(Redacción. Lolo Carril) Tanto o adestrador (Mindo) como os directivos encargados da ardua labor de confeccionar un plantel competitivo en tempos de crise seguen a traballar sen desmaio na elaboración do plantel do vindeiro curso. Unha tempada (2010-2011) que adiviñamos complicada para iste novo Arenteiro, que deixa as grandes ensoñacións a un lado para apostar por un proxecto austero, sostible e realista, cos tempos de invernía economómica que vivimos. As fichaxes rimbombantes e de moi duvidoso rendemento, xunto cos dispendios económicos forman parte do pasado "o diñeiro nunca foi garantía de nada, sobor de todo no Arenteiro, e ós datos nos remitimos". Agora toca ser prudentes, pacientes e perseverantes.

As primeiras novas fichaxes son : o dianteiro José Antonio que procede do Ourense B, o central Diego Viñas que chega a Espiñedo dende o Cortegada C.F, o interior Iago Casas que procedente do Cruceiro do Hío inicia a súa segunda etapa no clube carballiñés tras formar parte do plantel que adestrara Suso Rodríguez e logo Chuchy na tempada 2006 (finalista da Copa Deputación), o lateral Simón que procede do Ourense B, xogador xoven e de proxección que xa debutara co primeiro equipo do Couto. Así mesmo, tamén se confirman os retornos do porteiro Chavo e do lateral Adrián Caíña, ambos anos despois, voltan o equipo do seu pobo. E xa nas vindeiras horas poderían estampar a súa firma outros xogadores, neste caso estaríamos falando de nomes importantes e referímonos a ise ramillete de non menos de entre cinco ou sete xogadores con experiencia na categoría que ten obligatoriamente que fichar o Arenteiro para conformar un equipo con certas garantías.

As ofertas están feitas, as posturas son achegadas e non vindeiros días seguiremos informando.

(Redacción. Rocío Campos) O concello de Maside convoca unha Sesión Extraordinaria que celebrará o Pleno da Corporación o día 8 de xullo ás doce do mediodía no Salón de Actos da Casa Consistorial. A convocatoria farase co obxecto de tratar os seguintes asuntos: a aprobación se procede da acta da sesión extraordinaria e urxente de data 18/6/2010, a aprobación inicial do plan parcial correspondente ó sector S.UR.D-R.6 en A Fontela para unha recalificación urbanística, a aprobación do convenio de cooperación entre a secretaría xeral para o deporte da Xunta de Galicia e o concello de Maside para a construcción dunha pista de paddel-tenis e a modificación da ordenanza reguladora de axuda no fogar do concello de Maside. Neste pleno non se presentou a moción para executar o camiño Constanza-Faquín, na parroquia de Garabás, que quedará pendente para vindeiros días.

(Redacción. Rocio Campos) Un ano máis chega a O Carballiño o verán cultural durante os meses de Xullo e Agosto. Algunhas das actividades descatadas no mes de xullo son a "Semana Grande para os pequenos" que terá lugar do día 5 ó 9 de xullo de 19 a 21 horas con diferentes obradoiros creativos. Na segunda quincena hai que descatar tamén  un Festival benéfico a favor de Cruz Vermella que terá lugar o sábado 17 a partir das 19:30 horas na Pista Roxa e que contará con grupos como Demetrius, Susi Q's, Os moiantes e Laura de Factor X entre outros.O mes de Agosto comeza con Xociviga que durará dende o 2 ó 6 con actividades moi variadas como cine, exposicións e  concursos. Durante a segunda quincena, do 16 o 20 realizarase o Festival de Títeres don diferentes obras como "As aventuras de Polichinela e a Galiña negra", LBA e Marxos e os xoguetes encantados", "O gato simple", "Marusía" e "Títeres Tanxarina", todas elas ás 19:30 horas na Praza Maior. Pero a gran novidade deste ano, como anunciaba Asunción Rivero, será o Festival de Bandas de Música que nos amenizarán durante as tardes do 27, 28 e 29 de Agosto a partir das 20:30 horas na Praza Irmáns Prieto. As bandas elexidas son A Banda de música de Merza, a Banda de música de Celnova e a banda de música La Lira de Ribadavia.

Debido ó estado no que se atopa o camiño Constanza-Faquín e polo que afecta ós veciños, dado que une estas dúas localidades e o núcleo do Bolo coa carretera  local do Bolo a Faquín, Casimiro Campo Fernández, concelleiro do PP no concello de Maside, solicita a presentación dunha moción diante do pleno da corporación municipal para a execución do camiño Constanza-Faquín, na parroquia de Garabás, por un importe de 63.477,88 euros a cargo da Consellería do Medio Rural.

