‘A mañá’ de COPE O Carballiño trasladouse a Boborás para presentar dende este concello o programa especial dos venres de verán.  Alí falamos co alcalde, concelleiros da corporación municipal e veciños.

( Redacción. Estefanía Bernándrdez ) Cipriano Caamaño, alcalde de Boborás, recén chegado de facer o Camiño de Santiago definía esta experiencia como única e a cal vai repetir en busca de novos placeres. Falando tamén de placeres evocaba a producción de viño do ribeiro que se elabora neste municipio, que forma parte da Denominación de Orixe Ribeiro..

O verán é unha época moi especial en Boborás porque é un tempo festivo casi a diario, xa que é un concello marcado pola emigración, pero que siguen moi unidos a Boborás, e prodúcense reencontros que permiten recordar as súas raíces e influencias. “Isto sempre é un motivo de celebración”.

Cipriano Caamaño leva “30 anos atrapado” en Boborás, enganchado polo interior aínda que él é de mar. O arraigo da súa familia e o anti-estrés que lle proporciona a comarca explican a súa prologanda estadía.

 A concelleira de cultura, Patricia Torres, falábanos das festas e da oferta turística que ofrece Boborás. “A xente ten que facer o esforzo de organizar as festas porque non se poden perder as tradicións, e tamén son unha boa oportunidade para que se xunte a xente”, comentaba Torres. A Señora do Carme, tradicional patrona dos mariñeiros, "tamén se celebra en Pazos de Arenteiro onde é moi querida, e ata onde se acercou o obispo este ano".

Outras celebracións destacadas son a Romaría da Saleta (Astureses) e San Bertomeu da Freixa (Cameixa). “A Saleta é unha romaría con moita tradición e ata o Carballiño a utiliza como fin de festas, pero é en Boborás”, e o San Bertomeu é unha festa moi especial a carón do río.

En canto ao turismo, Patricia Torres facía connosco un percorrido polo que podemos visitar en Boborás. Atopamos as rutas polos sendeiros, comezando por Pazos de Arenteiro, que é unha xoia arquitectónica con románico e xudaísmo. Tamén temos unha amplia variedade de igrexas románicas como a de Astureses, a máis antiga que está marcada por un estilo templario; a esta súmase a igrexa de Cameixa, San Pedro de Xurenzás, Xuvencos, Moldes, Albarellos e Brués, que é barroca. Alí, ademáis, atópanse as minas de Brués que se recuperaron en 2011 a través do Instituto Xeolóxico de España e que xa están ben señalizadas, aínda que Torres asumía que poden ter algún perigo.”Estamos pensando en pechalas para conservalas e facer alguna visita guiada”. A concelleira engadía que profesionais do Chamoso Lamas atoparon unha colonia de morcegos en perigo de extinción.

Outro tema no que se centraba Patricia Torres era o encoro de Albarellos ao que lle viría moi ben un embarcadoiro, pero é unha época difícil. “Non nos podemos meter en grandes obras, temos que manter as existentes, pero viríalle moi ben a inversión privada”.

Seguindo esta ruta turística entramos na gastronomía, que podemos degustar nos típicos bares de Boborás e tamén nas casas de turismo rural, moi apoiadas dende o Concello. Algunhas delas son o Pazo da Almuzara, a Casa de Brués, Casa Anxeliña (Astureses), Forno do Curro (Feás) e a Retoral de Pazos de Arenteiro.

 Por último tamén se acercaba ata os micrófonos de COPE O Carballiño o concelleiro de medio ambiente, Avelino Prado. “Estou no cargo para axudar ós veciños; aquí non se ven a destruir senón a facer, a axudar”, así definía a súa función Avelino Prado, xubilado da empresa privada e centrado máis que nunca na causa pública.

O seu obxectivo é intentar que o concello sexa pioneiro na provincia, ao igual que o alcalde. Agora está máis pendente da brigada de incendios que comezaron o 16 de xullo e que mentras non hai incendios están desbrozando. “Están levando a cabo estas actividades xa que foi un ano difícil polas continuas choivas, e hai que volver desbrozar”, comentaba Avelino Prado.

