"Será unha obra de gran envergadura", remarcan dende o concello do Carballiño, nun comunicado difundido tras a sinatura do convenio de colaboración coa Confederación Hidrográfica, para a execución e financiación da mesma.
O proxecto de humanización e mellora do saneamento da rúa Ourense do Carballiño inclúe a construción dunha glorieta e a reposición do pavimento, mobiliario urbano e axardinamento. O alcalde, Francisco Fumega, e o presidente da Confederación Miño-Sil, José Antonio Quiroga, asinaron esta mañá o convenio que determina as condicións para a financiación, redacción, posta a disposición dos terreos e entrega das obras.
Coa execución deste proxecto, que acada un orzamento de 1,7 millóns de euros e será cofinanciado pola Confederación e o Concello, nun 80% e un 20 %, respectivamente, poñeranse fin ás deficiencias existentes na rúa Ourense, destacan dende a institución municipal.
No último tramo, as condicións de evacuación de augas residuais e pluviais encóntranse en mal estado e a colaboración entre as dúas entidades permitirá poñer fin á problemática. A aportación económica correspondente ao Concello xa foi aprobada no último pleno de forma inicial e quedará aprobada de forma definitiva na seguinte sesión plenaria, aseguran dende o concello carballiñés.
Máis en concreto, as obras consistirán na execución de novas redes de saneamento e pluviais, así como na renovación das redes de abastecemento. Inclúese no proxecto a reposición de pavimento da vía, o mobiliario urbano e axardinamento en todo o tramo, que abarca uns 550 metros, entre as interseccións desta coas rúas Celso Emilio Ferreiro e 25 de xullo, onde se proxecta unha glorieta.
O alcalde, Francisco Fumega, destacou a importancia do proxecto "tendo en conta que as obras permitirán sanear o río Carrás e evitar as inundacións que se producen cando hai intensas chuvias".
O presidente da Confederación Hidrográfica Miño-Sil, José Antonio Quiroga, engadiu que "as actuacións evitarán vertidos e mellorarán a calidade das augas e dos ecosistemas asociados ao río".
ESCRITO DOS VECIÑOS DA RÚA OURENSE
Diante dos continuos anuncios por parte do alcalde do Carballiño xunto ao Presidente da Confederación Hidrográfica Miño sil, relativos as obras tan necesarias para a mellora da Rúa Ourense, somos moitos veciños os que nos sentimos molestos e ofendidos xa que non contento o alcalde con engañarnos, mentirnos e humillarnos durante os últimos anos con contínuas promesas e compromisos, agora ademáis pretende utilizarnos electoralmente con todo tipo de supostas firmas e fotos. Os veciños e veciñas non imos permitir que nos utilicen de caras os vindeiros comicios municipais con fins partidistas e electoralistas, polo que nos vindeiros días manteremos unha xuntanza para ver como procedemos, estando enriba da mesa a posibilidade de presentar unha queixa diante da Valedora do Pobo, ademáis de enviarlle un escrito ao propio alcalde para pedirlle un pouco de respete e que non faga electoralismo con este proxecto, xa que ten que comprender que somos moitos os veciños e veciñas que xa non confiamos na súa palabra.
Por último, destacar que para os veciños e veciñas da Rúa Ourense, os seus propietarios e o pobo do Carballiño en xeral é un proxecto moi necesario e útil por tratarse dunha das entradas principais da vila, polo que o que precisamos e necesitamos é que se fagan realidade as inversións e menos fotos, anuncios e protocolos propagandísticos.
veciños rúa ourense
O Actúal primeiro tenente alcalde e concelleiro de Promoción Económica, Industria e Turismo José Manuel Dacal repetirá como número 2 na candidatura socialista que volverá liderar Francisco Fumega.
O candidato á reelección na alcaldia do Carballiño volve confiar en Dacal como o seu número 2 para estas próximas eleccións municipais que se celebrarán o dia 28 de maio, e nas que os socialistas confian nun resultado que lles permita seguir gobernando O Carballiño
A cultura encherá o calendario do mes de abril no Carballiño. Dende este sábado haberá practicamente unha proposta ao día, mesturando cine, teatro, historia e ata gastronomía, entre outras de interese. O Concello elaborou un programa cunha trintena de actividades que se dedican a todos os públicos e, especialmente, aos cativos e cativas para encher de entretemento as súas vacacións de Semana Santa. Un dos pratos fortes será a Romería das Pulpeiras, que pretende poñer en valor o pulpo á feira e a quen son as súas principais artífices, as pulpeiras e pulpeiros do pobo. O evento celebrarase o 22 de abril na Praza da Veracruz. A gastronomía tamén estará presente coa Ruta das Tapas que os días 7 e 14 de abril dedicarase aos crocantes. Este é o programa detallado para os próximos días:
1 de abril: Teatro contemporáneo. Ás 18.00 horas no Auditorio representarase a obra “Hugo”, premio María Casares ao Mellor Espectáculo Infantil no 2022, para público de 7a 10 anos.
