Deportes

Os verdes poideron sentenciar o partido na primeira parte, cando máis e mellor xogaron, imprimindo un forte ritmo que non obstante so lle deu para retirarse 1-0 ao descanso. Na segunda parte, tras desviar Pachi o balón nunha pena máxima a favor dos visitantes, o Arenteiro tivo que agardar aos minutos finais para resolver definitivamente. Excelente entrada en Espiñedo, máis de 400 afeccionados.

C.D. Arenteiro:Pachi, Carlos, Diego López, Lois, Óscar ( Dabarca, m. 68 ), Alex, Marcos Sotelo Martín, m. 71, Victor Gallego,  Diego Quiroga ( Manu, m. 75), Alex Bardelás e Miguel Prada ( Omar, m. 87 ).

Goles:

1-0.Minuto 23. Diego Quiroga en boca de gol tras unha boa xogada por banda de Miguel Prada

2-0.Minuto 83. Martín tras un pase milimétrico de Manu.

3-0.Minuto 85. Outra vez Martín, que gaña as costas á defensa visitante e en vaselina envia ao fondo da portería. Gol de auténtico crack.

O Partido: Aos 9 minutos M. Sotelo enviaba ao longueiro tras executar unha falta, a partir dese minuto sucederonse as numerosas ocasións de gol, sempre a favor do Arenteiro, que debeu chegar ao descanso cun marcador máis amplo. Na segunda parte, os carballiñeses cederon terreo no centro do campo, custaballes sair e propiciou que a U.P. Taboadela se decidise a buscar o empate. A xogada clave pudo ser a do minuto 60, cando o árbitro inventase un penalti a favor do equipo visitante, pero na portería carballiñesa estaba Pachi -soberbio de reflexos- para desvialo fora. A partir de ahí, o Arenteiro volveu a facerse co mando do partido, que sentenciou merecidamente nos minutos finais.

O líder impuxo a súa superioridade pola vía rápida, golendo sen apenas atrancos ao At. Vilariño no partido correspondente á 20ª xornada de liga desputado no campo do Medo, ante numerosos seguidores carballiñeses.

C. D. Arenteiro: Pachi, Carlos, Diego López, Lois, Óscar, Alex, Bardelás, Victor Gallego, Canexón, Quiroga e Prada. Tamén xogaron Perdiz, Omar, Alex Santiago, Oliver e Martín, éste último aos 20 minutos para sustituír a Canexón, que resultou lesionado.

Goles:

0-1. Minuto 11. Tras un rexeitamento do meta local, Victor Gallego adiantase ao central do Vilariño e envia o balón ao fondo da portería.

0-2. Minuto 25. Forte disparo de Victor Gallego que despexa nunha gran intervención o gardameta local Roi, o balón chega a Diego Quiroga que executa á perfección.

0-3: Minuto 53. Córner que lanza Quiroga e Diego López, de cabeza, fai o terceiro.

0-4: Minuto 59. Xogadón de Miguel Prada para enmarcar. Tras deixar atrás ata 4 xogadores do Vilariño sirve en bandexa a Martín, que so ten que empuxar.

1-4. Minuto 75. Penalti a favor dos locais que tranforma en gol Meji.

O Partido: Solvente encontro dos carballiñeses que dende o primeiro minuto de partido non deron opción para a sorpresa, os carballiñeses anticipanbanse unha e outra vez aos locais, e froito da presión que exercian, comezaron a chegar as ocasións de gol. O mellor xogador local, o porteiro, que sobre todo na segunda metade, evitou que o Arenteiro lograse unha victoria aínda máis ampla. O pior da tarde, a lesión de Canexón, unha escordadura que probablemente obrigarao a gardar repouso durante varias semanas.

Os verdes desaproveitaron as numerosas ocasións que tiveron ante a portería rival, e a falta de acertou pagouna o equipo deixando escapar dous puntos de Espiñedo nunha tarde infernal de frio, choiva e vento e co terreo de xogo moi pesado que perxudicou o xogo do Arenteiro ante un rival, o Ramirás, que sigue sendo a besta negra dos carballiñeses.

