O concello de Boborás utiliza o tractor-dsbrozadora municipal para facilitar o acceso a algunhas zonas de difícil acceso debido á maleza existente, na contorna próxima ao pobo do Regueiro. Os familiares de Marcial Manteiga, o home de 80 anos desaparecido dende o pasado venres, foron os que propuxeron esta iniciativa.

Son xa cinco dias de busca sen resultados, nos que un amplo operativo levou a cabo o rastrexo tanto das inmediacións desta localidade na zona de montaña do concello de Boborás e mesmo noutros concellos limítrofes como os de Beariz e Forcarei.  Con este operativo, coordenado pola Garda Civil, tamén colaboraron nas últimas horas traballadores do distrito forestal do Carballliño.

Unha intensa xeada ven de ocasionar, especialmente nesta noite do domingo 3 para o luns 4, importantes danos nas viñas do Ribeiro "sen que haxa polo de agora unha valoración polo miúdo dos danos ocasionados, é evidente que hai zonas da comarca claramente afectadas, nas que a xeada vai provocar graves perdas da que ía ser a colleita de 2022", manifesta o BNG.

Engade a formación nacionalista que "aperda de ingresos que supoñen estes danos van poñer aínda máis en risco a viabilidade e supervivencia de moitas explotacións. Tamén no caso de producións que achegaban rendas complementarias ás familias, moi importantes para soster numerosas economías domésticas do Ribeiro, a xeada implica unha redución drástica de ingresos".

O BNG demanda de Medio Rural que se realice con carácter urxente unha avaliación dos danos ocasionados polas xeadas, establecendo liñas de axuda para apoiar as explotacións afectadas, que abrangan tanto a compensación polas perdas da produción xa previstas para este ano, como as medidas precisas para a recuperación das plantacións afectadas que permitan a plena recuperación da produción no seguinte ciclo produtivo.

Marcial Manteiga, de 80 anos de idade, está sendo buscado infructuosamente dende a súa desaparición na tarde do pasado venres, cando saíu da súa vivenda no Regueiro e xa non regresou, sen deixar rastro algún que poida facilitar a súa localización.  O home, que sofre unha demencia, puido desorientarse e perderse, aínda que tampouco se descartan outras hipóteses.

Familiares e veciños non se explican que lle pudo pasar e ónde pode estar consumidas tres xornadas de intensa procura na súa busca, e xa son tres as noites que pasaron e  nas que as temperaturas nesta zona do concello de Boborás, nas inmediacións do alto do Paraño e os montes do Testeiro chegaron a valores mínimos de ata 5 graos baixo cero.

No operativo de busca deste domingo participaron activamente máis de 100 persoas, efectivos das forzas de seguridade, bombeiros, protección civil e numerosos voluntarios.

Tamén continuou colaborando a unidade de drons da Axencia Galega de Emerxencias, que tiveron que cesar na súa actividade a media tarde debido aos fortes ventos na zona, con velocidades superiores aos 60 quilómetros hora. Ademáis, nesta xornada sumouse ao operativo un helicoptero da Garda Civil. 

Este lúns dia 4 de marzo o operativo reanúdase de novo, na que se será xa a cuarta xornada de busca deste veciño desaparecido o pasado venres. O punto de encontro para as persoas voluntarias que queiran participar no operativo será o aparcadoiro da Parrilada Os Hermida, na mesma localidade do Regueiro.

O Templo da Veracruz acolleu o acto de apertura da Semana Santa do Carballiño 2022, organizada pola Cofradía da Veracruz, e no que se procedeu á bendizón dunha nova imaxe que se incorpora ao patrimonio da cofradía carballiñesa, a de San Xoán Apóstol.

Trátase dunha obra do imaxineiro sevillano Manuel Madroñal Isorna, en estilo neobarroco, bendicíuna o párroco Jorge Juan Pérez Gallego, nun acto que contou con numeroso público que encheu o templo carballiñés.

Antes, polas rúas do Carballiño, e despóis na Veracruz, a Banda de Müsica da NOsa Señora do Nordés de Ferrol, solemnizou a xornada coa súa música, con sons propios da Semana Santa. A

A busca dun octoxenario desaparecido en Boborás refórzase esta mañá co equipo de drons da Axencia Galega de Emerxencias (AXEGA). Así, os medios especializados do servizo autonómico de emerxencias pasan a engrosar os recursos humanos e materiais que desde onte andan na procura dun home, veciño do lugar do Regueiro, afectado por unha demencia.

O 112 Galicia tivo coñecemento da súa desaparición preto das dez da noite de onte mediante a chamada de aviso dos voluntarios de Protección Civil da localidade. Segundo os membros deste equipo, o señor foi visto por última vez ás cinco da tarde do pasado día, cando saíu el só da casa.

Co fin de dar canto antes co seu paradoiro, as forzas da orde activaron unha busca na que colaboran, ademais dos voluntarios de Boborás, membros do GES de Avión, do Carballiño e Protección Civil de Maside e da Mancomunidade do Ribeiro. Recemente, uníronse os técnicos do Grupo de Apoio Loxístico co seu equipo de drons.

