Os populares aseguran que o rexedor socialista non respeta as datas dos plenos e non facilita os expedientes solicitados pola oposición, e tampouco a documentación da orde do dia.

O Grupo Municipal do PP de Piñor lamenta a grave obstaculización que está provocando o alcalde socialista á labor de oposición dos concelleiros populares,  quenes manifestan que “en Piñor estamos vivindo unha ditadura en toda regra por parte do Sr Alcalde, Francisco José Fraga Civeira”

Explican os populares que o rexedor socialista non convoca os plenos nas datas preestablecidas, facéndoo ao seu libre antoxo sen consultar siquera cos membros da Corporación. “Chegou a aprobar en pleno unha modificación do acordo tomado no pleno de organización de principio do mandato, que lle permite poñer o pleno nun rango de datas en función da carga de traballo e dos asuntos que teñamos para levar ao pleno”, sinalan dende o PP de Piñor.

Asimesmo, o Grupo Municipal do PP de Piñor alerta de que coa convocatoria dos plenos non adxunta a documentación correspondente aos puntos do orde do día. “En diversos escritos que lle remitimos por este motivo sempre contesta que non se nos entrega copia pero que está á nosa disposición para  que poidamos consultala. En ocasions excepcionais entrégasenos copia de algo puntual pero nunca toda a documentación que requerimos para poder realizar a nosa labor de fiscalización e análise da acción de goberno. Esto dificulta moito o noso traballo diario e provoca que non poidamos ter os expedientes para consultalos con máis detenimento para argumentar o noso sentido do voto en cada punto”, manifestan.

"A última falcatruada do alcalde consistiu en que o Grupo Municipal do PP presentara as alegacións ao presuposto municipal e non as levou a pleno. É dicir, saiu a aprobacion definitiva no BOP cando aínda non lles contestara ao escrito dos populares no que lles comunicaba que non as admitía", aseguran dende o Partido Popular.

Por toda esta situación de bloqueo constante á labor de oposición do Grupo Municipal do PP, os populares porán estes feitos en coñecemento do Valedor do Pobo, elevando esta queixa formal dado que "é un ataque frontal contra representantes lexítimos dos veciños e veciñas de Piñor que depositaron a súa confianza no Partido Popular nas pasadas eleccións municipales" (476 votos acadou o PP fronte ós 516 do PSOE).

Os socialistas lembran que xa no ano pasado o Concello prorrogou os orzamentos do exercicio anterior.

Auguran que “a intención do goberno municipal e volver a facelo este ano”. Consideran “inaudito” que un goberno con maioría absoluta sexa “incapaz de sacar adiante uns orzamentos”. Recalcan que "non se entende que un goberno con maioría absoluta, que non ten ningún impedimento para facelo, non teña presentado a estas alturas os orzamentos para este ano"

Para os socialistas, a nova prórroga dos orzamentos sería un exemplo máis da “desidia e inacción que caracteriza ao goberno municipal que preside Argimiro Marnotes, quen anda máis ocupado nos seus asuntos persoais, imputación incluída, que nas cuestións que afectan aos cidadáns”.

Consideran que o goberno municipal “condena ao Carballiño a unha parálise absoluta, xa que os orzamentos son necesarios para unha axeitada xestión dos recursos económicos dos que se dispón, así como para a xeración de novas inversións, execucións das previstas, e para optar a subvencións”.

Esixen por elo a Marnotes que, “ao igual que se deu presa para aprobar as Ordenanzas Fiscais e subir as taxas, presente dunha vez os orzamentos previstos para este ano”, xa que “os cidadáns teñen dereito a coñecer a qué se destinan os cartos que están a pagar a través das taxas municipais”.

“O goberno municipal estase a caracterizar pola súa avaricia recadatoria, na que os veciños teñen que pagar cada vez máis en impostos pero reciben cada vez menos beneficios”, apuntan.

O líder impuxo a súa superioridade pola vía rápida, golendo sen apenas atrancos ao At. Vilariño no partido correspondente á 20ª xornada de liga desputado no campo do Medo, ante numerosos seguidores carballiñeses.

C. D. Arenteiro: Pachi, Carlos, Diego López, Lois, Óscar, Alex, Bardelás, Victor Gallego, Canexón, Quiroga e Prada. Tamén xogaron Perdiz, Omar, Alex Santiago, Oliver e Martín, éste último aos 20 minutos para sustituír a Canexón, que resultou lesionado.