C.D. Arenteiro: Pachi, Carlos, Dabarca, Lois, Oscar, Alex, Bardelás, Gallego, Prada, Manu e M, Sotelo. Tamén xogaron Quiroga, Martín, Canexón e Omar,

O Partido: Faltoulle esta tarde ao Arenteiro a sorte que acaso tivo noutros partidos. Na primeira media hora os carballiñeses sumaron ata catro ocasións de gol, pero non era a tarde dos dianteiros , igual aconteceu na segunda parte, sobre todo na recta final do partido, cando primeiro una volea de Canexón encontrase ao porteiro vistante e un cabezazo de Martín vaise ao poste e o rebote as mans do porteiro. Con todo, a ocasión máis diáfana chegaba no minuto 89 cando V. Gallego senta ao guardameta do Rámirás e despois falla a portería vacía cando xa se cantaba o gol na grada.

Os verdes comezan a segunda volta do campionato sumando outros tres puntos que os afianzan no liderato da 1ª autonómica,  tras gañar un partido no que a S.D.C. Arrabaldo vendeu cara a derrota.

C.D. Arenteiro: Pachi, Carlos, Diego López, Lois, Óscar, Alex, Victor Gallego, Bardelás, Quiroga, Manu e Marcos Sotelo. Tamén xogaron Prada, Canexón, Omar e Martín.

Goles:

0-1: Minuto 47. Xogada por banda de Marcos Sotelo que centra medido sobre o punto de penalti, Quiroga engaña ao porteiro deixando pasar o balón e Manu marca a placer.

O Partido: Comezou moi forte o Arrabaldo, que dispuxo de dúas boas ocasións para adiantarse no marcador, pero por dúas veces Pachi evitou o gol. Tras o arreón inicial dos locais, o partido, nos primeiros minutos moi incomodo para o Arenteiro, que non lograba adaptarse as reducidas dimensións do terreo de xogo, foise nivelando. Tras o descanso, o Arenteiro fíxose co control do partido, e o Arrabaldo apenas logrou chegar un par de veces á área carballliñesa.

Club Deportivo Arenteiro e a Selección do Ribeiro xogaron na tarde de reis un partido de fútbol de carácter solidario, a beneficio das actividades que desenvolve a Cruz Vermella. Os carballiñeses gañaron 3-1, aínda que desta vez o resultado era o de menos, porque en realidade quenes gañaron en solidariedade foron os preto de 50 fútbolístas que partiparon nesta acción benéfica.

Ainda que nun principio o partido estaba programado no Estadio de Espiñedo, o calamitoso estado no que se atopaba o terreo de xogo tras as fortes chuvias dos últimos dias, finalmente decidiuse xogar o encontro no campo sintético da Uceira.

A Selección do Ribeiro, dirixida polo adestrador do At. Barbantes, Paco, presentou un bo combinado, entre os que figuraban os exarenteiros Gabriel, Julio Alén e Pana.

Miki López, o adestrador carballiñés, dispuxo dous equipos, un en cada parte, dando entrada a varios xuvenís, tan so o defensa Pablo Dabarca xogou os 90 minutos. Os goles do Arenteiro foron obra de Quiroga (2 ) e Borja (1).

Os alaricanos, que demostraron ser un bo equipo, adiantaronse cun gol aos 8 minutos e o Arenteiro, que afrontaba o partido con varias baixas, contestou con resposta de líder dándolle a volta ao marcador antes do descanso. Os carballiñeses despiden o ano como líderes, con 41 puntos.

C.D. Arenteiro: Pachi, Carlos, Diego López, Dabarca, Óscar ( Lois, m. 64 ), Alex, Bardelás ( Canexón, m. 72 ), Victor Gallego, Quiroga, Manu ( Tomás, m. 81 ), e Marcos Sotelo ( Esteban, m. 84 ).

Goles:

1-0. Minuto 8. Magíífica xogada de toque da dianteira local, Pachi rexeita en primeira instancia, pero Beto marca a porta vacía.

