Desde hoxe, todas as persoas que queiran posicionarse contra o polémico muro do proxecto de urbanización da Veracruz, poderán facélo asinando un escrito no que se solicita "que se retire o muro e paredón de pedra aplacada que cerca o monumento". Con esta iniciativa nace no Carballiño a "Plataforma pola defensa da Veracruz", un colectivo veciñal que se considera "apartidista e aconfesional, e co único fin de conseguir da administracción que se pare o que consideramos é unha desfeita para un ben xa universal como é o Templo da Veracruz". José Luis Alves, ún dos promotores da plataforma, tamén incidíu no sentido "apolítico desta reivindicación popular, xa que o respeto ó noso patrimonio é o que se pide, e eso nada ten que ver coa política partidista", polo que se recabará o apoio de todos os veciños e veciñas sen distinción de ideoloxia, aclaran, xa que "o único que intentamos é que non se consolide unha tropelía que despois será xa un mal irreparable". Os escritos para esta recollida de sinaturas, que serán remitidas á Dirección Xeral de Patrimonio, poderán encontrarse en diversos locais do Carballiño abertos ó publico, como comercios e establecementos de hostelería.

O Arenteiro conserva tres puntos de ouro meritoriamente gañados no terreo de xogo e que, debido o carrusel de descensos motivos polos arrastres de 3ª división, resultan suficientes para estar fora de todo perigo. Os 49 puntos actúais sitúan o Arenteiro fora de toda continxencia, independientemente do resultado que acade este vindeiro domingo no derradeiro partido do campionato ligueiro en Espiñedo ante o Marín C.F., ún dos equipos inmersos na loita por manter a categoria. O Comité de Apelación volve asi desestimar, como antes xa fixera O Xuíz Único de competición, a reclamación presentada polo Arousa por presunta alineación indebida do Arenteiro no partido xogado en Espiñedo o pasado 7 da abril, e no que os arousanos caían sorpredentemente derrotados (3-2) polo "Baby Arenteiro". O Arousa quédalle agora unha derradeira posiblidade, que é a de acudir ó Comité de Disciplina Deportiva da Xunta de Galicia, algo pouco probable xa que a un partido do remate da liga o Aorusa xa perdeu toda opción posible cara o ascenso.

Un investimento de 230.000 euros financiados a través do Plan E fará posible o proxecto que convertirá a piscina municipal do Concello de Avión na primeira de titularidade pública que contará con instalacións cubertas e climatizadas, no ámbito das comarcas do Carballiño e O Ribeiro. O Concello de Avión ven de adxudicar a obra á empresa "Construcciones Benigno Alvarez", que as acometerá en dúas fases, unha primeira que se realizará de inmediato e unha segunda que se executará a partir de setembro, e deste xeito non ter que cerrar as instalacións durante os meses de verán. A actuación que se levará a cabo consistirá na cubrición exterior das instalacións, que contan xa cun sistema sustentable de climatización por medio de paneis solares. O Alcalde de Avión, Antonio Montero, salientou no programa "A mañá de Cope O Carballiño" que esta obra "permitirá que poidamos contar cunhas piscinas para disfrutar todo o ano, e non só para o ocio senón para finalidades terapéuticas, tal como nos viñan demandando moitos veciños".

(Remitido) Carballiño fs "objetivo conseguido " segundo clasificado y a esperar el play off .....pero bueno como siempre lo importante es el Arenteiro asi que, semana soporifera sobre ese tema otra vez. Colmenero campeón de España con la selección gallega ......pero lo importante es quien va a hundir al arenteiro para el año si la directiva saliente si sale o la entrante si entra. Los benjamines de futbol sala (E.M.F) subcampeones gallegos pero hablareis de la derrota del arenteiro durante toda la semana. Oscar juvenil del carballiño fs campeon de españa con la seleccion gallega .....pero no importa lo importante sera saber como van las obras de espiñedo.

A moción que o Partido Popular presentou polo trámite de urxencia e na que se pedia o acordo plenario para instar á Consellería de Medio Ambiente, Territorio e Infraestructuras a que proceda a eliminación do muro construído no proxecto de urbanización do entorno da Veracruz, non se incluíu finalmente na órden do dia da sesión ordinaria celebrada pola corporación carballiñesa, xa que PSOE e BNG impediron esa posibilidade ó votar en contra da urxencia. O Alcalde, Carlos Montes, tildou a iniciativa dos populares de "oportunismo político" e propuxo -nada se concretou tampouco- que unha representación integrada por  él mesmo e os portavoces dos partidos políticos solicitasen unha entrrevista có Conselleiro para trasladarlle esta "inquietude dun sector do pobo do Carballiño". Desde o BNG, Manuel Amil volveu insistir en que "a solución é política" e asegurou que esta sensibilidade maioritaria da sociedade carballiñesa xa é do coñecemento dos responsalbles da execución da obra. O portavoz do PP, Argimiro Marnotes, intentou -sen éxito- explicar os motivos da urxencia desta moción, pero de inmediato o Alcalde retiroulle a palabra, tras aclararlle que non procedía o debate ó non admitirse a urxencia por parte do pleno.

A Corporación tamén aprobou unha nova operación de tesoureira por importe de 1.300.000 euros, cos votos en contra da oposición e tras manifestar Argimiro Marnotes que o Partido Popular non vai apoiar este tipo de operacións mentres no se execute o acordo plenario no que se acordou a realización dunha auditoria das contas municipais. Marnotes tamén recordou a alta débeda que arrastra o Concello do Carballiño  "a máis alta entre os concellos das súas características no ámbito provincial, según os datos do Ministerio de Economia e Facenda". Montes restou importancia a eses datos do Ministerio e en relación á auditoria admitíu que o Consello de Contas xa contestara negativamente a solicitude feita polo concello carballiñés "pero si queren facela poden", concluíu. Mentres, o portavoz do BNG, Manuel Amil, xustificou esta operación crediticia "porque sempre será mellor deberlle ós bancos que os pequenos empresarios".

