Seguramente que a maioria dos afeccionados que acudiron ao campo de Calabagueiros non houbesen extrañado que o Arenteiro gañase este partido, pero ás veces o fútbol é inxusto, e desta vez foino cos carballiñeses. Por xogo e ocasións, o Arenteiro non mereceu esta derrota. Os valdeorreses cobran asi ventaxa cara o partido de volta a xogar en Espiñedo o vindeiro dia 1 de Maio.

C. D. Arenteiro: Pachi, Prada, Carlos, Diego López, Óscar, Alex. V. Gallego, Bardeás, Quiroga, Martín e Manu. Tamén xogaron Breo, Caneiro, M. Sotelo e Canexón.

Goles:

1-0. Minuto 84. Marca o camerunés Steve Ekedi adiantandose á defensa do Arenteiro.

O Partido: Primeira parte equilibrada na que os carballiñeses poideron adiantarse nunha xogada na que Quiroga asiste a Martín que, tras gañarlle a posición ao seu par plantase ante o meta local, que envia a corner. Na reanudación, o Arenteiro minimizou ao equipo da preferente, os carballiñeses superaron aos locais e gozaron de boas ocasións para marcar, a máis clara un trallazo de M. Sotelo que se foi á cruceta.  Na recta final do partido, cando máis e mellor xogaba o Arenteiro, chegou o gol local, practicamente na única oportunidade da que dispuxeron. Asi é o fútbol.

A representación veciñal e o Vicepresidente da Deputación, Rosendo Fernández, acordaron que a partir do vindeiro lúns reuniránse para buscar una solución a este conflicto.

Tras o acordo, os vecinos decidiron poner fin ao encerro que viñan protagonizando na casa do concello dende o pasado 28 de Marzo, en demanda dunha negociación para tratar a súa reivindicación sobre a rebaixa no prezo da auga e mellora nas condicións da prestación do servizo de abastecemento de auga no municipio.

Este pasado martes, os veciños encerrados no consistorio impediron a entrada ás dependencias dos traballadores municipais, feito polo que o tenente alcalde presentou una denuncia ante  a Garda Civil.

O reprsentante da Comisión da Auga lamentou en COPE O Carballiño "que nin o alcalde, que está de vacacións en Tenerife, nin o teniente alcalde se achegasen polo concello para interesarse pola situación dos veciños, por aquí non tiveron tempo para aparecer, pero sí para ir denunciarnos á Garda Civil".

Desenvolveráse do 16 ao 18 do vindeiro mes de Maio. Nesta novena edición baixo o titulo " O home e o medio: verbo conxugado, pasado, presente e futuro na investigación". 

Miguel García, Secretario da asociación destacou que o congreso orientase, cada vez máis, á investigación sobre temáticas do ámbito comarcal.

Asi, nesta novena convocatoria do congreso, presentaránse relatorios como o de Óscar Gonfer sobre "O plan Poché aplicado á Veracruz e demáis espazos públicos". "Sobre novos descubrimentos de vellos xacementos arqueolóxicos" falarán Juan José Álvarez e Jorge Lamas.

Noutro relatorio abordaránse "As referencias medievais á actúal vila do Carballiño", que presentará neste congreso o historiador Xosé Luis Sobrado.

O tamén historiador local Juan Manuel Rodríguez relatará sobre "Conflicto, poder e privilexio:  o mosteiro de Oseira no Outono da idade media".

Juan Ignacio García participará no congreso co relatorio "Imaxes, elementos decorativos e simbólicos da comarca do Carballiño". E xa finalmente, en canto a relatorios que tratarán temáticas locais, estará o de Francisco Fumega, sobre "Factores ambientais e construcción do territorio: o caso do val do Arenteiro".

Tratase dun convenio que foi presentado como "pioneiro" e que pretende que tanto os centros educativos como o concello, ou o que é o mesmo  a veciñanza en xeral, aproveiten da mellor maneira posible os recursos públicos.

O alcalde Argimiro Marnotes, e os directos do IES nº 1 e do IES Chamoso Lamas, Manuel Amil e José Manuel Vázquez, asinaron este acordo que nace con vocación de continuidade en vindeiros cursos.

