(Redacción. Belén González) A Asociación 8 Notas mostrou na "Mañá de Cope O Carballiño" o seu descontento cos organizadores das festas patroais deste ano por non contar no cartel de actuacións con ningún grupo musical carballiñés. Miguel, un dos integrantes da asociación musical composta por 80 persoas, pediu nos micrófonos do noso programa que se conte cos grupos locais, porque o que eles queren é tocar nun bo escenario e contar cun equipo de son axeitado; ademáis tamén afirman que lles gustaría ser teloeiros dalgún grupo importante e non ser reclamados soamente para tocar nunhas festas de menos envergadura que as do Setembro.
Outros dos reclamos dende a asociación é o local de ensaio, un proxecto que foi aprobado polos grupos políticos no Carballiño cando o BNG estaba na Xunta. Despois de varias reunións, os diferentes partidos políticos déronlle luz verde ó proxecto e o concello enviou tódolos papeis precisos, pero ata o día de hoxe non se voltou saber nada. Nun principio, o local íase ubicar no baixo do pavillón deportivo Paco Chao.
8 Notas bótalle en cara ó grupo de goberno municiapl que deixase de lado a idea do local de ensaio. A esperanza que lle queda é Argimiro Marnotes, o voceiro do Grupo Municipal Popular, que fará de intermediario para traer o proxecto para aquí.

(Redacción. Belén González) Doce rapaces desfrutarán durante unha semana no Campamento Xuvenil Espiñeira, en Boiro (A Coruña). A actividade terá lugar entre os días 2 e 9 de agosto; a saída terá lugar o día 2 dende o colexio Nosa Señora de Xuvencos despois do mediodía e coa chegada ás 18.00 horas. O día 9, será o día de volta e chegarán a Boborás ó redor das 20.00 horas. Tódolos rapces que asistan irán acompañados por dous monitores que posúen a titulación en materia de tempo libre. Eles serán os encargados de fomentar entre os rapaces a convivencia, o respeto e demáis actitudes que son imprescindibles para o desenrolo da persoa. Ademáis tamén realizarán actividades como obradoiros de artesanía, reciclaxe, xogos e moitas máis cousas que non deixarán que se aburran. O custe desta actividade é de 45 euros por asistente, dos cales o Concello subvencionará o 50%, mentres que o participante terá que por 22,5 euros.

Unha notificación remitida polo Concelleiro de Festexos Francisco Gómez ós polbeiros e polbeiras está motivando certo  malestar no sector, xa que se considera como de excesivo o nivel de esixencias que se piden para autorizar os postos de venda de polbo no parque municipal, na festa a celebrar o vindeiro domingo 9 de agosto. Entre a documentación que se solicita, e que deberán presentar antes do dia 31 de xullo, figura o carné de venda ambulante do exercicio anterior expedido polo Concello, unha fotografía recente tamaño carné, e determinación do número de persoas habilitadas para a venda baixo a dependencia do titular da autorización, que incluirá unha relación tanto das persoas maiores de 16 anos que traballarán no posto, e as persoas vinculadas a él mediante contrato laboral,  deberndo aportar aportar fotocopia do Nif e, de selo caso,do contrato laboral. Tamén se detallla a cuota a pagar de 40 euros e unha série de requisitos que serán de obrigado cumprimento, advertindoselle ademáis de diversas infraccións sancionables cunha multa económica. Algunhos polbeiros e polbeiras manifestaron a Cope O Carballiño o seu disgusto por esta misiva, xa que entenden que a súa participación na festa é algo tradicional e familiar, como a propia tradición polbeira da parroquia de Arcos, polo que non entenden "a que ven tanta esixencia" cando en realidade "fan un importante esforzo para estar no parque o dia da festa faltando incluso nalgunhos casos ós seus compromisos de todos os domingos". Na edición do pasado ano foron en total 28 os postos de polbo que se instalaron no parque municipal, bastantes menos dos 45 que chegaron a reunirse fai unhos cantos anos atrás.

