Deportes

O Club de Patinaxe Aehde sumou o seu terceiro podio da tempada en grupos show noutros tantos torneos ao rematar na segunda posición, en grupos pequenos de segunda categoría, no II Trofeo Terras do Orcellón.

Unha cita na que o club carballiñés era o anfitrión nunha cita onde o gran protagonista foi o CPA Gondomar ca súa coreografía , que a menos dunha semana de afrontar o Campionato de Europa en Italia puxo patas arriba o pavillón Paco Chao ca súa posta en escena, que obtivo a mellor puntuación dos 30 grupos participantes: 57,2.

O Gondomar impúxose na Primeira categoría de grupos pequenos por dediante duns estupendos Axel e Brion, e tamén gañou en grupos grandes de segunda categoría con , co Ourela e o Patín Noia completando o podio.

En grupos pequenos o triunfo foi para o Arealonga Chapela ca súa coreografía . O campión galego da categoría impuxose con 49,3 puntos por diante do Aehde e do Ourela, que completaron o caixón.

Nos cuartetos, o Axel, campión galego a categoría impúxose ca súa coreografía e nunha atractiva competición ao Brión e o Patín Oroso, club que repetiu en categoría júnior.

O evento celebrado en O Carballiño reuniu a preto de 300 patinadoras e Paco Chao rexistrou unha excelente entrada ao longo de toda unha tarde que significou a recuperación do trofeo de patinaxe artística na modalidade de grupos show de O Carballiño.

Leiro celebrará este domingo, día 3 de xuño, a súa clásica carreira popular, unha das máis antigas de Galicia, alcanzando este ano as 38 edicións.

A competición foi presentada esta mañá na sala de prensa do Pazo Provincial, coa presencia do vicepresidente segundo da Deputación e responsable dos asuntos de cooperación cos concellos do Ribeiro, César Fernández; o xefe provincial de Deportes da Xunta de Galicia, Manuel Pérez; o teniente alcalde de Leiro, Ramón Álvarez; o edil de Deportes do Concello de Leiro, Luis Iglesias e o membro da organización da proba Jorge Janeiro.

A XXXVIII Carreira Popular de Leiro, patrocinada pola Deputación de Ourense a través do Inorde, xa pechou o prazo de inscrición con máis de 550 participantes, un completo éxito segundo remarcan dende a organización.

A Carreira Popular de Leiro, incluída dentro do Calendario Oficial da Federación Galega de Atletismo, consta duns 10 quilómetros na súa categoría absoluta e diferentes distancias para o resto de categorías, que comprenden dende os 5 quilómetros ata os 250 metros na categoría de pitufos. Esta proba permitirá a participación por equipos na máxima categoría, debendo rematar a proba como mínimo seis corredores do mesmo equipo para optar á clasificación.

O calendario de actividades enmarcadas dentro desta carreira popular tamén contempla o sábado a celebración de xogos populares e unha festa da escuma na Praza do Cruceiro de Leiro, ademais do propio domingo dun concurso fotográfico e animación polas rúas durante o percorrido da proba.

A carreira popular poderá ser seguida vía streaming a través deste enlace https://carreirapopulardeleiro.ccnorte.com/, con retransmisión en pantalla xigante dende a Praza do Cruceiro de Leiro.

Piñor acolle esta fin de semana o V Enduro de Piñor - Copa Deputación, organizado polo Motoclube A Peroxa e que conta co apoio da administración provincial, da Federación Galega de Motociclismo e do Concello de Piñor.

A competición, que está enmarcada na Liga Galega de Moto de Campo, foi presentada na sala de prensa do Pazo Provincial polo vicepresidente primeiro da Deputación, Rosendo Fernández; o alcalde de Piñor, Jose Luis González; o representante de Moto Clube A Peroxa Javier Quintas, e Daniel Rodríguez, promotor do Enduro de Piñor.

Esta proba constará de tres modalidades diferentes dentro da categoría Hard Enduro, o que supón unha dificultade algo maior ó habitual e que xa é unha característica do Enduro de Piñor, xunto coa celebración dunnha modalidade para os máis pequenos.

O sábado, día 25 de xuño, disputaranse as modalidades de minienduro -para os cativos, cun percorrido adaptado- e de enduro clásica. Ambas desenrolaranse no monte de Cestos, en Cotelas (parroquia de A Canda).

O domingo, día 26 de xuño, disputaranse a especial “dagan off road”, en Cotelas -ao carón do parque de autocaravanas do municipio- ademais da especial Diputación de Ourense, nun percorrido novo no pobo do Arenteiro.

Dende a organización remarcan cos participantes nas probas poderán desfrutar da paisaxe natural da zona, ademais de coñecer a dous dos mellores pilotos de enduro, como son Abel Carballés e Julio Pardo.

O Club Aehde O Carballiño, o organizador do Campionato Galego de grupos show de segunda categoría, conxuntamente ca FGP, fíxose co segundo posto en grupos pequenos ca súa coreografía Gulaj 113.

