O Concello do Carballiño vén de iniciar as obras de renovación integral do alumeado do templo e da praza da Veracruz, a xoia arquitectónica deseñada por Antonio Palacios.

A intervención supón un salto de calidade respecto á iluminación existente, coa sustitución dos antiguos proxectores por novos puntos de luz e a recuperación do deseño lumínico orixinal ideado polo recoñecido arquitecto porriñés.

A previsión é que a instalación da nova iluminación estea remada para antes da Festa do Pulpo, sempre e cando non xurdan imprevistos.

O proxecto, redactado e dirixido por Auditesa, foi adxudicado á empresa Acelec Instalaciones Eléctricas, cun investimento de 87.846,00 euros. A solución técnica foi consensuada coa oficina técnica de Patrimonio Cultural de Ourense, garantindo o respecto ao valor patrimonial do conxunto.

A actuación inclúe a retirada da instalación actual que discorre polo perímetro e cuberta do templo, eliminando tamén todo o cableado e substituíndo os 78 proxectores e as 11 luminarias existentes por 47 novos proxectores e 11 luminarias ambientais, todos eles con tecnoloxía LED de alto rendemento fabricados por Moonoff.

A maior parte deste novos elementos instalaranse en 4 columnas de 6 e 10 metros de altura, situadas fóra do perímetro do templo e aliñadas cos seus eixes principais. Tamén se instalarán proyectores, dirixidos cara ao templo, na casa parroquial. As novas lentes e potencias están adaptadas a cada elemento a iluminar, garantindo unha correcta direccionalidade que diminuirá a contaminación lumínica. Os únicos proxectores que estarán colocados sobre o templo serán os do interior da torre.

Precisamente, para coñecer o resultado final desta actuación, acábase de realizar unha proba nocturna, en presencia de Patrimonio, que anticipa a nova imaxen do templo, ainda que unha vez rematada a instalación da iluminación o resultado mellorará con relación ao visto na proba. Para levar a cabo esta simulación, utilizáronse grúas en substitución das columnas nas que irán colocados os proxectores.

A esta proba asistiron, ademáis de técnicos de Patrimonio e da empresa adxudicataria, os concelleiros Manuel Dacal e Alberto Otero, que amosaron a súa satisfacción polo resultado, que reafirmará á Veracruz como un dos referentes patrimonais da provincia e Galicia. “Esta intervención non só dignifica un espazo emblemático para a veciñanza e un dos lugares máis visitados polos miles de turistas que chegan cada ano á vila, senón que tamén serve como homenaxe á figura de Antonio Palacios, apenas un ano despois de celebrarse os 150 anos do seu nacemento no Porriño (Pontevedra)”, sinalaron.

Ademais da substitución do cadro eléctrico, canalizacións e conexións, o proxecto contempla o reforzo das luces do anfiteatro e a posta en valor dos volumes arquitectónicos da Veracruz, recuperando o xogo de luces concibido por Palacios e un tono de luz especial no interior do templo, que marcará “un antes e un despois”, segundo explica o inxeñeiro, Enrique Pardo, responsable da empresa adxudicataria do proxecto.

A nova iluminación mellorará igualmente a seguridade da contorna, actualmente con varias zonas escuras, e suporá un aforro enerxético superior ao 60%, contribuíndo así á sostibilidade e ao equilibrio orzamentario municipal.

A Deputación de Ourense, a través da área de Igualdade, adica a iniciativa “8M, mes a mes” de xullo de visibilización de mulleres ás asociacións de integración e labor social, representadas neste caso pola asociación ASPADISI (Asociación de Pais de Discapacitados Psíquicos da Comarca de Carballiño), na persoa de Josefa Rodríguez Álvarez.

O lema seleccionado para este mes do programa é: “Mentes que suman, voces que empoderan” Josefa Rodríguez foi unha das fundadoras da asociación ASPADISI no 1995,ano no que comezou no cargo de tesoureira. Foi pasando por diversos postos dentro da organización, ata acadar a presidencia no 2003. O impulso de Josefa por levar a cabo este gran labor social e de integración foi o seu fillo, que ten unha discapacidade. Josefa preguntábase entón: “Que será do meu fillo cando medre?” , así que, xunto con outros pais nesta mesma situación decidiron, ca axuda de FADEMGA, crear a asociación.