Apertura da Escola Infantil no colexio Calvo Sotelo

(Redacción. Belén González) Esta mañá a conselleira de traballo e benestar, Beatriz Mato inaugurou en presenza do alcalde Carlos Montes, do Presidente do Consorcio Galego de Servizos de Igualdade e Benestar, Roberto Martínez, e de Rogelio Martínez, Delegado Territorial da Xunta en Ourense a Escola Infantil no colexio Calvo Sotelo, unha inauguración na que non se fixo ningunha referencia ós promotores deste novo servizo, os antigos rectores do Consorcio e da Ex-Vicepresidencia de Anxo Quintana, o que molestou ós represntantes do BNG local, presentes neste acto..  Este proxecto sufriu un retraso dende que se producíu o cámbeo de goberno autonómico. O Bloque Nacionalista Galego foi acusado de "adoctrinamento" debido a implantación do galego como único idioma no centro infantil. O voceiro do BNG, Manuel Amil, explicou este feito e manifestou que en "ningún caso estaba previsto adoctrinar ós nenos e as nenas, porque é absurdo a nenos de meses adoctrinalos". Tamén declarou que "a xente debe ser consciente que as primeiras pedras que nas puxo foi o BNG a través da vicepresidencia que foi a impulsora deste proxecto."

O alcalde, Antonio Montero, nun momento do programa

(Redacción Belén González) Esta semana "A mañá de Cope O Carballiño" viaxou ata o Concello de Avión para emitir o seu programa. Ó estudio móbil acudiron diversos invitados do pobo para achegarnos a historia e a actualidade do que aconteceu e do que acontece.
      Entre os invitados hai que destacar a intervención do seu alcalde, Antonio Montero que falou do Plan Xeral de Ordenación Municipal (PXOM). Programa encargado de regular a construcción e a rehabilitación das casas do pobo. O parón na construcción debido a crise provocou o freo desta actividade, pero Montero tamén reclamou que "fai falta unha zona de extensión onde se poida construir e esperamos que esta crise, máis adiante, permita reactivar a necesidade de construir na nosa zona". O famoso Plan E, tamén se está levando a cabo en Avión grazas ó que se está construíndo unha residencia. Esta instalación terá lugar para 20 persoas, grandes dependentes, que cubrirá tódalas necesidades e que ofrecerá traballo para cinco ou oito persoas.
     Outra das obras é a construcción do Parque Eólico que se viu freado por diversas cuestións técnicas e legales; a obra xa está adxudicada, pero o comezo das obras aínda non se vai iniciar. Este parque suporá un ingreso de cartos que servirán para investir en novos proxectos para mellorar o pobo. Noutra orde de cousas, o máximo representante de Avión falou das diversas actividades que o concello ten para todo o verán e para tódolos públicos. Entre elas celebraránse xornadas de cine, clases de piragüismo, actuacións de magos, excursións, cursos de natación para os máis novos e maiores, campionatos de fútbol, andainas en bicicletas e actividades na praia fluvial que contará cun persoal de primeros auxilios. Outra actividade moi interesante son as rutas de sendeirismo que discorren pola Serra do Suído e a V edición da Festa Mexicana.
     Para falar desta festa mexicana, adicada este ano ós emigrantes no país azteca, achegouse ós micrófonos de Cope O Carballiño Isabel Gabián, responsable de organizar este festexo. O programa para este ano comezará ás 20.30 horas con actividades para os máis cativos como xogos de piñata e moitos máis que evitarán o aburrimento de todos. A partir das 21.00 horas, tódolos asistentes poderán degustar os famosos antojitos mexicanos e tamales, tanto doces como normais, a cargo de tres restaurantes de Galicia: Chilam-Balam de Vigo, O Rincón Azteca de O Carballiño e O Mesón Mejicano de Tourón. Ademáis, nesta edición haberá menús degustación para aqueles que se atopen indecisos e para os que descoñecen a ampla gastronomía mexicana. Para rematar a xornada festiva, a verbena estará amenizada polo grupo Garibaldi, composto por doce persoas.
