Paco Fumega presentou un novo proxecto incluido dentro do programa electoral que conta como protagonista un dos lugares máis emblemáticos do Carballiño, o barrio de Flores.

 Doutra parte, O Presidente da Confederación Hidrográfica, Francisco Fernández Liñares, apoiou  a iniciativa de Paco Fumega despois de comprobar o estado do Carrás o seu paso polo Carballiño e comprometeuse a que os técnicos desta administración hidráulica visiten a zona e estuden a posibilidade de realizar unha limpeza das marxes  do río que se complementarían coa construcción dun paseo fluvial.  Este senda peonil, construiríase nas beiras do Carrás entre o centro de saúde e o vello matadoiro municipal e tería unha lonxitude aproximada de 500 metros cun ancho de 1,5 metros con pilotado de madeira naquelas zonas con perigo de inundación. 

Paco Fumega manifestou a súa satisfacción e lembrou que este proxecto de recuperación das beiras do Carrás é esencial para unha vila como o Carballiño que aposta polo   medio ambiente e polo turismo de calidade.

Fumega aposta pola creación dun Museo da Feira e dos Arrieiros no casco vello da vila, xa que considera que Flores é o lugar máis axeitado para levar adiante  esta iniciativa coa que se pretende facer unha homenaxe as feiras que deron lugar o nacemento do Carballiño. O candidato socialista é consciente de que  na actualidade, o nivel de deterioro que presentan algúns dos edificios do barrio é importante, ata o punto de que pode afirmarse que de non desenvolver un plano de actuacións de salvagarda a trama tradicional urbana da zona do Carballiño desaparecerá.  Por ese motivo, propón unha rehabilitación axeitada das vivendas e do casco urbán utilizando materiais nobres como a madeira ou a pedra. Para elo porase en funcionamento unha oficina de rehabilitación que permita por en marcha os estudios e a toma de decisións necesarias para levar a cabo a rehabilitación proposta, pero sempre integrando a veciños, propietarios e institucións no obxetivo cumún de recuperar o barrio de Flores preservando deste xeito a memoria histórica da vila. Paco Fumega anunciou o seu compromiso de mercar unha das vivendas do casco vello para levar adiante todas as actuacións de rehabilitación e deste xeito transformala na futura sede do Museo da Feira.

Preto de 300 persoas asistian ó ritual da pegada do primeiro cartel na Praza Maior do Carballiño, ónde os Candidatos de PP, PSOE e BNG se rodeaban dos seus simpatizantes. O Partido Popular proxectaba un pequeno espectáculo de láser, os socilaistas apoiabanse nun vídeo a través dunha pantalla instalada no balcón da súa sede, e finalmente o BNG optaba por unha respresentación máis festiva, ó son da música dun gaiteiro. Os  comentarios que se deixaban oír apuntan a unhas eleccións municpais cós resultados máis incertos dos últimos tempos non só no Carballiño, senón tamén noutros Concellos da Comarca, como os casos de Boborás, Leiro  ou Maside, onde a aparición de candidaturas independientes son unha incognita que se despexará cós resultados do domingo 22 de maio. Xa para este primeiro dia de campaña temos os primeiros mítines programados, o do Partido Popular, ás 8 da tarde no auditorio, con Alberto Núñez Feijóo apoaindo ó Candidato dos populares á Alcaldia do Carballiño, Argimiro Marnotes. Ás 9 da noite, na pista polideportiva de Dacón, presentase ante ós seus conveciños  e como candidato do PP á Alcaldia de Maside,Casimiro Campo,nun mitin no que tamén participarán o Presidente da Deputación José Luis Baltar e a Conselleira de traballo e Benestar, Beatriz Mato.

O Grupo Municipal do BNG remitíu un escrito ó Conselleiro Maior do Consello de Contas de Galicia, no que solicitan que se interveña de oficio por parte deste organísmo, para aclarar "con rigor cál é a situación do estado das contas no Concello de Boborás". A portavoz do BNG, Mª Dolores Cachafeiro, que xunto o tamén Concelleiro Manuel González, asinan esta solicitude, expoñen no escrito "as graves acusacións cruzadas entre membros do actúal grupo de goberno relativas a unhas posibles irregularidades nas contas municipais". Despois da celebración do Pleno da Corporación, no que os votos de BNG, PSOE e os dous concelleiros do Partido Popular que se apartaron do grupo municipal, impediron a destitución do Tesoureiro José Benito González Trigás, éste e O Alcalde Cipriano Caamaño, manteñense inflexiibles nas súas posturas e retanse mutuamente con trasladar o caso á xustiza. O Tesoureiro asegura que a súa xestión é correcta, e que as irregularidades foron cometidas polo Alcalde, ó ordenar transferencias sen ter a autorización de tesourería, mentres que O Alcalde afirma que o problema débese ó cobro dunhos cheques que realizou o tesoureiro e que están sen xustificar os gastos realizados. O Secretario do Concello  Boborás chegou a advertír ó Tesoureiro, no transcurso da úlitma sesión que celebou a Corporación, da  súa actuación irregular ó sacar fora das dependencias municipais o libro oficial de contas, unha conducta que incluso, de confirmarse, podería estar incurrindo en  delito penal.

