O sinistro ocurriu pasadas 19:30 horas da tarde nas instalacións da pirotecnia Abad, na localidade de Agra, no concello de Leiro.

As víctimas son o propietario de Piroctenia Abad, José Antonio Abad Montaña, a súa esposa Cristina Janeiro e Belén, a noiva do fillo de José Antonio, éste último,de 22 anos de idade, que tamén se encontraba nas instalacións, resultou ileso.

Ao parecer, a explosión produciuse na caseta de mesturas da pirotecnia, na que se encontraban as dúas mulleres, que foron desplazadas unhos 40 metros pola onda expansiva. Da caseta so quedou en pe unha parede.

A terceira víctima, José Antonio, o propietario de pirotecnia Abad, aínda foi encontrado con vida, pero faleceu momentos despois, e no momento da explosión encontrabase ao lado dunha furgoneta da empresa, que resultou completamente destruída.

Veciños da localidade escoitaron dúas explosións, cando chegaron ao lugar encontráronse coa traxedia. Protección Civil acordonou a zona e especialistas en explosivos da Garda Civil realizan unha inspección das instalacións para determinar a causa do accidente.

O suceso causou unha profunda conmoción en Leiro, onde as víctimas eran persoas moi coñecidas, igual que no resto da comarcas do Ribeiro e O Carballiño. José Antonio e a súa esposa residian no Carballiño.

A corporación municipal de Leiro celebrou un pleno convocado con carácter de urxencia ás 11 da noite ao que asistiron os representantes dos 4 grupos políticos da corporación. O alcalde da localidade, Francisco Fernández, propuxo 3 dias de loito oficial no municipio, e expresou as condolencias e solidadaridade da corporación e de todo o pobo de Leiro coas familias das víctimas.

O partido socialista de O Irixo, denuncia "as graves carencias de medios que sofre o concello e que se puxeron de manifesto no día de onte onde os propios veciños e veciñas de O Irixo tiveron,  en algúns casos, que apagar o lume que chegaba as súas casas poñendo en risco incluso as súas vidas. En pobos como Souteliño, Matelo ou Vilame na parroquia de Corneda, ou en parroquias como a de Readegos, onde o lume aínda segue activo nestes intres, chegou a carón das casas e foron os propios veciños, cos seus propios medios, os que tiveron que evitar que o lume alcanzase as súas casas", subliñan.

O certo e que a día de hoxe - remarca o PSdeG- está sen publicar a “Convocatoria de selección de persoal laboral temporal para brigada de prevención y extinción de incendios 2015”, convocatoria que depende dunha subvención da Xunta e que debería convocarse antes da chegada do verán; é moi grave que metidos de cheo no verán os concellos, e en concreto o de O Irixo, estea sen brigada e os seus veciños e veciñas desprotexidos desta maneira.

Relatan os socialistas como "O Irixo, cunha extensión de 121 km2, un dos máis extensos da provincia de Ourense, e con máis dun millón de euros de presuposto non inviste nin ten medios de extinción propios, cercanos e inmediatos que protexan os pobos, a vida das persoas e as súas casas. É lamentable que se gasten máis de 30 mil euros en material non inventariable de oficina e máis de 200 mil en arranxar tellados de capelas, pero non se invista un euro en garantir a seguridade dos pobos, dos veciños e veciñas de O Irixo, e as súas vivendas".

Os socialistas propoñen  ó Concello e o seu alcalde (que cando volte das vacacións) se poña a traballar de verdade polos veciños e veciñas do Irixo e invista no verdadeiramente importante, as persoas, polo que presentaremos un moción na que propoñemos as seguintes medidas urxentes:

1º. Establecer un perímetro de seguridade en tódolos pobos do concello onde a maquinaria do concello (tractor, desbrozadora e pala mixta) deben, antes do comezo do verán e durante o mesmo, manter limpo dito perímetro.

2º. O Irixo, dado a súa extensión e as súas características, debe dotarse dunha motobomba de extinción de incendios con base no propio concello para o seu manexo dende xuño a setembro.