     Dunha festa imos a outra, coas festas na honra ós patróns do pobo, Xusto e Pastor e San Roque que terán lugar os días 1, 2 e 3 de agosto. Para falar disto contamos coa presenza de Óscar Martínez, un dos integrantes da comisión de festas deste 2009. Este verán haberá un cartel de luxo: o día 1 a partir das 12.00 horas celebraráse unha misa solmne con procesión e haberá un pasarrúas a cargo do grupo Os Chispas. Na xornada da tarde, os avioneneses contarán cun concerto a cargo de Os Chispas e a Agrupación Musical Monterrei. Pola noite, a verbena estará amenizada polos Diplomáticos do Acordeón. Ó día seguinte, a misa solemne terá lugar ás 13.00 horas e o pasarrúas contará coa presenza da Banda a Lira de Ribadavia que tamén ofrecerá un concerto a partir das 20.00 horas. A verbena estará amenizada polas orquestras Tango e Marimba. A partir da 01.00 horas da madrugada haberá un gran folión de lucería E para rematar este día tocará o mariachi Tecatitlan. O derradeiro día de festexo contará coa misa solemne a partir das 13.00 horas. O pasarrúas correrá a cargo da Banda de Arcade. que a partir das 20.00 horas ofrecerá un concerto. Xa pola noite, a verbena estará amenizada polas orquestras D´Moda e Midas.
     O noso último invitado foi "unha memoria viva do que é a historia neste Concello de Avión durante case medio século"; esta descripción corresponde con D. Serafín, o párroco de Avión, que leva exercendo a súa actividade relixiosa durante 48 anos. Ata a terra do Suído chegou, ó saír do seminario, para cubrir o posto do antigo párroco, D. Jesús que se foi para América de misioeiro.
     "Fai 48 anos o único coche que se vía era o coche de línea e algún máis". Según D. Serafín, isto cambiou totalmente e cambiou para ben tanto económica como relixiosamente, porque o párroco afirma que á súa misa segue asistindo moita xente. D. Serafín xustificou a presenza de dous patróns porque foron mártires de Alcalá polo ano 400 e define a Avión polo pastoreo, etapa que marcou ó pobo pola subida ó Suído co aquel gando que a xente na súa casa non era capaz de alimentar. Había gardadores que vivían en chozos durante a súa estadía na montaña que se encargaban de coidar e velar polo gando dos veciños; dende alí víase Redondela que D. Serafín explica cunha foto: "Teño unha foto dunhas vacas que están mirando para Redondela, porque lle viña o aire da ría".
     A zona do Suído, manifesta o párroco que, nun principio non pertencía a Avión senón que era de Pontevedra, pero os avionenses gañáronlle a batalla do pastoreo. Cando chegaban as festas no mes de setembro, os segadores voltaban de Castela e eran recibidos por un gran folión. Co paso dos anos e do tempo, as festas trasladáronse a mediados de agosto porque era o único mes no que estaban os emigrantes. Durante un tempo, os festexos tiveron lugar o 15 de agosto na honra de San Roque, de Xusto e Pastor pero coincidían con moitas festas espalladas por toda Galicia. Deste xeito, os veciños solicitaron outra vez o cambio das festas para principios de agosto. D. Serafín accedeu e dende aquela, as celebracións dos patróns e de San Roque teñen lugar os primeiros días de agosto para que poidan desfrutar delas os emigrantes e os veciños de Avión.
     Un programa cargado da máis pura actualidade e modernidade contrastado co Avión de fai case medio século. Un pobo que avanzou tecnolóxicamente, pero aínda segue conservando a esencia da emigración e de ser un pobo atractivo para todos entre esas montañas do Suído, das que din que se avista o mar.  

(Redacción. Belén González) Fai uns días, o Concello de O Carballiño creaba tres prazas máis para discapacitados físicos na rúa Conde Vallellano. Horas despois, dúas delas foron suprimidas debido ás queixas dos comerciantes da zona presentadas na Casa do Concello. A supresión destas a última hora non a entenden dende a Asociación de Discapacitados Físicos de O Carballiño e Comarca. O seu presidente, Gerardo Pinto, pregúntase "qué poder teñen certos comerciantes para influir nas decisións aprobadas dende o goberno municipal". Ademáis, Pinto non está  dacordo conque se volte atrás cun proxecto que xa estaba aprobado polo goberno local. Pola contra, dende a Asociación de Empresarios e Comerciantes entenden axeitada esta decisión. Según pudo saber  "Cope O Carballiño", a creación de tres prazas para persoas con discapacidade física no centro do pobo é excesiva, porque aí non se acha ningunha administración pública. Asociación de Comerciantes está de acordo na creación de prazas, pero repartidas axeitadamente pola vila.  Desta maneira, os aparcadoiros para discapacitados na vila atópanse no: centro de saúde, concello, servizos sociais -rúa Faustino Santalices-,centro sociocomunitario, Casa da Cultura e Estación de Autobuses.

