José Luis Valladares nega por medio dunha nota de prensa as acusacións feitas polo empresario que promoveu a construcción do polígono industrial do Fondo de Cea.

José Manuel Costas, o empresario de "Las 5 Jotas", involucrado na actualidade nunha trama de fraude fiscal que investiga a xustiza, acusou ao alcalde de Cea no xulgado vigués que leva o caso "de pedirlle diñeiro en efectivo a cámbeo de xestións", según o que trascendeu desa declaración e recollen distintos medios de comunicación.

O rexedor municipal remitíu a esta emisora de radio unha nota de prensa na que nega as acusacións e anuncia accións legais para defenderse do que considera "un infundio".

Prerma no arquivo adxunto para ver a nota de prensa do alcade de Cea:

Unha xogada "delicatessen" da dianteira verde culminada por Victor Gallego deu os tres puntos ao C.D. Arenteiro  no campo dos Carrís ante o Barbadás B nun partido no que se xogaban algo máis que 3 puntos e no que o equipo carballiñés cumplíu, e con boa nota, xa que xogou un dos partidos mais serios no que vai de liga.

C.D. Arenteiro: Pachi, Carlos, Diego López, Lois, Oscar, Alex, Bardelás, V. Gallego, Quiroga, Martín e Prada. Tamén xogaron Canexón, Cancelas, A. Núñez e Omar.

Goles:

0-1. Minuto 21. Xogada de tiralíneas da dianteira do Arenteiro que inicia un centro de Prada que Martín deixa pasar, logo toca sutilmente o balón Quiroga e finalmente Victor Gallego golpea ao fondo da portería.

O Partido: Controlado de principio a fin polo Arenteiro, que pudo lograr na parte final do encontro incrementar o marcador ao seu favor, xogado con moita intensidade por ambos equipos, gañou o que tivo máis ocasións e fixo méritos suficientes para quedarse cos 3 puntos, calaquera outro resultado houbese sido inxusto. O  Arenteiro estivo moi serio en defensa, lixeiramente adiantada, ben no medio do campo e incisivo en ataque.

Veciños lindantes denunciaran o aumento de volume na edificación e o Tribunal Superior de Xustiza de Galicia deulles a razón e ordenou ao concello que repoñese a legalidade urbanística.

Tratase do edificio sito entre a Praza dos Irmáns Prieto e a Avenida Julio Rodríguez Soto, popularmente coñecido como o edificio do "Hotel Rogelia", xa que a nova construcción edificouse no solar que ocupaba o famoso hotel carballiñés aberto ata os anos oitenta do século pasado.

O TSXG ordenanara o derrubo de 6 áticos e 36 rochos, e o concello do Carballiño solicitara que se considerase inexecutable a sentencia, tendo en conta o perxuizo social e económico que causaría a execución da sentencia, tan so o proxecto de derrubo e as indemnizacións superarían os dous millóns de euros, pero o alto tribunal denegara a petición presentada durante o mandato do ex-alcalde Carlos Montes, ao considerar que non se xustificara debidamente o recurso de súplica.

Xa durante o actúal mandato municipal, o alcalde Argimiro Marnotes volveu solicitar do TSXG que se considerase inexecutable a sentencia, alegando mediante a presentación dun informe feito por unha empresa especializada que o derrubamento faría perigar a estructura do edificio. Finalmente, o tribunal acepta agora a petición do concello e declara como inexecutable o derrubo e contempla tan so o pago de indemnizacións que o concello deberá acordar cos demandantes.

Os Socialistas alegranse da noticia e recordan "que foi Carlos Montes quen puxo en marcha esta solución"

O grupo municipal de PSdeG manifesta que é "unha boa noticia, alegregámonos pero temos que recordarlle á opinión pública que foi o anterior goberno socialista quen iniciou as xestións par buscar unha solución o menos perxudicial para o concello do Carballiño, foi Carlos Montes quen iniciou este proceso que agora culmina ante o TSXG, e incluso lle custou cartos do seu bolsillo, tivera que pagar multas para evitar o derrubo", remarcan dende o PSdeG.

