O Boletín Oficial da Provincia (BOP)ven de publicar as bases para a elaboración e execución do Plan CooperOU, o novo modelo de financiamento para as entidades locais, que terán de prazo ata o próximo 22 de xaneiro para presentar as súas propostas de investimento, gasto ou amortización de débeda con cargo á súa correspondente achega provincial.

"Unha positiva noticia en tanto que os concellos xa poden planificar a execución dos fondos que recibirán da Deputación en 2024 no marco deste plan, dando resposta as súas necesidades concretas e, polo tanto, reforzando a súa autonomía e responsabilidade", declarou o presidente da Deputación, Luis Menor.

A dotación do plan no primeiro ano de vixencia incluirá 3 millóns de euros que se farán efectivos na modificación de crédito prevista para o mes de marzo.

As bases publicadas hoxe no BOP establecen que o 40 % da achega provincial, "como mínimo", destinarase a investimentos reais, "preferentemente os necesarios para a efectiva prestación dos servizos municipais obrigatorios". O 60 % da aportación, "como máximo", poderá destinarse a gasto corrente ou amortización de débeda, aínda que "con carácter excepcional poderase dedicar o 100 % ao programa de gasto corrente e amortización de débeda nos supostos de insuficiencia financeira manifesta".

Tamén se permitirá incluír en ambos programas -investimento e gasto- actuacións que teñan un importe superior aos fondos provinciais recibidos en cada concello, sempre e cando a entidade local achegue o financiamento complementario.

Unha vez rematado o prazo de presentación de solicitudes, a sección de contratación elaborará o Plan provincial de Cooperación para 2024, que deberá pasar pola correspondente comisión informativa e presentarse ao pleno ordinario do mes de febreiro parta a súa aprobación inicial.

O Plan CooperOU articúlase en torno a catro claves: a contía do financiamento, os criterios de reparto, o destino dos recursos e a simplificación administrativa.

Polo que respecta á contía, o novo modelo de cooperación supón case 10 millóns de euros máis con respecto á partida consignada para cooperación cos concellos nos vixentes orzamentos.

A segunda das claves radica no reparto, que se basea nunha distribución proporcional e máis xusta dos recursos en base aos criterios homoxéneos propostos pola FEGAMP. Neste reparto haberá unha parte fixa e outra variable. A parte fixa, con 8,9 millóns de euros, establécese en base a catro tramos segundo o número de habitantes de cada concello (ata 1.000, 5.000, 10.000 e 20.000), con cantidades que oscilan entre os 90.000 e os 120.000 euros. A parte variable distribúese en base á poboación (que conta nun 50 %); núcleos de poboación (20 %); índice de envellecemento (15 %); e superficie do concello (15 %).

Outro dos piares do Plan CooperOU e a autonomía municipal, consonte coa distribución por programas e porcentaxes establecidos nas bases, ademais da simplificación administrativa que vai supoñer este plan fronte á carga de traballo que supuña a tramitación das subvencións nominativas.

O grupo municipal dos socialistas trasladou no ultimo pleno do ano 2023 celebrado este pasado luns no concello de Leiro a demanda ao goberno municipal para que "se tomaran medidas de carácter urxente por parte das autoridades municipais ante unha colonia de gatos, ubicados nas inmediacións do colexio publico “Emilia Pardo Bazan”, xa que defecan e orinan tanto no acceso o cole como nos patios interiores incluido o areal donde xogan os mais cativos do cole".

Os socialistas mostran a súa preocupación por esta colonia de gatos o lado da instalacións educativas e máis nun lugar frecuentado por nenos "e por eso achegamos algunas medidas que se deberían adoptar, desde o noso punto de vista que van desde un censo de control dos gatos, como tamen desarrollar programas de esterilización e sanitario incluido, desparasitación, vacunación e identificación, xa que estos gatos poden suponer un risco de saude publica tanto para os cativ@s, como tamen os veciñ@s que viven o caron do colexio e que supón un deterioro das condicións de salubridad do entorno no que os gatos son alimentados e no cal tamen se encontran os contedores do lixo coas tapas totalmente abertas e que suponen un risco de saude, xa que están pegados no exterior das instalacions educativas e que o noso Grupo Municipal lle pediu o rexidor cambiar a sua ubicación un metros mais abaixo na intersección das ruas Leiro Pequeño e Casanova, seria unha maneira de disuadir a colonia dos gatos, aparte dos malos olores, suciedade, dispersión do lixo, etc".

