A programación inclue este ano dúas estreas, un feito que demostra o actrativo que resulta para as compañias  teatrais galegas o participar no certamen teatral carballiñés, que esta mañá foi presentado na casa do Concello do Carballiño, no transcurso dun acto no que ademáis dos organizadores, da Asociación Cultural FETEGA, participaron a Concelleira de Cultura Inmaculada Ucha, Vicente Montoto da Asociación de Actores e Actrices de Galicia, e representantes da Deputación Provincial e o Delegado Territorial da Xunta, Rogelio Martínez. As estreas serán as de "Lagarta Lagarta" e "Teatro de Ningures", este último coa carballiñesa Josi Lage no reparto.

A programación ó completo é a seguinte:

luns 7/09/09_hora:22:30_entradas:5€

compañía: “LAGARTA LAGARTA”

coa obra: O SEGREDO DOS HOFFMAN

Catro membros dunha familia, rota por un segredo oculto durante anos, reúnese co motivo

do falecemento da avoa Constanza. Os seus recordos, soños e anhelos describen un

universo pechado, de enorme carga emotiva, nun texto coral que esmiúza unha historia

intensa e envolvente.

Actores: Xosé Barato, Ernesto Chao, Belén Constela e Rebeca Montero.

Dramaturxia: Roberto Salgueiro e Alejandro Palomas.

Dirección: Rosa Álvarez

 martes 8/09/09_hora:22:30_entradas:5€

compañía: “CHÉVERE”

coa obra: TESTOSTERONA

Tito e Fran son dous colegas que acaban de montar un grupete de punk-rock, Os Dildos. Hoxe

terán que tocar eles dous sós, guitarra e batería, porque Luismi, o baixista, deixou o grupo antes

de que puidesen dar o  seu primeiro concerto. Tito é a figura carismática dos  Dildos, un

guitarrista curtido en todo tipo de conflitos  e disputas. Fran é o cerebro do grupo, un baterista

atípico que escribe coa mesma contundencia coa que golpea na caixa.

 Actores: Natalia Outeiro e Patricia de Lorenzo.

Dramaturxia: Patricia de Lorenzo, Natalia Outeiro e Xesús Ron.

Dirección: Xesús Ron

 mércores 9/09/09_hora:22:30_entradas:5€

compañía: “TEATRO NU”

coa obra: COA PALABRA NA LINGUA

Concerto en dúas linguas para dous actores e un músico Dous actores de diferentes

nacionalidades, diferentes linguas, aínda que unidos por moitas afinidades culturais,

constitúe un problema á hora de deseñar un proxecto? Nós cremos que non. Consideramos

que a convivencia do galego co portugués é posíbel. Por iso buscamos, nun xénero

límite, como é a poesía, o encontro teatral de dúas formas de falar distintas.

 Actores: Mónica Camaño, Zé Paredes e Anxo Graña

Dramaturxia: Varios

Dirección: Zé Paredes

 xoves 10/09/09_hora:22:30_entradas:5€

compañía: “TEATRO DE NINGURES”

coa obra: ATRABILIS

 Nazaria, Daría e Aurora son tres irmás xa anciás que viviron toda a súa vida xuntas nunha grande casa dunha aldea calquera. Esta noite de xoves están reunidas para velar o cadáver do marido de Nazaria, a única que casou, acompañadas da fiel criada de Nazaria, Ulpiana. E será ao redor deste velorio onde saian á luz as eternas querelas entre as irmás e eses segredos ocultos que permaneceron alí, latexantes, durante cincuenta anos.

 Actores: Casilda García, Sonia Rúa, Josi Lage e Fran Paredes.