Houbo unanimidade entre os 3 grupos políticos para demandar da adimistración autonómica o arranxo das rúas Ourense e O Irixo, e tamén para propoñer á Consellería de Sanidade a actúal estación de autobueses como posible ubicación do novo centro de saúde do Carballiño. A Corporación acordou o apoio institucional á manifestación en defensa do galego convocada pola plataforma "Queremos galego" para o vindeiro lúns 17 de maio en Santiago, acordo do que se desmarcou o Partido Popular.

O grupo municipal do Partido Popular presentará polo trámite de urxencia unha moción no pleno da Corporación Carballiñesa a celebrarse este xoves dia 13 de maio, na que demandará un acordo plenario para instar á Xunta de Galicia a que modifique o proxecto que está executandose no entorno da Veracruz, e máis concretamente que se proceda á retirada do muro de contención e se busque outra solución técnica máis axeitada co entorno, tal como se ven pedindo nos últimos meses por parte da maioria da sociedade carballiñesa, tanto por parte de colectivos e asociacións, como veciños a título persoal. O Partido Popular quere que no transcurso do pleno os grupos políticos municipais se posicionen claramente sobre esta petición, e o posterior acordo sexa comunicado de inmediato á Consellería de Medio Ambiente, Territorio e Infraestructuras, solicitandolle que se rectifique ese aspécto concreto da obra. 

Os datos do paro seguen en cotas históricas na Comarca do Carballiño, en tan só un ano -no periodo que vai de abril de 2009 a abril de 2010- sumaronse 323 novos traballadores en paro no conxunto dos 9 concellos da Comarca, deles 249 son residentes no Concello do Carballiño. O único dato positivo é que no pasado mes de abril o paro descendeu en 35 persoas, en relación o mes anterior, o de marzo. En total, temos 2.307 persoas inscrítas como demandantes de emprego, das que 1.321 pertencen á capitalidade comarcal, ó Concello do Carballiño, 605 homes e 716 mulleres. A franxa de idade con máis numero de parados é a que vai entre os 25 e os 44 anos, que son 701,  os maiores de 45 anos suman 497, e finalmente 123 son menores de 25 anos. No resto da Comarca, o concello con máis parados é Maside, con 275 persoas en paro, 33 máis que fai un ano. Boborás tén 196 persoas en situación de desemprego, 35 maís en relación a fai un ano atrás. San Amaro e O Irixo teñen-curiosamente- o mesmo número de veciños en paro, 104 en cada concello. Punxín suma 66 parados e Beariz 41. Os únicos dous concellos onde descende -aínda que simbólicamente- o paro no cómputo do último ano son San Cristobo de Cea e Piñor, que teñen 123 e 77 persoas, 17 e 6 menos -respectivamente-en relación os datos de fai un ano.

O Templo da Veracruz contará con dous accesos para vehículos fúnebres unha vez que se remate a urbanización da nova praza, ún deses accesos será desde o novo vial en construcción e o outro desde a rúa dos Canteiros. Desta maneira, quedaría suprimida a actúal rampa de acceso desde a rúa Evaristo Vaamonde. Foi éste ún dos acordos acadados na reúnión celebrada esta mañá en Santiago de Compostela, na sede da dirección Xeral de Urbanismo, e na que participaron o párroco Xosé Benito Sieiro, o responsable de patrimonio do Bispado, Miguel Angel González, xunto ós representantes do Concello do Carballiño. Os redactores do proxecto tamén se comprometeron a asumir outra das alegacións presentadas pola parroquia, a relativa a manter o acceso desde as inmediacións da rectoral á praza, na actualidade en forma de escalinata, que se vai manter aínda que se desplazará a súa ubicación achegandose máis á parte esquerda. Finalmente, os responsables da obra tomaron nota doutras peticións, en relación á canalización de augas e que se deixe cotemplada a conexión da rede de gas ó Templo. Nesta reunión non se abordou a polémica sobre a construcción do muro, e a posible reconsideración deste aspecto concreto do proxecto, tal como demanda unha ampla maioria da sociedade carballiñesa.

Por vez primeira neste tipo de competicións, O Concello do Irixo acollerá este domingo dia 9 da maio a celebración da 3ª proba puntuable para o campionato galego de Enduro, que atraerá a centos de afecionados procedentes de toda a xeografía galega. O Tenente-Alcalde Manuel "Lito" Cerdeira salientou "a importancia de que este acontecento se celebre no Irixo, xa que desta maneira serán centos de persoas as que coñezan o noso Concello e pasen entre nós a fin de semana". Son en total 90 os pilotos que tomarán parte nesta competición, como avanzou José Canda, en representación da organización, que conta coa colaboración do "Club Sobre Rodas", o "Moto Club Móvete na Moto", e o propio Concello do Irixo. O ambiente moteiro xa comezará a notarse na xornada do sábado, con motivo das verificacións técnicas e administrativas que se farán na praza do concello do Irixo. Desde este mesmo lugar, sairán os participantes neste campionato galego de Enduro o domingo ás 9 da mañá, para dirixirse atá montes próximos á localidade da Ermida, ónde terá lugar un circuíto especial de 5 kilómetros, para continuar despois polos por dintintos pobos no entorno do Irixo, atá completar un recorrido de 37 kilómetros. A entrega de premios faráse ás 4,30 da tarde. Entre os pilotos participantes estará Xacob Agra, que foi recentemente subcampión mundial desta modalidade deportiva.