Deportes

Este Arenteiro continúa a dar alegría tras alegría aos seus afeccionados, que cada vez son máis, desta vez e tras unha semana intensa na que se proclamou campión de España da Copa Federación, os verdes non acusaron o cansancio no seu desprazamento desta fin de semana a Asturias e regresan a O Carballiño con outros 3 puntos tras derrotar ao Marino de Luanco cun gol de Curro Rivelott no minuto 67 de partido.

O Arenteiro continúa asi firmando a súa mellor etapa histórica, acumulando xa 20 partidos invicto en competición oficial, sumando os partidos da Segunda RFEF e a Copa Federación, que tan brillantemente gañaou. O próximo partido en liga será o domingo 20 en Espiñedo ante o Compostela, antes este próximo domingo dia 13 ás 21 horas xogará a Copa do Rei ante a UD Almeria, da primeira división.

Vídeo resumen do partido na TVG: https://www.g24.gal/-/vinte-partidos-sen-perder-catapultan-ao-arenteiro

Crónica do partido no dixital "Fútbol Asturiano": https://www.futbolasturiano.es/noticias13/0621.htm

O Arenteiro sigue pulverizando os seus rexistros en categoria nacional e acumula xa 16 partidos consecutivos como equipo invicto tras derrotar aos santanderinos do Raio Cantabria en Espiñedo, apenas 24 horas antes de emprender viaxe cara terras valencianas onde o mercores xogará ante o Alzira a final da Copa Federación.

Desta vez, os verdes tiveron que remontar o marcador xa que o filial do Racing de Santander adiantouse cun gol no minuto 25, aínda que xa antes do descanso o Arenteiro deulle a volta con goles de Marquitos e e Alex Fernández. Na segunda parte, Pibe sentenciou cun terceiro gol.

Agora, sen tempo para o descanso, o Arenteiro súbese ao autocar este lúns ás 23:00 horas para viaxar toda a noite ata Valencia. O martes pola tarde adestrará na cidade deportiva do Valencia C.F, velando armas para a gran final da Copa Federación, que se xogará no estadio Luis Suñer ante os locais da UD Alzira, o mércores dia 2 ás 19:30 horas, en partido que será ofrecido en directo pola G2, a segunda canle da Televisión de Galicia.

Vídeo-resumen do partido na G24.gal: https://www.g24.gal/-/remontada-de-lider-acadada-polo-arenteiro-3-1-

Crónica do partido en "La Voz de Galcia": https://www.lavozdegalicia.es/noticia/ourense/2022/10/31/arenteiro-remon...

Crónica do partido en "La Región": https://www.laregion.es/articulo/deporte-local/arenteiro-quien-tosa/2022...

Segunda visita da tempada a Cantabria e segunda victoria dos verdes, se antes foi en Torrelavega desta vez foi en Laredo onde o Arenteiro volveu facer un partido completo e regresando a O Carballiño con outros 3 puntos que o sitúan como líder provisional do grupo 1 da Segunda Federación, á espera do que fagan este domingo Valladolid Promesas e Guijuelo.

Tras derrotar o mércores ao Real Unión de Irún en Espiñedo e gañarse un sitio na final da Copa Federación, en menos de 72 horas o Arenteiro volveu dar unha lección fútbolística, en seguridade defensiva, en control no medio campo, e con veloces transicións que poideron traducirse en máis goles que o marcado por Antón Escobar no minuto 39 de partido, de feito Manín gozou por partida doble de inmellorables ocasións, mentres que o Laredo víase impotente para, polo menos, crear perigo ante Diego García.

Cronica do partido en "La Voz de Galicia": htps://www.lavozdegalicia.es/noticia/ourense/2022/10/23/arenteiro-gana-duerme-l...

Espiñedo vive en estado de felicidade, tras outra noite máxica, e nun partido no que o Arenteiro brindou a súa afección un fútbol primoroso, logrou o pase para a final da Copa Federación, polo tanto o Arenteiro optará por vez primeira na súa historia a un título nacional, que desputará ante o Alzira valenciano no seu estadio o próximo dia 2 de novembro.

Pouco importou que a Espiñedo chegase un equipo de superior categoria como é o Real Unión de Irún, o Arenteiro foi moi superior e nunha primeira parte na que bordou o fútbol os verdes cimentaron a súa victoria con goles de Alex Fernández de penalti e Rafa Mella, foron dous e mesmo poideron ser outros tantos.

Vídeo do partido na TVG: https://www.g24.gal/-/o-carballino-festexa-o-pase-a-final-da-copa-federa...

Este Arenteiro dirixido por Fran Justo non parece ter límite, pouco importa que acumulen xa 7 partidos en apenas 3 semansas, a un ritmo frenético de partido cada 3 dias dias, nin a acumulación de lesionados, nin que a Espiñedo veña o que era o lider da competeción, da igual, este Arenteiro é moito Arenteiro.

Desta vez, chegaba a Espiñedo o talentoso Valladolid Promesas dirixido no banco polo mítico Julio Baptista, que levaba cinco victorias consecutivas, pero encontrouse cun Arenteiro que volveu marcar o ritmo do partido, e pudo gañar por máis difencia que o 1-0 que conseguido na primeira parte tras unha gran xogada en ataque dos verdes que culminou Manín.

Agora, sen tempo para o lecer, a pensar xa no Real Unión de Irún, ao que o Arenteiro recibirá este mércores dia 19 ás 20:30 da tarde en partido correspondente ás semifinais da Copa Federación.

Vídeo resumen do partido na TVG: https://www.g24.gal/-/no-carballino-estan-de-festa-perpetua

Crónica do partido en La Voz de Galicia: https://www.lavozdegalicia.es/noticia/ourense/2022/10/17/arenteiro-borro...