Dramaturxia: Laila Ripoll

Dirección: Etelvino Vázquez

 venres 11/09/09_hora:22:30_

GALA ENTREGA DE PREMIOS FETEGA

Na Praza das Monxas

Con “San & San” e o cantautor “Roberto Sobrado”

Máis información: www.fetega.com

A Corporación Municipal do Concello de San Cristovo de Cea  celebrou esta mañá una sesión plenaria na que procedeu á aprobación inicial do plan especial para a creación de solo insdustrial neste Municipio. A futura área industrial ubicaráse en montes veciñais nas inmediacións da localidade de Fondo de Cea, preto da estrada N-525, dunha superficie de cen mil metros cadrados que se completarán coa adquisición de terreos a particulares. De feito, nas últimas semanas xa se acometeron traballos de tala de árbores e inciouse incluso a explanación dos terreos nos que está previsto que se instale a empresa "Las Cinco Jotas", coa que o Concello de San Cirtovo de Cea asinou meses atrás un protocolo de colaboración polo que esta empresa se comprometía a ubicarse en Cea, ónde construirá unha nave de 50.000 metros cadrados, sería entón unha das máis grandes de Europa, para desenvolver a súa actividade de fabricación de vivendas modulares, que combinan a pedra e a madeira na súa construcción. As previsións anunciadas polo Alcalde de Cea apuntan a creación de 140 postos de traballo directos.

Jose Luis Valladares espera que nun prazo de dous meses se complete a tramitación prevista para a creación desta área industrial, que se está levando a cabo -remarcou o Rexidor Muncipal- baixo as pautas quemarca a Dirrección xeral de Urbanismo, da Consellería de Medio Ambiente, Territorio e Infraestructuras, a quen Valladares agradeceu a colaboración que ven prestando para axilizar na medida do posible os prazos previstos.

Valladares está convencido. Detrás do lume que arrasou 140 hectáreas de monte na parroquia de Covas estivo a man da intención pirómana dalgún desaprensivo. O Alcalde de Cea tamén destacou o operativo desplegado na zona e nas labores de control do lume por parte da Consellería do Medio Rural, e que incluíu oito motobombas, tres palas, catro hidroavións, seis avións de carga en terra e catro helicópteros, asi como nove brigadas e tres técnicos especialistas. Os fortes refachos de vento e os cámbeos de dirección dificultaron os traballos de extinción, que se prolongaron durante 36 horas, desde que se declarara o incendio na tarde do pasado lúns 31 de agosto. Por momentos, o lume aproximouse perigosamente á localidade de Ardesende, aínda que finalmente non foi precisa a evacuación da veciñanza.

Lo siento tu navegador necesita flash para ver este contenido

Declaracións do alcalde de Cea a Cope Carballiño

A Biblioteca Municipal do Carballiño abríu novamente as súas portas tras varias semanas pechada por motivo das obras de reforma executadas neste edificio municipal. As obras consistiron básicamente na reforma da cuberta do edificio, instalando novos canalóns para a recollida de augas así como as conexións ca baixante. Por outra banda tamén se executaron os traballos de revestimento do interior das estancias da Biblioteca, usando para elo pintura plástica dende a planta baixa ata a propia Biblioteca.

Tamén se executaron obras para dotar dun ascensor a estas instalacións, que permitan o acceso a todalas prantas. A capacidade deste ascensor será de 4 persoas. Por último procedeuse a instalaciòn do aire acondicionado, ofrecendo unha maior comodidade tanto os usuarios deste servicio público como os propios traballadores municipais.

Estas obras foron realizadas durante o pasado mes de agosto, e financiadas a través do Fondo Estatal de Inversión Local, no que tamén se incluiron outros proxectos como as pisicinas municipais, a avenida do Balneario ou a reforma do pabellón de deportes.

Dende a área de Cultura do concello do Carballiño sinalan que, pese a ter rematadas xa as obras antes citadas na Casa da Cultura e Biblioteca, ainda quedan algunos arranxos por executar nestas mesmas instalacións, que permitirán dotar o complexo de maior comodidade e utilidade.

