O Partido Popular acadou nas eleccións xerais deste domingo o maior número de votos de toda a historia da democracia nunhos comicios no municipio do Carballiño, ao lograr 4.966 votos, o que representa o 60,72 % sobre o voto válido emitido polo electorado carballiñés. Mentres, os Socialistas quedanse nos 2.092 votos, cunha porcentaxe do 25,58% de voto válido.O Bloque Nacionalista Galego obtén 676 votos, o 8,27. Outras formacións políticas sumaron no municipio do Carballiño 311 sufraxios, en branco contabilizaronse 134 e finalmente, nulos foron declarados un total de 117 votos. A participacion nesta xornada electoral no Carballiño situose no 72,13 do censo.

Os populares avanzan no municipio do Carballiño 11,57 puntos en relación ás eleccións xerais de 2008, mentres que o PSOE perde 11,29 puntos con respecto a fai 4 anos atrás, 1.047 votos menos. Algo máis leve é a caida do BNG, que acada o 8,27 fronte o 11,31 de 2008, o que representa un retroceso de 288 votos.

Especialmente siñificativas son tamén as comparativas que se poden establecer coas porcentaxes tanto en Galicia como na provincia de Ourense, polo que respecta tanto a PSOE como ao BNG, xa que os seus resultados no Carballiño están un par de puntos por debaixo tanto da media galega como provincial. Mentres o Partido Popular obtén mellores porcentaxes no municipio, 4 puntos por enriba da media provincial e case 8 puntos por enriba da media galega. Mírese como se mire, un resultado espectácular para o PP carballiñés.

O PARTIDO POPULAR TAMÉN ARRASA NO RESTO DOS CONCELLOS

A victoria do Partido Popular resulta escandalosa no caso dalgunhos concellos, onde chega a acadar atá o 88% dos sufraxios, éste é o caso de Avión e Beariz, 1.011 votos e 576 respectivamente, mentres que o resto dos partidos repartense apenas o 12% dos votos emitidos nos dous concellos.

Tampouco se queda moi atrás nesta goleada popular o Concello do Irixo, onde o Partido Popular recibíu o 75% de apoios, mentres que en Boborás os populares lograron o 71,81% de votos. No municipio de Cea o Partido Popular acadou o 69% dos votos válidos neste municipio, o 67% en San Amaro,e no de Maside o PP suma o 59% de sufraxios, seguido do 56% de apoio popular en Punxín. No concello ribierán de Leiro onde seu Alcalde da localidade foi elexido Senador do Partido Popular, éste conseguíu o 64% dos votos emitidos.

Finalmente, no Concello de Piñor, onde os socialistas obstentan o goberno municipal e gañaran nas xerais de 2008, o PSOE retrocede 10 puntos en favor do Partido Popular, que se alza co 54% dos votos neste municipio.

E con ésta son xa catro as  xornadas consecutivas que levan os carballiñeses sen gañar un partido.  O Arenteiro sigue deixando moitas dúbidas, e ante o Nogueira volveu a repetir erros de anteriores partidos, parece que mellora en defensa, pero sigue con moitos problemas no centro do campo e no ataque, onde tanto Alén -que tivo que abandoar o campo lesionado e deixou o equipo con 10 nos últimos minutos - como Iglesias, que tan só xogou a última media hora de partido, non parecen estar no seu mellor momento. 

 Sen embargo, a alarmante falta de gol de este Arenteiro tamén tén seguramente outras causas, que pasan por un centro do campo que da escasas asistencias aos dianteiros, e asi é moi complicado marcar goles. En todo o partido, o Arenteiro dispuxo dunha única e clara ocasión fallida de gol, foi no minuto 35 da segunda metade, un balón metido polo centro sobre Alén, éste salva a saída do porteiro índose cara a dereita pero o seu tiro vaise fora de portería. A outra única vez en toda a tarde na que o Arenteiro pudo adiantarse no marcador foi no minuto 26 do primeiro periodo, nun magnifico tiro desde fora da área de Marcos Sotelo que se foi o longueiro. Esta foi toda a pólvora dos carballiñeses no partido.  Enfronte tivo a un Nogueira que chegaba e saíu de Espiñedo como líder da categoria, tampouco é que fixera máis que o Arenteiro, creou outro par de ocasións de perigo e para de contar, bastoulle estar ben plantado en defensa para levarse un punto e seguir comandando a clasificación.

