O Carballiño e Braga son dúas das cidades e vilas galegas que forman parte da asociación do Eixo Atlántico, a quen está dedicada a ruta das tapas do Carballiño deste mes de maio, os próximos venres 6 e 13 en horario de 20:00 a 23:00 horas. Na APP "Quedamos de Tapas" encontrarémos a información detallada dos locais participantes a a súa oferta gastronómica, con tapas a 2 euros.

Na presentación do evento estivo o máximo responsable de turismo da Cámara Municipal de Braga, Antonio Barroso, que mostrouse encantado de poder visitar un pobo "tan boníto e simpático como O Carballiño" e recordou como a súa cidade acollera no seu día a presentación da Festa do Pulpo "trátase agroa de aproveitar esta colaboracíón e promocionar turísticamente Braga no Carballiño e Galiza", dixo.

Como anfitrións exerceron o concelleiro de cultura Diego Fernández, e o alcalde Francisco Fumega, que incidíu na necesidade de explorar as posibilidades conxuntas que para unha asociación como o Eixo Atlántico ofrecen os fondos NEXT GENERACIÓN. O rexedor municipal tivo palabras de recoñecemento para os profesionais da hostalaría carballiñesa "que souberon saír adiante nos tan complicados tempos da pandemia"

A parroquia de San Clodio de Leiro recupera este ano a celebración das festas de Santa Cruz, de moita tradición no Ribeiro. A charanga CLK e a orquestra Miramar amenizarán a primeira verbena na noite deste lúns dia 2 de maio.

O martes dia 3, festividade de Santa Cruz e festivo de carácter local no municipio de Leiro, ofrecerá pasarrúas e concerto en sesión vermút a banda de música de Redondela, que tamén aconmpañará procesión ao mediodia, cando se celebre a misa solemne na honra da divina reliquia. Pola tarde-noite amenizarán a segunda verbena os grupos musicais "Fussión" e "La noche".

Unha rotura da tuberia da rede municipal na rúa Calvo Sotelo, na zona máis próxima á rúa Galicia e Avenida do Parque provocou nesta mañá de lúns unha monumental inundiación que afectou a varios edificios desta zona. Os bombeiros do Carballiño estiveron durante horas achicando auga de sotos e baixos inundados.

Operarios municipais e da empresa concesionaria do abastecemento de agua traballaron para recuperar o servizo de suministro domiciliario de auga.

A "Madanela de Maio " ou tamén popularmente "a Madanela pequena" é como se chama na parroquia carballiñesa de Santa Uxía de Lobás a esta celebración que ten lugar cada ano o primeiro domingo do mes de maio. 

Según unha tradición secular, tal dia coma éste, os veciños da parroquia prantan árbores e realizan labores de limpeza e conservación neste singular espazo natural.

Ademáis, os devotos da Madanela acuden as misas que se celebran na capela, que para este domingo serán catro: ás 9:00, 10:00 e 12:00 horas, e solemne con procesión ás 13:00 horas. Despóis, quedará para o 22 de xullo o día da romaría anual.

Os peóns que cruzan pasos de cebra en varias rúas do Carballiño sorprenderonse desta novidosa iniciativa, da que polo momento non se coñecen máis detalles.

Podería tratarse dunha campaña organizada a favor da promoción da lingua galega, porque na mesma aparecen frases alusivas, versos e citas da literatura galega.

Os responsables da Xunta Directiva da Asociación de Nais e Pais de Discapacitados Psíquicos das Comarcas do Carballiño e O Ribeiro deron conta do estado actúal deste proxecto e das obras, que están xa moi avanzadas e, de cumplirse as previsións, estarán rematadas no próximo mes de setembro, e o equipamente a finais de ano.

A futura residencia para usuarios e familiares de Aspadisi contará con 32 prazas, repartidas en 16 habitacions dobles e o resto de dependencias propias dun espazo destas características, no que farán vida diaria aqueles socios que o precisen, según as necesidades personais e familiares dos futuros residentes.

O portavoz da Xunta Directiva, Manolo Amil, recordou que se trata dun proxecto promovido pola asociación con axuda pública e privada, cun orzamento de 1,2 millóns de euros e explicou que "a dia de hoxe faltarían 200.000 euros para cubrir a financiación", na que se incluiría todo o equipamento necesario.