A Secretaría Xeral de Ordenación do Territorio e Urbanismo da Xunta de Galicia ven de publicar a licitación de obras de acondicionamento do entorno do templo da Veracruz, tendo as empresas intermediarias un prazo de 26 días para presentar as súas ofertas. O orzamento base de licitación é de 1.101.141 euros, e a execución do proxecto será de 12 meses. A obra consistirá na urbanización da praza que rodea o templo da Veracruz, cunha extensión arredor dos 12.000 metros cadrados, que incluirá a apertura dun novo vial que comunicará a Praza do San Ramón coas rúas Evaristo Vaamonde e Florentino Cuevillas.

Fume que saía do inmoble logo de sofocar o lume

(Redacción. Belén González) Ó redor das 10.15 horas, os veciños das Galerías Ango, situadas na Avenida Julio Rodríguez Soto, alertaban ós membros de Protección Civil dun incendio orixinado no entrechán dun establecemento de telefonía móbil. O inmoble servía de almacén para este establecemento e, según os últimos datos, o lume orixinouse no cadro eléctrico do comercio. A rápida intervención de Protección Civil e dous coches bomba serviron para sofocar o fogo en apenas unha hora e só houbo que lamentar daños materiais como documentos, facturas e algúns materiais inflamables; tamén se desprazaron ata o lugar dos feitos a Policía Local e Garda Civil que acordoaron a zona para evitar posibles accidentes. Nun primeiro momento, as forzas de protección e seguridade mostráronse preocupadas polos veciños do edificio, sobre todo, porque no primeiro andar vive unha persoa recén operada e un minusválido. Ata o lugar dos feitos desprazouse o alcalde, Carlos Montes, que avaliou como zona sensible debido ó día de feira que se vive na vila, ó tránsito do lugar e ó perigo de explosión de cristais. Según o balance de Delfín Borrajo, responsable municipal de Grumir, "o incendio foi pequeno, pero ardeu case todo".

(Redacción. Belén González) A concelleira de Servizos Sociais, Asunción Rivero, presentou os actos que comezarán esta semana na Escola Infantil, situada no Colexio Calvo Sotelo. O vindeiro 2 de setembro, os pais e nais dos cativos matriculados están convocados a unha reunión informativa ás 19.00 horas sobre cómo vai ser o funcionamento desta escola. Os días 3 e 4, terán lugar unhas xornadas de portas abertas para todos aqueles pais que están interesados nesta escola e queiran coñecer as instalacións. Actualmente hai 47 nenos matriculados e 10 prazas vacantes que ata o día de hoxe aínda poden solicitar a preescripción. Esta Escola Infantil contará con dúas mestras e cinco educadoras, aínda que coa boa acollida que tivo e co horario tan amplo que vai ter estúdase a posibilidade de ampliar a plantilla.  A Escola Infantil abrirá as súas portas ás 07.30 horas da mañá e pechará ó redor das 21.00 horas; estas instalacións están pensadas para todos aqueles pais que por cuestións laborais non poidan atender ós seus fillos. Este servizo non é temporal, senón que se prolonga ó longo de todo o ano para que os nenos estén coidados e ó mesmo tempo se relacionen con outros cativos.

Un veciño da parroquia carballiñesa do Varón atopou o cadáver dun home, mentres realizaba traballos de limpeza no lugar desta mesma parroquia coñecido co nome do Pedregal, a poucos metros do antigo camiño dos arrierios. As primeiras hipóteses apuntan a que pode tratarse do cadáver dun veciño de Leiro residente na localidade de San Cristovo, en Ribadavia, que desaparecera en decembro de 2007, e que durante varias semanas fora buscado sen éxito polas agrupacións de Protección Civil do Carballiño e Ribadavia. A garda Civil procedeu o levantamento do cadáver despois de que o houbese ordenado o Xulgado nº 2 do Carballiño, a quen corresponden as dilixencias.