3º. O concello debe ter operativa unha brigada de prevención y extinción de incendios dende o inicio do verán, ou incluso antes se as temperaturas son elevadas, e non estar esperando as subvencións da Xunta que chegan tódolos anos tarde.

4º. Instalar en cada pobo bocas de incendios conectadas ós depósitos de auga, dotando os veciños e veciñas dos pobos de mangueiras ó efecto para que poidan usalas en caso de necesidade, como xa ten algún pobo como Marnotes, na parroquia de Campo, costeadas polos seus propios veciños e veciñas.

5º. Deben limparse e recuperarse os tanques e pantanos de regadío de tódalas parroquias para a extinción de incendios, como o pantano do ferrocarril no monte de San Cosme hoxe en día totalmente abandonado.

O incendio partíu de ata oito focos distintos, todos eles no entorno da vía do tren da liña férrea ao seu paso polos concellos de Boborás e O Irixo, nunha distancia dunhos seis kilómetros.

Según o testemuño de varios veciños, os lumes orixinaronse a primeira hora da tarde, tralo paso dun tren. Tecnicos do ADIF trasladaronse ata a zona para avaliar o acontecido e elaborar un informe.

Veciños de Xurenzás aseguran que ao paso do tren escoitaron un ruído "que non era o de todos os dias, e despois pudo verse que había fume nalgunhas zonas da via".

Medios aéreos e terrestres da consellería do medio rural e veciños das localidades próximas traballaron na extinción dos lumes no transcurso da xornada.Vivironse momentos de bastante tensión e escoitaronse queixas sobre os medios desplazados, por consideralos insuficientes.

Según a información facilitada pola Xunta de Galicia formaron parte do operativo de extinción 9 brigadas, 4 axentes, 5 motobombas, 1 pa, 3 helicópteros e 2 hidoravións. Pola noite, incorporaronse efectivos da Unidade Militar de Emerxencias.

As parroquias de Reádegos e Corneda, no Irixo, e outras localidades do concello de Boborás, como as de Balboa, O Penedo ou Xurenzás, foron as máis afectadas polo incendio, que arrasou unha importante extensión de monte, entre o que está o comunal de Xurenzás.

O alcalde Francisco Fumega comprometíase diante das traballadoras da residencia de Tempo Libre a dinamizar estas instalacións para chegar a telas abertas durante todo o ano, tal e como veñen reclamando estas traballadoras dende hai anos.

O rexedor municipal, xunto co concelleiro Afolfo Nogueira, mantiveron  unha reunión "para coñecer o estado actual das quendas da citada residencia, e sobre todo para confirmarlle ás traballadoras a intención de iniciar xa as xestións diante da Xunta de Galicia, e máis en cocreto na Consellaría de Traballo e Benestar, organismo que dirixe esas dependencias, así como encargado de marcar as quendas de apertura destas", según informan desde o concello.

De feito -aseguran- xa se iniciaron as conversas para acordar unha reunión cos responsables da Residencia de Tempo Libre “xa que etendemos que non podemos deixar pasar nin un minuto máis neste asunto”.

Fumega destacaba o interese do actual grupo de goberno en poñer en valor este tipo de infraestruturas para que, ademais de ofrecer unha establidade laboral as traballadoras , tamén é un aliciente e un punto de atracción para o turismo “e isto debe ser durante todo o ano, non só en fases estacionais”.

Tanto Adolfo Nogueira como Francisco Fumega sinalaban o “importante motor que esta residencia de tempo libre pode ser para a economía local, xa que a súa apertura durante todo o ano beneficiaría a sectores tan importantes no Carballiño como o comercio e a hostalaria, creando un flujo de clientela que neste intre estase a desaprobeitar por ter esas instalacións pechadas”

Así mesmo os gobernantes municipais tamén teñen "a intención de facer unha xestión indirecta desas dependencias, sobre todo no capítulo de información e publicidade da residencia, para que todo o mundo poida coñecer a súa existencia, así como as oportunidades que ofrece, non só para o turismo, senón tamén para a organización de eventos congresuais e de todo tipo", manifestan.