Boborás (Redacción.Rocío Campos) Unha vez máis o BNG ten que denunciar o mal estado no que se atopa o camiño que vai dende a chamada "casa do médico" e o "puzo dos fumes", en Pazos de Arenteiro. Pazos de Arenteiro está considerado como Patrimonio Histórico, e como tal debe coidarse todo o seu entorno. O alcade sempre anda a presumir do moito que se fixo pola vila, pero este feito deixa moito que desexar. O que nos atopamos ó chegar e cun estado calamitoso en total abandono, de aí que non sexa a primeira vez que os concelleiros do BNG veñen a denunciar estas deficiencias "unha verdadeira desfeita despois dos cartos que se levan gastados que ascenden a moitos millóns das antigas pesetas". Pero o mal estado do camiño non só se atopa en Pazos de Arenteiro, senón tamén noutras rutas de senderismo que atravesan o concello. E agora contestarán o mesmo que sempre "estos non saben, non escoitan, están maliños e teñen que ir ós médicos".

Desde logo que  moi poucas veces una votación pode resolverse cunhos resultados como os que Argimiro Marnotes obtivo, 155 votos a favor de 155 emitidos, unanimidade, algo atá agora descoñecido na traxectoria do Partido Popular do Carballiño. Os 155 afiliados do PP carballiñes que se achegaron atá a casa da cultura para participar neste proceso electoral interno representan o 71% do total de afilidados do partido no Carballiño que tiñan dereito a participar na votación, é decir, que  as súas cuotas de afililado  estaban ó dia no momento da convocatoria do congreso. Marnotes xa reunira 296 avales para a súa candidatura, a única que reuníu o mínimo de 50 avales que se requerían. A nova executiva local do Partido Popular, agora xa con Marnotes á cabeza, está integrada por un total de 45 persoas, entre as que figuran membros da anterior executiva que presidía Guillermo Fernández, e incluso de executivas anteriores que regresan ó órgano de dirección local do partido, e tamén algunhas caras novas, que se suman a este novo proxecto dos populares carballiñes.

Cea (Redacción. Rocio Campos) Este domingo 4 de Xullo celebrase a XIX edición da Festa do Pan de Cea. Como dicía Carlos Manuel Rodríguez, presidente do consello regulador de indicación xeográfica protexida Pan de Cea, confía no bo tempo debido a que “xa lle levaron os ovos a Santa Clara”.

O falar do Pan de Cea, non podemos pensar que os panadeiros so se atopan nesta vila, senón que a indicación xeográfica protexida abarca todo o concello de Cea. Para elebarar estas riquísimas pezas contan cuns fornos tradicionais de construcción do S.XIII, aínda que nos últimos anos tiveron que engadirse unhas reformas hixíenico-sanitarias para que o producto entrara dentro dunha normativa que esixa a CEE. Para a construcción destes fornos utilizan un granito especial da zona “granito ala de mosca”. A pesar dos malos tempos que corren a producción cara o exterior do pan de Cea aumentou entre un 20 e un 30 %

 Este ano as circunstancias económicas non lles permitiron ós responsables do CRIXP Pan de Cea embarcarse no proxecto previsto do Museo do Pan de Cea no Mosteiro de Oseira, pero que según o presidente do consello regulador “sigue vivo”.  Sen embargo, o que si se conseguiu este ano foi a declaración de interese turístico para esta festa de exaltación que se celebra desde fai 19 anos.

 Avecíñanse moitas horas de traballo e de festa onde se esperan ó redor de dez mil persoas, que de cumplirse as previsións, daránse cieta este vindeiro domingo no campo da Saleta de Cea, onde se servirá  tamén o xantar oficial con productos todos eles galegos e con denominación de orixe.  Foron algunhos dos comentarios que se deixaron oír no programa "A Mañá de Cope", que se emiítíu durante dúas horas desde a vila de Cea, e no que tivemos ocasión de disfrutar  en directo das "Trouleiras de Cea", un grupo de pandereiteiras entre os 11 e os 12 anos que sorprenderon coa súa música tradicional.

Atá o vindeiro mes de setembro "A Mañá de Cope O Carballiño" vaise de xira, coa emisión itinerante do programa, todos os venres de cada semana. Para este dia 2 de xullo a visita que inicia este ciclo veraniego é a vila de Cea, dous dias antes de celebrarse a Festa de Exaltación do Pan de Cea, que ademáis ccoincidindo con esta 19ª edición, ven de acadar a declaración de "Festa de Interese Turiístico". Rocio Campos e Xan Pinal presentarán durante dúas horas, de 12,30 a 14,30, un programa que contará coa actuación musical das "Trouleiras de Cea" un grupo de pandereiteiras entre os 11 e os 12 anos, que ofrecerán a toda a audiencia unha mostra do seu repertorio de música tradicional. Durante a emisión radiofónica poderémos escoitar o Alcalde de Cea José Luis Valladares, que repasará os temas de actualidade neste Concello, e tamén a Celso Garriga, concelleiro de cultura da localidade. Outros convidados serán o Presidente do Consello Regulador da Indicación Xeográfica Protexida Pan de Cea, Carlos Manuel Rodríguez e a dinamizadora socio-cultural do Concello de Cea, Rosana Bernárdez, que avanzará a programación de actividades para este verán. Tampouco faltará á cita o "popular" Señor Modesto, ún dos habituais comentaristas do programa, que ademáis é veciñodo Concello de Cea, e polo tanto bó coñecedor da historia local.