O cartel de Felipe-Senén López Gómez volve publicitar a festa, que chega este ano a súa 51ª edición. Ademáis dos medios convencionais, prensa, radio e televisión, potenciaráse a presenza nas redes sociais e internet.

Alcalde, concelleira de turismo  presentaron o cartel oficial da festa do artista carballiñés "unha marca inseparable da festa, que comezou o seu pai e coninúa agora él", manifestou Marnotes.

O acto contou coa asistencia de varios patrocinadores. A próxima cita será o venres dia 19 con motivo da presentación da convocatoria gastronómica carballiñesa na cidade de Vigo, a quen este ano está dedicada a festa do polbo. O acto terá lugar no porto de Vigo.

A investigación sospeita que o detido prendeu os  lumes por motivos de caza e non descarta a súa implicación en incendios forestais rexistrados na zona en anos anteriores.

A Policia Autonómica procedeu a detención deste home, veciño do concello de Piñor, como presunto autor dos tres incendios dos pasados dias 6 e 7 deste mes de xullo nas parroquias de Coiras e A Corna, nos que arderon 50 hectáreas de monte, a metade arbolado.

As dilixencias practicadas pola Policia Autonómica xa foron remitidas ao Xulgado nº 1 do Carballiño.

A víctima, de 72 anos de idade, sufre queimaduras de segundo grao no 30% das costas e foi evacuada nun helicóptero do 112.

O sinistro ocurríu minutos despois das dez da mañá e según o relato que fixo en COPE O Carballiño o xefe de Protección Civil "a explosión debeuse a unha acumulación de gas na cociña da vivenda, a muller ten o 30% da espalda con queimaduras, e estaba consciente no momento da súa evacuación", que foi nunha ambulancia ata un descampado nas inmediacións do pobo de Sobredo, no municipio de Boborás, onde foi recollida por un helicóptero do 112, que a trasladou ao hospital POVISA de Vigo.

Os danos materiais na vivenda son bastante importantes, ata o lugar do sinistro desplazáronse os bombeiros de Protección Civil do Carballiño, con 3 efectivos, así como os medios do 061 e Emerxencias 112.

“A mañá de COPE O Carballiño” trasladou o seu estudo móbil ata o concello de San Amaro, para presentar o programa especial dos venres de verán.

 ( Redacción. Estefanía Bernárdez ) Nun momento da súa intervención radiofónica o alcalde de San Amaro, Ernesto Pérez, lamentou o retraso na apertura do Centro de Interpretación da Cultura Castrexa, en San Cibrán de Lás. O rexedor municipal dixo que “a xoia da coroa estásenos oxidando” e “trátase dun proxecto de vital importancia para a comarca que xa é hora de poñelo en valor, non estaría xustificado ningún retraso máis na súa posta en marcha”. Explicou que tanto o proxecto de electrificación como a urbanización da contorna, agora xa licitada por parte da Xunta, foron os últimos motivos que retrasaron a apertura do centro no que ten “postas moitas esperanzas, porque como xa teño dito noutras ocasións, pode ser a nova locomotora que tire da comarca”.

En canto a viabilidade e futuro do Concello recordábanos que San Amaro data de 1845 e que naceu dunha fusión co Concello de Salamonde. Coma todos, nestes tempos ten dificultades pero cree que a fusión de Concellos non é a solución. “Por agora ninguén se atreveu a presentar unhos números concretos para a fusión”, e tamén defendía o papel da institución: “O Concello é necesario para estar cerca da xente”. A idea das fusións nace de modelos europeos pero “España ten que resolver o seu problema administrativo pensando en España, non noutros países”.

Por outra parte, espera que as festas locais que se celebrarán o 14, 15 e 16 de xullo  teñan o éxito que se merecen e agradeceu expresamente o esforzo que fan dende a comisión de festas, tanto na organización da Festa da Cabra como na parroquia de San Amaro.