Goles:

0-1. Minuto 11. Tras un rexeitamento do meta local, Victor Gallego adiantase ao central do Vilariño e envia o balón ao fondo da portería.

0-2. Minuto 25. Forte disparo de Victor Gallego que despexa nunha gran intervención o gardameta local Roi, o balón chega a Diego Quiroga que executa á perfección.

0-3: Minuto 53. Córner que lanza Quiroga e Diego López, de cabeza, fai o terceiro.

0-4: Minuto 59. Xogadón de Miguel Prada para enmarcar. Tras deixar atrás ata 4 xogadores do Vilariño sirve en bandexa a Martín, que so ten que empuxar.

1-4. Minuto 75. Penalti a favor dos locais que tranforma en gol Meji.

O Partido: Solvente encontro dos carballiñeses que dende o primeiro minuto de partido non deron opción para a sorpresa, os carballiñeses anticipanbanse unha e outra vez aos locais, e froito da presión que exercian, comezaron a chegar as ocasións de gol. O mellor xogador local, o porteiro, que sobre todo na segunda metade, evitou que o Arenteiro lograse unha victoria aínda máis ampla. O pior da tarde, a lesión de Canexón, unha escordadura que probablemente obrigarao a gardar repouso durante varias semanas.

Votaron os 24 comerciantes desta rúa  que estaban convocados a facelo, 16 fixerono a favor da peonalización e 8 en contra.

Desta maneira, con esta consulta en urna,  o concello resolve definitivamente esta polémica xerada durante os últimos meses.

Antes de executarse as obras, a maioria dos comerciantes eran contrarios á peonalización total, de feito daquéla acadarase un acordo para que a rúa estivese aberta ao tráfico en horario comercial. Agora, os responsables municipais -tal como pretendian dende un principio- logran o apoio da maioria dos comerciantes para decidir a peonalización da rúa.

O alcalde, Argimiro Marnotes, avanzara nesta emisora de radio que o resultado da votación sería vinculante. O concello procederá de inmediato á sinalización que indicará o carácter peonil de Curros Enríquez, no tramo que vai dende Conde Vallellano ata a Praza de San Ramón.

Neste programa  participan os concellos do Carballiño e Boborás, por medio da Fundación Antón Losada Diéguez.

Os socialistas sinalan que moitos pais de rapaces interesados neste programa de intercambio para estudiantes de secundaria, amosaron a súa preocupación ao non ter información sobre dito intercambio, e que tras consultar a Orenmore “descubrimos que tentaron poñerse en contacto co concello do Carballiño en numerosas ocasións pero atoparon a calada por resposta”.

Deste xeito “en Irlanda nin siquera saben cantas familias e estudantes estarían interesados en participar na nosa comarca, porque o concello non lles enviou nin un só dato. Alí, pola contra, xa teñen unha listaxe de familias interesadas, e seguen a progresión do estado do financiamento do proxecto, que finalmente recibiu unha negativa por parte das institucións europeas no tocante ás bolsas”.

 Aseguran os socialistas que as familias irlandesas están dispostas a seguir co proxecto de intercambio aínda sen contar coas axudas económicas, polo que os socialistas esixen ao grupo de goberno municipal que informe do estado das xestións realizadas e se poñan en contacto coas familias interesadas, facilitando o intercambio de información coa parte irlandesa.

Reclaman asímesmo ao concello que poña a maquinaria pública a traballar para procurar recursos que permitan a estes rapaces desenvolver este intercambio estudiantil e non deixalos sen esta magnífica oportunidade.

Afirman que “despois de que se anunciase a bombo e platillo esta oportunidade para os estudiantes da nosa comarca, non é lóxico deixar tirar a toalla e deixar esmorecer este proxecto sen buscar algunha solución”.

Alberto Otero, o representante socialista na corporación de Boborás, aproveitou unha intervención nesta emisora de radio para lanzar esta petición ao alcalde Cipriano Caamaño.

Considera o socialista "que a situación de permanente enfrontamento que temos nos plenos perxudica a imaxe do noso concello". Otero referíuse ademáis "ás ánsias de Cipriano de chamar continuamente á Garda Civil, cando ésta debera estar para outras cousas".

O concelleiro do PSdG fixo unha proposta concreta ao alcalde Cipriano Caamaño que tería como obxetivo rebaixar a tensión política no concello de Boborás "pídolle ao alcalde que reuna aos portavoces, que nos sentemos e falemos, sería o mellor para o concello", subliñou.