O Alcalde de Maside coa autora da exposición, Trinidad Pérez

(Redacción. Belén González) A Casa Consistorial de Maside alberga estos días unha exposición da evolución do cálculo ó longo da historia realizada por unha licenciada en Matemáticas, Trinidad Pérez Gómez, veciña de Santa Coma. O alcalde, Celso Fernández, foi o encargado de inaugurar esta exposición e definiuna como "unha exposición de gran interese e única case en todo o mundo". Esta mostra estivo en diferentes centros de ensino e en diversas universidades, xa que a súa autora decidiu facela para darlle resposta a tódolos alumnos que se preguntan para qué serven as matemáticas. Ademáis, nesta exposición vése como as matemáticas foron resolvendo problemas de contabilidade e de administración. "Calcular non foi sempre tan sinxelo, porque non había ordenadores nin calculadoras", afirma a súa autora. A exposición está dividida en dúas partes: unha parte histórica que versa sobre a evolución dos aparellos como calculadoras, ordenadores, máquinas... As primeiras calculadoras naceron ó redor do ano 1910 e só sumaban e restaban; posteriormente creáronse as que multiplicaban e dividían. Tamén se poden ver regras de cálculo, e diferentes aparellos que foron facendo máis sinxela esta labor. Outra parte da exposición é a evolución dos números romanos ata o que son hoxe en día, porque "facer unha división cos´números romanos, hoxe sería moi difícil".

Un momento do programa, con Ramón Alvarez

(Redacción. Belén González) Este vindeiro domingo, 30 de agosto, o Concello de Leiro celebra a vixésima edición da Festa da Vendima. Unha celebración con gran tradición que conta con vinte anos grazas á iniciativa dos veciños de Leiro. A tan só un día da festa, tivemos a oportunidade de falar co seu alcalde, Francisco José Fernández, que nos ofreceu unha visión ampla do que acontece no concello e, por suposto, deste festexo ó que acoden centos de persoas. O Concello de Leiro está declarado como Ruta do Viño do Ribeiro; esta ruta do viño é unha asociación formada por 14 concellos que pertencen á Denominación de Orixe. Ademáis, esta ruta está homologada e conta con 30 establecementos asociados; Francisco José Fernández di que esta ruta "é o primeiro paso para facer o turismo do viño e levar  a xente ás adegas". Explotar o enoturismo é clave, porque unha vez que se consiga na súa totalidade esta certificación, isto repercutirá no pobo. Esta ruta do viño favorece á hostelería, ó balneario e a tódalas instlacións turísticas. Outro dos proxectos, xa feito realidade, para facer do Ribeiro un punto de encontro dos turistas é a Mancomunidade Turística da que forman parte Ribadavia, Boborás, O Carballiño e Leiro. O cargo de Presidente desta mancomunidade recae tamén en Francisco José Fernández que declarou que nestes momentos esta mancomunidade leva a cabo un plan director, o cal indica por onde teñen que ir estes concellos para facer deles un atractivo turístico clave. A pesar deste descenso de turistas, o Concello de Leiro sitúase nun cuarto posto no ranking de afluencia de foráneos. O Producto Interior Bruto (PIB) de Leiro pasa polo viño, porque alí atópanse adegas moi importantes. Aproximadamente hai sete adegas punteiras tanto en producción como calidade, o que demostra que o viño no Concello de Leiro é un producto fundamental para sacar adiante esta comarca. Noutra orde de cousas, este verán a crise tamén se deixou caer por Leiro, posto que o mes de xullo deixou un mal sabor de boca na zona, porque a visita de turistas mermou. Pola contra, este presente mes resulta máis positivo en canto a visitantes, o que favorece a situación dos empresarios; moitos dos visitantes optaron por pasar o seu tempo de lecer no río, bañándose ou relaxándose na zona do Salgueiral.

En pouco tempo comezará a construcción dunha casa de turismo rural que terá 17 habitacións, o que se significa que os empresarios seguen apostando por Leiro como atractivo turístico. Con respecto ó Balneario de Berán, as bases xa están aprobadas e agora só queda sacar o proxecto á venda e que un empresa o colla e o saque adiante.