Por todo elo, o PSOE de Leiro pídellle ao goberno municipal do Partido Popular que adopte medidas urxentes para solucionar esta problemática "que pon en grave risco a saúde tanto dos nenos e nenas que acuden ao colexio como ao resto da vecñanza desta mesma contorna".

O delegado territorial da Xunta en Ourense, Gabriel Alén, desprazouse esta mañá ao concello de Avión para achegarse, acompañado do alcalde, Antonio Montero, ao Castro de San Vicenzo, onde supervisou as novas actuacións arqueolóxicas de investigación e posta en valor deste xacemento financiadas pola Consellería de Cultura, Educación, Formación Profesional e Universidades cunha achega de máis de 14.000 euros.

O delegado territorial significou a importancia destas accións que teñen por obxecto acadar as medidas necesarias que garantan a conservación do castro e permitan a súa visita e aproveitamento sociocultural. Esta actuación -declarou Gabriel Alén- “forma parte do compromiso do Goberno galego para mellorar a conservación, afondar no seu estudo e dar a coñecer este patrimonio entre a cidadanía”. “Bens arqueolóxicos como o Castro de San Vicenzo xogan un papel fundamental no rico patrimonio cultural de Galicia, tanto pola súa calidade como pola súa capacidade para ser testemuña do noso pasado máis senlleiro”, sentenciou.

Os traballos O delegado territorial explicou que os traballos que se están a desenvolver consisten na escavación con metodoloxía arqueolóxica dunha área entre os 80 e 100 m² distribuída en varias sondaxes arqueolóxicas a longo do xacemento, e que unha vez rematada a intervención deberanse tapar as sondaxes arqueolóxicas empregando un elemento separador. A recollida de mostras serán datadas por C14, e levarase a cabo o levantamento topográfico xeorreferenciado, mediante fotogrametría 3D, da área de actuación e debuxo arqueolóxico das estruturas exhumadas. Tamén se realizarán vídeo e fotografía aérea (oblicua e vertical) con tomas xerais conxunto e de detalle dos seus elementos máis significativos.

O Castro de San Vicenzo O xacemento arqueolóxico de Castro de San Vicenzo localízanse nun amplo outeiro na marxe dereita do río Avia, na parroquia dos Santos Xusto e Pastor de Avión en terreos pertencentes á CMVMC de San Xusto-Avión. O asentamento está conformado por unha serie de recintos aterrados que aproveitan a orografía do propio outeiro. Conta cun completo e potente sistema defensivo conformado por tres liñas defensivas construídas en pedra máis unha cuarta formada por un parapeto de terra. No recinto superior identificáronse unha serie de estruturas circulares realizadas en mampostería. No sector S do recinto principal localizouse sobre un bolo granítico documentouse unha combinación de 8 coviñas.

Este xacemento arqueolóxico figura protexido no catálogo do PXOM do concello de Avión e no catálogo de bens culturais do Plan Básico Autonómico de Galicia. Ten ademais a condición de ben pertencente ao Catálogo do Patrimonio Cultural de Galicia. En xaneiro do ano 2023 levouse a cabo unha intervención de roza e limpeza vexetal no que se liberou de masa forestal a totalidade da superficie ocupada. Estas circunstancias determinan a necesidade de levar a cabo unha intervención de limpeza, investigación, conservación e posta en valor deste xacemento arqueolóxico en colaboración coa CMVMC de San Xusto-Avión, entidade propietaria dos terreos.

Un ano máis volven as Xociviga (Xornadas de Cinema e Vídeo de Galicia) ao Carballiño, previstas para o mes de Decembro, do Mércores 20 ao Domingo 24, e organizadas polo Concello de O Carballiño. O festival de cinema muda do verán á época do nadal, con 9 sesións cinematográficas no Auditorio Manuel María cunha ampla programación para todos os públicos.

A programación arranca cun pase de balde para os institutos da vila da película galega O Corno. O estudantado contará coa visita da directora Jaione Camborda, coa que terán un coloquio sobre a obra. As xornadas continuarán os seguintes días con cinema español como a aclamada 20.000 Especies de Abejas (2023) dirixida por Estibaliz Urresola Solaguren, película que se alzou este ano como a máis nominada para os Premios Goya cun total de 15 nominacións, e Amigos hasta la muerte (2023) do galego Jaiver Veiga, que rodou escenas durante a “Festa do Pulpo” do Carballiño en 2022.