Unha vez tivo coñecemento destas declaracións, o alcalde boborense manifestou que "eu sempre estou aberto ao diálogo e a confrontar ideas coa oposición, por suposto que sí, pero co que non estou dacordo nin permitiréi en ningún caso son difamacións ou provoacións, veñan de onde veñan", dixo Caamaño.

Tamén ensuciaron con pintura a sede do Partido Popular do Carballiño ao lanzar sobre a fachada do edificio, na Praza Maior, globos de pintura.

Na rúa Curros Enríquez as pintadas fan referencia ás obras que se executan neste céntrico vial por parte do concello do Carballiño. Precisamente, para esta semana está prevista a convocatoria dunha reunión entre os responsables municipais e os propietarios de locais comerciais nesta rúa carballiñésa, e co obxetivo de decidir sobre o proxecto de peonalización, inicialmente programada de 8 da tarde a 8 da mañá, asi como fines de semana, festivos e dias de feira.

O concello carballiñés procederá "a devolver a parte denegada da paga extra ou o equivalente de Decembro de 2012 aos funcionarios e persoal laboral", durante este mes de Xaneiro.

Nunha nota informativa difundida pola alcaldia aclarase "que non se trata da devolución íntegra da paga extra dese ano, senón de devolver unha cantidade económica descontada no seu dia e que non se axustaba ao periodo exacto de cómputo de dias".

Tamen manifesta que "dende o pasado mes de Novembro estaba previsto que se fixera esta axuste, e xa se tratou na mesa de negociación en Decembro de 2013, a instancias da propia alcaldia, e por medio do escrito presentado por CC.OO. solicitando o mesmo". 

 "Posteriormente ao acordo tomado na mesa xeral de negociación, presentouse un requerimento xudicial presentado pola CIG, pero o acordo xa estaba tomado de anteman, de tal maneira que se fará efectivo neste mesmo mes de Xaneiro", manifesta a nota informativa da alcaldia do Carballiño.

Os verdes desaproveitaron as numerosas ocasións que tiveron ante a portería rival, e a falta de acertou pagouna o equipo deixando escapar dous puntos de Espiñedo nunha tarde infernal de frio, choiva e vento e co terreo de xogo moi pesado que perxudicou o xogo do Arenteiro ante un rival, o Ramirás, que sigue sendo a besta negra dos carballiñeses.

C.D. Arenteiro: Pachi, Carlos, Dabarca, Lois, Oscar, Alex, Bardelás, Gallego, Prada, Manu e M, Sotelo. Tamén xogaron Quiroga, Martín, Canexón e Omar,

O Partido: Faltoulle esta tarde ao Arenteiro a sorte que acaso tivo noutros partidos. Na primeira media hora os carballiñeses sumaron ata catro ocasións de gol, pero non era a tarde dos dianteiros , igual aconteceu na segunda parte, sobre todo na recta final do partido, cando primeiro una volea de Canexón encontrase ao porteiro vistante e un cabezazo de Martín vaise ao poste e o rebote as mans do porteiro. Con todo, a ocasión máis diáfana chegaba no minuto 89 cando V. Gallego senta ao guardameta do Rámirás e despois falla a portería vacía cando xa se cantaba o gol na grada.

Os socialistas consideran as obras de Curros Enríquez unha chapuza, respostalle o alcalde manifestando que están a cumplirse prazos e compromisos.

Comunicado do Grupo Municipal Socialista

O Grupo Municipal dos Socialistas do Carballiño critican a “chapuza” feita polo Concello coas obras na rúa Curros Enríquez e as “escusas e mentiras” sobre a peatonalización parcial da mesma, despois de que o concelleiro de Obras, Magín Daparte, anunciase que a rúa seguirá pechada dous meses máis para renovar o abastecemento de auga.

 Os socialistas consideran que esta nova obra é “unha escusa para mantela pechada dous meses máis” e que “todo apunta a que o obxectivo é non abrir a rúa ao tráfico, incumprindo o acordo acadado cos comerciantes”.

 Lembran que dito acordo  implicaba que a rúa sería peonil tan só fóra do horario comercial, e o resto do día estaría aberta ao tráfico rodado. Fanse eco da indignación dos comerciantes, que ven como o Concello vai “escusa tras escusa  alongando no tempo o momento permitir o paso de vehículos pola rúa e incumprimento tras incumprimento xa que nin remataron os traballos no prazo previsto, nin mantiveron os aparcamentos”.

