O Carballiño vai ser uns dos primeiros lugares en coñecer o novo directo d’A banda da Loba, ABDL. O concerto, que será o vindeiro 22 de febreiro no Auditorio Municipal, foi presentado esta mañá no Salón de Plenos do Concello nun acto que contou coa presenza de Andrea Porto, baxista de ABDL, e de Diego Fernández, concelleiro de Cultura.

Na súa intervención, Diego Fernández manifestou o seu agradecemento ao grupo por "pensar na nosa vila para presentar Lovismo, un traballo onde volven amosar o seu forte compromiso coa lingua e a cultura galega”. Ademais, animou á veciñanza a asistir ao concerto e espera que a música das Lobas sexa tamén un reclamo para que os habitantes da contorna se acheguen ata o concello carballiñés.

Pola súa banda, Andrea Porto amosou a emoción que supón para todas as integrantes da banda “actuar nun dos lugares onde, segundo a lenda, adoitaba agocharse Pepa Loba” e prometeu “un concerto cheo de sorpresas no que actuará, entre outras, a bailarina Fabiana Taboada do videoclip Lova”.

No que concirne aos aspectos prácticos, as entradas para o concerto d’A banda da Loba no Carballiño xa están á venda na web de vivetix.com e tamén será posible adquirilas unha hora antes do evento na propia billeteira do Auditorio Municipal. O concerto comezará ás 20.00 horas e a apertura de portas está prevista para ás 19.30 horas.

O amor como leitmotiv

Lovismo supón o regreso de ABDL aos escenarios logo dun ano lonxe deles para materializar este traballo, o quinto do grupo, composto por once temas que teñen como fío condutor o amor nas súas múltiples formas de expresións ―o desexo, as relacións, a maternidade, o amor propio, a sororidade, o amor polo noso...― e que leva o selo do estilo calidoscópico de ABDL. Nel conflúen diferentes estilos, desde a bachata ata o pop pasando pola música disco e reivindícase a inspiración literaria da que fan gala desde o seus inicios as compoñentes do grupo. Conta, ademais, con colaboracións doutros artistas: De Vacas, Terrae, Tomé Mouriño (De Ninghures) e os músicos Adrián Real, Lara Porto, Cristóbal Fernández e Diego Suárez, responsables dos instrumentos de vento do disco.

ABDL

A banda da Loba irrompeu na escena musical galega con Bailando as rúas (2017), co que acadaron un grande éxito e deixaron claro que chegaban para quedarse, facéndose un oco grazas ao seu heteroxéneo estilo musical. Dous anos máis tarde, no 2019 presentarían Fábrica de luz e no 2021 estrearon Hasme oír, un EP dedicado a Xela Arias, sendo ambos os dous traballos finalistas nos Premios MIN na categoría de mellor disco en lingua galega. Alén diso, no 2021, ABDL gañou o Premio Martín Códax na categoría de pop e indie. O 2022 foi o ano de Xabón Lagarta, un traballo co que estiveron xirando ata finais do 2023. Este 2025 volven aos escenarios con Lovismo.

Na actualidade, ABDL está integrada por Andrea Porto (baixo), Estela Rodríguez (violín), Marcela Porto (percusión), Xiana Lastra (voz) e Iria de Cabo (guitarra), que chega á formación substituíndo a Inés Mirás.

O programa EsquiOU, unha iniciativa da Deputación de Ourense para que nenos e nenas da provincia aprendan a esquiar na única estación de montaña de Galicia, Manzaneda, continúa o seu éxito coa segunda quenda de rapaces da provincia. Un cento de nenos das comarcas de O Ribeiro e O Carballiño iniciaron este lúns a súa aventura de esquí, piscina e xogos na estación de montaña, trala finalización da quenda dos menores de Celanova e Baixa Limia que xa gozaron das actividades do proxecto de promoción de ocio saudable.

Os rapaces que comezan hoxe as actividades do EsquiOU desfrutarán por un prezo simbólico de 30 euros dunha estancia de tres días e dúas noites, en réxime de pensión completa, dun curso de esquí e doutras actividades complementarias na estación de montaña Manzaneda. Un total de 105 nenos forman parte desta segunda quenda, na que desfrutarán de piscina, xogos lúdicos en interior e exterior e ata un momento nocturno de ocio na discoteca da estación de montaña.

