O outro día non sabía se estaba nun profundo soño cando escoitaba pola radio á concellerira de Benestar Social, Igualdade e Saúde, e non sei cantas milongas máis. Co máis agarimoso respeto a esta señora non saía do meu estupor cando a escoitaba decir con voz solemne que ela e mailo concelleiro de educación tiveran a feliz idea de organizar unha reunión co "mundo do profesorado" co "mundo dos pais dos alumnos" e cos mundos de Yupi pra facer unha comparativa da educación de antes e a de agora. Acaso non se entera esta concelleira que dende o ámbito local non ten, nin competencias en educación, nin competencias en sanidade, que as opinións desta perda de tempo son un brindis o sol, que ten competencias abandoadas que sería mellor que se ocupase delas, como compensar os colectivos menos favorecidos, como fomentar a igualdade entre homes e mulleres, com fomentar a igualdade entre calquer persoa sea cal sexa a súa condición ou circunstancia persoal ou social (e por suposto non entender por igualdade aquelo que todos somos iguais pero uns máis iguais que outros, como fillos de alcaldes veciños encaixados por portas xiratorias...)
E mentras tanto nada da RPT, nada da Residencia de Tempo Libre, nada de nada de desenvolver orzamentos que se axusten as necesidades reais dun concello que pouco a pouco esmorece porque ademais da crise sofre de unha casta política cada vez máis instalada nos mundos de Yupi, nos mundos da vacuidade, nos mundos da perpétua hipocresía e dunha patoloxía crónica de excusar a propia incapacidade coa fotografía e con verbas moi rimbombantes pero carentes de vontade e de espíritu.
A conselleira de Infraestruturas e Vivenda, Ethel Vázquez, xunto co secretario xeral técnico, Joaquín Macho, mantivo unha reunión de traballo co alcalde do Carballiño, Francisco Fumega, e representantes dos distintos grupos políticos municipais, na que lles trasladou que a ordenación do transporte público que se porá en marcha o vindeiro ano beneficiará á mobilidade dos veciños desta comarca.
Vázquez Mourelle agradeceu a implicación e colaboración dos representantes deste municipio para levar a cabo as accións necesarias para optimizar os servizos de transporte na zona, o que suporá o incremento da calidade de vida dos cidadáns.
A titular de Infraestruturas lembrou que o Goberno galego xa iniciou os estudos que definirán o novo mapa de transporte que se comezará a implantar en agosto de 2017, onde unha das zonas obxecto destas avaliacións é a do Carballiño.
Precisou que para mellorar a cobertura no rural serán fundamentais os servizos baixo demanda, coa fin de levar o transporte a onde faga falta e á hora que faga falta mediante unha reserva feita con anterioridade.
Para todos estes supostos empregaranse diferentes tipos de vehículos, aproveitando o máis adecuado en cada caso (autocar, microbús, taxi, transporte escolar...). Con esta reorganización do transporte público na comarca optimizaranse os servizos entre os concellos e os distintos núcleos dos mesmos, pero tamén os desprazamentos a cidades como Ourense ou Santiago.
Ethel Vázquez tamén lle indicou aos citados representantes municipais que no caso de que exista algún incumprimento dos servizos por parte das concesionarias, deben trasladarlle este feito á Xunta para que proceda á correspondente inspección e sanción, se se considera oportuno.
A conselleira manifestou o seu compromiso a avaliar as posibles modificacións nos horarios das liñas de autobús coa fin de facilitar a súa coordinación coas frecuencias de ferrocarril.
Vázquez tamén se comprometeu a analizar as distintas opcións que se poden acometer para conectar as estacións de tren e autobús, potenciando así unha intermodalidade que ampliaría as posibilidades dos veciños á hora de realizar os seus desprazamentos.
A ampliación do servizo de Pediatría a xornada completa no centro de saúde e a necesidade dunha segunda ambulancia para cubrir a carencia comarcal, foron dous dos temas que se trataron durante unha reunión desenvolvida entre a xerente do Centro Hospitalario de Ourense, Eloína Núñez Masid; a directora de procesos asistenciais sen ingreso e xestora da área médica para os centros de saúde, Isabel Gómez, e a concelleira de Benestar Social, Igualdade e Saúde, Marina Ortega.
O encontro, que se levou a cabo no CHOU por iniciativa da concelleira carballiñesa, tiña por obxecto, precisamente, analizar e plantexar unha serie de demandas sobre a sanidade pública no Carballiño.
Entre estas necesidades atópase poder dispoñer da especialidade de Pediatria de 8 da mañá a 9 da noite, e non só pola mañá, como sucede agora. Neste sentido, a xerente do complexo hospitalario de Ourense amosouse receptiva, dada a proporción de poboación infantil do Carballiño así como a necesidade de conciliación da vida familiar e laboral. Por iso, Eloína Núñez dixo que se ía a ter en conta nas próximas listas selectivas para persoal a quenda de tarde no centro de saúde do Carballiño.
Asemade, suxeriu solicitar de xeito formal por escrito unha segunda ambulancia á Fundación Urxencias Sanitarias do 061, motivando a súa necesidade.
Tamén se comentou a previsión de levar a cabo no primeiro trimestre do proximo ano a novedosa proba de cribado que detecta en fases temperás o cancro colorrectal, que é a segunda causa de morte no conxunto de homes e mulleres. Esta proba pioneira no noso país está dirixida á poboación de entre 50 e 69 anos.