Outro dos convidados foi o Coordinador da Festa da Vendima, Ramón Álvarez, que nos ofreceu as novidades que incorpora este ano a celebración da festa da vendima. O ano pasado participaron vinte carrozas e este ano esperan achegarse a elas. A día de hoxe hai carrozas que chegarán dende o San Amaro, Cameixa -no concello de Boborás- e algunha de Pontevedra. Os premios deste ano aumentaron con respecto a outros anos e a carroza gañadora recibirá 1.000 euros, fronte ós 900 euros do ano pasado. A posición de prata levará 750 euros e a carroza que quede en terceira posición recibirá 500 euros. Só por participar, as carrozas serán premiadas con 300 euros.

Os máis cativos non quedan fora deste festexo e a mellor carroza recibirá 450 euros, a segunda levará 350 e a terceira, 250 euros; 150 euros será o que leven só por presentarse. A xornada festiva e de lecer comezará ás 10.00 da mañá coa recepción de acios na Praza do Cruceiro, os cales se presentan a concurso; o mellor acio recibirá un premio de 90 euros, o segundo mellor acio levará 60 euros e o acio de bronce quedará con 30 euros. Aqueles que queiran participar no concurso de acios terán que presentarse con acios autóctonos ou do Ribeiro.

Ás 11.30 horas darase a benvida a autoridades e convidados na Casa Consistorial; ás 12.00 horas D. Jesús Vázquez, Conselleiro de Educación e Ordenación Universitaria, leerá o pregón na Praza do Cruceiro e ás 12.30 horas faráse o desfile de carrozas e charangas dende a Rúa Gabino Bugallal ata o Campo da Festa.  Para ver máis cousas haberá no paseo fluvial a VII Edición do Mercado Artesanal, con 27 artesáns, e unha exposición agrícola. Ademáis, todos aqueles que queiran poderán comer, a partir das 14.00 horas, nunha carpa habilitada para acoller a mil persoas no Salgueiral. As entradas aínda están a venda e pódense retirar en calquera bar de Leiro.  O menú terá un coste de 23 euros e inclúe pulpo, carne ó caldeiro, pan, bica, refrescos, auga, melindres, empanada e queimada. Seguidamente faráse entrega dos premios ós gañadores dos concursos de acios e carrozas.  Despois do xantar, ás 18.00 horas celebraráse un partido de fútbol entre o Leiro e o Ourense B. Ás 20.30 horas, as corais de Val do Avia, Meis e Portugal darán un concerto na Igrexa de San Pedro de Leiro. A partir das 22.00 horas, unha orquestra amenizará a verbena.

Outro dos invitados foi o director da Coral Polifónica Val do Avia, Celso Domínguez. Esta coral ofrecerá un concerto na vixésima edición da festa da vendima xunto coa coral "Canto e encanto" de Portugal e a Coral de Meis na Igrexa de Leiro. Ó remate do concerto, as tres corais cantarán xuntas unha peza. Celso Domínguez mostrouse partidario de cambiar o repertorio cantado polas corais, porque se fai moi repetitivo pero ás veces estas pezas non se poden cambiar, porque hai, según o presidente da Coral Val do Avia, pezas que se fan difíciles de cantar para os grupos; Celso defende a interpretación de cancións enxebres como alalás, foliadas.. porque afirma que "o noso cantar é moi bonito". Ademáis de dirixir esta coral, Celso Domínguez adicase ó cultivo de viñas. "Antes nas vendimas cantábase, pero esa tradición foise perdendo porque agora hai menos xente". Con respecto á colleita, este ano preséntase variable, aínda que a maduración do viño está sendo moi irregular. A caste de treixadura aportará este ano pouca cantidade pero moita calidade, mentres que no xerez a producción é bastante boa en canto a cantidade.