Festa en Espiñedo, no medio dun gran ambiente, para celebrar o triunfo ante os canarios da Panadería Pulido San Mateo, que clasifica ao Arenteiro para a Copa do Rei, e tamén ás semifinais da Copa Federación, tamén en eliminatoria a partido único, o próximo mércores dia 19 no Carballiño ante o histórico Real Unión de Irún, equipo da Primeira Federación.

O rival dos verdes neste partido que, de gañalo, levaría ao club carballiñés á gran final da Copa RFEF, desputaráse o próximo mércores dia 19 deste mes de outubro, en previsible horario das 20:30 horas. O equipo vasco militou en catro temporadas na primeira división e gañou o título de campión en catro ocasións da Copa de España, a prededente da actúal Copa do Rei.

No partido que ademáis era chave para recibir a un primeira división, o xogado na tarde deste mércores 12 en Espiñedo, o Arenteiro non fallou e goleou aos canarios por 3-0 con goles de Marquitos, Manín e Escobar.

Crónica do partido en La Voz de Galicia: https://www.lavozdegalicia.es/noticia/ourense/2022/10/13/arenteiro-goleo...

Video cos 3 goles do Arenteiro na TVG: https://www.g24.gal/-/o-arenteiro-estara-no-bombo-da-copa-do-rei

A este Arenteiro dalle igual que tivese que xogar 5 partidos en apenas 15 dias, e que as lesións deixen ao equipo mermado, da igual, este Arenteiro acumula xa 11 partidos oficiais entre liga e copa e aínda non coñece a derrota.

Nesta sexta xornada do campionato de liga na Segunda RFEF, no estadio da Balastera ante o Palencia, o Arenteiro volveu facer un gran partido facendose acreedor da victoria, como asi recoñece a prensa local. Agora a pensar no transcendental partido deste mércores dia 12 ás 18:00 horas en Espiñedo ante o equipo canario Panadería Pulido San Mateo, transcendental por dous motivos, porque o Arenteiro colaríase nas semifinais da Copa Federación e ademáis, gañaríase o dereito a xogar Copa do Rei cun equipo de Primeira División, ao que recibiría en Espiñedo.

Crónica do partido no Diario Palentino: https://www.diariopalentino.es/Noticia/Z6D9667ED-EA7E-C087-E35EB339EB11E...

Video-resumen do partido na TVG: https://www.g24.gal/-/un-penalti-transformado-por-alex-manten-a-serie-vi...

O Arenteiro está a tan so 90 minutos de volver facer historia e por segundo ano consecutivo recibir no Carballiño a un equipo da primeira división, para elo será necesario gañar o próximo mércores dia 12 en Espiñedo ao equipo canario Panadería Pulido San Mateo.

Noutra noite absolutamente máxica en Espiñedo onde volveu escenificarse a gran comunión existente entre o equipo e a afección, que acudíu en gran número, o Arenteiro conseguíu avanzar a cuartos de final da Copa Federación ao eliminar ao Zamora CF por 2-1 con goles de Manín e Germán Nóvoa.

Video resumen da TVG: https://www.g24.gal/-/o-arenteiro-esta-a-un-partido-de-xogar-a-copa-do-rei

A eliminatoria, de novo a partido único, xógase dende as 20:30 horas deste mércores dia 5 de outubro no estadio de Espiñedo, no caso de superar aos zamoranos ao Arenteiro  quedaríase a un partido de entrar na Copa do Rei, onde tería como premio gordo recibir a un equipo de primeira división, tamén en Espiñedo.

Tras proclamarse campión galego da competición, e eliminar a pasada semana ao Naval de Reinosa, o próximo rival do Arenteiro xa en octavos de final é o Zamora CF,  que gañou na final de Castela León a un equipo da Primeira RFEF, a Cultural Leonesa, mentres que xa na primeira eliminatoria da fase nacional venceu en Carballo ao Bergantiños por 2-3. 

Trátase, o Zamora CF dun equipo recén descendido á categoria na que milita o Arenteiro, a Segunda RFEF, e aínda que tivo un mal inicio nesta competición, todas as apostas o sitúan como un dos firmes candidatos ao ascenso, cun planten plagado de bos futbolistas.

O enfrontamento deste mércores ten o seu precedente no ano 1993, cando ambos equipos xogaron a fase de ascenso á Segunda B, daquéla cun formato de liguiña, no que ambos compartian grupo co Real Madrid C e Club Siero. No partido de Espiñedo empataran a dous goles, e tamén igualaran 0-0 no partido de Zamora, un partido non exento de polémica por un intento de suposto amaño que salpicara ao Arenteiro, e que saltara á palestra no programa radiofónico "Supergarcía", que dirixía o mítico xornalista deportivo José María García.

Reparto de puntos na matinal de Espiñedo, nun partido moi táctico por ambos equipos e no que  concederon poucas ocasións ante as porterías rivais, nesta quinta xornada de liga na Segunda Federación.

Os dous goles chegaron na segunda parte, primeiro Vitra adiantou ao Arenteiro no minuto 53 e pouco despois o Avilés logrou o gol da igualada, que sería definitiva. O Arenteiro xa pensa no partido de octavos e final da copa RFEF ante o Zamora CF, tamén en Espiñedo, este mércores dia 5 de outubro ás 20:30 horas.

Vídeo do resumen do partido na TVG: https://www.g24.gal/-/o-arenteiro-e-o-aviles-empatan-no-espinedo-nun-par...

Crónica do partido en La Voz de Galicia: https://www.lavozdegalicia.es/noticia/ourense/2022/10/03/arenteiro-cede-...