A corporación municipal de Boborás celebrou un pleno extraordinario no que resultou  aprobado por maioría a adxudicación do contrato de cesión de explotación de catro inmobles en Pazos de Arenteiro para turismo rural, que recau no proxecto “Aldea Rural de Pazos de Arenteiro” presentado por Ramiro Fernández Padín, quen acadou a máxima puntuación na mesa de contratación con 55 puntos.

Este punto foi aprobado por maioría cos votos a favor do Partido Popular, a abstención do Bloque Nacionalista Galego e o voto en contra de MoveBoborás, alegando o concelleiro José Benito Trigás que xa no mes de decembro de 2013  pedían que unha das casas fora destinada para local social e as demáis para persoas con poucos recursos e precisou que o con esto “só haimáis cartos enterrados e tirados en Pazos de Arenteiro”.

Por outra banda, tamén se aprobou por maioría, cos votos do PP e as abstencións do BNG e MoveBoborás, o Plan de Emerxencia Municipal ante o Risco de Inundacións por rotura da presa de Albarellos. No mesmoinclúeseun prótocolo de actuación no caso de que houbera un accidente na mesma, sendo as localidades de Salón na súa parte baixa e O Igrexario en Pazos de Arenteiro as afectadas.Dende o concello aclaran aos veciñose  "que non hai lugar para a alarma, posto que non hai ningún risco e este é un mero trámite que se lle está esixindo a todos os municipios que contan cunha presa ou que transcorren polas concas dos ríos afectados como no caso de Leiro e Ribadavia".

Tamén se levou a pleno os estatutos da asociación Camiño Miñoto Ribeiro que conforman 14 concellos, entre os que se inclúe o de Boborás, e  que presidirá o alcalde de Cortegada. Coa asociación ponse en valor este camiño e promoverase a sua sinalización, ao estar considerada unha das rutas antigas do camiño Xacobeo que comunicaban Portugal con Santiago de Compostela.

E finalmente, tamén saiuadiante cos votos do PP e as abstencións de BNG e MoveBoborás a moción que  presentaron os populares para modificar a ordenanza que regula as axudas por nacemento. Cos cambios, auméntanse o límite de ingreso das familias que poden optar a mesma pasando dos 9000 euros netos aos 11519 euros. Tamén se incrementa a contía do pago inicial dos 250 aos 500 euros e a mensual que pasa  dos 25 euros aos 50 euros, sendo esta última durante un periodo de tres anos e non de dous como ata o de agora.

Este luns, día 15 de Decembro, a planta de Cepsa Comercial Petróleo, situada no concello de Maside, realizará unha proba de son da serea incluída no seu Plan de Emerxencia Exterior (PEE) que servirá para avaliar o seu correcto funcionamento e así dar a coñecer o seu son aos cidadáns.

Co obxecto de verificar este funcionamento, realizarase medicións con sonómetros en diversos puntos do perímetro e así poder confirmar os resultados obtidos nos modelos matemáticos. Así mesmo, esta proba servirá para que os veciños da zona se sigan familiarizando co son desta serea e recordarlles que, no caso que a escoiten nalgunha ocasión, deben confinarse nas súas vivendas e esperar as instrucións dos responsables de protección civil.

Está será a segunda vez na que os veciños escoiten este son, pois por mor do simulacro realizado no pasado mes de xuño, no que participaron os todos os grupos operativos, tamén activáronse.

A Xunta de Galicia, coa colaboración do concello, procedeu estes días a un reparto de notas informativas entre os veciños que avisan de que se trata soamente dunha proba da serea. “Máis alá dos sinais acústicos e dunha maior presenza dos servizos de comprobación na zona de Piñeiro e A Touza, a actividade dos veciños non se verá afectada en absoluto e poderán continuar coa súa rutina”, explícase nestas notas informativas.

Aposta pola prevención
Desde a Xunta quérese destacar a importancia da aposta pola prevención, como mellor ferramenta de resposta ante as posibles emerxencias, liña na que se enmarcan os plans de emerxencia exterior elaborados polo Goberno galego.

Os PEE teñen como obxectivo determinar os posibles riscos das instalacións industriais e ter preparada a resposta adecuada para minimizar as consecuencias en caso de producirse un accidente. Establecen as medidas de protección idóneas, os recursos humanos e materiais necesarios para a súa aplicación e o esquema de coordinación das autoridades, organismos e servizos que podan intervir.