O segundo posto, malia as lesións e inconvintes de última hora, é a confirmación do traballo que ven realizando o club nesta disciplina tan vistosa nos últimos anos. Tan solo o Arealonga Chapela, superou en puntuación á formación carballiñesa na clasificación de grupos pequenos, sendo o Buxaina de Ferrol o terceiro clasificado.

En grupos grandes o triunfo fue para o CPA Gondomar ca sua coreografía El Huesped, superando ao Patín Conxuro que foi segundo e o CD Ourense que se fixo ca terceira posición, o que significa que a provincia de Ourense tivo dous podios na cita.

O Campionato reuniu en O Carballiño a preto de 350 patinadoras de 24 clubs diferentes de toda Galicia e foi un rotundo éxito de público co 80 % do aforo de Paco Chao cuberto, o que demostra a importancia de organizar eventos deportivos en xeral e de patinaxe en particular.

Os tres dianteiros cos que contou o Arenteiro durante toda a pasada temporada, Sylla, Joni e Sobrido causan baixa o equipo e non continuarán na próxima campaña, a dirección deportiva opta desta maneira pola renovación total nesta demarcación, xa que en decembro xa deixara o equipo Adri Castro.

Tamén  está confirmado que non continuará no equipo verde Daniel Portela, que completa asi catro magnificas temporadas como o gran valuarte da defensa do Arenteiro, con 10.316 minutos xogados e repartidos en catro tempadas, Os outros dous futbolistas aos que o club non fixo oferta de renovación foron Álvaro Naveira e Cassio Goes.

Asi pois, son seis as baixas xa confirmadas, ás que se sumarán algunhas máis nos próximos dias entre os futbolistas aos que o club fixo oferta de renovación, pero que probablemente non continúen ao contar acaso con mellores ofertas, mesmo de superior categoria. Para suplir os que saen, a dirección deportiva xa ten bastante avanzada as fichaxes que se incorporarán ao plantel que competirá por segundo ano consecutivo na Segunda RFEF.

O Campo de fútbol do Outeiro Grande de Maside acollerá a terceira edición desta escola futbolística de verán, que terá lugar do 27 de xuño ao 1 de xullo de 2022, para nenos e nenas entre os 6 e os 14 anos de idade.

Trátase dunha actividade organizada pola Fundación RCDeportivo, coa colaboración das Escolas Deportivas Terras de Maside e o concello de Maside. Para máis información, tamén para formalizar a inscrición, podes acceder a este enlace: http://deporcampus.rcdeportivo.es/es/terrasmaside-2022/inicio

Avilés e Arenteiro ofreceron un bo encontro de fútbol, entretido, con alternativas no xogo e ocasións ante ambas porterias, ambos equipos sairon con ambición neste partido que baixaba o telón a liga 2021-22 na estrea da Segunda RFEF.

Para nada parecía un partido no que ambos equipos se xogaban pouco, ainda asi o partido tivo ritmo e intensidade, e bo fútbolque agradeceron as afeccionados que acudiron ao coqueto estadio avilesino. O Arenteiro saíu mellor e seus foron os primeiros minutos de partido, que estivo igualado ata que os locais marcaron a piques de rematar a primeira parte.

Na reanudación o Avilés ofreceu a súa mellor versión, pero no último cuarto de hora o Arenteiro, espoleado polo numeroso e animoso grupo de afeccionados desprazados dende O Carballiño, fíxose amo e señor único do partido. O esforzo tivo desta vez recompensa e no minuto 89 tras unha gran xogada culminada con gol de Sobrido o Arenteiro conseguía o empate.

Un partido que completa unha gran segunda volta do campionato, na que o Arenteiro foi o cuarto mellor equipo da competición. Punto e final a un gran ano para o club, e a pensar xa na próxima tempada.

Video resumen do partido da TVG: https://www.g24.gal/-/o-arenteiro-remata-a-liga-cun-empate-en-aviles

Ficha do partido: https://www.rfef.es/actas?pid=3499208

Espiñedo volveu rexistrar un entradón para presenciar o partido que baixaba o telón a esta tempada ante o Navalcarnero, na matinal deste domingo máis de 1.600 afeccionados festexaron o empate ante os madrileños(0-0) como se fose unha gran vitoria, en realidade foino, porque con este punto o Arenteiro certifica a continuidade na categoria da Segunda RFEF para a próxima tempada.

O desprazamento a Avilés da derradeira xornada tan so pode valer para escalar algún posto na clasificación, que sempre quedará ben para as estatísticas, aínda que o obxetivo da permanencia xa está cumprido sexan cales sexan os resultados nesta competitiva e igualadísima categoria,  o Arenteiro está a salvo de poder ser alcanzado polos seis equipos que descenderán á terceira división.

Ante o Navalcarnero, un dos mellores equipos que pasou este ano por Espiñedo, o Arenteiro volveu ser o equipo solvente dos útlimos meses, nun partido no que houbo ocasións ante ambas as dúas porterías, moi igualado, na que os madrileños foron mellores na primeira parte e os carballiñeses na segunda, na que mesmo viron como o árbitro lles anunaba un gol, con polémica incluida, ao entender o auxiliar de liña que o gol saira do terreo de xogo na xogada previa ao gol.