Amil tivo palabras de recoñecemento para as persoas que colaboraron na campaña de doazón levada a cabo a finais do ano pasado, e que supuxo unhos ingresos para este proxecto de 23.788 euros "con donativos que foron dos 5 aos 150 euros, e unha aportacion de 4.000 euros por parte dun doante", en total foron 126 doazóns recibidas. Calquera persoa que o desexe pode contribuir económicamente con esta obra social "de igual maneira que esperamos que agora o fagan os concellos das dúas comarcas, O Carballiño e O Ribeiro", dixo.

O xefe da Policía Local, Francisco Valeiras xunto ao alcalde Franscisco Fumega e o concelleiro de seguridade Manuel Sotelo, presentaron no salón de sesións do concello do Carballiño aos 3 novos axentes que a finais deste ano 2022 incorporaránse á plantilla da Policia Local carballiñesa.

Antes, deberán completar aínda a súa formación na Academia Galega de Seguridade e o periodo de prácticas, que realizarán xa na propia Policia Local do Carballiño.

Con estas 3 novas incorporacíons quedaría completa a plantilla de axentes, e tan so sería posible incrementar os recursos cubrindo as prazas de oficiais. Asi pois, o corpo de Policia Local do Carballiño pasa a estar integrado por un Xefe de Policia, 14 axentes e outros dous que están xa en situación de segunda actividade.

O PSdeG-PSOE reclama á Deputación de Ourense e á Xunta de Galicia unha batería de medidas urxentes, para facer fronte a situación económica e social derivada da invasión de Ucraína ordenada por Vladimir Putin. Os e as socialistas piden á institución provincial, entre outras medidas, unha liña de axudas directas para o sector primario e do transporte dotada con 2 millóns de euros, pero que poda ser ampliada en caso de necesidade, ou un plan enerxético dun 1 millón para axudar aos concellos, co fin de afrontar os desaxustes económicos derivados do encarecemento de enerxía durante os últimos meses.

Á Xunta esíxenlle un plan social de axudas ás familias máis vulnerables que permita triplicar o financiamento do bono social eléctrico; a reformulación da tarxeta básica autonómica para incorporar ás persoas refuxiadas; habilitar un fondo de avais e de liquidez que garanta a viabilidade de empresas afectadas polo peche de mercados en Rusia e Ucraína ou un plan galego de axudas directas aos autónomos e profesionais afectados directamente por esta crise.

Na iniciativa tamén reclaman ao Goberno central unha rebaixa da imposición sobre hidrocarburos e un cambio na regulación do mercado eléctrico, que permita desvincular o prezo da enerxía dos prezos maioristas do gas, unha medida para toda a península ibérica que esta mesma semana foi referendada pola Unión Europea e os gobernos de España e Portugal.

O voceiro do grupo provincial, Rafa Villarino, asegura que “cómpre actuar de maneira urxente a todos os niveis administrativos” e, para iso, ao igual que a UE e o Goberno de Pedro Sánchez “están a adoptar numerosos acordos para facer fronte á inestabilidade económica que afecta a todo o continente, desde o PSdeG-PSOE reclamamos medidas inmediatas nos ámbitos autonómicos e provincial, que son os máis próximos aos nosos veciños e veciñas”.

O líder socialista resaltou que tanto a Xunta como a Deputación “contan con fondos e remanentes orzamentarios dabondo que deben ser investidos de forma xusta e equitativa canto antes”. “No caso desta institución provincial estamos ante un aforro histórico que alcanzou en 2021 os 48 millóns de euros, polo que nós defendemos que as institucións públicas non somos bancos onde gardar un diñeiro que é de todos e todas”, advertiu antes de recordar que eses cartos deben “axudar ás persoas e ás empresas de Ourense en situacións de necesidade e non servir para o pago a dedo de favores políticos”.

No caso concreto da Xunta hai que recordar que o 58 % dos impostos dos carburantes son transferidos á comunidade autónoma galega, polo que, aseveran, o goberno de Alberto Núñez Feijóo “debe facer moito máis” e non “quedar só de brazos cruzados sinalando ao Goberno central”. “A Xunta ten responsabilidades non ámbito social que non pode evitar”, insisten.

