El domigo dia 7 se disputó la octava  prueba de la LIGA NACIONAL DE CANICROSS,  en el circuito situado en el monte AÑARBE ,perteneciente al paque natural AIAKO HARRIA, muy próximo a Errenteria (San Sebastián)  A las once y media de la mañana , se daba la  salida a los noventa equipos participantes en esta edicción, para recorrer la distancia de  casi 8 km. muy exigentes  por las cuestas que había, pero accesible. Hay que destacar la cantidad de aficcionados , muy próximos a los tres mil, fueron los que se acercaron  esa mañana, para presenciar la carrera  de canicross, los cuales estuvieron animando todo el tiempo, tanto a los musher como a los perros. En cuanto al equipo de Carballiño, subió al podium una vez mas  esta temporada, en esta ocasión lo hizo en el tercer lugar del cajon, continuando una semana mas en el segundo puesto de la LIGA NACIONAL, en master-50, agradecer  a los colaboradores , como son : ARION, AGROBOTICA, GIMNASIO  
ESPARTA ,  que hacen posible que este equipo corra la LIGA NACIONAL DE CANICROSS. ENHORABUENA a los organizadores,  y a los colaboradores, por el éxito que obtuvieron.
anubis.

O Diario Oficial de Galicia  ven de publicar o edicto do Concello de Leiro, no que se recolle o acordo da aprobación inicial do Plan Xeral de Ordenación Municipal, polo que se somete a información pública durante un prazo de dous meses, a contar desde o dia 12 de marzo de 2010. Durante este tempo poderá examinarse a documentación nas dependencias do Concello de Leiro, ós efectos de consulta e tamén da presentación de posibles alegacións. Tamén se fai constar neste edicto, que están suspendidas as licenzas urbanísticas en todo o termo municipal, quedando excluidas aquelas que supoñan obras de conservación e mantemento. Non obstante, e con carácter excepcional, a Xunta de Goberno Local poderá acordar aquelas licenzas cuxa compatibilidade sexa incuestionable có PXOM. A duración da suspensión será como máximo de dous anos e, en todo caso, extinguiráse coa aprobación definitiva do novo ordenamento urbanístico do Concello de Leiro. 

A cita gastronónica e festiva está fixada para o domingo dia 14 de marzo, e estará este ano dedicada a México, co que Beariz mantén unha gran interrelación, xa que unha gran parte das familias bearicenses emigraron a este país. Con tal motivo, o menú preparado para o xantar oficial terá en conta esta dedicatoria, e entre os platos que se degustarán estará presente a comida tradicional mexicana, a base de tortas que mesturarán os "frijoles" con manteiga, queixo e carne esfiañada; despois, chegarán os chourizos de porco celta con cachelos, o xamón asado con salsa, e para o postre as chulas e os chupitos de tequila. O prezo por persoa é de 20 euros, e as tarxetas poden retirarse nas oficinas de Caixanova e CaixaGalicia de Beariz, atá completar o aforo do polideportivo de Beariz, onde se servirá o xantar para 800 comensais, a partir das dúas da tarde. Antes, desde as 10 da mañá, abriráse o mercado de artesanía e productos elaborados de porco celta, no campo da Goberna, e durante toda a xornada animarán a festa grupos de mariachis, pandereteiras do Concello de Beariz, e a banda de gaitas do Concello de Beariz.

A proposta foi presentada esta mañá por medio dun escrito dirixido ó Alcalde do Carballiño,  solicitando que a vindeira edición da festa do polbo que se celebrará o domingo 8 de agosto sexa dedicada ó Xacobeo 2010. O Partido Popular expón como "O Xacobeo é un acontecemento especial para tódolos galegos e galegas, sexan ou non cristiáns, e arredor do mesmo xurden acontecementos de tipo social e cultural de ampla diversidade que complementan o potencial turístico". Tamén subliñan os populares que a Festa do Polbo está considerada como a festa gastronóminca máis importante e representativa das convocatorias festivo-gastronómicas de Galicia, polo que "a confluencia de ambos acontecementos sería moi positivo, o noso Patrón Santiago sentiríase honrado, e o Xacobeo e os seus perregrinos terían a súa disposición a mellor das festas gastronómicas de Galicia e o mellor pulpo á feira que nunca teñan comido". Sería ésta a segunda vez na que se dedicaría a festa carballiñesa ó Xacobeo, a primeira foi no ano 1993.