  E pouco máis deu de sí un partido xogado no día de reflexión previo á xornada dominical de votaciós, tamén este Arenteiro debería flexionar un chisco sobre qué obxetivos quere para esta liga, porque desde logo facer 3 puntos de 12 posibles nos 4 últimos partidos non parece que sexa ir polo mellor camiño.

Será a partir do vindeiro dia 11 de decembro, coincidindo coa entrada en funcionamento da liña da alta velocidade entre Ourense e Santiago de Compostela. Desde esa data, o talgo deixará de pasar polo Carballiño, o que obrigará aos viaxeiros carballiñeses a desplazarse atá a Estación de Ourense.

Ademáis, desde ese mesmo dia, Renfe reestructurá os servizos e horarios na Estación do Carballiño. En dirección Ourense ofrecerá cinco trenes diarios, suprimindose o Media Distancia das 21,41 horas, no seu lugar haberá un Rexional que terá a súa parada na estación carballiñesa ás 20,45 horas. Mantense o Rexional da mañá, que adiantará unhos minutos o seu horario, ás 08,02 horas. Completarán o oferta diaria, o tren Arco ás 10,31 horas, un Rexional ás 15,04 e o Tren Hotel a Madrid ás 23,51 horas.

En dirección Santiago-A Coruña, manteránse outros cinco servizos diarios. Os Rexionais, ás 7,04, 15,03, e 20,42 horas, respectivamente. O Tren Arco circulará pola Estación Carballiñesa ás 18,53 horas, e finalmente, o Tren Hotel terá a súa parada ás 05,49 horas.

As últimas noticias sobre o estado de saúde dos feridos máis graves comezan a ser algo esperanzadoras. No caso concreto de Edelmiro Mateo parece confirmarse que está saíndo do pior momento, ao seu estado referíase esta maña o Secretario Xeral do PSdG Pachi Vázquez. Nun improvisado mítin electoral na rúa Principal comunicou aos presentes "unha das mellores noticias desta campaña electoral, que vai mellor o noso compañeiro Edelmiro e todos os afectados na traxedia que vivimos no Carballiño, por eso as primeiras verbas teñen que ser para pedir que o neno e os maiores, e o noso Edelmiro sigan mellorando, e sen botar as campás o vuelo, parece que colle mellor cara a cousa", asegurou o dirixente socialista.

Pola súa parte, tamén confirmaba esta melloría dos feridos o Alcalde do Carballiño "o rapaciño dentro da gravidade, xa non corre perigo. Edelmiro tén complicacións e ainda que acaso sexa o que está en pior situación, parece que xa con menos medicación está respondendo ben, o que non deixa de ser unha noticia esperanzadora". Marnotes confirmou, ademáis, que o resto dos feridos "manteñense estables no seu estado de saúde", e en canto os dous Policias Locais "Maricarmen xa está en planta, e Carbajal volveu a UCI, pero xa está fora de perigo, agora o que toca é mellorar", dixo.

As obras no entorno da Igrexa Vella, que comezaron esta semana, consistirán no adoquinado da rúas e a ampliación das beirarúas, de tal maneira que a partir da reforma manteráse un único carril para a circulación de vehículos. A intervención, que executa a empresa Proyecon, conta cun orzamento de 149.921 euros, que son aportados pola Xunta de Galicia.

As beirarúas construiránse en pedra, e ademáis reformaráse a rede de saneamento nesta zona. Fronte á entrada da Igrexa procederáse a ampliación das escaleiras de acceso desde Cesáreo Tizón, eliminando o petril de cemento existente.

Doutra parte, o Concelleiro de Obras e Urbanismo, Magin Daparte, acompañado dos técnicos municipais, elaboraban un estudio de todo o mobiliario urbano e elementos ornamentais ubicados nos accesos á rúa do Paseo. Tralo incendio do pasado sábado, quedou patente que os servizos de emerxencias tiveron moitos problemas para acceder ao lugar do sinistro para a evacuación dos feridos. A intención dos responsables municipais do Carballiño é retirar a maioria deste mobiliario urbano das entradas á rúa Principal.

O cativo está fora de perigo, ainda que transcurridas as primeiras 72 horas que se consideran decisivas, o seu estado de saúde sigue sendo grave. ¿Cómo te chamas ? "Chámome Marcos e veño dun incendio no Carballiño", asi lle contestou aos médicos que o atenden no Complexo Hospitalario Universitario da Coruña.

A familia do cativo sopesa a posiblidade de trasladar ao hospital herculino á súa nai, Elena, que de momento continúa en Povisa evolucionando satisfactoriamente das feridas sufridas, aínda que de momento este traslado aínda non se decidíu. En Povisa, e tamén grave, continua a aboa do neno.