Na actualidade na residencia de Tempo Libre do Carballiño traballan unhas 26 persoas, e durante o presente ano estiveron abertas ó público estas instalacións un mes, en días e semanas soltas, e agora están abertas dende mediados de maio ata mediados do mes de outubro. En total serían 6 meses neste 2015, a espera de saber cales serán as quendas de apertura no mes de decembro e Nadal.

Tras varios dias de negociacións, o club consigue o obxetivo de dar continuidade na plantilla a todos os xogadores que pretendía tanto a directiva como o novo adestrador Jorge Regal. Ademáis, xa están cerradas catro incorporacións que chegan para reforzar a plantilla para a vindeira tempada, na que o Arenteiro pretende mellorar o feito este pasado exercicio na Preferente Autonómica e repetir o éxito da Copa.

Por diversos motivos, de índole personal ou por decisión técnica causan baixa no club Brais, Quiroga, Choco, Marcos Nieto, Carlos Escudero e Manu. Tampouco seguirá o preparador físico Oscar Martinez, que a pasada tempada acompañou a Miki López nas responsabilidades técnicas.

O Club confirma a continuidade para a vindeira tempada de Pachi, Dani Arbo, Ocampo, Lois, Pana, Dafonte, Dani Vázquez, Martín Pérez, Victor Gallego, Bardelás, Marcos Sotelo, Sanginés e Gele.

Tamén seguirá no club Diego López, aínda que no seu caso será iniciando unha nova etapa, como adestrador físico e axudante de Regal.

As novas incorporacións para a vindeira tempada, xa confirmadas, son o carballiñés Marcos Castro, que regresa ao Arenteiro tras xogar esta pasada tempada no Céltiga. Do Barbadás chega o defensa Vilachá, e do Estudiantil o centrocampista Marc. Para reforzar a dianteira, o Arenteiro fíxose cos servizos de Vitti, procedente do AlertaNavia vigúes, co que marcou esta pasada tempada 21 goles, sendo o terceiro máximo goleador da Preferente. O Club tamén ven de confirmar a fichaxe do gardameta monfortino Marcos Macía, que chega procedente do Club Lemos. A última incorporación ao equipo é a do defensa central Maxi, que procede do CD Allariz.

Sobre o exalcalde pesaba un presunto delito por prevaricación e tráfico de influencias, en relación á contratación dos traballos de desbroce no ámbito rural feita polo alcalde a unha empresa local.

Un auto do Xulgado nº 1 do Carballiño decreta o sobreseimento provisional das actuacións abertas pola xuíza Pilar de Lara no marco da chamada operación Pokémon.

Para ver o comunicado de prensa do Partido Popular prema no arquivo adxunto:

O pleno de organización do novo mandato municipal no concello de Boborás aprobou as propostas do alcalde Cipriano Caamaño e do propio Partido Popular que outorgan as maiores responsabilidades do goberno municipal á concelleira Patricia Torres.

Ademáis de exerecer como portavoz do goberno municipal, a concelleira será a única con dedicación exclusiva, cunha retribución de 16.670 euros brutos anuais.

Patricia Torres tamén foi designada como tesoureira do concello de Boborás, e representante municipal en diversas entidades e órganos colexiados nos que está representado o concello de Boborás.

O pleno tamén aprobou, cos votos en contra da oposición, a periocidade das sesións ordinarias, quedando fixadas para o derradeiro xoves dos meses de Marzo, Xuño, Setembro e Decembro, en horario das oito e media da mañá.

As obras consistiron na construcción dun camiño peonil de pedra rústica, desde a antiga piscifactoria ata o entorno desta fonte de auga minero-medicinal, propiedade do pobo de Arcos.

A actuación, que representou un investimento de 50.000 euros, foi executada pola empresa PROYECON, e incluíu tamén a colocación de novas bancadas de pedra na zona.

Esta obra enmarcouse dentro do programa de desenvolvemento termal que promove a Deputación Provincial, e foi xestionada polo anterior grupo de goberno do Partido Popular no concello carballiñés.

A partir de setembro estará á fronte de "Herrera en COPE", de luns a venres, de 6.00 a 12.00 h. O xornalista pasa a formar parte do equipo de comunicadores do Grupo COPE ata 2018.