Unha vez redactados pola Dirección Xeral de Emerxencias e Interior, os PEE son validados pola Comisión Galega de Protección Civil, posteriormente aprobados polo Consello da Xunta e, finalmente, homologados pola Comisión Nacional de Protección Civil.

Terceiro cinto de seguridade
De tódolos xeitos, hai que lembrar que os plans de emerxencia exteriores representan un “terceiro cinto de seguridade” posto que todas as empresas con risco químico, ademais de cumprir escrupulosamente coa normativa de seguridade industrial a nivel europeo, teñen que estar provista dun Plan de Emerxencias Interior, que é o que regula o protocolo de actuación no caso de se producir unha emerxencia no interior do recinto.

A Espiñedo, que presentaba unha gran entrada de afeccionados, chegaba o potente Lalín, un dos claros favoritos ao ascenso. Esperabao un Arenteiro sen complexos que venceu con todo merecemento, incluso o tanteo pudo ser superior ao seu favor. Os carballiñeses prolongan asi unha magnífica racha de resultados, dous empates e catro victorias nos últimos seis partidos.

CD Arenteiro: Marcos Nieto, Gele, Pana, D.López, D. Arbo, Dafonte, Sanginés (Lois, m. 75), Quiroga (V.Gallego, m.55), Dani Vázquez (Martín Pérez, m.55), Bardelás (Ocampo, m.70) e Marcos Sotelo.

Goles: 

1-0 Minuto 8. No único fallo da tarde do porteiro visitante non acerta a atallar o balón e Diego López marca a placer.

2-0.Minuto 17. Perfecta triangulación do equipo verde que culmina Sanginés.

2-1.Minuto 30. Defectuoso despexe cara atrás de Arbo que aproveita Iker Hurtado adiantandose a Marcos Nieto fai o primeiro do Lalín.

2-2.Minuto 38. Matelo corre a banda dereita e o seu centro medido é  ben rematado por Iker Hurtado.

3-2.Minuto 59. Pase entre liñas de Victor Gallego e Marcos Sotelo engancha un zurdazo que da no poste e entra na porteria visitante.

4-2.Minuto 73. Balón solto na área pequena que Sanginés axusta perfecto ao primeiro pau.

O Partido: Magnífico inicio de partido do Arenteiro superando en todas as líñas do campo ao Lalín, con dous goles en 17 minutos, e tendo a opurtunidade de ampliar a ventaxa no marcador, con media hora de dominio absoluto ante un Lalín superado e desconcertado. Pero en 10 minutos tontos dos verdes os visitantes lograban empatar o partido, logo chegou o descanso e tralo mesmo o Lalín pudo adiantarse nos primeiros compases da segunda parte, a partir de ahí o Arenteiro volveu ser o dono e señor do partido ata o pitido final. O Lalín rematou o partido con 9 xogadores, tras as expulsións de Dani Méndez e Matelo, mentres que no Arenteiro via cartón vermello o adestrador Miki López.

Os socialisas califican como "inaturable" a situación que afecta ás traballadoras, xa que "a dia de hoxe" aínda non recibiron o seu salario,  manifestan tamén que "a excusa da empresa é que non se lles pode pagar a nómina porque aínda non coibraron o pago correspondente por parte do concello".

O contrato que mantiña o concello coa empresa GALAUREA venceu o pasado dia 5 deste mes de decembro, aínda que tal como manifestara o alcalde do Carballiño, a empresa está obrigada por contrato a seguir xestionando o servizo ata que se resolva unha próxima adxudicación por parte do concello.

Precisamente, ese é outro dos aspéctos que critican dendo o PSdG "unha vez máis nos atompamos cun novo incumprimento do señor Marnotes, e pasados xa uns cantos días, seguimos sen ter noticias da redacción do novo prego de condicións nin de que vai acontecer co servizo privatizado", subliñan.

Esixen ao goberno de Marnotes "que remate dunha vez con esta situación surrealista e dolorosa, que non nos obrigue a costear entre todos os seus pulsos xudiciais, que se rinda definitivamente á evidencia de que se equivocou de empresa, como xa se equivocou dende un inicio ao privatizar o servizo e resolva, como non adoita facer, rápido e eficientemente este tema e asuma a súa responsabilidade sobre o servizo municipal de dependencia".