2 de abril: Cine. “Close”. Ás 19.00 horas no Auditorio. Cineclub O Carballiño. Día da Xuventude. De 16.00 a 21.00 horas na Praza Maior haberá actividades e obradoiros para os mozos e mozas.
3,4 e 5 de abril. Taller de Clownrise, con Claudia Cantone. Auditorio Manuel María. Na última xornada ofrecerase unha mostra de final de curso, aberta a todos os públicos e a partir das 20.30 horas.
6 de abril. Roteiro urbano. Historia, arte e arquitectura relixiosa do Carballiño. De 11.30 a 13.30 horas. Punto de encontro na Praza Maior. Centro de Estudios Chamoso Lamas e Cofradía da Veracruz. Teatro Novo Circo. “The Swow Moscón” Ás 18.00h no Auditorio. Público infantil e familiar.
7 de abril. Ruta das Tapas. Adicado aos crocantes. De 20.00 a 23.00 horas.
8 de abril. Monólogo de Fernando Moraño. Ás 20.45 horas no Auditorio.
14 de abril. Cine. “Mantícora”. Cineclub O Carballiño. Ás 20.00 horas e ás 22.30 horas no Auditorio. Ruta das Tapas. Adicado aos crocantes. De 20.00 a 23.00 horas.
15 de abril. Cantando con Raíz de Eduvía. Sala de Xuntas do Concello. 18.00 horas. Inscricións dende o 3 ao 14 de abril en snl@carballino.gal ou 662197665. Para nenos e nenas de entre 9 meses e 4 anos. Cancións, ditos e recitados para un achegamento das crianzas ao cancioneiro tradicional e á lingua dun xeito natural e divertido. Teatro/Musical. “Vox Populi”. Malasombra Producións. Público adulto. Ás 20.30 horas no Auditorio.
16 de abril. Musical Queen Kids- Pares o nones. Ás 12.00 horas no Auditorio. 21 de abril. Obradoiro Toponimízate! Ás 10.00 horas no Auditorio. Destinatarios: Segundo ciclo de Primaria dos centros educativos Vila do Arenteiro e Sagrado Corazón.
21 e 23 de abril. Cine. “The quiet girl”. Cineclub O Carballiño. O 21 de abril ás 20.00 e ás 22.30 horas no Auditorio. O 23 de abril a sesión será ás 19.00 horas.
22 de abril. Romería das Pulpeiras. Veracruz.
28 de abril. Cine “El triángulo de la tristeza”. Cineclub O Carballiño. Ás 20.00 horas e ás 22.30 horas no Auditorio.
29 de abril. Cantos de Taberna. A partir das 20.00 horas nos locais de ocio.
Outras actividades Ata o 9 de abril. Exposición “O Camiño da Cruz”. No Templo da Veracruz e na Igrexa Vella.
Dende o Centro Sociocomunitario do Carballliño informan das actividades puntuais programadas para o vindeiro trimestre que a maiores das habituais do centro cremos conforman unha interesante oferta, intentando así dar resposta a importante demanda de actividades e a extraordinaria acollida e participación dos últimos meses.
No mes de abril, conmemoraráse o día internacional do libro con actividades puntuais e cun obradoiro de crochet temático: Amigurumis; diseña a túa persoaxe de conto. Obradoiro de ganchillo de 10 horas de duración. Os luns ás 16:30.
Asimesmo e con este mesmo motivo ponse en marcha un punto fixo de bookcrossing, donde as persoas interesadas poderán intercambiar un libro por outro que resulte do seu interese.
Neste mesmo mes de abril terá lugar un curso gratuito de alfabetización dixital, cada vez máis imprescindible, neste caso: Administración electrónica, dende o móbil e-ou ordenador. Os martes ás 17:00.
Xa por último celebraráse unha charla da Escola Galega de Saúde enfocada na Prevención de accidentes no fogar.O día 4 de abril ás 16:30h
Xa en maio, mes das flores por excelencia levarase a cabo un taller de arte floral no cal, ademáis de aprender a realizar un arreglo floral poderán levar para a casa a súa creación.