Para Josefa, o nacemento desta asociación foi un espazo de reunión, formación e integración. Co apoio doutros pais, Josefa atopou unha saída máis ás preguntas que se facía sobre o futuro do seu fillo con discapacidade. Neste sentido, para compañeiros e usuarios da asociación, Josefa foi sempre unha referente e pioneira. Tempo despois da creación da asociación, o Concello do Carballiño cedeu un local para comezar cas actuacións da asociación.

Anos máis tarde, no 2004 cedÉuselles un terreo urbanizable no que comezaron a edificación do actual centro ocupacional. No 2006 puideron trasladarse alí definitivamente. Na actualidade, ASPADISI conta cun centro ocupacional que ten 43 usuarios e cunha residencia de 32 prazas. Tanto na residencia como no centro ocupacional realizan diversas actividades, entre as que destacan a creación de bolsas de papel e chaveiros, os cales comercializan e ca recadado crearon un fondo social. Neste, recóllense os beneficios para invertilos na praza da residencia daqueles usuarios que non poden costear os gastos.

Ademais, dende o centro ocupacional ofértase formación para os usuarios e temario para as diferentes oposicións. Ao preguntar a Josefa polos usuarios do centro, sinala: “Teño tantos fillos aos que quero pola vida… Para min son felicidade”. Tamén pon en valor a axuda dos demais traballadores, especialmente do vicepresidente, Manuel Amil Otero, do que, di, conta con gran apoio e dedicación.

Unha representación veciñal presentou no rexistro municipal do concello do Carballiño máis dun milleiro de alegacións contra a LAT de 220 KV que serviría de liña de evacuación a un proxecto de mega parque eólico de 75 aeroxeradores que afectaría a montes das provincias de Lugo, Ourense e Pontevedra.

As alegacións particulares súmanse as promovidas polas asociacións de veciños de Seoane, Mudelos e Madarnás e as cinco tramitadas por este proxecto polo concello do Carballiño.

Comarca adiante, a contrucción desta Liñas de Alta Tensión afectaría a numerosas parroquias dos concellos de San Cristovo de Cea, Piñor, O Irixo, Boborás, Beariz, Leiro, San Amaro ou Cenlle, entre outros.

Son miles de alegacións as que xa foron presentadas en todo o territorio comarcal O Carballiño-O Ribeiro,que inciden no impacto negativo deste mega proxecto, que nalgunhos puntos situaríase a apenas 60 metros de distancia de núcleos de poboación.

A Concellería de Cultura e a Concellería de Turismo reforzan a programación lúdica do verán co obxectivo de que a veciñanza e os miles de visitantes que cada verán se achegan ao municipio desfruten da arte e da cultura na rúa. O Verán Cultural inclúe máis de 50 actividades de música, teatro, fotografía e cine dirixidas a público de todas as idades. “O Carballiño é un gran referente como destino turístico, queremos que a xente se divirta e desfrute do noso concello”, apunta Diego Fernández, concelleiro de Cultura.

A programación arranca este sábado dia 5 co concerto de Zeltia Irevire, unha actuación que da inicio ao 6º Ciclo de Música de Rúa Feito no Carballiño, unha aposta do Concello por poñer en valor aqueles grupos musicais vencelladas ao municipio.

O domingo 6, o Verán Cultural continúa coa 27ª Convivencia Familiar, organizada por Special Olympics Galicia, na que participan preto de 700 persoas con discapacidade, familiares, profesionais, voluntarios e directivos de 19 entidades de toda Galicia. Tamén o domingo se levarán a cabo as Olimpíadas con Froita, unha actividade dirixida a nenos e nenas na que se fomentan hábitos saudables como a inxesta de froitas de tempada.

Durante as próximas semanas, sucederanse actuacións musicais, obradoiros (como o de creación de curtametraxes, impulsado por Xociviga), cine, festivais, pasarrúas ou exposicións artísticas.

A programación arredor da Festa do Pulpo crece este ano, con 20 días de actividades para todos os públicos. A datas tradicionais como a elaboración da Tapa de Pulpo máis grande do mundo ou o Concurso de Camisetas únense citas como o Día do Emigrante ou a Mostra de Viños. O Concello quixo facer unha especial chiscadela aos emigrantes do Carballiño que cada verán regresan á terriña para desfrutar das súas raíces. “Facemos o Día do Emigrante para homenaxear a súa gran contribución ao noso municipio”, explica Manuel Dacal, concelleiro de Turismo.