1-1: Minuto 31. Combinación entre V. Gallego, Manu e Bardelás que éste último culmina dun chut colacado ao pau.

1-1. Minuto 39. O golazo da tarde. Carlos Escudero recolle o balón a unha distancia de 30 metros e saca un chupinazo que se cola por toda a escadra.

O Partido: Tras un inicio no que o Allariz marcou o seu gol, logo conseguiría o Arenteiro asentarse no campo, dominando tanto na posesión do balón como o tempo do partido ata que chegou o descanso. Na reanudación, os locais volveron saír máis entonados, mentres que o Arenteiro buscaba á contra  o gol da sentencia, que a punto estiveron de lograr ata en tres ocasións noutros tantos disparos a portería de Quiroga, M. Sotelo e V. Gallego. Sen embargo, sería o Allariz o que pudo empatar xa no tempo de desconto - o árbitro prolongou o partido 8 minutos- pero o meta carballiñés Pachi, que estivo sensacional con dúas intervencións nos minutos 91 e 96, salvou os 3 puntos para o Arenteiro.

O C.D. Arenteiro sigue lanzado na recta final da primeira volta do campionato de liga na 1ª auotonómica, desta vez os verdes fraguaron a victoria ante o Monterrei nunha intensa primeira media hora de partido na que o equipo carballiñés foi un autentico vendaval de xogo ante a portería visitante. 

C.D. Arenteiro: Pachi, Carlos, Diego López, Dabarca, Oscar, Alex,  Bardelás ( Canexón, m. 61 ), Victor Gallego ( Alex Santiago), m. 69, Diego Quiroga ( M. Sotelo) , Walter Martín ( Manu ) e Prada. 

Goles:

1-0: Minuto 10: Corner que saca Quiroga e acrobático remate de Walter Martín.

2-0: minuto 13. Pase en profundidade de Quiroga sobre Prada, tapa o porteiro pero o rexeite é aproveitado polo propio Prada para marcar dende 30 metros cun chut suave e colocado.

3-0. Minuto 28: Golazo de Quiroga, que aproveita un gran centro de Prada para, tal como viña o balón, golpealo á escuadra.

3-1. Minuto 47. Regalo da defensa verde e Seoane marca a placer.

4-1. Minuto 77. Corner que saca Marcos Sotelo e Manu, de cabeza, fai o cuarto da tarde.

5-1. Minuto 90. Outro golazo de Manu tras un gran pase de Alex.

O Partido: Saíu o Arenteiro decido a resolver o partido pola vía rápida, exercendo unha abafante presión que apenas deixaba tocar o balón aos xogadores do Monterrei, con varias ocasións durante o primeiro periodo para irse ao descanso cun marcador aínda máis favorable. Xa con 3-0 a favor dos carballiñeses no minuto 35, o porteiro visitante Siero -o mellor do seu equipo ata que foi expulsado- detivo un penalti lanzado por Dabarca. Na segunda parte, os carballiñeses non sairon coa mesma intensidade, ainda que o partido quedaba practicamente visto para sentencia no minuto 65 pola expulsión do meta visitante, que tocou o balón coa man fora da área cortando unha manifesta ocasión de gol para Iago Canexón.

Prácido partido para o Arenteiro na súa visita ao campo da Moreira de Xinzo de Limia, os carballiñeses dominaron o partido de principio a fin, e suman unha nova victoria a domicilio que lles permite colocarse como líder da liga na 1ª autonómica.

C.D. Arenteiro: Pachi, Escudero, Lois, Diego Lopez, Dabarca, Omar, Bardelás, Gallego, Quiroga, Martín e Prada. Omar, lesionado no m. 17, tivo que deixar o campo e no seu lugar entrou Alex. No último tramo do partido tamén xogaron Canexón, Oscar e M. Sotelo.

Goles: 

0-1: Minuto 7. Martín, a pase de Bardelás.

0-2: Minuto 59. Penalti sobre Victor Gallego que transforma Dabarca.