Paula Fernández Estévez, da comisión de festas de San Amaro, explicábanos que cada día actuará unha orquesta, pero o prato forte estará no domingo, coa actuación da París de Noia.

Na Festa da Cabra de Anllo, os organizadores esperan superar os 500 comensais que sentaron á mesa na edición do ano pasado. Serviráse carne de cabra guisada e ao caldeiro.

Rubén García, do mesón Lembranza, que tamén participou no programa de radio, espera que estas festas sexan un bo empuxón para a hostelería local.

A Asociación Acción Ambiental presentou en Maside o Proxecto CEUS (Camiñando Cara Unha Europa Sostible) para restaurar o espazo natural "Puzo do Lago".

Lucas Lamelas, presidente de Acción Ambiental, xunto con Celso Fernández, alcalde de Maside, foron os encargados de presentar este programa enmarcado dentro de "La Juventud en Acción". O proxecto cosntará de tres fases: unha primeira consistente en charlas participativas que xa se desenvolveron no mes de xuño; unha segunda na que comenzarán os voluntariados de restauración no humidal "Puzo do Lago". Estos voluntariados realizaranse en dúas quendas durante os días 12 e 13 de xullo e 19 e 20 xullo. Os grupos estarán formados por 15 persoas.

A terceira fase do proxecto serán visitas guiadas ao "Puzo do Lago" en setembro. Terán como finalidade mostrar a importancia da educación ambiental e dar a coñecer o contorno á poboación.

Os obxectivos que presenta o proxecto CEUS son fomentar a implicación e participación cidadá en educación ambiental, e contribuír á conservación dos espazos naturais. Para isto, algunhas actividades que se realizarán son seguimento de fauna mediante fototrampeo, recollida de residuos, a creación dun refuxio para réptiles, entre outras moitas.

O proxecto queda aberto a calquera persoa maior de idade. Terán que contactar ben na páxina do programa www.proyectoceus.es, ou ben mediante correo electrónico contacto@proyectoceus.es ou accionambiental@hotmail.es.

( Redacción. Estefanía Bernárdez ) O alcalde , Argimiro Marnotes, presentou a Festa do pulpo do Carballiño como marca rexistrada. Marnotes, acompañado de Julián Garriga, presidente da asociación de comerciantes, e Pilar Caride, concelleira de Turismo, confirmaron tamén o rexistro da imaxe da festa, o pulpo Octavio.

Argimiro Marnotes trasladaba os beneficios que terá este rexistro da marca como "unha proxección moito máis ordenada e profesional do que viña sendo". Ademáis, explicaba Marnotes, rexistrouse "Festa do pulpo do Carballiño" porque o concepto xenérico de festa do pulpo xa se atopaba patentada. A consecución da marca permitirá un control absoluto das sociedades e do merchandising por parte do Concello, xa que todo terá que ter a súa autorización. O alcalde do Carballiño tamén suliñaba que "é unha nova fonte de ingresos, un trámite que se tería que ter feito fai tempo".

Tamén se sumou o rexistro da imaxe de Octavio. Este obxectivo súmase ao conseguido o ano pasado, cando foi declarada Festa de Interese turístico nacional.

Na mesma presentación amosáronse dous manuais para o correcto manexo das marcas. Normas ás que se terán que ceñir as sociedades ou comerciantes que as queiran comercializar. Avanzouse que se colaborará co Centro Comercial Aberto para que os colectivos dos comerciantes do Carballiño poidan distribuir dita marca.

Julián Garriga, presidente dos comerciantes, felicitaba ao Concello polo conseguimento e declaraba que "é un feito importantísimo e tamén unha nova oportunidade de compra no Carballiño". O luns presentarán a súa campaña de verán, a cal levará a Octavio como a súa imaxe.

Coa incorporación da última fichaxe, o dianteiro Diego Quiroga, a nova Xunta Directiva da practicamente por cerrado o plantel de efectivos cos que contará o adestrador Miki López para competir na Primeira Autonómica, tras consumarse o descenso de categoria do club carballiñés.