Os centros educativos poñen a disposición do concello unha parte das súas instalacións, fora do horario lectivo, para actividades de carácter cultural, educativo, ou mesmo deportivo, que se promovan dende a institución municipal.

Pola súa parte, o concello pon a disposición dos institutos persoal municipal, fundamentalmente do departamento de obras, para mantemento e pequenas actuacións que se acometan nos dous centros educativos carballiñeses.

A S.D. Nogueira de Ramuín acabou coa prolongada racha de partidos consecutivos sen perder dos verdes. Tras 25 xornadas invictos na competición da 1ª autonómica o Arenteiro perdeu ante o peor rival posible nun partido no que Espiñedo volveu rexistrar un gran ambiente de afeccionados.

C.D. Arenteiro: Pachi, Carlos ( Canexón ), Oscar, Diego López, Dabarca, Tomás ( Martín ), Manu, V. Gallego, D. Quiroga, Bardelás ( Oli ) e Prada ( M. Sotelo ).

Goles:

0-1. Minuto 3. Fantástico pase de Bruno para Guille, que supera a defensa do Arenteiro e chuta cruzado fora do alcance de Pachi.

O Partido: Outra xornada máis non pode negarselle coraxe e pundonor a este Arenteiro, pero o gol volvía ser a asignatura pendiente dos verdes. O Nogueira, que se encontrou cun gol no inicio do partido soubo nadar e gardar a roupa, levandose 3 puntos de ouro para encarar a recta final de liga.

Unha representación da Conderación Veciñal Galega achegouse ata a casa do concello de Punxín,  para mostrar a solidariedade deste colectivo coa veciñanza de Punxín, que sigue demandando do concello e das institucións provinciais e autonómicas unha "via de diálogo" para negociar a xestión do servizo de abastecemento de auga no municipio.

De momento, a demanda veciñal sigue sen resposta por parte do alcalde da localidade, que dias atrás mostrou a súa disposición para reunirse coa comisión da auga, aínda que aplazando esa negociación para o mes de outubro ata "que se vexa como evolucionan os costes do servizo", manifestou nesta emisora de radio Manuel Vázquez, que cifrou o coste do servizo "nunhos 78 mil euros ó ano, esa é a previsión, pero pode subir ou baixar", dixo.

Precisamente, neste acto criticouse a ausencia do alcalde "que nunha flagante falta de respecto e desprezo polos veciños e o cargo que ocupa vaise de vacacións ás Illas Canarias, e non está aquí a pesar de que tiña coñecemento desta concentración dende fai dias".

Comezaron as obras, que terán unha duración de 14 meses. O proxecto supera os 2,5 millóns de euros de investimento privado.

O alcalde do Carballiño referíuse ao futuro balneario como "proxecto extratéxico para O Carballiño, para a nosa economia local, fundamentalmente para os sectores da hostelería e o turismo". Marnotes recordou como no seu dia "o pleno do concello por unanimidade acordou unha bonificación do 95% no imposto do ICIO, porque consideramos que o proxecto é clave para O Carballiño".

O futuro balneario de As Caldas de Partovia contará con seis modernas bañeiras, yacusi, un circuíto frio-calor, asi como unha piscina dinámica. No acto de presentación do proxecto, Carlos Garriga, da empresa propietaria, avanzou que a apertura das futuas instalacións balnearias crearán "entre 25 e 40 postos de traballo, en función da época do ano".

Os promotores tamén adiantaron que nunha segunda e posterior fase construiráse unha piscina exterior e un hotel.

O Grupo Municipal do PSdeG reclamou hoxe que se manteña o partido xudicial do Carballiño e criticou o anteproxecto de Lei do Goberno  que pretende crear un partido xudicial único por provincia.

 Os concelleiros socialistas Adolfo Nogueira e Yolanda Otero explicaron que esta reforma suporá que os veciños de toda a comarca terán que desprazarse aos xulgados de Ourense para calquera xestión, o que sumado á suba das taxas xudiciais será “un golpe mortal ao dereito igualitario de todos os cidadáns para acceder á xustiza”.