As mulleres de Arcos protagonizaron fai arredor de 40 anos ún dos episodios valerosos que forman parte da historia desta parroquia carballiñesa, na defensa da propiedade das augas do Bañiño de Arcos. Desde tempos inmemoriais estas augas minero-medicinais foran de acceso libre, tanto para a veciñanza da parroquia coma para os numerosos augüístas que se achegaban atá esta fonte, á beira do río Arenteiro, atá que a principios dos anos setenta un particular denunciou estas augas para a súa explotación termal. Daquéla, chegara a construir unha caseta e pasara a cobrarse os augüistas, e foi entón cando as mulleres de Arcos, utilizando mazas, picos e apeiros de labranza, botaron abaixo a caseta, e desde entón a utilización da fonte volveu ser pública para disfrute de todos os augüistas. Aínda en pleno franquismo, a Garda Civil non pudera impedir a actúación das mulleres de Arcos, e tempo despois o promotor da privatización do Bañiño renunciou os dereitos adiministrativos que aseguraba ter. Agora, a Concelleira de Igualdade e Benestar do Carballiño, Aúrea Francisco, vai lembrar a aquelas mulleres, simbolizando nelas "a loita pacífica de tantas mulleres do Carballiño, tantas veces silenciadas e invisibilizadas no desenvolvemento social e económico do Carballiño". A iniciativa foi presentada con motivo da conmemoración do "Dia Internacional das Mulleres", e consistirá nun acto de homenaxe no que se descubrirá unha placa no Bañiño de Arcos, programado para o vindeiro dia 15 de marzo. Ese dia, tamén se recoñecerá a Dolores López Filgueira, a veciña que doou ó pobo de Arcos os terreos que se atopan no entorno da fonte.

O Portavoz do Psoe no Concello de Boborás, Alberto Otero, pensa que a a moción promovida poolo Alcalde de Boborás para faovorecer a austeridade e o aforro no gasto público, con distintas medidas entre as que se propón a retirada dos plus dos altos cargos e a diminución dun 20% nos salarios dos cargos electos non mileuristas, obedece a "envexa que ten Cipriano Caamaño dos seus compañeiros de partido, porque a él gustaríalle ser Deputado Provincial ou Autonómico, e despois de 20 anos na política non pudo ser maís cá Alcalde de Boborás". Nunha entrevista no programa "A Mañá de Cope O Carballiño", Otero tamén se referíu o asunto das dietas, despois de que O Alcalde desvelase no último pleno municipal que non as cobraba desde o ano 2007, algo que en opiníon do socialista responde a "unha extratexia política, pode estar anos sen pasalas e cobralas despois todas xuntas, esto é intentar quedar ben ante os veciños, dar a sensación de austero e honrado". Tamén aclarou o portvoz socialista que Caamaño cobrou todas as dietas desde que leva de Alcalde entre 1991 e 2007, e "a xente debe saber que as dietas non son baratas en Boborás, 150 euros por dia, 75 euros por medio dia e 18 céntimos por kilómetro recorrido con coche propio". Ademáis, en relación a reducción do 10% no salario do Alcalde, Alberto Otero entende que tampouco a rebaixa é real "xa que debería explicar que antes que baixalo xa o subira en anos anteriores". Finalmente, o representante socialista na Corporación de Boborás lamentou a actitude de "prepotencia e soberbia" do Alcalde, que no último pleno "chegou a decirnos que que algunhos tiñamos as tripas na cabeza, entre orella e orella e polo tanto tendes merda na cabeza, ou cando afirmou que él tiña unha estructura neuronal máis complexa cá nosa, e que polo tanto podia predicir os problemas antes cá ninguén".

Lo siento tu navegador necesita flash para ver este contenido

Alberto Otero, portavoz do PSOE

Non son cálculos de aproximación, senón entradas vendidas en taquilla, máis de cinco mil espectadores viron "Avatar" en 3D no Novocine de Leiro, no transcurso das últimas seis semanas, desde mediados do mes de xaneiro, coincidindo coa inauguración do novo sistema de proxección dixital en 3D, a única sala da provincia en contar con este sitema de exhibición cinemotográfica e ún dos pioneiros en Galicia. A gran repercusión mediática que acadou esta aventura empresarial de Ernesto Romero, que volveu hipotecar a súa casa en Leiro, para financiar o proxecto, despertou unha gran simpatía popular e converteu o Novocine de Leiro nun auténtico fenómeno social sen precendentes no noso país. En seis semanas, pasaron polo Novocine máis do doble de persoas que veciños tén a localidade de Leiro, "algo que non podía imaxinar nin nos meus soños máis optimístas, nunca me puden imaxinar que viñese tanta xente ó cine a Leiro" recoñeceu Ernesto Romero. O propietario agradeceu o apoio recibido polo público no programa de Xan Pinal e confesou que "nas últimas semanas vivíu momentos de moita emoción", e tivo palabras de agradecemento moi especiais para "os rapaces de Leiro, que tamén axudaron a este éxito creando grupos de apoio en internet, e por suposto a tanta xente me achegou a súa simpatía". A derradeira proxección de "Avatar" en 3D será este xoves dia 4 de marzo ás 8 da tarde. A partir do venres toma o relevo "Up In The Air", en sesións de tarde e noite.