A Xunta de Galicia estudará a posibilidade de colaborar co Concello de San Cristovo de Cea na execución dun proxecto urbanístico para mellorar o estado actual de varias rúas do núcleo urbano. Así llo trasladou a conselleira de Medio Ambiente, Territorio e Vivenda, Ángeles Vázquez, ao rexedor José Luis Valladares, con quen mantivo unha reunión para falar de diversos asuntos de interese municipal.

Segundo consta no proxecto achegado polo alcalde, as actuacións de mellora divídense en cinco zonas do casco antigo do núcleo de Cea nas que se intervirá co fin de crear unha pavimentación axeitada para uso peonil e tráfico lixeiro. O obxectivo é darlle continuidade á actuación de humanización finalizada neste mesmo núcleo en maio do ano pasado, co fin de complementala e dotar de uniformidade a todo o conxunto.

Tal e como explicou o alcalde, trátase dunha obra imprescindible para os veciños xa que esta zona concentra parte dos principais equipamentos e servizos municipais pero debido á tradicional actividade gandeira asociada ao núcleo de Cea, os acabados e características das súas rúas e prazas son acordes aos antigos usos o que fai necesario mellorar estes espazos de uso común como punto de encontro e esparexemento.

Pola súa parte, a conselleira comprometeuse a que a Dirección Xeral de Ordenación do Territorio e Urbanismo analizará a memoria remitida polo Goberno local co fin de valorar a súa posible implicación técnica e económica no proxecto.

O PSdeG-PSOE de Punxín denuncia que a actitude do grupo de goberno municipal, conformado polo Partido Popular e un concelleiro non adscrito, “é intolerable”, xa que tal e como relatan “están impedindo” que a veciñanza de Vilela conte cun local social. As socialistas relatan, que no pleno municipal celebrado na casa consistorial, o grupo de goberno “opúxose e votou en contra” da cesión “totalmente gratuíta” da Casa Reitoral de Vilela o que consideran un “atentado” contra a veciñanza e o patrimonio.

Dende o Grupo Municipal Socialista de Punxín apuntan a que o pleno municipal “foi tenso” e explican a súa “sorpresa” coa actitude do grupo de goberno, que decidiu “ir en contra da vontade da veciñanza” e non renovar o convenio que mantén o Concello coa Diocese de Ourense para a cesión da Casa Reitoral de Vilela ao consistorio. As concelleiras socialistas resaltan que “se trata do único local social que dispón a veciñanza desta parroquia e que de golpe e porrazo o alcalde decide deixar aos veciños e veciñas sen un lugar de reunión e no que realizan actividades”.

A voceira do PSdeG-PSOE en Punxín, Lorena Peleteiro Vázquez, destaca que esta é unha situación “incomprensible” e apunta a que “non entendemos que un goberno municipal se opoña a un convenio de cesión dunha propiedade de xeito totalmente gratuíto para uso e desfrute da veciñanza”. A edil socialista tamén afirma que as alegacións que fai o alcalde “cando afirma que non está de acordo coas condicións, non son entendibles, e máis cando non ten ningunha predisposición de negocialas”.

Peleteiro Vázquez afirma que no pleno celebrado o mércores en Punxín “quedou claro que o goberno municipal non ten ningunha intención de renovar este convenio, nin con estas condicións, nin con outras, xa que non aclararon a súa postura para tomar esta decisión en ningún momento”. A voceira socialistas esíxelle ao alcalde e o seu grupo que “se despracen ata Vilela e lle expliquen á veciñanza porque os privan dun local social no que viñan desenvolvendo diferentes actividades e que servía de punto de encontro”.

Así mesmo, as concelleiras socialistas consideran que a situación “é surrealista”, xa que tal e como argumentan “discriminan a poboación de Vilela, a que non só privan dun local, senón tamén dos seus dereitos”. Neste senso, as concelleiras socialistas pregúntanse se “estaremos ante un caso no que o alcalde pretende eliminar servizos nunha aldea da que cabe recordar é natural a voceira socialista”.
Dende o PSdeG-PSOE de Punxín lembran que a Reitoral de Vilela “é a única do Concello que se conserva en bo estado, e na que se realizaron investimentos de grandes cantidades por parte da administración pública e dos gobernos municipais de todas as cores políticas, e agora que o custe de mantemento é mínimo, o goberno municipal decide outorgarlla a diocese, sen saber o motivo”. As concelleiras socialistas lembran tamén que o actual alcalde, Manuel Vázquez, “leva 10 anos ao fronte do Concello sen gastar nin un só euro nesta casa reitoral, polo que alegar que o mantemento é moi caro, non é máis que unha escusa sen credibilidade algunha”.

Dende o PSOE de Punxín piden o grupo de goberno que “rectifique” nesta decisión, e que no caso de ser necesario, “negocie unhas novas condicións”. As socialistas tamén lle piden ao PP que “poña fin ao desmantelamento de servizos públicos en Punxín e remate cos intereses espurios que parece que son os que están a decidir o presente e futuro do noso municipio”.