Desde o PSOE recordan que “estas excepcionais circunstancias internacionais dos últimos meses, evidenciaron aínda máis a importancia do custo da enerxía e das materias primas” como “elementos determinantes” da competitividade empresarial e das economías familiares, polo que “é perentorio” que todas as administracións “actúen para facer fronte a unha situación inédita” nas últimas décadas, unha situación que “sumada aos dous anos de pandemia, afonda nesta afronta contra o crecemento e a sustentabilidade do Estado e, particularmente, da nosa provincia”.

Esta é a relación completa de medidas que o PSdeG-PSOE de Ourense reclama para facer fronte á situación de emerxencia derivada da invasión de Ucraína:

Á Deputación de Ourense:
- Aprobación dun plan enerxético dotado cun 1 millón de euros, para crear un sistema de axudas a concellos ourensáns co fin de afrontar os desaxustes económicos que sofren ou sufrirán polo encarecemento de enerxía.
- Creación dunha liña de axudas directas para o sector primario e do transporte, obrigado a facer fronte a un maior gasto económico relacionado co abrupto encarecemento da enerxía, o combustible e determinadas materias primas, dotado inicialmente con 2 millóns de euros, pero que podería ser ampliado en caso de necesidade.
- Habilitar unha partida económica que permita actualizar os prezos das obras en execución ou licitación da propia institución provincial ou dos concellos de Ourense, para compensar así a subida de prezos debido á situación de encarecemento das materias primas e combustibles.
- Establecemento dun sistema de coordinación e colaboración dos labores de axuda ofrecida polas entidades locais da provincia á poboación de Ucraína.

Á Xunta de Galicia:
- Aprobar un plan social de axudas ás familias máis vulnerables, que permita triplicar o financiamento do bono social eléctrico.
- Reformulación da Tarxeta Básica para incorporar a persoas refuxiadas.
- Plan autonómico de axudas directas aos autónomos e profesionais, co fin de compensar o aumento de custes do transporte.
- Redución no tramo autonómico do IRPF.
- Habilitar un fondo de avais e de liquidez que garanta a viabilidade de empresas afectadas polo peche de mercados en Rusia e Ucraína.
- Rebaixa real nas taxas da ITV.
- Impulso lexislativo para determinar, por parte da Xunta de Galicia, os proxectos estratéxicos dirixidos a elevar a autosuficiencia enerxética.
- Aprobar a habilitación legal correspondente, en aplicación do decreto do 30 de marzo de 2022, para que as entidades locais da provincia de Ourense poidan habilitar unha partida co fin de actualizar os prezos das obras en execución ou licitación, compensando así a subida de prezos debido á situación de encarecemento das materias primas e combustibles.

Ao Goberno de España:
- Aprobar, da man da Unión Europea, un cambio na regulación do mercado eléctrico para toda a península ibérica, que faga posible desvincular o prezo da enerxía eléctrica dos prezos do gas, facendo posible unha rebaixa significativa do custe final.
- Rebaixar a imposición sobre hidrocarburos.

A Xunta destina 75.000 euros ao ano para o funcionamento dunha casa niño e dúas casas do maior no concello de San Amaro. A conselleira de Política Social, Fabiola García, acompañada do delegado territorial da Xunta en Ourense, Gabriel Alén, visitou esta mañá as instalacións destes tres centros que, apuntou, supuxeron unha revolución para as veciñas e veciños deste municipio.

A conselleira sinalou que Galicia viviu unha transformación dos servizos sociais durante os últimos anos coa creación de 83 casas do maior repartidas por toda a Comunidade e outras 89 casas niño. A través destes centros, destacou, é posible ofrecer recursos de conciliación e atención naqueles concellos máis pequenos do rural. Deste xeito, as familias que residen neles teñen as mesmas oportunidades que as que viven nunha cidade.

Fabiola García concretou que o Goberno galego axuda no equipamento e no mantemento anual destas instalacións. Destina 15.000 euros para a adecuación de cada centro e outros 25.000 euros anuais para o seu funcionamento diario. Así, no Concello de San Amaro a Xunta investiu 45.000 euros para a adecuación da casa niño e as dúas casas do maior e 75.000 euros ao ano para o desenvolvemento de actividades nestes tres centros.