Sinalan que a pesar dos diferentes prazos anunciados para o comezo das obras, estas non empezaron ata finais de novembro, polo que foron feitas “a presa e correndo” para non perder a subvención da Xunta. “O resultado foi unha chapuza, cunha rúa empedrada ás presas, que provocou gran cantidade de charcos e tubaxes e rexistros de auga atascados, e implicou que os comerciantes se viran afectados por ter a rúa en obras durante o nadal”.

“Para rematar de pechar o círculo da torpeza, engadiuse a promesa de que a rúa quedaría aberta ao tráfico a partir do 18 de decembro, logo pasou a ser para o 8 de xaneiro e agora o Concello anuncia que seguirá así dous meses máis”, denuncian os socialistas, que lamentan que os veciños foran “vilmente enganados polo alcalde e o concelleiro de Obras”.

 Por elo, os socialistas esíxenlles que convoquen unha reunión para dar explicacións aos veciños e comerciantes afectados, en lugar de seguir buscando escusas. “Que dean a cara e digan claramente se o obxectivo é incumprir o acordado cos comerciantes ou todo era unha estratexia para calmar os ánimos pero que nunca tiveron intención de cumprir”.

Comunicado de resposta do Alcalde

Argimiro Marnotes, alcalde do Carballiño, representando ao actual grupo de goberno municipal, considera positivas as critícas elevadas por parte do PSdeGPSOE en relación á obra da rúa Curros Enríquez. E considéras positivas porque estamos comprobando como todas as criticas deste partido da oposición son a obras e proxectos que foron aplaudidos polos veciños do Carballiño, e é para eles para os que estamos a traballar dende o grupo de goberno, polo tanto unha crítica do PSOE equivale a un éxito do goberno municipal e a un beneficio para os veciños e veciñas desta vila.

Neste mesmo sentido o alcalde carballiñés recordaba que "en pasadas ocasións criticaron, e cualificaron de forma despectiva, proxectos executados por este goberno municipal, como foi o caso do ámbito da Veracruz, cualificada por eles como Lameiro, aínda que para a inmensa maioría dos veciños foi un gran logro e a recuperación un espazo para o desfrute de todos. O mesmo espazo que o PSdeG -PSOE do Carballiño quería encerrar entre muros de formigón".

Con respecto á rúa Curros Enríquez, o alcalde do Carballiño quere manifestar que  que, tal como lle dixo aos comerciantes desta rúa, aproveitouse unha subvención da xunta de Galicia para cambiar o aspecto desta, e con fondos propios cambiou un tramo de canalización de auga, separáronse as augas pluviais e modificouse a rede de saneamento, todo iso por un importe total de: 120.000 € e realizada en tempo e forma sen que se prexudicase a subvención concedida.

Así mesmo, e tal como se anunciou aos comerciantes, en xaneiro deste ano, adxudicariamos a obra que faltaría e para a que en 2013 non había partida económica, que é o cambio de canalización dun lateral, onde se producen innumerables roturas na subministración de auga e que provoca moito malestar no comercio e veciños desta rúa. Neste aspecto destaca o alcalde "posiblemente para os socialistascarballiñeses este non era un problema real dos veciños, por iso non dan importancia ou critican unha actuación que vai evitar que se repitan as inundacións nesa rúa".

Esta obra que esta valorada en 48.000 euros se executará de inmediato, e é unha obra na que se introduce unha canalización nova dentro da vella e só se abre a beirarrúa para resolver as acometidas, e para esta obra e por seguridade non se abrirá ao tràfico.

O actual goberno, non só está a cumprir os seus propósitos e compromisos coa transformación desta rúa, senón que, ademais tamén con respecto aos acordos coa apertura desta, e que se fará tan pronto rematei a obra que comezara en breve. Aínda a sabendas que son máis os comerciantes que xa están a favor dapeatonalizacion total da rúa que da apertura ao tràfico, principalmente logo da experiencia na tempada do Nadal, polo que, mentres dure a obra de rede de auga, o grupo de goberno segue aberto a novas propostas, propuetsas que se fixo xa ao concello de forma individual.

En conclusión aínda a pesar do mal gusto do grupo socialista no concello, O Carballiño está a transformarse de forma máis que digna a prol de accesos máis axeitados e que protexen máis dignamente noso gran patrimonio que é a Veracruz e que potencia o noso comercio local. O alcalde do Carballiño manterá, precisamente, unha reunión cos comerciantes da rúa Curros Enríquez a próxima semana, para coñecer a súa decisión de peatonalizar ou deixar como se acordou na última reunión.