En relación ao plantel de Preferente do ano pasado causan baixa no club 8 xogadores: Iago Garrido e Xurxo que retornan ao Verín, Macia que vaise ao C.D. Barco, Soares que regresa ao Lalín, Pablo Piñeiro que se vai á súa terra como novo xogador do Ribadumia, Tazos, que comunicou o club que se vai o fútbol danés, Gabriel que fichou no Ourense B, e Kennedy, de momento sen equipo.

O club renovou a 7 xogadores da anterior tempada en Preferente: Pachi, Prada, Marcos Sotelo, Pablo Dabarca, Escudero, Bardelás e Walter Martín. Tamén se lle ofreceu a renovación a Tacón, aínda que por motivos de traballo o xogador non poderá incorporarse ata avanzada a tempada.

As altas que durante os últimos dias se foron confirmando son as seguintes: Lois, Canexón e Perdiz(  AT. Barbantes ) e Adrián Cancelas, que regresa ao Arenteiro despois do seu paso polo Ourense B. Tamén volve ao C.D. Arenteiro Alex, procedente do Melias. Do equipo xuvenil da E.M. F. incorporanse Omar e Manu, e ademáis farán a pretempada Joel, Rubén, Franki, e Miguel. Ademáis, o club tamén levou a cabo contactos para a reincoporación dos ex-Arenteiro Pana e Samuel, pero ambos xa estaban comprometidos con outros equipos.

Finalmente, confirmanse tamén a fichaxe de outros catro xogadores: Meji ( Club Lemos ), Luis Chamo e Adrián Núñez ( C.D. Velle )  Victor Gallego ( Verín C.F. ) e Diego Quiroga ( Club Lemos ).

Como segundo adestrador e preparador físico o club contará cos servizos de Borja Quintas.

ASEMBLEA DE SOCIOS O VENRES DIA 12 ÁS 21 HORAS

A nova Xunta Directiva expoñerá ante os socios o novo proxecto deportivo, económico e social para a vindeira tempada. A convocatoria está fixada para o venres dia 12 de xullo ás 21 horas no salón de actos da casa do concello do Carballiño.

Tratase dun total de 37 contratos de persoal laboral temporal que posteriormente por decreto do excalde Carlos Montes convertiu en indefinidos a 22 deles, a fiscalía advirte indicios de posible responsabiliade penal e abre dilixencias informativas.

Os contratos que motivan esta investigación da Fiscalía remontanse a xaneiro de 2006 e tiñan unha duración de 12 meses, ata o 31 de decembro dese mesmo ano. Non obstante, unhos dias antes de que vencesen os contratos, outro decreto da alcaldía convertíu en indefinidos a 22 traballadores. 

Agora, a Fiscalía cuestiona o procedemento e ven de requerir ao concello do Carballiño a documentación relativa a este caso, que xa no seu momento fora cuestionado pola oposición municipal, daquela formada por Partido Popular e BNG.

A Fiscalía de Ourense tivo agora coñecemento destes contratos de forma casual, ao aportarlos como proba no xulgado unha traballadora municipal que recurríu ante a xustiza a rescisión do seu contrato, xa agora durante o actúal mandato do Partido Popular.

O portavoz do grupo municipal socialista denunciou a pe de rúa o calamitoso estado deste vial,  recollendo "as reiteradas queixas de veciños e automobilistas".

A obra de acondicionamento da calzada fora contratada polo concello do Carballiño a unha empresa, un proxecto que según os socialistas "tivera un coste de 40.000 euros, e que foi recepcionada polo alcalde aínda tendo en conta un informe negativo do arquitécto municipal", asegurou Paco Fumega.

No transcurso dos últimos meses, acometeronse traballos para correxir a problematica, con varios asfaltados sucesivos. Non obstante, a problemática persirste "esto é absolutamente terceiromundista, temos un problema moi serio, estas son as chapuzadas deste concello, é a sexta vez que denunciamos esto, xa o fixemos no pleno, en comisións e na prensa, e agora volvemolo facer", sentenciou Fumega.