Tamén contarán con cine internacional como o filme canadiense Falcon Lake (2022), a francesa Scarlet (2022) e a británica Al otro lado del río y entre los árboles (2022) dirixida pola directora española Paula Ortiz, que destacou en 2015 coa súa película La Novia gañadora de 2 Premios Goya.

Na programación para os máis cativos atopamos a española ¡Salta! (2023) protagonizada polo galego Tamar Novas, Hei Buh y el castillo embrujado (2022), e o clásico por excelencia do nadal Solo en Casa (1990).

O prezo das entradas será de 4€ para adultos e de 3€ para nenos e nenas.

Como novidade, esta edición contará cun concurso de microrrelatos de ficción de entre 60 e 120 segundos na plataforma de TIKTOK. O concurso está organizado pola asociación fotográfica do Carballiño O Potiños e está destinado á mocidade da vila (para rapaces e rapazas de 14 a 20 anos). Haberá dous premios: Primeiro Premio dotado de 300€ e Segundo premio de 100€ máis un bono de 50€ no comercio local da vila, en colaboración co CCA do Carballiño. Asemade, o CCA e a hostalaría do Carballiño forman parte da organización dunha ruta de tapas de cine,que se presentará ao longo da vindeira semana.

O Potiños tamén colaborará este ano cunha exposición fotográfica que se poderá ver no concello e nalgúns comercios da vila. Nela poderemos ver fotografías realizadas polos membros da asoaciación en puntos do Carballiño que foron empregados en rodaxes de películas e curtametraxes: como o Parque Municipal en Amigos hasta la muerte, o balneario na serie de Un Asunto Privado de Prime Video ou o concello en Melancolía entre outros.

Foi unha persoa que camiñaba a primeira hora desta tarde de sábado polo paseo do río Arenteiro o que observou o cadáver desta muller nunha zona do río de abundante vexetación, entre o viaducto do ferrocarril e a ponte da N-541, na zona do Cornubal.

Alertado o 112, de contado pedíu a colaboración dos servizos de emerxencias, que se achegaron ata o lugar do achádego para recuperar o corpo da muller, un traballo que realizaron coa axuda dunha zodiac do GES do Ribeiro.

Concepción Vázquez, de 79 anos de idade e vecña de Arcos, estaba desaparecida desde a tarde do pasado sábado dia 9 de decembro. Durante as primeiras horas do operativo de búsqueda a principios de semana localizáranse varias pentenzas persoais, prendas de roupa, un paraugas e un bastón, polo que desde un principio os investigadores centraron a búsqueda nesta zona do río Arenteiro, incluida a participación de axentes da Unidade Subacuática da Garda Civil, pero todos os esforzos resultaran infructuosos.

FUTBOL DE 1ª RFEF. O Carballiño e o Arenteiro reciben en partido oficial de liga a todo un campión de liga, campión de copa e semifinalista de Champións, o Real Club Deportivo da Coruña. Estadio de Espiñedo, domingo 17 ás 19:00 horas, CD Arenteiro-Deportivo. Retransmisión televisiva en aberto a través da Televisión de Galicia (G2) e a plataforma de pago FEF.

TEATRO. O Festival de Teatro Galego 2023 vive a súa xornada de clausura coa actuación da compañía Malasombra e o seu espectáculo "De algo hai que morrer", sábado 16 ás 20:30 horas no auditorio do Carballiño.  Este espectáculo sustitúe a "Testosterona",, que estaba inicialmente programado, unha ciircustnacia que se debe a unha indisposición por enfermidade da actriz Camila Bossa.E dentro da programación navideña da concellería de cultura do Carballiño Teatro del Norte presenta "MACBETH", domingo ás 19:30 horas no auditorio.

CINE. Tres películas para toda a fin de semana no Novocine de Leiro: "La Navidad en sus manos" (16:00 h.) "Wonka (18:00 h) e "Ocho apellidos marroquís" (20:30 h.)

MERCADO DO NADAL DE MASIDE. 20 postos participan neste mercado navideño con artesanía, productos de proximidade e con temática navideña, o domingo 17 en horario de 12:00 h. a 19:00 na Alameda de Maside.

ANDAINA DO NADAL DO CONCELLO DE CEA. Con saída o domingo 17  ás 10:00 h. desde a Praza Maior de Cea e un percorrido de 12 km. de baixa dificultade, e con despedida aos particpantes cunha degustación de pinchos por xentiliza do CRIXP Pan de Cea ao completarse a camiñata.