A enocultura tamén terá o seu oco a través da Mostra de Viños, na que participará unha representación de adegas da D.O. Ribeiro, ademais de dúas adegas internacionais, unha de Noventa Padovana (Italia) e outra de Alijó (Portugal) -ambas localidades están irmandadas co Carballiño-.

Diego Fernández e Manuel Dacal animan á poboación a participar na programación e a desfrutar da amplia e variada oferta cultural para estes meses. O Verán Cultural rematará o 13 de setembro co concerto dun dos músicos máis coñecidos do panorama galego: Xabier Díaz. Xunto ás Adufeiras de Salitre, porá o broche de ouro as máis de 50 actividades previstas.

CONCERTO - CONCERTO – ZELTIA IREVIRE
sábado, 5 ás 20 h na Praza Maior

27º CONVIVENCIA FAMILIAR DE PERSOAS CON DISCAPACIDADE
INTELECTUAL – FADEMGA ESPECIAL OLIMPYCS
domingo, 6 ás 11:00h no Parque Municipal

OLIMPIADAS CON FROITA
domingo, 6 ás 19 h na Praza da Vera Cruz

ENTROIDO DE VERÁN
sábado, 12 - ás 20 h DESFILE
- 21.30-22.30 e 23.30-01.30 DISCO EPOCALISIS

ELOS-MARTA BRAVO & SÉRGIO TANNUS
domingo, 13 ás 20 h na rúa Perfectino Viéitez

OBRADOIRO INTENSIVO DE CREACIÓN DE CURTAMETRAXES. Organiza A.C XOCIVIGA
Do 14 ó 24 de xullo
Semana 1: luns a xoves de 10 a 14.30 h/venres de 10 a 14 h
Semana 2: luns a mércores de 10 a 14 h e 16 a 20 h/xoves de 10 a 14 h
Créditos: 6 créditos ECTS / Certificación de OFF ESCAC

15ª EDICIÓN CINE DE FLORES. Organiza Cine Club Carballiño
15, 16 e 17 ás 22.30 h no Barrio de Flores
martes, 15: Tralas luces
mércores, 16: Rock bottom
xoves, 17: La marsellesa de los borrachos

16ª EDICIÓN FESTA DA PALABRA. Fundación Ínsua dos Poetas
sábado, 19 ás 11.30 h na Ínsua dos Poetas

CONCERTO - CERVAN + SUEÑOS DE ÍTACA
sábado, 19 a partir das 20.30 h na Praza da Vera Cruz

CONCERTO - ALEXANDRE CABANELAS TRÍO
domingo, 20 ás 20 h rúa Principal

DÍA DA EMIGRACIÓN: Concerto de música e animación musical de rúa
xoves, 24

CONCERTO – ROBERTO SOBRADO
venres, 25 ás 20.30 h na Praza Irmáns Prieto

XXXI FESTIVAL DE HABANERAS. Organiza Orfeón do Carballiño
sábado, 26 ás 20.30 h no Auditorio

CONCERTO – SOUL & ROLL
sábado, 26 ás 21 h na Praza Maior

CONCERTO – SEZZ
domingo 27 ás 20.30 h na rúa Curros Enríquez

SEMANA GRANDE PARA PEQUENOS
ACTIVIDADES INFANTÍS
Do 28 de xullo ao 1 de agosto, a partir das 18.30 na Praza da Veracruz

FEIRA E MÚSICA CON CANTOS DE TABERNA
PASARRÚAS con FEITIZO DE PAU
xoves, 31 ás 11 h polas rúas da vila

ANIMACIÓN Á LECTURA. CONTOS NA LOITA CONTRA O CAMBIO CLIMÁTICO
- A CICLOBIBLIOTECA. Pograma Ler conta moito
xoves, 31 ás 12 h na Praza Antón Losada Diéguez

AGOSTO 2025
______________________________________________

SEMANA GRANDE PARA PEQUENOS
ACTIVIDADES INFANTÍS
Do 28 de xullo ao 1 de agosto, a partir das 18.30 na Praza da Veracruz

CONCERTO – TACROLIMUS
venres, 1 ás 21 h na Praza Maior

MOSTRA DE VIÑOS
Adegas abertas de 12 a 15 h e de 20 a 23.30
Sábado, 2 - ás 12 h - Praza Maior e ás 21.30 h - rúas: Animación musical POLO PAN BAILA O CAN
- ás 21 h - Praza Maior: CONCERTO - TRES PESOS