Os datos foron facilitados polo Concelleiro de Obras e Urbanismo do Concello do Carballiño, Manuel Amil, no transcurso da súa interveción no programa "A Mañá de Cope O Carballiño", en total son 680 vivendas as que quedaron en suspenso, sen que os promotores desenvolvesen os proxectos que tiñan xa tramitados ante o departamento municipal de urbanismo. As 680 vivendas estaban proxectadas desde o ano 2007, nun total de 23 edificios, que contaban coa correspodente licencia de obra outorgada polo Concello do Carballiño. As malas previsións de vendas do sector, motivaron a suspensión dos proxectos por parte das empresas promotoras. Os datos son certamente moi siñificativos e confirman a recesión da construcción no ámbito municipal, un dos sectores clave na economia local, que mantivo historicamente un número de postos de traballo incluso por enriba de outras actividades, como a industrial. Esta caída na construcción no Concello do Carballiño xa se viña rexistrando, maís lentamente desde o ano 2003, xa que no "Anuario económico La Caixa 2009" recollíase que no quinquenio 2003-2008 a actividade no sector da construcción descendera un 15,2 no Carballiño, unha porcentaxe que, evidentemente, está xa moi por enriba nos dous últimos nanos. Os últimos datos veñen a confirmar agora que a construcción de vivendas está en caída libre, tamén no Concello do Carballiño. O Concelleiro de Obras e Urbanismo, Manuel Amil, recoñeceu que os datos son moi negativos e preocupantes,  e manifestou que "tratarémos de contrarrestálos na medida das nosas posibilidades coas obras públicas do Plan E para este ano".

Cipriano Caamaño reaccionou desta maneira ante a demanda de información por parte do Bloque Nacionalista Galego, que con anterioridade á celebración do Pleno da Corporación Municipal, solicitou ó Secretario do Concello de Boborás os datos relativos ó cobro de dietas por parte do Alcalde. Caamaño aproveitou a sesión plenaria para recriminarlle ó BNG esta solicitude, e asegurou que nos últimos anos non pasou ó cobro ningunha dieta de desplazamento, malia que foron numerosas as viaxes que fixo para realizar xestións municipais. Caamaño anuncio que hoxe luns presentaría a documentación "para cobrar todas xuntas, porque me obriga o BNG". Aínda que no transcurso da sesión plenaria que ven de celebrar a Corporación de Boborás ningún nin dos dous grupos da oposición se interesou por este asunto, o Alcalde aproveitou un momento do debate para aclarar que él levaba anos, polo menos desde 2007, sen pasar dietas de desplazamento e dirixindose ás bancadas da oposición enfatizou "seguramente pensaban vostedes que eu son como o do yate de luxo en alta mar, como a señora Seara, os do bipartito, que van catro nun coche e cobran dietas sen facelas", en referencia á polémica das dietas no Parlamento Galego.

Lo siento tu navegador necesita flash para ver este contenido

Alcalde de Boborás

Alguén podería chegar a conclusión errónea que nos últimos dias choveu máis no Carballiño que no resto de Galicia, tras saberse que este domingo tivo que adiarse o partido que tiñan que xogar no campo municipal de Espiñedo o Arenteiro e o Arousa, debido a gran cantidade de auga acumulada no terreo de xogo. Foi o único encontro de futbol de categoria autonómica que tivo que aplazarse por este motivo, o calamitoso estado no que se atopaba o campo. En realidade, non choveu no Carballiño maís que no resto do país, senón que o recinto deportivo municpal ten prácticamente inutilizado o sistema de drenaxe e cando chove non filltra a auga. O problema arrástrase desde que o Concello do Carballiño utilizou Espiñedo para o concerto do artísta brasileiro Carlinhos Brown, en xuño de 2007. Daquéla instalárase un macro-escenario sobre o terreo de xogo, equipos de luces e son, e camións de gran tonelaxe accederan ó recinto deportivo. A desfeita causada entón fixo que tiveran que investirse 60.000 mil euros, que aportou unha empresa privada, para recuperar o terreo de xogo, quedou coma unha alfombra verde perfecta, pero comezou a deteriorarse o pouco tempo coa chegada dos invernos. Ademáis, en xaneiro de 2009 os ventos do ciclón Klaus derrubaron unha parte do muro exterior, que desde fai tempo atrás xa amenazaba perigo de derrubamento. Un ano despóis a inercia municipal mantén as pedras tiradas no chan, e o muro sen reconstruirse. Non parece que os responsables muncipais do Carballiño teñan a Espiñedo entre as súas prioridades, aínda que o mínimo que podería exisirselle é que reparasen o que coa súa irresposabilidade estragaron.