NADAL CORAL. O Orfeón do Carballiño colabora nesta actividade na que fará a súa presentación o Coro de Voces Brancas integrado por 50 nenos e nenas do Conservatorio de Música, e os colexios da Uceira, Vila do Arenteiro e Terras de Maside, baixo dirección de Cristian Casas. Domingo 17 ás 11:45 h. no Templo da Veracruz.

Nova entrega da Tertulia dos Venres en COPE O Carballño, a deste venres dia 15 de decembro e na que participaron Fátima Gómez, Manuel Nogueira e José Antonio Barge, e moderada por Xan Pinal.

Podes escoitála no audio adxunto:

O Grupo Socialista impulsa no Parlamento de Galicia unha iniciativa para que se cubran as dúas prazas de pediatría do centro de saúde do Carballiño. Os e as socialistas critican a “falla de previsión” do goberno galego á hora de cubrir as prazas que quedaron vacantes por unha xubilación e un traslado xeográfico e amosan o seu “total” respaldo e apoio á veciñanza do Carballiño que está a demandar uns servizos dignos e xustos para as súas crianzas.

A iniciativa saíu adiante por unanimidade. A deputada do PSdeG-PSOE de Ourense no Parlamento de Galicia, Marina Ortega Otero, defendeu esta mañá na comisión de sanidade, política social e emprego unha proposición non de lei na que instan á Xunta a que, a través da consellería de sanidade, cubra ás dúas prazas de pediatría do centro de saúde do Carballiño. A parlamentaria socialista alertou de que a falla do servizo de pediatría durante as tardes e a ausencia deste especialista no servizo de urxencias “obriga aos pais e nais dun centro que atende a 27.000 persoas de 9 concellos e a case 2.500 crianzas a desprazarse ao servizo de urxencias do Hospital de Ourense, moitas veces colapsado, ou directamente optar pola sanidade privada”.

Ortega Otero aproveitou tamén a súa intervención para sinalar que “é preciso que o goberno galego acolla estas demandas que trasladan os veciños e veciñas do Carballiño para blindar os servizos de matrona, xinecoloxía e pediatría”. Explicou que estes servizos resultan “básicos para afianzar poboación nun dos principais núcleos con maior habitantes da provincia e remontar a grave crise demográfica que fai de Ourense unha das provincias co peor saldo vexetativo de España”.

“Escoiten á veciñanza que leva anos saíndo a rúa para reivindicar, non só que se cubran as prazas de pediatría, senón unha praza adicional de matrona ou a necesidade dunha maior cobertura da atención xinecolóxica e pediátrica”, afeoulle a deputada do PSdeG-PSOE de Ourense ao Partido Popular. Marina Ortega fixo fincapé tamén na mobilización deste pasado domingo no Carballiño, na que asegurou que a veciñanza “saíu a rúa para reivindicar dende o respecto os dereitos dos nosos fillos e das nosas fillas. Un pobo unido por unha causa xusta e que crearon unha plataforma veciñal e recolleron firmas para reivindicar que se cubran as prazas de pediatría”.

Neste senso amosou o seu agradecemento pola mobilización do domingo, afirmando que “sen a loita dos pais e nais e da veciñanza do Carballiño non sería posible que se cubran as prazas”. Os e as socialistas subliñan que Carballiño é un dos núcleos máis importantes da provincia en termos de poboación, motivo polo que afirman que “é preciso que o goberno galego acolla estas demandas que a veciñanza está trasladando, para así garantir servizos públicos de calidade e dignos, que permitan tamén afianzar poboación”.

O equipo técnico adxudicatario desta actuación arqueolóxica no castro de San Vicenzo iniciou os traballos que están financiados pola Dirección Xeral de Patrimonio Cultural da Xunta de Galicia.

Arqueólogos de "Breogán Arqueoloxía" e "Arqueolladas, Colectivo de Arqueoloxía" deron comezo a unha intervención que é xa unha realidade por medio dunha iniciativa conxunta da Asociación Cultural Vive Avión, a Comunidade do Monte Veciñal en Man Común de San Xusto e o concello de Avión.

En datas próximas, está prevista a organización de visitas guiadas a esta primeira fase das excavacións deste xacemento arqueolóxico, que se ubica nun lugar que ademáis conta cun gran actrativo natural e paisaxístico, con espectaculares vistas.