Lo siento tu navegador necesita flash para ver este contenido

Declaracións Gerardo Pinto, presidente Asoc. Discapacitados Físicos Carballiño

Dous veciños de Ourense, Héctor V.V. e Enríque V.G., de 29 e 23 anos de idade respectivamente, foron detidos hoxe nunha operación levada a cabo pola Unidade de Delincuencia Especializada e Violenta da Comisaria Provincial de Ourense, como presuntos autores dos sucesos ocurridos durante a fin de semana, cando varios automóbiles que circulaban por estradas das comarcas do Carballiño e O Ribeiro foron apedreados, sufrindo desperfectos e rexistrandose unha persoa ferida. Ós dous detidos impútaselles un delito de danos e seguridade contra o tráfico. No momento da súa detención, no vehículo que ocupaban, ocultaban varias pedras e petardos, polo que se supón que tiñan intención de seguir coa súa sinistra actividade delitiva. De feito, a detención foi posible despois de chamadas que alertaron á policia de que estaban sendo apedreados algunhos vehículos nas inmediacións da cidade de Ourense, polo que se intensificaron os controis policiais e, finalmente, puderon interceptar o vehículo na rúa Progreso de Ourense. A Policia ten fondas sospeitas de que ambos detidos sexan os mesmos que protagorizaron idénticos feitos durante a pasada fin de semana, xa que "o modus operandi" era o mesmo, "apedrear coches tanto aparcados coma en circulación, causando os conseguintes danos materiais e, o máis grave, causando un gran perigo para a seguridade no tráfico"

(Redacción. Belén González) Esta mañá a Concelleira de Medio Ambiente, María José Pérez e o alcalde do Carballiño, Carlos Montes anunciaron o programa "Núcleos Sostibles" para fomentar o uso da bicicletas e o emprego do transporte público. Esta iniciativa ten un dobre sentido: deportivo, para impulsar as actividades saudables e un sentido turístico que persegue presentárlle a tódolos turistas as rutas específicas como a do Parque Etnográfico e a do entorno do río Arenteiro. Haberá dous puntos de recollida das bicicletas: Praza do Emigrante e Muíño das Lousas para o que será preciso entregar a documentación e a partir de aí, a persoa terá tres horas por diante para recorrer as zonas máis interesantes do Carballiño. Carlos Montes declarou que "a idea é interesante na que O Carballiño podría dar un bo exemplo".

(Redacción. Belén González) O posto da Garda Civil foi moi demandado ó longo de toda a pasada fin de semana, xa que varias persoas interpuxeron denuncias polos lanzamentos de pedras ós coches realizados de madrugada -a noite do sábado-  ó redor da unha da madrugada por persoas das que aínda se descoñece a súa identidade. Este fito tivo lugar na estrada Ourense - Vigo, preto de Razamonde, na N-120 e causou estragos nos vehículos estacionados; ademáis provocou dous feridos.

Según declaracións dun veciño da comarca e familiar dun dos afectados a "A mañá de Cope O Carballiño", unha das mulleres resultou ferida leve, mentres que outra tivo que ser trasladada ó complexo hospitalario de Ourense debido ó impacto dos cristais rotos na cara e fractura da clavícula. Según algunhas testemuñas, trátase dun coche de gran cilindrada que ía cheo de xente e que se atopaba realizando unha competición para ver quén apedreaba máis coches. Ademáis, o automóbil realizou un percorrido por toda a comarca partindo de Ourense e pasando por Untes, Punxín e Maside -N-541-, San Amaro, Portodeguas e Ourense. 

Na xornada do luns, 20 de xullo, achegáronse ás dependencias da Garda Civil máis persoas para interpoñer dúas novas denuncias. Os afectados atopábanse circlando pola vía cando recibiron o impacto das pedras. Os turismos afectados corresponden as seguintes identidades: un BMW pertencente a Ramón G.M., veciño de Barbantes, de 46 anos que sufriu danos no teito solar e un Peugeot,  propiedade de Fredi P.S de 26 anos, veciña de A Grova (Ribadavia) e que recibiu as pedradas no foco traseiro e aboladuras nas portas. A Garda Civil segue investigando e afirma que os danos foron ocasionados dende o mesmo turismo que circulou polas diferentes localidades da comarca de O Ribeiro e O Carballiño lanzando pedras ós coches aparcados e en circulación.