Domingo, 3 - ás 12 h - Praza Maior e ás 21.30 h - rúas: Animación musical PERRITO PILOTO
- ás 21 h - Praza Maior: CONCERTO – AMIGOS DO ACORDEÓN TERRAS DE CELANOVA

CONCERTO – ISIDRO VIDAL
luns, 4 ás 20 h na Praza Maior

A TAPA DE PULPO MÁIS GRANDE DO MUNDO
martes, 5 ás 20 h na Praza Maior Animación musical 80-90´DJ TIBU 80

CONCERTO CUARTETO ALFONSO MEDELA “ON CUE”
mércores, 6 ás 23 h na Praza da Vera Cruz

ACTUACIÓN DOS CORIBANTES DE BUCHABADE. 20 ANOS DE MÚSICA
xoves, 7 ás 20.30 h na Praza da Vera Cruz

CONCERTO DE ZAPATO VELOZ E LOS LIMONES
venres, 8 ás 23 h na Praza Maior

FESTA DAS CAMISETAS
sábado, 9 - ás 18 h polas rúas animación musical da BATUCADA BATE NO COBRE
- ás 23 h na Praza Maior CONCERTO de GIN TONICS

FESTA DO PULPO
domingo, 10 - a partir das 11 no Parque Municipal e rúas da vila
Animación musical de CHARANGAS / GRUPOS DE MÚSICA TRADICIONAL
- a partir das 11.30 h no Parque Municipal
FESTIVAL FOLCLÓRICO DE MÚSICA E DANZA TRADICIONAL: BANDA DE GAITAS OS CATRO VENTOS / UXÍA LAMBONA E A BANDA MOLONA / CANTA NAS CROAS / PELEPAU
- de 22.30 a 24.30 h na Praza Maior
ORQUESTRA LA OCA BAND

17º FESTIVAL DE TÍTERES
Do 12 ao 15 ás 19.00 h na Explanada do Parque
Día 12 – AS ALMOFADAS SOÑADORAS + OBRADOIRO de AsSircópatas
Día 13 – AS AVENTURAS DE PITUQUIÑO + OBRADOIRO de Trécola Producións
Día 14 – VARIETÉS DO ANIMALARIO + OBRADOIRO de Paporrubio
Día 15 – SEN DESTINO + OBRADOIRO de Nómadas

XORNADAS DE FOLCLORE INTERNACIONAL. Deputación de Ourense
sábado, 16 ás 22.30 na Praza Maior
Países participantes: Irlanda – Georgia - Chile

CONCERTO – MINO
sábado, 23 ás 20.30 na Praza Maior

S

A vila de Cea acolle esta esta fin de semana, sábado e domingo, a Festa de Exaltación do Pan de Cea que terá o seu dia grande o domingo no campo da Saleta. Antes, o sábado, a tradicional ruta dos fornos.

No PODCAST de COPE O Carballiño deste venres 4 de xullo podes escoitar o promada especial dos venres de verán emitido desde a casa do concello de San Cristovo de Cea:

Preme aquí: https://copecarballino.es/content/mana-na-cope-16

Será ás 11:30 horas deste sábado dia 5 de xullo na Praza Emilia Pardo Bazán do Carballiño, un acto informativo organizado polas distintas plataformas veciñais que estánse mobilizando na comarca contra estes proxecto. 

No mesmo acto, poderán asinarse alegacións individuais por parte das persoas que o desexen, e rematará cunha acción reivindicativa e artística na rúa.

Podes escoitar a entrevista a Zósimo Ayubo e Alba Villanueva no PODCAST de COPE O Carballiño, a partir do minuto 63:

https://copecarballino.es/content/mana-na-cope-20

O concelleiro do Partido Popular do concello de San Cristovo de Cea, José Paz Vázquez "O Trapela", de 76 anos de idade faleceu de forma repentina na tarde deste mércores 2 de xullo.

O concelleiro popular encontrábase nunha finca familiar na que estaba ensilando a herba, utilizando un tractor, e momentos antes do suceso declarárase un pequeno lume. José sufríu unha repentina indisposición e desplomouse o chan, e cando chegaron os sanitarios do 061 tan so poideron certificar o seu falecemento.

Os feitos tiveron lugar na localidade de Pobadura, na parroquia de Oseira, onde residía o concelleiro que formou parte da corporación do concello de San cristovo de Cea nos tres ultimos mandatos municipais.