"Non entendemos cales poden ser as razóns do alcalde e mais da Concelleira de Benestar para seguir prolongando no tempo esta agonía, supoñemos que as mesmas que os levaron a defender o indefendible durante un ano, a pesares das denuncias de traballadoras, sindicatos, PSdeG-PSOE e mesmo das sentencias xudiciais que evidenciaron o nefasto deste acordo", remarcan dende o grupo municipal socialista no concello do Carballiño.

A partir de agora os afeccionados de Club Deportivo Arenteiro terán información en tempo real dos partidos que xogue o primeiro equipo. Para elo tan so terán que instalar unha descarga gratuíta da app gooligans no teléfono móbil, e tamén noutros dispositivos como tabletas ou ordenadores.

Desta maneira, os seguidores do Arenteiro, alá onde se encontren, recibirán en tempo real información dos goles e das principais incidencias de cada partido.

Club Deportivo Arenteiro é o primeiro club de fútbol da provincia de Ourense e o terceiro de Galicia que implanta este moderno sistema de información, que xa está dispoñible.

Asi se acordou no transcurso dunha reunión celebrada no Casino do Carballiño que fora convocada pola CIG. A Plataforma nace, fundamentalmente, co obxetivo de reivindicar a xestión pública da Residencia de Maiores do Carballiño, e ao máximo da súa capacidade, prevista para 118 prazas.

A Xunta mantén, a dia de hoxe, pendiente a resolución da licitación da xestión deste servizo asistencial, que contempla a creación de 20 prazas para persoas dependentes durante o ano 2015, unha oferta sensiblemente inferior á capacidade das instalacións.

Nesta reunión tamén se acordou a solicitude dunha entrevista coa conselleira de Traballo e Benestar, Beatriz Mato, asi como a convocatoria dunha nova reunión aberta a toda a cidadanía e o movemento social carballiñés, que terá lugar o vindeiro dia 18 de Decembro ás 8 da tarde na Casa da Cultura.

O PSdeG critica que a mensaxe de felicitación das festas do Nadal visible na fachada do Concello do Carballiño estea escrita só en castelán e non en galego, "xa que isto fai un fraco favor á nosa lingua nun momento no que as estatísticas apuntan a un descenso do uso do galego na poboación".

Segundo os datos do Instituto Galego de Estatística (IGE), a porcentaxe de nenos que nunca falan galego en Galicia incrementouse en 18 puntos nos últimos cinco anos, aumentando tamén o número de adultos que só falan en castelán, xa que hai un 26% de persoas que viven totalmente de costas ao galego fronte ao 20% de 2008.

"É unha obriga por tanto que as institucións públicas fomenten o uso do galego empregando esta lingua nas súas comunicacións, e máis se é e en algo tan visible como a mensaxe luminosa do Nadal na fachada do Concello", manifestan dende o grupo municipal socialista.

Finalmente, esixen "ao goberno de Marnotes que amose sensibilidade coa lingua galega, e á responsable de Política Lingüística que traballe para a súa promoción, algo que non están a facer, xa que nin a propia concelleira usa normalmente o galego, nin as notas de prensa do Concello se escriben en galego".

Tamén A Mesa Pola Normalización Lingüística remitíu aos medios un comunicado crítico por este feito, aínda que posteriormente afirman que "de sabios é rectificar" ao confirmarse que o luminoso da polémica foi retirado do balcón da casa do concello.

Incontestable victoria dos verdes na súa visita ao campo da Unión Deportiva Atios, no Porriño, onde Club Deportivo Arenteiro fixo un partido moi completo, soberbio na zona de cobertura, traendose os tres puntos para O Carballiño. Con éste, son cinco os partidos consecutivos do Arenteiro sen perder na liga de Preferente, dous empates e tres victorias, unha boa dinámica para recibir o domingo en Espiñedo ao potente Lalín.

C.D.Arenteiro: Marcos Nieto, Gele, Pana (Lois m. 68), D. López, D. Arbo, Dafonte, Bardelás (Alex Santiago m.76), D. Váquez,  Sanginés, Quiroga (V. Gallego, m.64),  e M. Sotelo (Canexón, m.74).