 Nogueira apuntou que a centralización en Ourense implicará unha maior lentitude na resolución das causas xudiciais, ademais dun novo ataque aos dereitos da cidadanía. Apuntou que os socialistas levan dende 2012 presentando iniciativas contra esta reforma e advertindo do que ía suceder.

 Neste senso, acusan ao alcalde do Carballiño de enganar novamente aos cidadáns, xa que “rásgase as vestiduras ante a prensa, pero en 2012 votou en contra da moción que o PSdeG levou á Deputación provincial para que non se fixese esta reforma, e logo no Carballiño votou a favor, segundo dixo, porque lle gusta desconcertar á oposición”.

 “Agora tenta poñerse a medalla de defensor, pero o certo é que en Ourense e Santiago axeónllase ante os seus xefes”, explicou Nogueira, quen lembrou que xa fixo o mesmo  coa Residencia do Tempo Libre ou a incineradora.

 “Hai dous anos puido facer algo por parar isto, pero tomouno como unha broma e agora estamos a punto de perder os xulgados do Carballiño”, lamentou.

 Os socialistas consideran que a supresión do partido xudicial é “un novo cravo no ataúde no que Marnotes parece querer enterrar ao Carballiño”.

 “De ser unha vila que contaba con todos os servizos, cada vez temos menos: a Residencia do Tempo Libre abre seis semanas, o Matadeiro leva ano e medio pechado, Protección Civil funciona grazas aos voluntarios, o Parque de Bombeiros segue sen data de apertura… O único que se abre neste pobo son baches”, afirmaron.

Os concelleiros socialistas anunciaron que emprenderan diversas medidas para concienciar a cidadanía desta situación e para impedir este agravio. Estas iniciativas pasarán pola información nas rúas e recollida de sinaturas, ademais de levar mocións aos plenos de todos os concellos da comarca pedindo que se manteña o partido xudicial do Carballiño.

A traballadora, que agora denuncia ao alcalde do Carballiño por un presunto delito de prevaricación, fora despedida en 2012.

O goberno municipal xustificara catro despidos de traballadores para cumplir co plan de axuste. Non obstante, esta traballadora, adscrita ao departamento municipal de servizos sociais, aducira que o seu despido obedecía a "motivos ideolóxicos", tal como posteriormente recollera a sentencia que considerara como nulo o despido, polo que a traballadora recuperou o seu posto de traballo.

Tras a denuncia da traballadora, o Xulgado nº 2 do Carballiño abríu dilixencias previas, requerindo a Policia Xudicial diversa documentación relativa ao caso nas dependencias municipais.

A errática definición ante a portería rival privou ao Arenteiro dunha victoria no campo do Polígono San Cibrao. Ata oito claras ocasións de gol, incluido un balón ao poste e outro ao longueiro, tiveron os verdes para gañar un partido no que fixeron méritos para bastante máis que un empate.

C.D. Arenteiro: Pachi, Prada, Lois, Diego López, Dabarca, Alex, Manu, V. Gallego, D. Quiroga, Bardelás e Oscar. Tamén xogaron Martín e Canexón.

Goles:

1-0. Minuto 11. Corner sobre a portería de Pachi, despiste na defensa do Arenteiro e Canal, libre de marcaxe no segundo pau, remata a placer.

1-1. Minuto 46. Victor Gallego, cabecea un balón que non atrapa o porteiro local.

O Partido: Desta vez sí que mereceu moito máis o Arenteiro, que foi dominador absoluto do partido de principio a fin, pero perdonou en exceso ante a portería defendida por Alberto. Xa na primeira parte, antes e despois do gol dos locais, o Arenteiro pudo marcar pero tanto Quiroga como Manu, que enviou o balón ao longueiro co meta local xa batido, non tiveron a súa tarde. Tras o descanso, o dominio do Arenteiro aínda foi maior, cos verdes envorcados en busca do gol da victoria, que non quixo chegar, e eso que Martín por dúas veces de cabeza -unha delas ao poste- e Victor Gallego e Alex tiveron ocasións inmellorables para voltear o marcador.