Esta línea parte de la conexión con la Línea de Alta Velocidad Ourense-Santiago en el término municipal de O Carballiño y finaliza en la conexión con el Eje Atlántico de Alta Velocidad al norte de Pontevedra. Los citados proyectos básicos se refieren a los tres subtramos en que se ha dividido la línea: Carballiño-O Irixo, O Irixo-Cerdedo y Cerdedo-Barro.El presupuesto conjunto de estas licitaciones, publicadas hoy en el Boletín Oficial del Estado, asciende a 3.540.000 euros.Las licitaciones se producen tras la reciente aprobación definitiva del estudio informativo y de la declaración de impacto ambiental.

 Los tres subtramos, con una longitud conjunta de más de 54 kilómetros, se caracterizan fundamentalmente por la complicada orografía, que prevé gran parte del recorrido en túneles o viaductos.

La premisa de partida es el diseño de una plataforma para doble vía electrificada de alta velocidad ferroviaria, considerando además que la ejecución de las obras minimice las afecciones a las circulaciones existentes.

 Los proyectos básicos definirán, junto con el diseño de la plataforma del tramo, la definición de la vía, electrificación e instalaciones de seguridad y comunicaciones.

 Además, será objeto de estos contratos la realización de un análisis global para todo el tramo Ourense-Vigo que permita determinar la demanda de viajeros y las subestaciones y acometidas eléctricas en alta tensión.

 Proyectos básicos licitados hoy

 Carballiño-O Irixo

Longitud: 10,5 kilómetros

Presupuesto licitación proyecto básico: 1.062.000 euros

 O Irixo-Cerdedo

Longitud: 18,5 kilómetros

Presupuesto licitación proyecto básico: 1.062.000 euros

Este tramo discurrirá en su práctica totalidad en túnel.

 Cerdedo-Barro

Longitud: 25,4 kilómetros

Presupuesto licitación proyecto básico: 1.416.000 euros

O portavoz socialista no concello de Leiro, Manuel Rodríguez, manifestou a súa sorpresa tralo rexeitamento por parte do grupo popular dunha emenda socialista na que se instaba a unha redución nas contías por asistencia a plenos e comisións de goberno dos concelleiros en solidariedade coa redución dos soldos dos funcionarios e o personal laboral do concello, aprobada con anterioridade.

Rodríguez sinala que como explicación o alcalde indicou "que é pouco o que cobran los Concejales para o traballo que desempeñan".  O Grupo Municipal Socialista pregúntase “qué traballo desempeñan os concelleiros do Grupo de Goberno, xa que o único que fan é levantar a man nos plenos como un robot que está programado para esa función e para cobrar cada un deles 1800 euros ao ano por plenos e comisións. “A conclusión que sacamos de todo esto é que están no Concello en beneficio propio e non en beneficio de todos os veciños e veciñas de Leiro, e o Alcalde ten a desfachez de dicir que cobran pouco. Este Alcalde non ten vergoña ningunha xa que coa situación que se vive en todo o país debido á crise aínda quere se cobre máis”, dixo Rodríguez. Tamén referíndose ao rexedor municipal engadiu que “se tivera decencia non cobraba nada do soldo, pero xa nos deixou clarísimo que el está por interese persoal”. Por último o portavoz socialista sinala que é inadmisible que o alcalde non xustifique os gastos das dietas que cobra, motivo polo que foi preguntado no punto de rogos e preguntas da orde do día do pleno. O rexedor Francisco José Fernández esgrimiu como razón que non iba pedir un xustificante a un Conselleiro cando vai visitalo a Santiago, algo que é intolerable porque ademais pon en risco a legalidade do pago da dieta correspondente por parte do funcionario.Rodríguez censura este comportamento, xa que “unha vez máis o alcalde actúa como se o concellero fora a súa casa e non tivera que dar explicacións por nada, cando ten que dar explicacións tanto aos cidadáns como á oposición”. “Igual é que vai a Santiago en avión e por eso non presenta facturas da gasolina nin da peaxe da autopista, aínda que creo recordar que en Leiro, polo momento, non temos aeroporto”, concluiu.