1-2. Minuto 69. Penalti cometido por Lois, marca Samu para os locais.

1-3: Minuto 71. Centro medido de Quiroga que remacha Martín.

1-4. Minuto 92. Balón que sirve Gallego sobre Quiroga que marca a porta baleira.

O Partido: De moi pouca historia debido a abrumadora superioridade do C.D. Arenteiro nunha tarde na que os verdes poideron acadar unha goleada moito máis ampla, xa que tanto na primeira como na segunda parte Martín e Quiroga dispuxeron de ocasións moi claras para incrementar a renda de goles. 

Outra sufrida victoria dos verdes en Espiñedo, desta vez ante un bo Covadonga. O Arenteiro quedouse dende os inicios da segunda parte con 10 xogadores no campo tras ver cartón vermello directo Manu ao tocar o balón coa man para evitar o gol visitante. Pachi detivo o penalti e a partir de ahí o Arenteiro aguantou ben o resultado.

C.D. Arenteiro: Pachi, Carlos, Lois, Dabarca, Oscar, Omar, Manu, Gallego, Quiroga, Martín e Prada. Tamén xogaron Canexón, Alex, Sotelo e Cancelas.

Goles:

1-0. Minuto 10. Internada de Prada pola banda que se planta ante o porteiro do Covadonga e sirve o balón en bandexa a Manu, que marca.

2-0. Minuto 78. Desta vez é Marcos Sotelo quen coloca a pelota na área, Victor Gallego toca o xusto para que Quiroga remate ao fondo da portería.

O Partido: Vistoso e entretido no primeiro periodo con ocasións en ambas porterías. Na reanudación, e tras a expulsión de Manu o Covadonga desaproveitou a oportunidade de empatar o partido o despexar Pachi o balón no penalti lanzado por Toni. A partir de ahí, o Arenteiro, sabedor da súa inferioridade numérica pola expulsión de Manu, defendeu con acerto a exigua ventaxa no marcador ata que chegou o gol da sentencia xa na parte final do partido. O árbitro Iván González anulou dous goles, ao Arenteiro no minuto 12 e ao Covadonga no 84, en ambos casos por suposto fora de xogo.

Adiante na Copa Deputación

Os carballiñeses superaron sen problemas a eliminatoria de oitavos ante o At. Vilariño, ao que volveron derrotar en Espiñedo co mesmo resultado que no partido de ida, 2-1.

Efectivo partido dos carballñeses  que endosaron ao líder Nogueira de Ramuín a primeira derrota da tempada no seu campo da Tella, o  que lle permite ao C.D. Arenteiro continuar coa súa racha de imbatibilidade nas últimas 9 xornadas de liga, sumando 2 empates e 7 victorias. 

C.D. Arenteiro: Pachi, Carlos, Diego López, Lois, Oscar, Omar, Bardelás, V. Gallego, Quiroga, Martín e Prada. No último cuarto de partido tamén xogaron Canexón, Manu, Núñez e M. Sotelo.

Goles: 

0-1. Minuto 50. Diego Quiroga executa maxistralmente unha falta enviando o balón á escuadra da portería local.

0-2. Minuto 71. Walter Martín, de cabeza, ao máis puro estilo Carlos Santillana. 

0-3. Minuto 84. Outro libre directo sobre a portería local, desta vez é Manu quen protagoniza un magnífico lanzamento, salvando a barreira e enviando o balón axustado o pau.

O Partido: Con dúas partes moi diferentes, a primeira na que o líder dominou e a segunda na que o Arenteiro sentenciou con solvencia. O momento clave do partido pudo ser o minuto 39, cando o Nogueira quedouse con 10 xogadores no campo por expulsión de Meleiro, que víu doble cartón amararelo. Atá ese momento o Nogueira controlaba o partido cunha presión no medio do campo que impedía aos carballiñeses poder progresar cara a área local. Na segunda parte, o partido mudou sustancialmente, sendo entón o Arenteiro o que pasou a controlar o partido e a gozar das mellores ocasións, e froito delas chegou a victoria.