En canto o resto dos feridos, a maior preocupación está no estado de saúde de Edelmiro Mateo. O Ex-Concelleiro de Obras do Carballiño sigue en estado moi grave e a súa situación non mellora, ademáis de ser o ferido maís afectado polas queimaduras, outros factores, como a súa idade e outros problemas de saúde anteriores ao sinistro, complican a situación. Ainda asi, " está peleando, él é un home forte, acostumado a pelear e a esperanza é que desa pelea salga victorioso", un desexo que expresaba a través de esta emisora de radio Paco Fumega, o portavoz do grupo municipal do PSOE, do que nos últimos 16 anos formou parte Mateo.

Outra das feridas, precisamente a esposa do ex-concelleiro, sigue unha evolución moi satisfactoria, e finalmente, en canto o estado de saúde dos dous axentes da Policia Local, Antonio Carbajal sigue aínda en cuidados intensivos, pero xa fora de perigo, igual que Maria del Carmen Martinez, que xa foi trasladada a planta.

O Xefe de Protección Civil do Carballiño, Juan Miguez, explicou en COPE o operativo que se levou a cabo o pasado sábado no incendio do edificio Magariños e recoñeceu que "houbo moitos problemas para o acceso o lugar do sinistro porque no cruce de Ribadavia había vehículos de curiosos que impedian a entrada dos vehículos de emerxencias, e tendo en conta que todas as bocarúas están con elementos decorativos ou con mobilidario urbán e non se podia entrar, polo que houbo unha situación moi complicada para a evacuación dos feridos".

O aviso da incidencia recibíuse no teléfono do GRUMIR ás 12,06 horas, e as 12,15 horas chegan o lugar do incendio "os dous efectivos que estaban de servizo, xa que o terceiro tén que quedarse na base, cando os 2 efectivos que se desplazan ver o alcance do que sucede piden reforzos, e en 36 minutos rescatan a todas as persoas que se atopaban no edificio, os últimos as 12,51, que son os dous policias locais", indicou o responsable da agrupación carballiñesa de Protección Civil.

Miguez tamén recoñeceu que nos primeiros momentos, cando os Bombeiros do GRUMIR chegan ao edificio ninguén os informou da presenza no interior do edificio dos dous Policias Locais, "non se sabía onde estaban atá que chegou o Xefe da Policia Local e se interesou por eles e é o que se dá conta que estaban dentro", asegurou.

Nin A Peroxa nin  Arenteiro conseguiron marcar, asi que empate a cero goles, e tamén empate en canto a ocasións, as máis claras chegaron na segunda parte en ambas porterias, pero tanto o gardameta local Rubén como o carballiñés Pachy resolveron ben as situacións comprometidas que se lle presentaron.

En consecuencia, o reparto de puntos pode considerarse un resultado xusto. Con este marcador, o Arenteiro sigue fora de postos de ascenso, e ademáis acumula xa 3 xornadas sen conseguir a victoria, con dous empates e unha derrota nos 3 últimos partidos, e tan só dous puntos, unha bagaxe moi pobre para un equipo coas máximas aspiracións nesta liga e cun único obxetivo, como é o ascenso á preferente.

RESULTADOS DA XORNADA

CLASIFICACIÓN

Estable dentro da gravidade, é a evolución no estado de saúde dos feridos máis afectados no incendio do edficicio Magariños. Ao cativo de 4 anos de idade que se atopa na UCI de queimados do Complexo Hospitario Universitario da Coruña practicouselle unha primeira interveción cirúrxica nunha man, e mantense estabilizado, a parte máis afectada do corpo do cativo é a cara, que presenta queimaduras de diversa consideración.

Continúan en estado grave a nai e aboa do cativo, as dúas mulleres atópanse na Unidade de queimados de POVISA, en Vigo. A nai do cativo, de 41 anos, presenta queimaduras no 12 por cento do corpo, de segundo grao, que lle afectan a mans, cara e pescozo, ademáis de síndrome por intoxicación de fume, igual que a aboa, de 68 anos de idade, con feridas de diversa consideración.

Outro dos feridos de máis gravidade, o Ex-Concelleiro da Corporación do Carballiño, Edelmiro Mateo, de 74 anos de idade, tamén permanece estable dentro da gravidade. Presenta síndrome de inhalación de fume e queimaduras no 30 por cento do corpo, de segundo grao, superficiais unhas e profundas outras, que afectan a membros superiores, cara e pescozo. Permanece na UCI, en observación.

