Preme na ligazón para ver o visor de cada concello:
https://mapas.xunta.gal/visores/faixas/

O salón de actos do IES Chamoso Lamas acolleu esta mañá unha homenaxe a Miguel García, profesor xubilado do centro, polos seus 40 anos de traballo nesta estación meteorolóxica.

Neste acto, ademáis de alumnado e público que acudíu expresamente par estar presentes, participaron o alcalde Francisco Fumega, o director do centro Aurelio Rodríguez e o inspector xefe de Eduaicón, Amancio Nóvoa. Todos coincidiron en salientar a impontancia que ten este servizo meteorolóxico de gran utilidade para O Carballiño e comarca, polo que o homenaxeado Miguel García recibíu fai unhos anos o Premio Nacional de Meteoroloxía, recordaron.

O Director do IES M. Chamoso Lamas J. Aurelio Rodríguez, que salientou o esforzo e dedicación que tivo e ten ao longo destes anos o profesor Miguel para seguir mantendo o seu funcionamento e a recollida de datos diarios, así como o beneficio social que ten a existencia dunha estación meteorolóxica na comarca.

O Inspector Xefe de Educación, Amancio Nóvoa trasladou en nome da Delegación de educación os parabéns  e tamén os beneficios que tivo como proxecto para o alumnado do centro.

Pola súa banda, o alcalde do Carballiño,  Francisco Fumega gabou  toda a traxectoria de Miguel A. García, no estudio da climatoloxía do Concello, sendo das series climáticas mais completas a día de hoxe.

 Miguel A. García, agradeceu a homenaxe e fixo un pequeno percorrido da traxectoria da estación, incidindo na importancia que lle dan aos datos que nela se teñen rexistrados, xa que son dos poucos nas que as condicións nas que se atopa a estación, apenas variaron co que as modificacións son exclusivamente producidas polos propios efectos do clima.

Finalmente o acto rematou na propia estación meteorolóxica na que se puxo unha placa conmemorativa que da nome á estación como estación meteorolóxica Miguel A. García Pérez

A conselleira de Política Social e Igualdade, Fabiola García, mantivo unha reunión de traballo coa alcaldesa de Boborás, Patricia Torres, na que repasaron a oferta de servizos sociais do concello e abordaron posibles melloras.

A Xunta promove no concello de Boborás o funcionamento de tres casas do maior e, nos últimos anos, financiou a construción dun parque infantil, a instalación dunha cuberta e a mellora da eficiencia enerxética do Punto de Atención á Infancia (PAI).

O director xeral de Comercio e Consumo, Gabriel Alén, asistiu no Carballiño a un obradoiro de alumnado de 3º e 4º da ESO co gallo da campaña da Xunta Quere o teu mercado, motivada polo Día do Mercado que se celebra mañá. En concreto, tivo lugar unha exposición de debuxos de produtos que se poden mercar nas prazas de abastos para dar mostra da variedade e riqueza destes espazos.

Na Praza de Abastos carballiñesa, o director xeral puxo en valor iniciativas coma esta que buscan concienciar ás novas xeracións sobre a importancia dos mercados de Galicia, co obxectivo de incentivar o consumo de produtos frescos e a compra de proximidade. Tamén co afán de destacar a profesionalidade e bo facer das praceiras e praceiros, así como o seu papel na dinamización e desenvolvemento local.

A este acto no mercado municipal carballiñés tamén acudiron o concelleiro de comercio Manolo Dacal e outros representantes da corporación carballiñesa, asi como Noelia Mares en representación do Carballiño Centro Comercial Aberto.

As "II Xornadas pola Ciencia no Carballiño" desenvolveránse con diversas actividades nos dous institutos carballñeses, no IES nº 1 e o Chamoso Lamas, desde o 27 ao 31 deste mes de maio no que andamos.

Ademáis, o venres 31 - dia de feira no Carballiño- a Praza Maior acollerá de 17 a 20 horas a "Feira Científica" na que o alumnado vai expoñer ao público en xeral inventos, proxectos, xogos e experimentos científicos, interactuando co público.

Se abres o arquivo adxunto podes ver a programación completa:

Aquí tes o PODCAST da Tertulia de COPE O Carballiño emitida o dia 24 de maio de 2024, e na que participan Maria Luisa Rodríguez, Fátima Gómez, Sebas Lamazares e Manuel Nogueira.

A Xunta adxudica por 3,7 M€ as obras da renovación extraordinaria do firme da autovía autonómica Dozón-Ourense (AG-53), entre o enlace de Cea e a A-52.

O contrato, adxudicado á UTE Civis Global-Covsa, asinarase nas vindeiras semanas e os traballos comezarán previsiblemente no próximo mes de xullo.