Finalmente, cotexáronse datos e concretáronse melloras no tocante ao servizo preventivo de suicidios, que é tamén pioneiro na sanidade publica e exclusivo de Ourense en Galicia, que a convirte na provincia con menor taxa de suicidios da nosa comunidade autónoma.
Ao termo do encontro acordouse manter unha próxima reunión no primeiro trimestre do próximo ano para seguir traballando e avanzar na resolución das demandas e problemas da sanidade no Carballiño.
Resulta cando menos curioso que para inscribirse nunha “carreira solidaria” que organiza o Concello do Carballiño ó Traverso da Concellería de Deportes haxa que recurrir a unha páxina privada de internet. Aínda máis, que unha vez anotados os teus datos de nome, data de nacemento e NIF (*), te vexas na obriga de dispor dunha tarxeta de crédito para abonar o importe (*) de 4 euros máis outro euro máis para o aluger dun chip. É dicir, unha proba benéfica en favor de Cáritas e Cruz Vermella, na que como participante convídaseche a donar alimentos, convértese nun saco de recadación de cartos sen destino coñecido. Sobre todo, tendo en conta o carácter altruista do evento, que unha vez vista a web, favorece o pensamento de que tamén está “externalizado” polas autoridades municipais e que, coma nestes casos, hai que pagar os servizos á empresa correspondente. Finalmente, resulta evidente que os que carecemos de ‘crédito’ non podemos aportar o noso grao de área. Unha mágoa.
A Consellería de Medio Ambiente e Ordenación do Territorio colaborará con 20.000 euros no acondicionamento da marxe dereita do río Avia, no concello de Leiro. Esta aportación económica destinaráse aos gastos da redacción do proxecto.
Así se recolle no convenio asinado hoxe entre a titular deste departamento autonómico, Beatriz Mato, e o alcalde da localidade, Francisco José Fernández, durante unha reunión que tivo lugar en Santiago de Compostela.
O río Avia discorre por este concello ribeirán. Sobre a súa canle, próxima a área recreativa das Poldras e a súa praia fluvial, hai unha pasarela peonil de madeira na ribeira dereita, que está pechada ao paso debido ao deterioro sufrido polo transcurso do tempo.
O obxectivo desta actuación é substituír a pasarela peonil por unha senda fluvial que, discorrendo por esta mesma marxe dereita, dea continuidade ao paseo fluvial, ao tempo que interconecta de xeito máis directo o paseo coa trama urbana do núcleo.
Hoxe tivo lugar en Santiago de Compostela, un acto para a sinatura dos convenios dos GDR 2014-2020. Un acto ao que estaban convocados, os Gobernos Municipais de todolos Concellos que participan, entre eles o de Maside, que terá presencia no GDR 12 (Carballiño-Ribeiro). E para non variar, ningún reprensentante do Goberno municipal acudiu. Como tampouco o fixeron ás reunións previas que houbo en Leiro e as que tamén, foron convocados.
Nin estaban, nin se lles espera. O que non dirán tampouco é que para este novo GDR o Plan Leader concedeu perto de 5.000.000 millóns de Euros, dos cales quizáis, haxa algún veciño de Maside que se queira beneficiar para levar a cabo un proxecto. Mesmo o Concello como tal, pode tamén plantexar algún....pero claro, deixaron pasar por vagancia, o anterior (o GDR9) e pretenden facer o mesmo con este facendo como que non existe! Desta volta...non será así.
De calquera xeito, Goberno de Maside, non vos da vergonza? Ou estades Alcalde e Compañia moi ocupados? en qué non sabemos....
Resulta que en poucos días vaise celebrar na Vila do Carballiño a 8ª Edición da Carreira Solidaria do Arenteiro. Ata ahí, perfecto. Todos solidarios, ata os que corremos pouco podemos facer tan só, 2 kilómetros. O que é de denuncia pública é o método de inscrición. E que naide, nin oposición nin nada, meta o grito no ceo é verdadeiramente cantoso. Resulta que, si te queres inscribir, só o podes facer a través da páxina dunha empresa privada e unicamente pagando con tarxeta!!!!! Vamos, un cachondeo! E os que non temos tarxeta? Os que non queremos usala nesa páxina? o método de pago a través de ventanilla xa non existe? E porqué hai que pagar a unha empresa privada? como garantizan que eses cartos irán despois a organización benéfica a que están destinados? Porque moito piden na páxina, pero iso, NON O ACLARAN. Dame que aquí a Concellalía de Deportes ten algo que agochar, habería saber o qué......
A conselleira de Medio Ambiente e Ordenación do Territorio, Beatriz Mato, mantivo unha xuntanza de traballo co alcalde de San Cristovo de Cea, José Luis Valladares.
No encontro, que tivo lugar en Santiago de Compostela, ambos responsables abordaron as necesidades en materia de saneamento do concello e, máis en concreto, do polígono industrial sito no lugar do Fondo de Cea.
Esta reunión tivo como obxectivo seguir avanzando na posible colaboración de ambas administracións, autonómica e municipal, nesta materia.
Páxinas
- « primeira
- ‹ anterior
- …
- 546
- 547
- 548
- 549
- 550
- 551
- 552
- 553
- 554
- …
- seguinte ›
- última »