Festexaráse o día das Letras galegas, neste caso coa actividade : “Café con letras”. Unha actividade donde o eixe serán os xogos de mesa galegos.
E unha vez máis no Centro Sociocomunitario apostan pola formación nas novas tecnoloxías, neste caso cun curso destinado a aqueles que máis o precisan, concretamente para os que teñen pouco ou ningún dominio do teléfono móbil.
Tamén se organiza un curso básico de movil os mércores pola mañá.
Xuño será o mes do medio ambiente. A este respecto pensamos nunha actividade que pode resultar moi interesante para todas aquelas persoas comprometidas con este tema, un taller de elaboración artesanal de produtos de limpeza, libres de tóxicos e respetuosos co medio.
Polo San Xoán, Obradoiro: Tradición e uso fitoterapeútico das plantas máxicas de San Xoán.
E para clausurar as actividades habituais do centro convidan a todas as persoas interesadas a acompañarnos o día 16 no auditorio Manuel María, coa celebración do festival de fin de curso con actuacións dalgunhas das disciplinas físico-deportivas, actuación do grupo de canto e pandereta e a representación teatral do noso grupo de teatro. Por suposto a xornada traerá algunha que outra sorpresa.
As crianzas, que cobraron especial importancia no centro este ano, xa que incorporáronse algunas actividades dirixidas exclusivamente a eles, terán o seu protagonismo e farán unha exhibición de baile tamén neste mes.
O broche final porémolo o último domingo de mes cunha actuación de música en directo para os asiduos das sesións de baile dos domingos e dende logo para calquera que se anime á festa.
Por todos es sabido que Manuel Cerdeira, alcalde de O Irixo es un "Incompetente". Hace más de un año que se pinta al ayuntamiento de O Irixo por un expediente para declarar una vivienda en ruinas y que los propietarios vengan no solo a desbrozar sino a tirar lo poco que queda y que pone en riesgo a los que por allí pasamos. Pues como el ayuntamiento, se ha convertido más en una sala de cotilleo y del mínimo esfuerzo, después de que en julio se declarase en ruinas a día de hoy el inmueble sigue en las mismas condiciones. Me gustaría saber si el señor "Lito" lo tuviese delante de su casa, si no lo agilizaría, a los vecinos ya solo nos queda ir a la justicia para hacer cumplir nuestros derechos.
O Carballiño converterase nun plató de cine con motivo da rodaxe nunha curtametraxe ambientada nunha romaría dos anos 50 coa figura das pulpeiras como protagonistas. Para poder levar a cabo a rodaxe estanse a buscar actores e actrices. Ao longo da tarde deste mércores dia 29 de marzo celebrarase un cásting na sala de exposicións do Auditorio do Carballiño, en horario de 16.00 a 22.00 horas.
Máis en concreto, búscanse catro perfís femininos, un para a muller protagonista, outro para actriz principal e dous para papeis secundarios: -Concha: Entre 25 e 40 anos. É a protagonista. Pulpeira con experiencia. Muller moi traballadora e cun marido que sempre se está a meter en problemas. -Ramona: Entre 45 e 55 anos. Pulpeira con experiencia. É a mellor amiga de Concha e sempre mira por ela. Muller intelixente e moi curtida na vida. -Carmiña: Máis de 65 anos. Pulpeira con experiencia, un pouco despistada pero esperta. -Antonia: Entre 45 e 55 anos. Pulpeira con experiencia.
Ademais, precísanse perfís para os dos papeis masculinos principais: -Fidel: Entre 30 e 45 anos. Con mirada pícara e don de xentes. A súa función na romaría é a de relacións públicas. Dedícase a beber e xogar máis que a traballar. -Eladio: Entre 45 e 55 anos: Home de aldea, intelixente e cun punto maquiavélico. É da aldea onde se celebra a romaría. Ese día está na festa co resto dos veciños.
Nas últimas semanas, Xuntos por San Amaro ven mantendo unha serie de xuntanzas coas entidades veciñais do concello, para coñecer de primeira man as inquedanzas veciñais, amais de favorecer a participación nos asuntos públicos, directamente ou por medio de representantes libremente elixidos, como propugna o artigo 23 da Constitución Española. Para onte, domingo 26 de marzo, estaba previsto o encontro coa veciñanza de San Cibrao de Las, despois de falar con un representante veciñal xa fai varias semanas e despois de acordar esta data que non entorpecía a actividade do colectivo veciñal. Xa nos chamara a atención que, unha semana despois de termos acordado o día, se nos indicara que pediramos o local por escrito diante do concello, algo que fixemos sen moito problema por entendermos que as propiedades públicas deberan ter un protocolo de uso claro e transparente.