Esta actuación centrarase na reparación do pavimento existente e o estendido dunha nova capa de rodaxe sobre toda a superficie de calzada do treito de 13 km entre o enlace de Cea, no quilómetro 74+200, e o final da autovía, no enlace coa estrada autonómica OU-402 e a A-52, no punto 87+200.

As obras, que contarán cun prazo de execución de 4 meses, executaranse neste treito da autovía, de dobre calzada con 2 carrís de 3,5 metros, beiravías exteriores de 2,5 metros e beiravías interiores de 1 metro.

Os traballos incluirán intervencións nunha superficie aproximada de 273.000 m2, incluídos os ramais do enlace coa OU-402 e coa A-52, ademais duns 10.000 m2 en carrís adicionais.

O adxudicatario deste contrato tamén deberá revisar a adecuación das barreiras de seguridade á normativa vixente, tanto metálicas como de formigón, incluída a barreira existente na mediana, acometéndose as modificacións precisas para a súa adaptación en caso contrario.

Finalmente os traballos completaranse co repintado das marcas viarias e a reposición do balizamento afectado polas obras.

O Grupo Provincial Socialista insta á Deputación de Ourense á posta en marcha dun plan propio de axudas destinadas a concellos de menos de 20.000 habitantes para a rehabilitación de vivendas para o seu ulterior aluguer ou uso social. “Esta achega servirá de complemento aos diferentes plans estatais e autonómicos en liza, que tan só cobren unha parte do orzamento das obras para a adecuación de inmobles, non pudendo moitos dos nosos concellos afrontar as rehabilitacións ao non poder asumir o resto dos custos”, explica o voceiro socialista Álvaro Vila. Os socialistas cuantifican o plan en 1.820.000€, a recoller no orzamento para o ano 2025, dos cales correspondería unha axuda anual de 20.000€ para cada un dos 91 concellos da provincia. Segundo Vila, “se logramos que se aprobe a nosa moción, cada ano teríamos 91 novas vivendas dispoñibles na provincia para aluguer e uso social”.

“Xerar vivenda de aluguer en medio rural ten amosado ser un mecanismo efectivo para fixar poboación e que reabran outros servizos nestas entornas”, afirmou o deputado socialista durante a presentación da iniciativa diante dunha casa recentemente rehabilitada e dispoñible para aluguer social no concello de Taboadela, onde Vila é alcalde. Para este, “a fin última destas axudas é fomentar a implantación de xente no territorio a través da posta en valor e rehabilitación do parque de edificios e vivendas nas zonas rurais, que son as máis afectadas polo andazo do despoboamento”. Datos do INE revelan que arredor do 90% dos concellos ourensáns teñen actualmente menos habitantes que no 1900, encabezando o retroceso demográfico as zonas montañosas A provincia achegábase ao medio millón de ourensáns en 1960, superando actualmente apenas os 300.000 habitantes.

Rehabilitación contra o despoboamento

“O despoboamento é xa un mal endémico na nosa provincia, erixíndose nunha das principais ameazas de cara ao futuro, polo que é urxente adoptar medidas para poñerlle freo”, estima Vila. Neste senso, o parque de vivendas da provincia de Ourense é un dos máis envellecidos de Galicia, cunha media de 45 anos de antigüidade dos inmobles, segundo datos do Instituto Galego de Estatística (IGE). Segundo esta fonte, un total de 34.603 vivendas están baleiras, correspondéndose a meirande parte destas a construcións de máis de 50 anos de antigüidade. Desde o Colexio de Arquitectos de Ourense consideran que a nosa provincia é unha das que ten un maior número de vivendas baleiras en toda España, representando arredor dun 22% do total do parque inmobiliario. Mentres, estimacións da Federación Galega de Empresas Inmobiliarias (Fegein) sitúan a porcentaxe de vivendas en mal estado na provincia por riba do 26%.

Os profesionais da arquitectura consideran que o nivel de envellecemento dunha vivenda non debe ser preocupante, sendo a vida media dun inmoble dun século, se ben é preciso desenvolver tarefas de mantemento para evitar o deterioro e garantir a seguridade. Expertos estiman que a estratexia de futuro para a sustentabilidade non pasa pola mera construción de novos inmobles, senón que tamén pasa por rehabilitar vivendas. O voceiro do grupo provincial socialista sostén que “nas zonas rurais a carencia de vivendas cunhas mínimas condicións de habitabilidade é un factor que acentúa as dinámicas de despoboamento”. “A rehabilitación entóxase unha valiosa ferramenta para aumentar a oferta de vivenda e atraer novos veciños, sendo a obriga da política, e neste caso da Deputación de Ourense, o exercicio responsable dun rol facilitador e dinamizador a través dos nosos concellos”, sentenza Vila.