Os tres veciños do pobo de Santiso, que foron evacuados, xa regresaron as súas vivendas. O incendio deuse por controlado esta pasada madrugada.

O lume iniciouse, por causas descoñecidas, ás 14,40 horas en montes da parroquia de Reádigos, no concello do Irixo. O operativo desplegado está integrado por 9 brigadas, 3 motobombas, 3 helicopteros e 4 avións, coordenado por 1 técnico e 2 axentes forestais. A superficie afectada é de 57 hectáreas.

A Xunta recorda que está a disposición da cidadanía o teléfono 085, ao que debe chamarse no caso de detectarse lume forestal.

O CPI Terras de Maside do concello  de Maside acolle desde esta semana o proxecto Enredando, artesanía na escola, unha iniciativa impulsada pola Consellería de Economía e Industria a través da Fundación Centro Galego da Artesanía e do Deseño que ten por obxectivo achegar aos máis novos os oficios artesanais, contribuíndo así á promoción e posta en valor do sector artesán galego.

Dentro deste proxecto, hoxe presentouse no centro educativo ourensán a unidade didáctica O Gremio da seda, na que o alumnado participará no proceso de produción da seda, desde a cría e evolución dos vermes ata a extracción desta para a confección do fío na seguinte fase.

A actividade, na que os alumnos continuarán a traballar o curso que vén, chegará nas próximas semanas a un total de 16 centros educativos de toda Galicia. Na comarca do Carballiño celebrarase, ademais de en Maside, no CEIP de Beariz, no CEIP Virxe da Pena da Sela no Irixo e no CEIP Eulogio Gómez Franqueira en San Amaro.

Enredando, artesanía na escola conta tamén cunha unidade didáctica centrada na elaboración e encadernado de papel, Do papel ao libro, para alumnado de 3º ciclo de primaria e 1º ciclo de secundaria, cuxa segunda tempada continúa desenvolvéndose en diferentes centros educativos.

Os principais obxectivos deste proxecto, que conta coa colaboración da Consellería de Cultura, Educación e Ordenación Universitaria, son concienciar a sociedade do valor do produto feito á man así como presentarlle aos rapaces e rapazas que a artesanía pode ser tamén unha boa alternativa para o seu futuro laboral; atallar o problema da falta de relevo xeracional nos oficios máis tradicionais promovendo o desenvolvemento da artesanía galega a través da formación de futuros artesáns creadores; e amosar á sociedade o valor engadido da artesanía en canto á súa creatividade, patrimonio cultural e tradición.

Con este resultado os carballiñeses deixan de depender de si mesmos para o ascenso a preferente. A falta de unha xornada para o remate da competición, ao Arenteiro so lle vale unha victoria en Espiñedo ante o Allariz e esperar unha derrota do Nogueira ou un empate do Verín.

C.D. Arenteiro: Pachi, Carlos, Lois, Dabarca, Oscar, Alex, V. Gallego, Breogán, Bardelás, Martin e Quiroga.Tamén xogaron Prada, M. Sotelo e Caneiro.

Goles:

0-1. Minuto 67. Penalti cometido sobre Martín, que tranforma en gol Quiroga.

1-1. Minuto 84. Centro sobre a área carballiñesa que remata Seo.

O Partido: Tras un tiro de Quiroga ao poste nos primeiros minutos, os verdes non deron sensación de perigo ante a portería local. Na segunda parte, o Arenteiro saíu con máis decisión e intensidade e fixose co dominio do partido, pero so acertou a marcar de penalti. Por si fora pouco, deixouse empatar na única aproximación do Monterrei ante a portería de Pachi.

Os 3 grupos políticos municipais presentaron e votaron a súa propia moción contra a supresión do Partido Xudicial, aínda que non foron capaces de chegar a un acordo que implique un respaldo institucional conxunto.

A única das tres mocións aprobada polo pleno foi a do Partido Popular, que contou co apoio dos socialistas. Os tres grupos, PP. PSdG, e BNG, coinciden en posicionarse en contra da desaparición do Partido Xudicial do Carballiño, pero as diferencias entre os tres grupos e sobre outros aspéctos do Anteproxecto Lei do Poder Xudicial impediron un pronunciamento conxunto.

Onde sí houbo unanimidade foi na moción socialista para posicionarse en contra do aumento do IVE para perruquerías e florerías, que pasou do tipo reducido do 8% ao xeral do 21%. Tamén, por unanimidade, o pleno aprobou unha proposta do BNG para apoiar as reinvindicacións dos emigrantes retornados, aos que a Axencia Tributaria impuxo sancións económicas por obrigas tributarias non satisfeitas.

