orquestras, sete charangas, tres bandas, dúas corais, un festival de grupos locais, dous tributos, unha sesión de pirotécnia artística e diversas actividades infantís,culturáis e deportivas, conforman o programa das Festas do San Cibrao que se celebrarán do 14 ao 19 de setembro, e que foron presentadas hoxe conxuntamente co cartel, polo autor do mesmo, José Luis Diz; os concelleiros José Manuel Dacal e Diego Fernández, e os integrantes da comisión de festas, María Dolores Fernández e Miguel Angel Otero.

Ademáis, desenvolverase no barrio de Flores unha nova edición da Feira de Pepa Loba, e haberá un monólogo de Edu Soto e un espectáculo de maxia de Cayetano Yedó no auditorio.

O cartel reproduce unha imaxe das festas do ano 1945 da vella igrexa parroquial, cando ainda existía o Catro Olas e o Chupete, e que foi elaborado por José Luis Diz, engadindo un siluetado de neón e fogos de articifio. É un cartel sinxelo que evoca a visión nocturna e festiva dun rincón singular do Carballiño de mediados do século pasado, según dixo o autor. O cartel comezará a distribuirse hoxe, e a próxima semana o libro-programa de man.

Como preámbulo das festas, o xoves 14 desenvolverase un acto cultural co descubrimento dunha placa en homenaxe da escritora Emilia Pardo Bazán nunha columna da antiga Casa dos Quiroga, fronte á Praza Maior.

Ese mesmo día terá lugar o Festival Setembro´17 con grupos locais no auditorio da Veracruz.

Tamén haberá xogos populares a cargo de Aspadisi.

O venres 15 a animación musical correrá a cargo de dúas charangas e as orquestras Foliada e Oca Band. E tamén terá lugar no auditorio o monólogo de Edu Soto.

Este día inaugurarase en Flores a Feira de Pepa Loba, que transcorrerá ata o domingo, e cuxos actos centrais terán lugar o sábado.

O sábado 16, que é a feira, a mediodía haberá un concerto conxunto da Banda A Lira de Ribadavia e o Orfeón do Carballiño. Un grupo de gaitas e dúas charangas animarán as rúas. Pola tarde, a Coral Casablanca de Vigo ofrecerá un concerto no auditorio, e pola tarde-noite actuará o grupo Le Suite Band, con tributo á música dos anos 80, e verbena coa orquestra Claxon.

Ás 12 da noite terá lugar a sesión de pirotécnia na Praza da Veracruz.

O domingo 17 celebrarase a tradicional Misa Cantada na Veracruz e procesión do San Cibrao, co acompañamento da banda de música de Vilatuxe, que ofrecerá un concerto a continuación. A animación de rúa contará con dúas charangas. E a verbena correrá a cargo das orquestras París e D´Moda.

O luns 18, festivo no Carballiño, haberá pasarrúas de charangas e a banda de música do Carballiño, que ofrecerá un concerto a mediodía. Na “pista roxa” desenvolverase unha actividade de xogos infantís,e pola tarde haberá un espectáculo de maxia de Cayetano Yedó no auditorio. A orquestra El Combo Dominicano porá o fin de festa.

O martes 19 será a Romaría da Saleta.

Ademáis haberá diversas actividades deportivas, como concentración de Coches Clásicos, concurso de chave, artes marciais, etc…