Porén, aínda que falamos co representante veciñal (xa fai 2 ou 3 semanas) e rexistramos en tempo e forma un escrito solicitando o local, o actual goberno do concello nin se molestou en respostar ao mesmo, secuestrando os dereitos á liberdade de expresión, á participación nos asuntos públicos e ao uso dun local público e costeado por todas as veciñas e todos os veciños do San Amaro. Xa abonda. Este goberno tránsfuga está tratando de pervertir os resultados das vindeiras eleccións municipais. E semella facelo coa complicidade dun Secretario municipal que leva informado favorablemente e blanqueado cantas irregularidades e cuestións dubidosas se teñen dado no concello desde a súa chegada no ano 2016 para sustituir á anterior Secretaria, quen -casualmente- si manifestara diversas obxeccións e reparos diante do contrato da auga que estaba a piques de se aprobar. E todo isto con unha serie de argucias desafortunadas e mesquiñas tales como: Adulteración do Censo electoral. Nas últimas 3 décadas só houbo 2 anos nos que se viu incrementado o censo do San Amaro, como pode verse nesta gráfica realizada con datos do INE. Foron o 2007 e o actual 2023; casualmente dous anos con convocatoria electoral a eleccións municipais e dous anos nos que o PP tiña e ten difícil acadar o goberno. Na actualidade, o concello do San Amaro atópase noutro triste ranking español. Atópase investigado polo INE canda outro medio cento de concellos de toda España. Emprego de cartos de toda a provincia e de todo o país para un interese persoal e partidista.
O obxectivo de desviar cartos de toda a provincia para os concellos nos que o PPdG quere recuperar a alcaldía, despois de facelo con operacións de transfuguismo, non é a mellora do propio concello (sen dúbida, se conseguen a alcaldía, San Amaro voltará á situación de abandono vivida nos anteriores 30 anos, e é algo que todas e todos sabemos), senón a procura de mellorar o resultado electoral no San Amaro do sr. Redondo, do PP e por extensión de Manuel Baltar, responsable deste desvío de cartos sen control. Ocultación de información. E de feito así o fixo porque, despois de marear intencionadamente as nosas solicitudes de documentación, incumprindo en TODAS as ocasións os prazos que lle marca a lei para respostarnos, aínda hoxe non foi quen de amosarnos o extracto dunha das contas bancarias do concello. Non entender o papel da Alcaldía. Prohibiunos gravar o Pleno municipal, no pasado 21 de marzo, aludindo que había que pedir permiso, algo do que tivo que retractarse xa na seguinte convocatoria plenaria, o que evidencia a curiosa percepción que o actual alcalde ten das institucións e dos reximes democráticos. Opacidade nas contas. Aprobou as contas públicas sen pasar os procedementos legais obrigatorios, coas conseguintes consecuencias de déficit democrático e grande risco de recortes serios no futuro. Paga irregular do alcalde. Púxose unha paga a percibir desde o día seguinte da súa chegada á Alcaldía mercede a unha operación de transfuguismo, sen sequera unha partida aprobada para ese concepto nin aprobala en Pleno como manda a lei. E cando -despois de meses insistindo- decidimos denunciar a situación, tentou regularizala con carácter de urxencia e pola porta de atrás, con todas as dúbidas sobre a validez do “carácter retroactivo” dun ano que pretendeu outorgarlle ao seu soldo e da ausencia total de pagamento á Seguridade Social.
E agora pretende secuestrarlle ás veciñas e aos veciños do San Amaro o seus dereitos á liberdade de expresión, excusándose no uso dos locais públicos, cando Xuntos solicitara o uso do local en tempo e forma sen recibir resposta e -para máis inri- sabemos agora que as chaves dos locais públicos do San Amaro andan de man en man, sen ningún escrito, nin convenio nin sequera unha Ordenanza que regule os usos e os protocolos dos mesmos. Porén e todo, algúns veciños e algunhas veciñas decidiron acudir á cita, poñendo en valor o seu dereito fundamental á participación nos asuntos públicos, propugnado pola Constitución Española, aínda que -polo que puidemos saber- houbera alguén relacionado con todo isto que acabamos de expoñer, que estivo “recomendándolle” á veciñanza que non viñeran ao acto. Pois ben, o acto tivo lugar na rúa, ás portas do local público, evidenciando como o goberno municipal foi capaz de rizar o rizo pechando o acceso de veciñas e veciños a unha propiedade veciñal. Aínda así, recollimos moi agradecidos as propostas e demandas das persoas asistentes. Seguiremos dándolle voz á veciñanza, sempre con respecto institucional e dentro do marco lexislativo.