O presidente provincial, Luis Menor, comprometeuse a impulsar a asociación Novo Rural de O Carballiño e O Ribeiro, formada por unha trintena de profesionais do sector dos aloxamentos turísticos nas dúas comarcas citadas. Este compromiso ratificouse durante o encontro no Pazo Provincial coa presidenta e secretaria da entidade, Elena García e Inma Rúa, no marco dos encontros de traballo que o presidente da Deputación mantén con sectores clave para a provincia.

Luis Menor puxo en valor o talento mozo e o relevo xeracional desta asociación, xa que maioritariamente está formada por profesionais novos que revitalizan o sector. Tras escoitar as demandas da asociación, que busca principalmente reforzar a oferta de produtos turísticos durante a tempada baixa, o presidente provincial puxo en valor as “potencialidades turísticas” e os valores “específicos e atractivos” das dúas comarcas, citando os paisaxísticos, gastronómicos, culturais e naturais. “Por iso, imos colaborar con ese desenvolvemento, para a Deputación o turismo é un sector estratéxico”, sinalou.

Pola súa banda, as representantes de Novo Rural valoraron como “moi satisfactoria” a reunión no Pazo Provincial e puxeron en valor a “ilusión” dos que se achegan a coñecer o proxecto e os valores desta asociación.

O presidente provincial, Luis Menor, subliñou hoxe a “determinación e a constancia” na posta en valor dun “recurso estratéxico” para a provincia de Ourense como é o termalismo, afirmación que realizou durante a inauguración da primeira piscina termal ao aire libre adaptada e accesible de España na área do Bañiño, proxecto executado a través do Plan de Sustentabilidade Ourense Termal, cofinanciado ademais da Deputación de Ourense pola Axencia de Turismo de Galicia e a Secretaría de Estado de Turismo.

Menor puxo en valor a “cooperación” como clave para levar a cabo este proxecto termal, destacando a “estreita colaboración” coa Xunta de Galicia, sendo a Deputación de Ourense a que ten máis convenios co goberno autonómico das catro deputacións galegas.

“Non inauguraramos unicamente unha piscina, senón unhas melloras que supoñen un valor engadido para un concello como Punxín e para unha provincia termal como Ourense”, sinalou o presidente provincial, que puxo énfase en que a oferta termal é “grande e espallada, máis alá da capital”.

Ademais, invitou aos asistentes a desfrutar do “refuxio climático extraordinario” que supón a área do Bañiño, así como aproveitar a Alta Velocidade para seguir atraendo visitantes a esta e ao resto de riquezas termais da provincia.

Pola súa banda, o alcalde de Punxín, Manuel Vázquez, destacou o “esforzo” feito desde o seu concello para poñer en marcha esta área termal durante décadas, desde que comezaron a facer as analíticas necesarias para certificar a zona como augas de aproveitamento lúdico mineromedicinal. “Grazas a cooperación temos as augas do Bañiño e isto seguirá medrando”, indicou.

Pablo Fernández Vila, director xeral de Planificación Enerxética e Minas, destacou a Punxín como “un dos primeiros” de Galicia en adaptarse a lei de aproveitamento lúdico-termal e tamén dos primeiros en acceder ás axudas da Xunta de Galicia para que os concellos termais se adaptaran a esta nova normativa. “Este é un exemplo máis de cooperación institucional a nivel autonómico, provincial e local, a prol do termalismo que temos que explotar de xeito racional”, dixo Fernández Vila.

Visita á nova piscina termal

As autoridades visitaron as obras de mellora da área do Bañiño, nas que a Deputación de Ourense investiu desta volta preto de 37.000 euros, co fin de ofrecer servizos adaptados a persoas con mobilidade reducida e instalar un sistema de tratamento das augas residuais xeradas durante a limpeza das piscinas, mellorando así o compromiso co medio ambiente.

A actuación da piscina termal inclúe tamén a disposición dunha cadeira de rodas feita con materiais plásticos para meter na auga e evitar a súa oxidación, o que permite ao usuario acceder ás pozas con total seguridade.

Unha área con continuas melloras

Esta área, de titularidade municipal, sitúase ao aire libre e conta con autorización de uso lúdico por parte da Xunta de Galicia. Durante o ano 2022 realizáronse obras de acondicionamento, dotando á área termal de servizos e instalacións necesarios para a súa posta en marcha e modernización, melloras que tamén contaron con financiamento da Deputación.