Lo siento tu navegador necesita flash para ver este contenido

Declaracións de Modesto familiar dun dos afectados

A maioría dos automóbiles afectados, que interpuxeron as denuncias ó longo de todo o fin de semana, pertencían ós veciños da comarca de O Carballiño. Segundo un comunicado da Garda Civil, os afectados corresponden ós seguintes datos: Nissan Terrano pertencente a Ernesto G.P. de 47 anos, veciño de Punxín (Barbantes); este automóbil sufriu a rotura da ventanilla traseira da parte esquerda. Outro veciño de San Amaro que corresponde á identidade de José B.A., de 69 anos, recibiu no seu Citröen Xsara pedradas que lle romperon a luneta traseira. María Manuela, veciña de Ribadavia e propietaria dun Chevrolet Kalos tamén sufriu danos no seu vehículo.

Durante a tarde do fin de semana, varios Axentes do Subsector de Tráfico tamén rexistraron máis denuncias, pero nesta ocasión os afectados atopábanse circulando pola vía cando recibiron o impacto de pedras nos seus automóbiles. As pedradas tamén foron lanzadas dende coches en movemento e os afectados corresponden cos seguintes datos: Jorge O.B. de 26 anos, veciño de San Vitorio, propietario dun Volkswagen Golf recibiu pedradas e a rotura do seu parabrisas. Outra das afectadas foi unha veciña de Vilar de Rey (Cenlle); Marina V. F. de 45 anos recibiu as pedradas na parte posterior esquerda do seu Peugeot 205. Milagros G.C. de 43 anos, veciña de Vilela (Punxín) sufriu desperfectos no seu vehículo, un Renault Clio. Outro vehículo dunha veciña de Ourense de 58 anos tamén resultou afectada, posto que sufriu danos no proxector dianteiro esquerdo e aboladuras frontais. Polo momento non se coñece o valor dos danos materiais causados ó igual que a identidade das persoas que realizaron estas accións. Outros sucesos similares tiveron lugar días atrás en diversas localidades da provincia de Ourense.

Esther e Joaquín co persoal de cociña

(Redacción. Belén González) Neste programa realizado dende o Concello de San Amaro, o equipo de Cope O Carballiño trasladouse á residencia de maiores do San Amaro onde estivemos co seu xerente, Jesús Pérez, coa súa directora Esther e co xefe de cociña, Joaquín. A residencia ven de celebrar unha gran comida de confraternidade na honra do patrón do concello, San Mauro. Para esta ocación, Joaquín e o seu equipo de cociña elexiron un menú variado e un tanto diferente: unha paella ó máis puro estilo valenciano e uns postres moi ricos. Según Joaquín unha das claves para cociñar para os nosos maiores é facelo con moito cariño e dedicación. Unha empanada de atún e unha paella que tivo unha gran variedade de mariscos como mexillóns, nécoras, langostinos e bogavante. Ó remate desta comida houbo un rico postre composto por un pincho de froitas, iogures e moitos máis doces. Nesta comida non só estiveron os residentes senón que acudiron tódolos familiares que o desexaron para compartir con eles este día de festividade local na honra de San Mauro. A súa directora, Esther ofreceu unha viaxe polas instalacións que fai pouco máis dun ano que se inauguraron e na que traballan unhas 20 persoas, das que a maioría son do concello de San Amaro. Esta residencia conta con unha sala de perruquería, un ximnansio onde acuden os residentes coa fisioterapeuta para realizar exercicios, amplas salas para que os maiores pasen o seu tempo de lecer e xardíns para realizar paseos. Outro punto que destacou Esther é que os residentes poden saír ó longo da semana para ir visitar o pobo e mesmo a casa onde viviron ata fai pouco máis dun ano. Esta foi unha das claves que a residencia requería para poder ter "inquilinos". Un espazo rodeado de natureza e tranquilo para que os nosos maiores poidan desfrutar da súa vida.