Ficha do partido: https://www.rfef.es/actas?pid=3499199

Aos cinco minutos de comezar o partido no estadio Vicente del Bosque a UD Adarve marcaba de penalti e aos sete minutos lograban o 2-0, nun fatídico inicio de partido dun Arenteiro que recurtou distancias no marcador no minuto 39 ao tranformar Renan outro penalti, no que sería o 2-1 defintivo.

O Arenteiro saíu dormido ao partido e pagouno caro, porque en apenas 7 minutos os locais contaban cun marcador moi favorable que lles deu tranquilidade, o Arenteiro pola contra tivo que ir xa a remolque, a pesar delo mediada esta primeira parte comezou a despertar, primeiro cun tiro ao longueiro de Sobrido e despóis co penalti por mans dun xogador local dentro da área que marcou Renan, o malo foi que na mesma xogada o árbitro expulsou a Pol Bueso a instantcias do auxiliar e por unha suposta patada sen balón a un rival.

Desta maneira, o Arenteiro quedou en inferioridade nos últimos 10 minutos que aínda se xogaron durante a primeira parte (4 de desconto) máis os 50 minutos do segundo periodo, no que os verdes dominaron ao Adarve durante moitos minutos aínda que sen conseguir abrir brecha na defensa local, polo que o resultado xa non chegou a moverse.

O proximo partido do Arenteiro e xa penúltimo da liga en horario unificado será o domingo que ven ás 12:00 do mediodia no estadio de Espiñedo ante o Navalcarnero, nun encontro no que os verdes poden certificar a permanencia na categoría para a vindeira tempada.

Para ver a ficha do partido abre o arquivo: https://www.rfef.es/actas?pid=3499189

O Arenteiro conseguíu un triunfo vital para achegarse outro chisco ao obxetivo da permanencia e mesmo apretar aínda máis os postos de promoción de ascenso, dos que os verdes se sitúan a 2 puntos aínda con 9 en xogo para rematar a tempada na Segunda RFEF.

O partido ante o Coruxo foi un monólogo do Arenteiro durante a primeira parte, na que so lle faltou os goles para certificar no marcador o seu dominio no xogo, con múltiples aproximacións que levaron o perigo ante a portería viguesa, pero aos dianteiros carballiñeses faltoulles acerto para irse con ventaxa ao vestiarios, en non co 0-0 inicial.

Na segunda parte, de inicio cambeo o guión e parecía ser o Coruxo o que agora apretaba máis, aínda que ser crear ocasións ante a portería de Diego García, non obstante no primeiro tiro dos vigueses entre os tres paus, e xa corría o minuto 56 de partido, unha perda de balón do Arenteiro propiciou que Mateo adiantara ao Coruxo cun gol pola escadra, inalcanzable para o meta local. Demasiádo premio polo que ata ese momento se vira nun Espiñedo que volveu rexistrar un gran ambiente, a pesar de que a Televisión de Galicia estaba retransmitindo en directo o partido.

Pero o Arenteiro non perdeu a fe, e tras superar o mazazo, en poucos minutos volveu cargar sobre a portería do Coruxo. E obtivo un merecido premido, primeiro cun libre directo que lanzou dende a banda Pibe, o balón foise envenenando e colouse na portería viguesa. E xa a piques de alcanzar o minuto 90, córner a favor do Arenteiro, falla o porteiro do Coruxo, e Victor Eimil cabecea a placer o gol da vitoria para delirio da afección do Arenteiro.

C.D ARENTEIRO: Diego García; Víctor Eimil, Germán Novoa (Vitra 73’), Pol Bueso, Joseca Márquez; Raúl Blanco (Cassio de Góes 92’), Adrián Cruz (Pibe 56’) Renan Zanelli, Álex Fernández, Markitos Alonso (Álvaro Naveira 92’) eJosé Sobrido (Alassanne Sylla 73’).

CORUXO CF: Amigo; Johan Terranova, Aitor Aspas (Diego Silva 91’), Pablo Crespo (Antonini 80’), Lucas; Aarón (Borja Domingo 80’), Mateo (Manu 73’), Jacobo Trigo, Dani; Chiqui (Álex Ares 73’) e Youssef.

Goles: 0-1 Mateo Míguez 56’, 1-1 Pibe 77’, 2-1 Víctor Eimil 89’. Árbitro: Alejandro Patiño Álvarez (Comité Madrileño). Asistentes: Mario Contreras Mallo e Enrique Bustos Pereira.

Amonestacións: José Sobrido 22’, Pol Bueso 51’, Aarón Sánchez 65’, Dani Vidal 82’, Álex Ares 86’, Jacobo Trigo 91’, Johan Terranova 92’. Cartón vermello: Pablo Crespo 95’.

Vídeo resume do partido na TVG: https://www.g24.gal/-/o-arenteiro-remontalle-ao-coruxo-e-aperta-a-promocion