En canto aos menos graves, a súa evolución é positiva. É o caso dos dous Policias Locais, home e muller de 43 e 37 anos de idade respectivamente, Antonio Carbajal e Maria Carmen Martínez, continúan ingresados e en observación no Complexo Hospitalario de Ourense, sufren feridas superficiais e por intoxicación, están fora de perigo, igual que a outra muller de 66  anos de idade M.N.G, con intoxicación e tamén con feridas diagnosticadas como superficiais.

O sinistro orixinouse no cadro de contadores eléctricos do edifcio, no que se escoitaron varias explosións minutos despois das 12 do mediodia, o que provocou unha gran fumeira que se propagou en forma de embudo cara a plantas superiores da edificación, na rúa Principal do Carballiño.

Vironse atrapadas varias persoas, 6 delas foron rescatadas polos servizos de emerxencias e os efectivos da Policia Local, que foron os primeiros en chegar ao lugar, entre as 6 persoas feridas de máis gravidade atópase un cativo de 4 anos de idade e o Ex-Concelleiro de Obras do Carballiño Edelmiro Mateo e a súa Esposa, que resultaron con síntomas de intoxicación e queimaduras en distintas partes do corpo. O ex-concelleiro foi trasladado en helicóptero polas asistencias médicas, que atenderon a outras 13 persoas no PAC do Carballiño, con feridas por queimaduras de distinta consideración e intoxicación por gases.Tamén tiveron que recibir asistencia médica  con sígnos de intoxicación polo fume os 2 axentes da Policia Local do Carballiño, que coa súa intervención evitaron unha traxedia maior. Tamén tiveron unha extraordinaria actuación os veciños e propietarios dos negocios das galerias nos momentos máis decisivos.

O Alcalde do Carballiño, Argimiro Marnotes, manifestou que o sucedido "é motivo para levar a cabo unha investigación antes de facer unha declaración oficial ao respecto, e ímolo facer o máis pronto posible, agora o primeiro é interesarse polo estado de saúde dos feridos".

O edificio no que se orixinou o sinistro tén unha antiguidade de máis de 30 anos, sito na rúa Tomás Maria Mosquera, trátase dunha edificación cun total de 27 vivendas. Na planta de entrechán do edificio, atópase unha perruquería, que resultou a máis afectada pola rápida propagación do fume. A Policia Científica investiga o suceso, aínda que todo parece indicar que tivo a súa orixe no cadro eléctrico do edificio.

PARTE MÉDICO DOS FERIDOS

O 061 informou a úlitma hora da tarde do estado de saúde dos feridos. No PAC do Carballiño foron atendidas un total de 13 persoas, das que algunhas foron dadas de alta e enviadas directamente aos seus domicilios.

Cinco das persoas feridos foron trasladadas ao Complexo Hospitalario de Ourense e no transcurso da tarde dúas delas foron remitidos á unidade de queimados de Povisa, tratase de H.P.L.,  muller de 41 anos con queimaduras de distinta consideración e L.N.L., muller de 68 anos de idade con intoxicación de gases e queimaduras.

Permanecen ingresados no CHUO outras 3 persoas. M.N.G, muller de 66 anos, con queimaduras superficiais e signos de intoxicación; A.C.G. varón de 43 anos, con intoxicación por gases e feridas superficiais; e M.C.M.F., muller de 38 anos, con intoxicación por gases.

A Povisa foi trasladado directamente en helicóptero Edelmiro Mateo Prado, de 74 anos, EX-Concelleiro da Corporación do Carballiño, con queimaduras de distinta consideración, e por último, ao Complexo Hospitalario da Coruña foi trasladado o cativo, con feridas de distinta consideración.

MEDIOS MOBILIZADOS

A central de coordinación do 061 informou tamén dos medios mobilizados desde que ás 12,17 horas se recibíu a alerta. Ao lugar do incidente enviaronse 5 ambulancias asistenciais, 1 ambulancia medicalizada, 2 helicópteros, e persoal sanitario do Punto de Atención Continuada do Carballiño. Ademáis, foron mobilizadas ambulancias medicalizadas en Vigo e A Coruña para facer os apoios nos distintos aeroportos aos pacientes que se trasladaron por este medio.

No operativo participaron o persoal carballiñes do GRUMIR e Protección Civil, asi como efectivos de Emerxencias do Concello de Avión e da Garda Civil. O Concello do Carballiño puxo a disposición das familias afectadas a Residencia de Tempo Libre, no caso de que queiran pernoctar na mesma atá que non se recupere a normalidade no edificio.