Pola contra, o grupo maioritario rexeitou a moción do BNG sobre o apoio a ILP de medidas para a creación de emprego en Galicia, e outra do grupo socialista na que se pedía a rescisión do contrato coa empresa concesionaria do servizo de axuda no fogar. O Partido Popular propuxo, no seu lugar, a creación dunha comisión municipal de seguimento do contrato asinado coa empresa.

Fai meses que os sanitarios veñen denunciando a deixadez municipal en canto ao estado de conservación das instalacións, agora incluso apuntan á suciedade que está provocando situacións de insalubridade.

Os profesionais que exercen o seu traballo no centro de saúde de Piñor levan presentados varios escritos dirixidos ao alcalde da localidade Francisco Fraga, xa que é o concello o responsable do mantemento do edificio. Non obstante, as deficiencias non foron emendadas.

Ao deficiente estado de conservación engaden problemas de insalubridade, debido á falta de limpeza "unha situación inaceptable nun edificio sanitario, cheo de formigas e suciedade como consecuencia da deixadez por parte do concello", manifestan.

As actuacións son financiadas con fondos municipais ou ben por medio de convenios coas consellerías de Medio Rural e Medio Ambiente, Territorio e Infraestructuras.

A partir deste martes 6 de Maio comezan as obras na praza da Alameda do Carballiño, que consistirán na reposición da empedrada en toda a rúa Alameda, así como o lousado da zona peonil. Para iso, dende o luns, cortouse o tráfico na citada rúa. Corte que permanecerá mentres duren as obras.

 Inclúese neste proxecto municipal a conversión das fontes piramidais da praza en bancos, con xardineira na súa parte traseira, onde nun inicio había auga. Así mesmo limparase o monumento do Munten, situado na praza do Emigrante, e repoñerase o recubrimento do estanque que o rodea.

Tamén comezaron as obras incluídas no plan marco asinado da consellería de medio Rural para mellora de camiños de titularidade municipal, e no que se van investir no municipio do Carballiño máis de 50.000 euros. Os proxectos incluídos neste plan marco son o afirmado dos accesos a Mosteiro- Paradela, Mesego-Corrredoira, Mesego- Corval, Sagra-Fraga, Gouxiña e Señorín.

Por outro lado o edil de Obras Magin Daparte mantivo unha reunión co responsable de servizo da Consellería de Medio Ambiente, Territorio e Infraestructuras, para iniciar a formulación da obra de mellora da avenida de Julio Rodríguez Soto, Rotonda da Alameda, Conde Vallellano e Martínez Avellanosa.

Finalmente, o concello do Carballiño anuncia para os próximos dias a licitación da obra de mellora na rúa Alberto Vilanova, que inclúe a construcción da beirarrúa da marxe dereita no tramo entra a rúa Carreira e o centro de saúde, cun investimento de 50.000 euros.

Un gol de Bardelás no minuto dous decidiu o partido a favor do Arenteiro que, con este resultado, sigue dependendo de sí mesmo para dar o salto á preferente, a falta de dous partidos para rematar a competición. Os verdes deberán gañar ambos partidos para asegurar o ascenso sen depender doutros resultados, o vindeiro domingo en Monterrei e na última xornada en Espiñedo ante o Allariz.

C.D. Arenteiro: Pachi, Carlos, D. López, Lois, Óscar, Victor Gallego, Breogán, Alex, Martín, Bardelás e Prada. Tamén xogaron Caneiro, M.Sotelo, Quiroga e Manu.

Goles:

1-0. Minuto 2. Centro de Prada, Martín fai de pantalla e arrastra ao marcador de Bardelás, que resolve dunha perfecta volea.

O Partido: O exiguo marcador mantivo vivo ao Antela ata o final, nun partido que o árbitro ourensano Garrote, prolongou en exceso e sen motivo ata o minuto 102, foi moi protestado pola afección local durante todo o partido e expulsou ao adestrador local M. López e ao preparador físico, Borja. Xa antes do descanso os carballiñeses tiveron varias ocasións para poñer o marcador en franquicia, aínda que o Antela tamén tivo as súas, a máis clara un tiro ao pau de Samuel. Na segunda parte, o Arenteiro incrementou o dominio sobre a área visitante, pero a falta de definición dos dianteiros verdes mantivo o suspense ata o final.

Este lúns dia 5 de Maio cumplense cincuenta anos dende a fundación do Casino do Carballiño, foi alá polo ano 1964 cando un grupo de carballiñeses -podemos velos na fotografía- asinaban a acta fundacional da entidade.

Prema aquí para ver o programa de actividades da Festa da Mimosa e conmemorativo do 50 aniversario do Casino do Carballiño.

Os carballiñeses foron quen de deixar fora da copa ao equipo da preferente. Os valdeorreses caeron na quenda de penaltis tras igualar o Arenteiro a eliminatoria cun gol de Victor Gallego na segunda parte. 