A Xunta Local de Seguridade Cidadán do Carballiño, que integran O Alcalde, e os responsables da Subdelegación do Goberno, Garda Civil e Policia Local, celebraron unha reunión na que analizaron e fixeron balance do último ano en materia de seguridade cidadán. Según os datos que se puxeron de manifesto nesta xuntanza, o número de roubos en vivendas do Carballiño descendeu o pasado ano, pasando dos 13 en 2009 a tan só 7 en 2010. Tanto a Garda Civil como a Policia Local destacaron a  colaboración veciñal, que axuda en moitos casos a evitar este tipo de delitos, salientando como claves de este descenso de roubos en vivendas, a detención dunha banda que actuaba na zona, tamén se destaca como feito positvo que o número de detidos por feitos delitivos aumentou de 42 en 2009 a 52 que se rexistraron en 2010. Onde sí se producíu un siñificativo aumento de delitos foi no tráfico, en parte debido ós modernos medios cós que conta agora a Policia Local do Carballiño, que lle permite desenvolver con máis eficacia o control do tráfico. Tamén se detectou un repunte en relación ós delitos de violencia doméstica e de xénero, ónde na actualidade se contabilizan un total de 16 persoas no programa de protección de víctimas no municipio do Carballiño.

Os nacionalistas experimentan unha renovación na lista que presenta no Concello de San Cristovo de Cea, ónde José Mosquera Casero asume por vez primeira a responsabilidade de encabezar a candidatura do BNG. Acompañan a este profesor universitario e avogado, nos seguintes postos, Maria Elvira Fernández e Manuel Pérez, con Olga Aurora Sánchez no 4º posto. Os actuais concelleiros na Corporación Municipal, César Fernández e Josefa Gómez figuran, respectivamente, nos postos 5º e 6º da candidatura, que tivo no acto da súa presentación unha sentida lembranza para o que foi durante 20 anos o nº 1 do BNG en Cea, o falecido e sempre recordado Xosé Manuel Quintela. O novo candidato do BNG á Alcaldia de Cea, José Mosquera, recordou como neste Concello "non houbo aínda alternancia política no goberno municipal, xa que seguen mandando os mesmos desde as primeiras eleccións municipais no ano 1979". Mosquera aposta por políticas activas para recuperar a economía dun Concello "que leva 30 anos en regresión tanto demográfica como social".

Para Boborás, o BNG  volve presentar a Maria Dolores Cachafeiro, igual que fai 4 anos, como a nº 1 para estas eleccións muncipais, e a Manuel González, que xa forma tamén parte da Corporación Municipal como nº 2, mentrres nos seguintes postos figuran Estela Ferradás, José Isaac Blanco, Adelaida Senra e José Luis Caride. Cachafeiro, que é a farmaceútica titular de Boborás, agarda que "o cámbeo que precisa Boborás chegue desta vez, e que a partir do 22 de maio, Cipriano Caamaño sexa pasado para o Concello".

En Leiro, O Bloque Nacionalista Galego, volve apostar por un "histórico do nacionalismo", Luis Pérez Estévez "Ficol", encabeza novamente a alternativa do BNG para o Concello de Leiro, nunha candidatura na que figura como nº 2 Marcelino Sanmarful, que ademáis será o candidato á Entidade Local de Berán. Héctor Méndez, Laura Hermida e Rebeca Paz ocupan os seguintes postos. "Ficol" considera que "o BNG afronta estas vindeiras eleccións coa garantía de acadar unhos resultados históricos".

Miguel P.G., de 68 anos de idade, fixo constar na denuncia presentada ante a Garda Civil, que persoas descoñecidas accederon ó seu domicilio a través da porta principal, e xa no interior apoderaronse de 6.200 euros en varios billetes, asi como xoias valoradas en 5.300 euros. Instrúe dilixencias o xulgado nº 1 do Carballiño. Doutra parte, Cesáreo Fernández, tamén veciño do Carballiño, denunciou o roubo no piso, neste caso, os ladróns levaronse xoias de ouro, valoradas en 2.000 euros. Ambas vivendas atopanse sitas no mesmo edificio, na rúa Cánovas del Castillo, a escasos metros da Praza Maior. Neste mesmo edificio, os ladróns conseguiron entrar noutros dous pisos, ambos desabitados, sen os seus propietarios botasen nada en falta. Os roubos cometeronse no intervalo de tempo que foi das 4 ás 8 da tarde, do pasado sábado dia 16.