O programa EsquiOU reforzou este ano a súa aposta, superando por primeira vez a barreira das mil prazas (1.050), cubríndose as quendas en apenas uns días. Ademais, tamén se apostou pola inclusión social, ao incorporar prazas para menores con discapacidade, unha novidade que tivo unha boa resposta das familias. O obxectivo é que estes rapaces poidan acceder ao deporte a diversión, sen barreiras de ningún tipo. O total de prazas está dividido en 10 quendas de 105 prazas cada unha. A seguinte quenda será do 3 de febreiro ao 5 de febreiro, para os rapaces de Verín e Viana. Continuarán do 10 ao 12 de febreiro, Valdeorras; do 17 ao 19 de febreiro, Allariz-Maceda-A Limia; do 24 ao 26 de febreiro, Terra de Caldelas e Terra de Trives; do 3 ao 5 de marzo, Ourense; do 10 ao 12 de marzo, Ourense rural: do 17 ao 19 de marzo, segunda quenda da zona de Ourense e, por último, do 24 ao 26 de marzo, a segunda quenda de Ourense rural.

A concelleira de Servizos Sociais nega que as traballadoras que traballan para a empresa que xestiona o Serizo de Axuda no Fogar estean abandonadas polo concello, como denunciaban estes dias atrás.

Silvia Baranda asegura que está a facer todo o que está nas súas mans, que o concello está ao dia no pago á empresa, e que os pregos para licitar o servizo "está a facerse con todas as garantías para que precisamente non pasen estas cousas cun contrato de máis de cinco millóns de euros".

Escoita aquí a entrevista íntegra da concelleira en COPE O Carballiño:

A Alerta Laranxa, nivel de risco meteorolóxico importante, no que a AEMET incluíu a toda a comarca do Carballiño para xornada deste domingo 26 de xaneiro, levou ao concello do Carballiño a decretar o peche das instalacións deportivas municipais, polo que se suspenden todas as actividades previstas, entre elas o partido de fútbol da Primeira Federación entre Arenteiro e Barakaldo, que estaba previsto para as 12 do mediodia no Estadio Municipal de Espiñedo.

A Real Federación Española de Fútlbol xa fixo oficial a suspensión deste encontro, que queda agora pendiente de nova data para a súa celebración.

O concello do Carballiño indica que adopta estas medidas "para preservar a seguridade tanto de deportistas como dos espectadores" nestes recintos ao aire libre, como tamén acontece co parque municipal do Carballiño e parques infantís, e recomendando á poboacion máxima precaución para calquera actividade ao aire libre.

A Alerta Laranxa para a comarca do Carballiño, vai desde as 6 ás 23 horas deste domingo 26 de xaneiro, debido a adversas condicións meteorolóxicas previstas por chuvias intensas, prevese 100 L m2 de precipitacións en 12 horas, e ventos con refachos de ata 80 km hora a partir das 12 do mediodia.

O gran potencial turístico do Xeodestino Turístico O Carballiño-Ribeiro, que outro ano máis ven de presentarse en FITUR, asi como as últimas polémicas políticas no concello do Carballiño, acaparan desta vez unha nova entrega da Tertulia de COPE O Carballiño, que cada semana presenta Xan Pinal.

Escóitaa aquí:

O delegado territorial da Xunta en Ourense, Manuel Pardo, destacou “o potencial sen límite” do termalismo na comarca O Ribeiro – Carballiño, “onde afloran centos de mananciais de augas termais que están callando nas súas beiras os máis modernos balnearios de Europa que desenvolven as terapias máis innovadoras; concepto termal que cristalizou na feira de Termatalia”.

Así o fixo, na presentación deste xeodestino na Feira Internacional de Turismo, en Madrid, na que tamén louvou as súas singularidades enogastronómicas, as súas paisaxes indescritibles e o poder do seu patrimonio e da súa historia.

O delegado territorial puxo en valor a filosofía do Goberno de Galicia na insistencia dos xeodestinos, por compartir as potencialidades e recursos de municipios e comarcas para valorizar destinos e puntos de confluencia, e así, ser máis eficientes na organización turística, nas técnicas de chamada e os reclamos publicitarios.