Goles: 

0-1. Minuto 6. Falta ao borde da área que executa con gran potencia D. Arbo, o balón toca en D. Vázquez e cólase dentro da porteria local.

0-2. Minuto 22. Bardelás rouba un baón no medio campo que envia sobre Quiroga, éste prolonga de cabeza cara Sanginés que chega como unha exhalación para plantarse ante o meta local ao que bate cun perfecto chut raso e axustado o segundo pau.

O Partido: De claro cor verde, dende o minuto 1 ao 98, anulando ao Atios no seu propio campo, os locais non poideron sacudirse a presión dos xogadores verdes, noutro encontro pleno de actitude e intensidade, e desta vez, soberbio en defensa, conseguindo que os bos xogadores que ten o Atios, incluido o seu goleador, o ex CD Ourense Jorge Fernández, pasaran hoxe practicante desapercibidos. Xa co 0-2 no marcador Marcos Sotelo e Sanginés, e incluso Arbo no lanzamento dunha falta a piques estiveron de incrementar o marcador a favor do Arenteiro. Pola contra, a única vez que os locais crearon perigo foi, na última xogada da primeira parte nun balón que se colaba pero apareceu unha prodixiosa man de Marcos Nieto para desvialo fora da portería.

Ambos xa superaron a barreira dos 100 anos. Carmen González Filgueira, nacida en Agro de Quinta en 1914 cumpliunos hoxe, e o seu marido Manuel González Crespo, nacido en 1912 en Bouzas de Garabás, xa cumplíu os 102 anos de vida.

A festa de cumpleanos celebrouse na Casa de Maiores de Dacón, onde residen na actualidade, gozando de moi boa saúde para a súa avanzada idade. Probablemente, forman un dos matrimonios máis lonxevos de toda España, entre os dous, suman 202 anos.

Carmen e Manuel contaron no programa "A mañá de Cope O Carballiño" como se coñeceron nunhas festas da Saleta de Cea e cómo se desenvoleu a súa vida, sempre traballando no campo como agricultores, tamén como tiveron tres fillos -un deles falecido aos 13 meses- e un neto. O segredo para tantos anos de vida en común "levarse ben e perdonarse nos fallos".

Tres proxectos de innovación educativa presentados polos docentes do IES Chamoso Lamas foron seleccionados pola Consellería de Educación para este curso 2014-2015 (Plan Proxecta). Un ano máis os alumnos do centro poderán mellorar a súa condición física e realizar prácticas deportivas saudables a través do programa Xogade, desenvolvido polo Departamento de Educación Física  coa colaboración de varios profesores do centro.

Outro grupo de alumnos, neste caso de 3º de ESO participarán no programa Fotografía en Curso, co título “Dándolle vida aos instantes” coa finalidade de achegarse á técnica e linguaxe fotográfica a través de prácticas cos docentes e un taller cun fotógrafo profesional, en colaboración co Centro Galego das Artes da Imaxe.  O traballo que realizaron os alumnos que cursaban 4º de ESO o ano pasado “Na procura da nosa memoria: fotos no tempo” foi premiado como modelo de innovación pola Consellería de Educación e neste momento está exposto na Casa da Cultura de Pontedeume, e poderá ser visto en decembro na Casa do Concello de Piñor, xa que foi escollido para participar no Outono fotográfico. Ao mesmo tempo forma parte dunha exposición colectiva en Barcelona, “Retratos de mayores”, con outros dous centros galegos e cataláns. Ao igual que no curso pasado o IES M. Chamoso Lamas foi o único centro da provincia de Ourense escollido pola Consellería para participar neste programa, no cal foron seleccionados sete proxectos en toda Galicia.

Como novidade con respecto ao curso pasado o centro tamén foi seleccionado para participar no programa Meteoescolas, dirixido a promover o coñecemento do clima no entorno no que se atopa o instituto. Os componentes deste proxecto pretenden manter o espírito co que a estación meteorológica do noso centro foi creada fai 30 anos: a recollida de datos e a utilización dos mesmos e dos conceptos meteorolóxicos como material interdisciplinar. O título deste proxecto e “A estación meteorológica do IES M. Chamoso Lamas: algo máis que un xerador de datos. Un laboratorio para o coñecemento do medio”