A actúal concelleira Pilar Caride é, xunto ó Candidato á Alcaldia, Argimiro Marnotes, os únicos que repetirán entre os 10 primeiros postos da candidatura dos populares carballiñes para as eleccións municipais. Da lista, caense, pois, Roberto Ameijeiras e Anayansi Rodriguez, que nin tan xiquera figuran na candidatura, mentres que Emilio García faino no posto 17 "como mostra de apoio a esta renovación". As novidades chegan con Martín Nogueira, ó que o Partido Popular presenta como un profesional de prestixio como aval "para a atención social e sanitaria", mentres que "para o fomento do emprego e as problemáticas sociais buscaronse a "persoas comprometidas e con moitas gañas de traballar polo Carballiño e con experiencia contrastada na súa traxectoria profesional", como a sicóloga Purificación Alberte que ocupa o 5º posto, a orientadora laboral Teresa Valiñas no nº 8 ou o técnico en desenvolvemento rural Rodrigo González, noveno na lista. Tamén se incorpora á candidatura popular o inxeñieiro técnico agrícola Magín Daparte, séptimo, o empregado de banca Emilio Carballeda, que figura no cuarto posto da lista, e tamén o fan entre os 10 primeiros dous  empresarios, Jesús Rodríguez, sexto, e Maria Elena González, na décima posición. O Candidato Argimiro Marnotes manifesta "a satisfacción polo apoio que esta lista te do Partido, unha lista preparada para cambear o rumbo político do Carballiño"

Os independentes de Maside e Boborás xa teñen nome e siglas para a cita electoral do 22 de maio. O Grupo que lidera Gustavo Alvarez concurrirá ás eleccións no Concello masidao baixo as siglas "AIMAS" (Agrupación Independientes de Maside), farano como candidatura electoral, e xa contan coas sinaturas que precisan para poder participar no proceso electoral, o propio Gustavo Alvarez será o cabeza de lista de "AIMAS". Mentres, en Boborás, está en marcha unha nova formación política, "MOVE BOBORÁS" (Movemento Veciñal de Boborás), que tén o Concelleiro do Partido Popular José Benito "Lito" González Trigás como ún dos seus promotores. Neste caso, está aínda por confirmar quen vai encabezar a candidatura, aínda que soa con forza o nome de Eva Pardo, que no pasado mes de novembro presentara a súa demisión como concelleira do grupo municipal do Partido Popular. Os promotores da nova formación política non esconden as súas criticas á xestión do Alcalde e Candidato á reelección polo PP, Cipriano Caamaño.

O secretario Xeral Provincial, Raúl Fernández, participou hoxe no acto de presentación da candidatura socialista no concello de Leiro, onde advertiu que “coñecendo a forma de actuar do PP, os socialistas deben manterse alerta respecto da posible ubicación da incineradora-vertedoiro no Ribeiro”, ao que engadiu que “se finalmente non se instala alí será gracias á presión da poboación”.Así mesmo, Fernández amosou a súa preocupación “polos incendios que estos días de calor arrasaron máis de 2.000 hectáreas na nosa provincia, e polo que a Xunta terá que responder ante os cidadáns”. “Por que non está en marcha xa o plan de prevención de lumes? Por que tendo a información meteorolóxica sobre a calor e a seca non se reforzaron os equipos? Quen solicitou as queimas que ao parecer se solicitaron e por que Medio Rural as permitiu?”, preguntou o dirixente socialista.

 O candidato socialista á alcaldía de Leiro, Manuel Rodríguez Vázquez, presentou o seu equipo, “persoas novas comprometidas, con ideais e ilusión para darlle un sopro de aire fresco á política do noso Concello”.

 No seu discurso, Rodríguez lamentou que nestes últimos catro anos vivíronse situacións antidemocráticas no Concello, facendo uso de insultos e calumnias nos plenos, e mesmo persecucións e nivel persoal e laboral, pintadas, panfletos e anónimos, “actitudes que hai que desterrar para sempre no noso pobo e que só conseguiron darnos máis forza para loitar polos intereses dos nosos veciños”.

 “Ante o goberno caduco do PP e a parálise das súas políticas en todos os ámbitos, os socialistas nos presentamos co único obxectivo de mellorar os servizos básicos do noso pobo, das súas infraestruturas, de ofrecer un Centro de Día aos nosos maiores, espazos de xogo para os nenos, e oportunidades laborais e vivenda para que os nosos mozos non teñan que facer a maleta e marchar”, dixo.

 “Temos un proxecto de renovación de xente e ideas”, dixo, e prometeu cercanía, transparencia, austeridade, participación, flexibilidade “e por suposto traballo e máis traballo en defensa dos dereitos de todos os veciños”.

 “Pola contra, o Partido Popular ofrece máis do mesmo: retroceso, caciquismo, oscurantismo e a busca do beneficio duns poucos a costa do benestar xeral”, afirmou, e puxo como exemplo a planta de lodos que tanto malestar ocasionou aos veciños de Leiro.

 O acto foi presentado polo alcalde de Ribadavia, Marcos Blanco.