Manuel Pardo lembrou que o polbo, o pan, o viño e os recursos termais dentro dun clima, unha orografía, e a biodiversidade do medio, conforman unha paisaxe singular na que conflúen os vales do Avia e do Miño. Na pel das súas augas é un privilexio practicar deportes como a vela, o remo e o piragüismo.

Novo Plan Termal
O representante do Goberno galego resaltou que a Xunta de Galicia presentou recentemente un novo Plan Termal, que se impulsará neste ano, co obxectivo de impulsar de forma definitiva este sector, e de potenciar a imaxe de Galicia como destino termal.

Galicia é a primeira potencia termal de España, en gran parte grazas a Ourense que é a segunda cidade europea con máis fontes termais, por iso a Xunta creou a Área de Turismo Termal, con sede en Ourense que ten como principal obxectivo a proxección exterior de Galicia como un referente no termalismo.

Salientou o delegado territorial que o turismo termal en Galicia é un dos produtos turísticos con maior grao de especialización e singularidade. “Con maior capacidade de desestacionalización da demanda e con poder para a captación de máis segmentos de público, cun gran atractivo para a articulación de oferta turística combinada con outros produtos ou servizos relacionados co patrimonio cultural, natural, enogastronómico e deportivo”; manifestou

Agora, co novo Plan preténdese afondar na consolidación do sector en Galicia. Entre outras medidas, esta folla de ruta incluirá unha liña de axudas de 8 millóns de euros para, segundo explicou Manuel Pardo, “crear novos establecementos ou para mellorar os actuais”; “un manual de boas prácticas” para establecer estándares de calidade claros; un observatorio que exercerá de ferramenta de investigación turística; unha aposta pola formación continua especializada; e, ademais, novos produtos turísticos e distintas accións de marketing.

Un Plan que, segundo o representante do Goberno galego, se enmarca na aposta da Xunta por un sector con moito potencial e gran “capacidade para seguir medrando”.

Por todo iso, -concluíu Manuel Pardo- “desde a responsabilidade e o compromiso de representar aquí en Madrid, na feira de turismo máis importante do mundo, á Xunta de Galicia; desexo apuntar as deidades, dunha terra sen complexos, nin vestimentas artificiais que sabe que pode ofrecer un destino singular e diferencial a quenes desexen visitarnos”.

Fumega anunciou a inminente adxudicación dun novo contrato para a limpeza viaria no concello do Carballiño, cunha licitación de 350 mil euros anuais e para os próximos catro anos. Co novo contrato ampliaráse o número de barredores, pasando dos 3 que realizan este servizo na actualidade aos 7 que o farán no futuro.

O alcalde rexeitou as útlimas críticas á súa xestión feitas por Espazo Común, tanto sobre o acordo de incremento da taxa da auga en base ao incremento do IPC, asi como as convocatorias da Mesa de Contratación do Ciclo Integral da Auga, acusando ao rexedor municipal de mentiroso por afirmar que estas convocatorias son públicas. 

Ademáis, Fumega tivo tempo para atender as queixas, suxerencias e preguntas da audiencia de COPE O Carballiño.

Aquí podes escoitar íntegra a súa intervención deste xoves 23 de xaneiro nesta emisora de radio:

A localidade de San Paio (12 veciños) no concello de Maside manteñen viva a tradición da festa-romaría de San Pablo que desde tempos inmemorais celébrase nunha capela que este ano cumple 300 anos da súa construcción.

Este sábado 25 de xaneiro, e cunha gran carpa para o público que se achegue, actuará a partir da medianoite unha das orquestras TOP de Galicia, a Paris de Noia. Ademáis, antes pola tarde, procederáse á inauguración dun cruceiro doado por unha familia oriunda do pobo ás 6 da tarde, coincidindo coa procesión a última misa da novena.

O domingo, ademáis haberá misas durante toda a mañá, e solemne ás 13 horas, despóis a tradicional subasta de productos da terra e a XIV edición da Festa do Cocido, cun prezo por comensal de 23 euros. Amenizarán a xornada o grupo de música tradicional Feitizo de Pau e o Dúo Os Trasnos.