"Volvo a unha emisora que mo deu todo. Volvo comprometido coa información e o entretemento. Pensando no oínte. Estea onde estea. Escóiteme, véxame ou léame dende calquera soporte". Así resume a súa fichaxe quen será a partir do 1 de setembro o novo condutor das mañás de COPE. Carlos Herrera súmase ao equipo de comunicadores do Grupo para os próximos tres anos, ampliables. O locutor mellor valorado no medio radiofónico regresa 20 anos despois á que foi a súa antena con "Herrera en COPE", un matinal de luns a venres, de 6.00 a 12.00 h co que o Grupo se marca como obxectivo liderar a radio en España.

En opinión do Presidente e Conselleiro Delegado do Grupo COPE, Fernando Giménez Barriocanal, "a incorporación de Carlos Herrera forma parte dun conxunto de decisións estratéxicas que dende hai un tempo puxemos en marcha". Para Giménez Barriocanal, "esta fichaxe reforza os tres piares nos que se sustenta a oferta de radio moderna de COPE en todos as plataformas: ofrecer a mellor información, o mellor entretemento e os contidos deportivos máis actuais cos mellores comunicadores".

Durante a próxima tempada, Herrera inaugurará unha nova etapa na radio española e en COPE, con 6 horas diarias de antena, con novas voces, novas análises e novas miradas. Todo sen que se lle esquecen os millóns de fósforos que a diario o teñen como un referente.

O delegado territorial da Xunta en Ourense, Rogelio Martínez, participou  na presentación da guía fotográfica "Carballiño - O Ribeiro. Baixo outra mirada" no Centro Cultural Marcos Valcárcel da Deputación ourensá. Esta guía, promovida pola Grupo de Desenvolvemento Rural Carballiño-O Ribeiro (GDR9), está composta por fotografías feitas polos membros da Asociación fotográfica carballinesa “O Potiños”.

O GDR9, en colaboración coa Axencia Galega de Desenvolvemento Rural (Agader), xestiona o plan Leader para os 19 concellos pertencentes ás comarcas do Carballiño e O Ribeiro. A través deste programa investiuse nestes municipios 2.050.000 euros destinados a máis dun centenar de solicitudes que supuxeron un investimento global de case 5.300.000 euros. A boa xestión do plan Leader por parte deste grupo de desenvolvemento rural fai posible que o GDR9 sexa considerado o mellor grupo e o máis activo da provincia ourensá e o sétimo dos 31 que existen en toda Galicia.

Na súa intervención, Rogelio Martínez fixo especial fincapé no valor turístico que presentan dous grandes recursos diferenciadores cos que contan as comarcas do Carballiño e O Ribeiro, como son o sector termal e o sector do viño. Por este motivo, gran parte das subvencións promovidas polo plan Leader no territorio do GDR9 teñen como obxectivos a potenciación e posicionamento do sector termal cara a súa optimización turística, a valorización do sector vitivinícola como base da xeración de riqueza e o apoio ao enoturismo.

A nivel provincial, o programa Leader permitiu desenvolver nesta provincia a través dos GDRs máis de 300 proxectos que supuxeron a consolidación de 669 postos de traballo e a creación de 190, cun investimento global de case 30 millóns de euros. O obxectivo é frear a despoboación rural aportando fondos cos que ofrecer alternativas económicas e creando novas zonas de desenvolvemento nesas rexións.

O enfoque Léader persegue unha aplicación do desenvolvemento rural baseado principalmente na participación da propia poboación do territorio, integrando todos os recursos e actores económicos e humanos que na comarca de actuación existan.

Ao acto de presentación da guía fotográfica asistiron o subdirector de Agader, Javier Blanco; o presidente do GDR9 Carballiño-O Ribeiro e alcalde de Leiro, Francisco José Fernández; e o presidente da Asociación Fotográfica “O Potiños”, Manuel Blanco.

Os membros de “O Potiños” cederon unhas mil fotografías para que dende o GDR9 escolleran as que máis se axustaban aos seus parámetros no intento de ofrecer unha nova visión do entorno paisaxístico das comarcas do Carballiño e O Ribeiro.