Trátase dun traballo memorable, nunca antes feito, e que tomará forma de libro. O Concello do Carballiño e a Asociación Fotográfica O Potiños impulsan una publicación na que participan 30 familias de pulpeiras e ata tres xeracións. A idea xurdiu cando a Asociación de Pulpeiros e O Potiños comezan a colaborar para realizar fotografías para a páxina web da primeira entidade. Nese momento empeza a tomar forma o libro, pois as imaxes tiñan moito que dicir.
Tal e como explicou a presidente de O Potiños, Manuel Blanco, o traballo componse de 60 fotografías en branco e negro realizadas no estudio e nas que o pulpo desaparece como elemento esencial para dar protagonismo a este colectivo de traballadoras e á súa historia. Ademais, prevese que 35 desas fotografías sexan expostas para que todos os veciños, veciñas e visitantes poidan achegarse ás experiencias e á forma de vida dos pulpeiros e pulpeiras. Blanco agradeceu o apoio do Concello para que ese libro, con fotografías realizadas por unha ducia de fotógrafos de O Potiños sexa unha realidade.
Tamén explicou Manuel Blanco que se trata dun libro que mestura fotografía e literatura, pois inclúense textos do alcalde do Carballiño, Francisco Fumega, que presenta a iniciativa; do colectivo O Potiños; de Carlos Montes sobre a historia desta industria familiar que é o pulpo e de Felipe Senén.
O rexedor agradeceu o traballo da Asociación Fotográfica O Potiños “que nos permite disfrutar do arte da fotografía a un nivel máximo” e asegurou que este traballo, “dunha calidade excepcional, é un tributo ao Carballiño e á xente que forma parte da súa idiosincrasia como son os pulpeiros e pulpeiras”.
O presidente da Asociación de Pulpeiros, Roberto Pereira, tamén quixo dar as gracias ao Concello e a O Potiños “por apoiar este libro que vai mostrar dunha forma excepcional a nosa historia”.
Unha romería para o mes de abril
O Concello de Carballiño está facendo un gran esforzo por poñer en valor o pulpo á feria e a quenes son as súas principais artífices, as pulpeiras e pulpeiros do pobo. Por iso, e nesta mesma liña, a Praza da Veracruz será o escenario no que se celebre, o 22 de abril, a primeira Romaría das Pulpeiras. Será unha festa gastronómica que tamén porá
O presidente da Deputación, Manuel Baltar, acompañado polo alcalde de Avión, Antonio Montero, visitou esta mañá o centro integral de servizos socias Alvetus, onde supervisou o estado das obras do proxecto de reforma, ampliación e equipamento das instalacións, financiado pola institución provincial.
Manuel Baltar felicitou ao rexedor por un proxecto “que fala da súa visión estratéxica e integral dos servizos sociais, dotando ao concello de Avión dunha infraestrutura na que ten colaborado a Deputación seguindo as propostas do alcalde”.
O presidente do goberno provincial valorou positivamente a unificación dos servizos sociais do concello nun único centro, “e que agora mellora en infraestrutura, instalacións e equipamento, o que sen dúbida é unha gran noticia para a veciñanza de Avión e un recoñecemento ao labor do goberno local, que seguirá tendo sempre o apoio da Deputación”.
Antonio Montero, que estivo acompañado polo tenente alcalde, Manuel Vázquez, a directora do centro, Sonia Nogueira, e persoal municipal dos servizos sociais, expresou o seu agradecemento pola visita de Manuel Baltar e a contribución económica da Deputación que permitiu executar este proxecto, no que tamén se acondicionou o entorno da propia residencia.
“Eran unha obras moi necesarias e mesmo urxentes -sinala o alcalde- porque se trata da atención aos nosos maiores e ese é un servizo que sempre incentivamos desde o concello”. Unha iniciativa, engade “que ten como obxectivo principal seguir mellorando a calidade de vida das nosas veciñas e veciños”.
A reforma e ampliación do centro integral de servizos permitirá incrementar ata 44 o número de prazas dispoñibles neste complexo, no que actualmente traballan unha trintena de persoas e que está xestionado pola Fundación Anduriña, da que forma parte o Concello de Avión.
Páxinas
- « primeira
- ‹ anterior
- …
- 147
- 148
- 149
- 150
- 151
- 152
- 153
- 154
- 155
- …
- seguinte ›
- última »