Finalmente, os socialistas lamentan que "unha falcatruada de Marnotes pai lévelle costado tanto diñeiro ó concello do Carballiño, por eso non entendemos este intento do actúal alcalde de intentar apuntarse un tanto con todo esto".

Os socialistas demandarán a posta en marcha da nova residencia de maiores do Carballiño, neste mesmo concello, a reforma e reapertura do matadoiro municipal e a creación dun viveiro de empresas comarcal.

Ademáis, presentarán outras enmendas "específicas para as comarcas do Ribeiro e O Carballiño", desta maneira os socialistas intentarán "paliar o esquecemento nos orzamentos da Xunta para o próximo ano 2014, unha aldraxe que dúas das comarcas máis importantes da provincia estean ausentes dos inventimentos da Xunta para o próximo ano", apuntan.

A reunión na que se analizaron os orzamentos autonómicos e na que participaron deputados provinciais xunto a alcaldes e concelleiros das comarcas do Ribeiro e O Carballiño celebrouse no bar Campeón de Beade "para mostrar a solidariedade co concelleiro socialista neste concello e para rexeitar con rotundidade o recente  acto terrorista na casa consistorial, asi como a actitude antidemocrática do alcalde da localidade", manifestan.

Manuel Penedo foi proclamado como único candidato a presidir o PP do Irixo no congreso convocado para o dia 21 deste mes de novembro. Afiliados desta formación politica mostraron a súa sorpresa ante a información difundida por esta emisora de radio "desde o partido ninguén nos notificou nada", aseguran.

Manifestan o seu malestar ante esta falta de información "porque nin xiquera sabiamos que estaba convocado o congreso e tampouco que houbese un tempo para presentar candidaturas, é lamentable esta actitude e falta de democracia no Partido Popular do Irixo, ésto está todo atado e amañado", subliñou Antonio Bernárdez, que ademáis lamentou "que non se lle queira dar a oportunidade a outras persoas a poder presentarse, porque aquí no Irixo hai xente nova moi válida e  que está moi preparada, é lamentable que non se faga unha convocatoria aberta, transparente e democrática".

Consideran que sería positivo para o Partido Popular e para o concello do Irixo que houbese outras alternativas a Penedo "esto fano asi para asegurarse seguir controlando o concello, que é o que lle interesa, e a xente vaise cansando, é hora de renovar a política local, despois de 30 anos de tanto traballo supoño que estarán cansados e debería ser hora de tomarse un descanso", ironizou este veciño e afiliado do Partido Popular.

Según os datos recabados por esta emisora de radio son 70 os afiliados cos que conta o Partido Popular no Irixo "outra sorpresa, porque no PP do Irixo nunca pasamos de sete ou oito afiliados", asegurou Antonio Bernárdez.

Tarde gris dos verdes que para colmo de males marcaron en propia meta e propiciaron un meritorio empate do At. Barbantes, na primeira visita en competición oficial do equipo ribeirán ao municipal de Espiñedo, que volveu rexistrar unha magnífica entrada, con 407 espectadores na grada.

C.D. Arenteiro: Perdiz, Carlos, Diego López, Lois, Dabarca, Alex, Canexón, Victor gallego, Martín, Bardelás e Prada. Na segunda parte tamén xogaron Quiroga, Núñez e Oscar.

Sociedade AT. Babantes Estación: Samuel, Roi, Igor, Diego Viñas, Rubén, Mellado, Manuel, César, Alén, Jaime e Bulicas. Tamén xogaron Pablo, Miguel, Borja e Oscar.

Goles

1-0. Minuto13. Centro dende a banda de Victor Gallego sobre a área, Martín cede o balón atrás a Álex, que o coloca no fondo da portería visitante.

1-1. Minuto 22. Perdiz realiza unha magnífica intervención rexeitando o tiro de Jaime, pero o balón pega no defensor local Diego López e introducese na portería local.