C.D. Arenteiro: Perdiz, Carlos, Oscar, Lois, Dabarca,  V.Gallego, Caneiro, Breogán, Martín, Bardelás e M. Sotelo. Tamén xogaron Prada, D. Quiroga, Canexón e Manu.

Goles:

1-0. Minuto 78. No balcón da área Breogán cociña a xogada cun aclarado perfecto para Quiroga, éste centra e V. Gallego remata sobre a porteria barquense.

Quenda de Penaltis:

Marcan os catro lanzamentos para o Arenteiro, por este orden, Dabarca, Quiroga, V. Gallego e Breogán. Xa non fixo falta o quinto lanzamento.

Polo Barco, marcan os dous primeiros lanzadores David Pérez e Ramos. No terceiro, Perdiz desvia o que tiraba Ramos, e no cuarto, o balón de Javi Recaman vaise o poste e recolleo Perdiz, o Arenteiro estaba clasificado.

O Partido: Unha primeira parte nivelada e sen ocasións de gol, e unha segunda -sobre todo a partir do minuto 60- na que o Arenteiro foise polo partido. Tralo gol que empataba a eliminatoria, os verdes poideron sentenciar con dúas claras ocasións de gol que tiveron Canexón e Manu, no primeiro caso o remate do dianteiro saíu alto e o cabezazo de Manu servíu a Macía para lucirse nunha gran intervención. A lotería dos penaltis fixo xustiza, porque no cómputo dos 180 minutos, o Arenteiro foi superior ao equipo da preferente.

O director de Augas de Galicia, Francisco Menéndez, acompañado polo delegado territorial da Xunta en Ourense, Rogelio Martínez, recibiu a unha representación de veciños de Punxín, co fin de comunicarlles que a Xunta de Galicia está a poñer todos os medios ao seu alcance para arranxar o problema de abastecemento de auga deste municipio debido á presenza de arsénico. Esta xuntanza é a terceira logo dunha co delegado territorial e outra con responsables do organismo autonómico para expoñer o proxecto que se está a tramitar.

A poboación en 2013 dos tres concellos sumaba 3.256 habitantes, polo que o investimento a fondo perdido que fará a Xunta de Galicia ascende a uns 1.000 € por habitante, para un total de máis de 3 millóns de euros, o que significa un gran esforzo que se fai dende o Goberno galego para mellorar a situación actual. Tamén, explicou que ten dotación nos orzamentos para que sexa posible iniciar as obras neste mesmo ano 2014

Menéndez transmitiulle aos veciños que a obra de abastecemento licitarase, previa autorización do Consello da Xunta de Galicia, cando estean dispoñibles todos dos terreos necesarios para executar as obras. En concreto, é precisa a conformidade da Comunidade de Montes de Ourantes para permitir a achega de terreos por parte do Concello de Punxín. Cabe indicar que Ourantes é un dos lugares con maior problemática histórica no seu abastecemento, polo que non deberían existir trabas para esta actuación. Os veciños transmitiron a necesidade de estender a nova rede a outros núcleos do concello, o cal será valorado por Augas de Galicia nas próximas semanas, pero descartando a modificación do actual proxecto xa que suporía un importante retraso na súa tramitación.

Así mesmo, Francisco Menéndez indicoulles que a Xunta de Galicia estudará os documentos ao respecto do custe do servizo e asesorará ao Concello de cara á revisión das tarifas de cara ao ano 2015, no caso de que proceda.

Os traballos que se van a levar a cabo teñen como obxectivo principal rematar co problema de déficit de auga de Punxín e dos concellos limítrofes de Cenlle e San Amaro a través dun proxecto de mellora do abastecemento que xa está redactado e foi sometido a información pública, e que será levado en nas vindeiras semanas a Consello da Xunta.

Obras a realizar
Na Estación de Tratamento de Auga Potable (ETAP) de Razamonde mantense o actual sistema de potabilización e o bombeo ao depósito dun caudal de 20 l/s (con posibilidade de ampliación a 40 l/s). Vaise construír un edificio, próximo ao depósito de Razamonde, para bombear auga potabilizada ata o Alto de San Trocado (20 l/s), onde se fará un depósito regulador cunha capacidade de 500 m3.

Dende aí executarase unha rede de abastecemento en alta para o Concello de Punxín, que chega ata Barbantes, enlazando coa rede xeral do citado municipio e, en Barbantes, construirase un depósito de 75 m3. Esta instalación suministrará auga aos depósitos de Ourantes, Ventosela e Rubiás, e outra rede de distribución en alta conectará o novo depósito regulador cos depósitos de cabeceira de San Amaro e de Cenlle, este último de nova execución con 200 m3 de capacidade.