Co lema “THE REAL STORY OF dIRE sTRAITS (40th Anniversary Tour)”, o grupo Real Straits ofrecerá este sábado, 15 de setembo, no Carballiño un dos únicos catro concertos que dará en Galicia esta banda durante este ano, e todos menos este do Carballiño serán de pago.
A actuación terá lugar ás 00,30 h., na Praza Maior, ao remate da sesión de pirotécnia.

Real Straits é o tributo a Dire Straits máis fiel e auténtico que se poda atopar. A banda está formada por sete virtuosos intérpretes, recoñecidos a nivel internacional, e unidos coa intención de rendir unha homenaxe inolvidable a un dos grupos máis relevantes da historia da música: os DIRE STRAITS.

En REAL STRAITS o papel de Mark Knopfler é asumido polo guitarrista Ángel Miguel, acompañado de Dany León á guitarra, Samuel Rodríguez y Fernando Chacón aos teclados, Alejandro Blanco á batería, Antón Ceballos ao baixo e Juan Flores ao saxo. Parte deste elenco son ou foron músicos de grupos tan icónicos como Ilegales, Willie Nile, Elliot Murphy ou Avalanch, entre outros.
A través dos seus espectaculares directos, recrean as cancións inmortais de Dire Straits, que sorprenden e emocionan aos máis fieles seguidores da banda británica.

Ao longo dos últimos dous anos, levaro ante miles de persoas en España a súa xira 30 Aniversario de Brothers in Arms 1985-1986, rexistrando éxitos rotundos en cada unha das cidades visitadas, e colgando o sold-out en numerosas ocasións.
Agora, celebrando o 40 Aniversario da fundación do grupo (1977-2017), embárcanse na aventura máis importante da súa carreira: THE REAL STORY OF dIRE sTRAITS.

Trátase dun recorrido histórico a través desta música eterna, deixando patente cada unha das épocas e cada un dos discos, cunha proposta apaixoante e única. A través desta viaxe, o público revivirá, nota a nota, canción a canción, a banda sonora de sus vidas.
O espectáculo e emoción dos seus directos, a colección de guitarras idénticas ás de Knopfler tocadas maxistralmente por Ángel Miguel, e unha factura musical impecable, fan imprescindible a cita con esta homenaxe plena de paixón, nostalxia e rock and roll.

Natural do lugar da Ponte -6 de Abril de 1954- Elixio Villaverde foi promotor e animador de distintas iniciativas culturais e sociais no concello do Irixo, nos anos 70 e 80 do século pasado.

Doutor en Historia pola Universidade de Santiago de Compostela coa tese "La emigración gallega a México 1878-1936", exerceu a docencia e colabou como articulista con distintos medios galegos, destacando a súa aportación como investigador sobre a temática migratoria, que podemos encontar na "Gran Enciclopedia Gallega".

Como escritor, deixanos varias publicacións, sendo merecedor do premio Vicente Risco de cencias sociais. De temática local é "A Terra de Orcellón e O Irixo", editado en 1986.

Este sábado´dia 15 de Setembro ao mediodia recibirá sepultura no cemiterio da súa parroquia natal, Santa María do Campo. O Cadáver vélase no Tanatorio Veracruz, no polígono industrial da Uceira - O Carballiño.

A celebración das Festas Patronais de San Cibrán, que terán lugar do 14 ao 19 de setembro, provoca que se produza unha reordenación do tráfico nagunhas rúas céntricas da vila.

Precisamente,dende as cero horas deste mércores dia 12 comezaron os traballos de montaxe as grandes atraccións de feira que este ano acuden ao setembro carballiñés.

As rúas afectadas pola instalacións destas atraccións son, na zona da Veracruz, a rúa dos Canteiros na confluencia con Antonio Palacios, e as rúas Cuevillas e Adolfo Otero, que non terán saída á Praza da Veracruz, e deberá facerse a entrada e saída por Eusebio Lorenzo.

Así mesmo, veranse afectadas as rúas Conde Vallellano, entre o cruce coa rúa Aldara e Curros Enríquez, e as rúas que circundan a Alameda. A rúa Aldara quedará cortada na Praza Maior dende as primeiras horas da tarde e ata a madrugada do 14 ao 18, ambos inclusive, polas orquestras e concertos.que haberá todos os días neste lugar.

E o sábado 15, tamén quedará cortada a rúa Calvo Sotelo, á altura do grupo escolar, dende primeiras horas da tarde ata a madrugada, pola celebración da verbena deste día.

Dende a comisión de festas e o concello pídense disculpas polas molestias que se poden ocasionar estes días a conductores e veciños, pero estes cambios son absolutamente indispensables para poder acoller a instalación das orquestras e atraccións das festas patronais.

A finalidade destas axudas, que se regulan a través dunha nova ordenanza municipal, é proporcionar apoio económico a aquelas familias nas que se produza un nacemento ou adopción dun novo membro da unidade familiar.

Tamén se trata de incentivar o asentamento da poboación no propio concello de San Cristovo de Cea, caracterizado como todos os municipios do rural pola baixa natalidade.

Serán beneficiarios das axudas os proxenitores, xa sexan casados, parellas de feito ou familias monoparentais, que acrediten tales condicións e teñan fillos durante o ano 2018, asi como os adoptantes de nenos de ata seis anos de idade.

Por cada nacemento que teña lugar ou adopción que se formalice será obxeto dunha axuda anual de 1.200 euros, unha cantidade que podería  ser superior ou inferior en función do número de beneficiarios.

As solicitudes de axuda presentaránse no rexistro xeral do concello de San Cristovo de Cea. 

Unha emotiva homenaxe ás rosquilleiras, a quen se dedica este ano a feira, abríu na tarde do venres a programación de actividades desta edición da Feira da Pepa Loba, que dende fai 22 anos se ven celebrando no barrio de Flores, no Setembro do Carballiño e como actividade previa as Festas Patronais de San Cibrán.

Para a xornada do sábado dia 8 temos apertura da feira ás 12 do mediodia, demostración de en vivo dos vellos oficios e amenización musical coa agrupación Os Serandeiros.

O entorno da Fonte de Flores acolle unha lectura colectiva do libro de Aurelio Miras Azor "La Juventud de Pepa Loba". Pola tarde, dende as 5 campionato de birisca para mulleres, e xa as 7 chegará o momento culminante da programación, coa baixada da bandoleira Pepa A Loba acompañada da súa gavilla, coa colaboración do grupo teatral "Dar Trela" e os Felos de Garabás, e varias sorpresas.

As 11 da noite actuación do grupo musical "Las Antonias" de A Coruña.

Para a xornada de clausura do domingo 9, está programado un campionato de chave ás 12:30 horas na eira de Flores, para nenos, homes e mulleres e ás 14 horas celebraráse o xa tradicional xantar popular entre artesáns e veciños. Tanto pola mañá como pola tarde continuarána abertos os postos de artesanía.