O Partido: Mal o Arenteiro, que non soupo xogarlle a un At. Barbantes moi ben posicionado no campo, cedendolle o balón aos carballiñeses e esperando á contra. Na primeira parte os carballiñeses, a pesar de adiantarse no marcador, estiveron ausentes do partido. Na segunda, renunciaron ao fútbol e optaron por colgar balóns sobre a portería do At. Barbantes, que unha e otra vez atrapaba Samuel. Asi e todo, por dúas ocasións, Victor Gallego a piques estivo de lograr o segundo gol para os locais, pouca bagaxe para un equipo que hoxe estivo lento e espeso durante toda a tarde.

O C:D. Arenteiro encarrilou ao seu favor a eliminatoria de Octavos de Final da Copa Deputación ao vencer a domicilio ao At. Vilariño, no partido de ida, xogado no campo do Medo.

C. D. Arenteiro: Pachi, Carlos, Diego López, Lois, Dabarca, Omar, Victor Gallego, Adrián Núñez, Cancelas, Manu e Oscar. No último cuarto de partido tamén xogaron Prada, Canexón, Martín e Bardelás.

Goles:

1-0: Minuto 16, xogada á contra do Vilariño que culmina cun tiro raso batindo a Pachi.

1-1. Minuto 69, Pablo Dabarca, ao tranformar un penalti por agarrón a Lois.

1-2. Minuto 87, Fantástica internada de Prada que culmina Canexón de tiro raso e axustado ao pau.

O Partido: Dominado de principio a fin polo Arenteiro, que tivo que conformarse cunha victoria moi axustada ao fallar varias ocasións manifestas de gol, sobre todo na primeira parte, as máis claras, a cargo de Oscar e Omar, que non souperon definir. Pola contra, o Vilariño acertou no único tiro do partido sobre a portería de Pachi.

O Comité de Competición da Federación Galega de Fúlbol desestimara a reclamación do C. D. Arenteiro sobre a sanción de 2 partidos ao futbolista tras a súa expulsión no partido xogado en Xinzo de Limia contra o Boado.

O Club carballiñés presentou un recurso ante o Comité de Apelación da FGF, e éste ven de dar a razón ao C.D. Arenteiro, polo que a sanción a Victor Gallego queda sen efecto, ao considerar -tal como alegara o Club- que "cargar na espalda sobre un adversario" non é motivo de expulsión.

"Os pensionistas non somos defraudadores, somos pagadores" proclamaron nesta concentración ás portas da Delegación de Facenda do Carballiño.

A Coordenadora Galega, na que se integran os emigrantes retornados das comarcas do Carballiño e O Ribeiro demandan que a Axencia Tributaria deixe sen efecto "as reclamacións e sancións que nos están notificando polas pensións que recibimos do extranxeiro e non declaramos no IRPF dende o ano 2008". 

"Nos non sabiamos que había que facer as declaracións, ninguén nolo notificou, nos trouxemos as divisas e levantamos este país, e outros, os auténticos defraudadores reciben amnistias fiscais, esto é unha inxustiza", alegan.

O concello do Carballiño e o Cluster da Carne de Galicia asinaron un protocolo de colaboración que se presenta co obxetivo común "de facer do matadoiro carballiñés un referente para o sector cárnico".

O Alcalde Argimiro Marnotes explicou que o concello decidíuse por esta fórmula de concesión das instalacións a unha organización sen ánimo de lucro "porque evitamos facer un concurso público e desta maneira o Cluster comprométese a contratación de traballadores da comarca, que é un dos obxetivos".

Nas instalacións do matadoiro, sen actividade dende fai algo máis dun ano, será necesario acometer varias melloras e reformas, que asumirá o Cluster, unha organización que está integrada por 346 entidades e empresas, que suman o 54% das entidades galegas que se dedican a este sector da carne, cun volume de facturación de 528 millóns de euros no último ano.

O Presidente desta agrupación empresarial, Javier Vázquez Gil, aclarou que o matadoiro estará aberto tanto para gandeiros como carniceiros da comarca, coas mesmas prestacións que terán os socios do Cluster da Carne de Galicia.

No prazo dun mes, tal como recolle o protocolo, asinaráse un convenio de colaboración entre ambas partes, concello e cluster, que ractificará este acordo.