O Teatro Principal acolleu a estrea do dumental do Camiño Xacobeo Miñoto Ribeiro, un proxecto apoiado pola Asociación Camiño Miñoto Ribeiro e a Deputación de Ourense.

O vicepresidente segundo da Deputación, César Fernández, interviu nun acto no que estiveron presentes, entre outros, o subdelegado do Goberno en Ourense, Emilio González Afonso; o delegado territorial da Xunta, Gabriel Alén e alcaldes dos municipios polos que percorre este Camiños, mentres que no caso do concello do Carballiño a institucion estivo representada polo concelleiro de turismo Manolo Dacal.

O documental é un percorrido polos 265 kilómetros de maxia separan e unen as cidades históricas de Bracara Augusta-Braga e Santiago de Compostela, e que dentro do noso ámbito atravesa diversos concellos das comarcas do Ribeiro e O Carballiño.

A iniciativa conta coa colaboración económica da pizzería carballiñesa "Cacho Pizza" que celebra o 30 aniversario e cubre unha gran parte dos gastos de organización desta xornada musical e solidaria que terá lugar no Carballiño o xoves dia 5 de maio próximo.

Tamén colabora co concello do Carballiño a Cruz Vermella, que se encargará do operativo preventivo e de seguridade, asi como de recadar os donativos que queiran aportar as persoas que acheguen ese día ata a Praza da Veracruz, onde instalará o seu escenario móbil a orquestra Panorama, o acceso á praza será gratuíto aínda que pide as persoas que acudan que dean un donativo de 3 euros.

Toda a recadación será canalizada a través da Cruz Vermella e destinaráse tanto ás persoas ucraínas refuxiadas como ás familias carballiñesas que están en situación de emerxencia social, tal como aclarou o presidente do comité provincial desta ONG, Felipe Ferreiro, que acompañou no acto de presentación deste evento a José Manuel Rodríguez, de Cacho Pizza, e os concelleiros Manolo Dacal e Diego Fernández.

O programa abriráse ás 19:30 horas na Praza do Emigrante co Dj. Tibu, A orquestra Panorama ofrecerá dous pases na Praza da Veracruz, en horarios de 21:00 a 22:00 h. o primeiro, e de 00:00 a 02:00 o segundo. Ademáis de 22:00 a 00:00 horas animará as rúas do Carballiño a Charanga Castro Bello, e de 23:15 a 00::00 na Praza da Veracruz fará de teloneiro da Panorama o Dj. Tibu.

Asi o anunciou nunha entrevista nesta emisora de radio a directora do xeriátrico carballiñés, Nuria Iglesias, a apertura dun Centro de Día nas dependencias do Residencia Irmáns Prieto é un dos proxectos prioritarios para levar a cabo ao entender que é unha demanda real "está a opción de ofrecer prazas de centro de dia porque a xente do propio Carballiño trasládanos esa necesidade, persoas que queren durmir na súa casa e que queren comer e pasar o dia con nós", manifestou.

Tamén comentou que este proxecto estivo paralizado pola pandemia e agora "gustaríanos nos próximos meses poñelo en marcha", desta maneira a residencia ofrecerá en breve un novo servizo a O Carballiño e comarca.

Nuria Iglesias fíxose cargo da dirección do centro por encargo da Fundación Irmáns Prieto en agosto de 2020 tras a marcha das "Hermanitas dos Anciáns Desamparados", o que deu lugar a diversos cámbios na xestión en plena pandemia, mesmo motivando algunhos conflictos laborais e dando lugar a un debate social e tamén político no concello do Carballiño entorno á Fundación impulsada polos filántropos carballiñeses, os irmáns Prieto Pereira nas primeiras décadas do século 20.

Na actualidade, a residencia -aínda hoxe chamada popularmente o Asilo do Carballiño- conta con 106 prazas de residentes e "se cumplimos as previsións serán 111 a finais de mes, polo que estariamos xa cubrindo a capacidade total", avanzou a directora, que tamén dixo que a lista de espera é de 30 persoas, e que que o actual cadro de persoal está integrado por 62 persoas "o 90% mulleres".

Pódese escoitar íntegra a entrevista a Nuria Iglesias no audio do programa do dia 20 de abril de 2022, no PODCAST de COPE O Carballiño que encontrarás nesta mesma páxina WEB.

O PSdeG-PSOE de Leiro considera que "a xustiza deulle un portazo na cara ao alcalde do municipio e senador do Partido Popular, Francisco José Fernández Pérez, no seu intento de reprimir” e coartar a liberdade de expresión da veciñanza con falsas enuncias. A sentenza do xulgado de 1ª instancia e instrución nº 1 de Ribadavia vén de decretar o sobresemento libre e o arquivo das dilixencias ao constatar que non existe ningún tipo de delito nas declaracións realizadas por un veciño e militante socialista en redes sociais sobre o alcalde de Leiro", manifestan.

Os socialistas denuncian que o “intento” do rexedor de “amedrentar” á poboación a base de denuncias “carentes de total fundamento” levou unha “sonora labazada” por parte da xustiza, "ao entender que as actuacións practicadas acreditan que os feitos obxectos da causa que iniciou o alcalde de Leiro contra un veciño, non son constitutivos de delito",afirman. O Grupo Municipal Socialista sinala que o rexedor do Partido Popular “debería centrarse máis en escoitar as queixas, reclamacións e denuncias da veciñanza, en lugar de tratar de reprimir a súa liberdade de expresión, con accións impropias da democracia”.

Consideran que "o modus operandi de Fernández Pérez esconde espurios intereses por tratar de silenciar a voz da veciñanza, co obxectivo de que ninguén discuta o desleixo e o abandono que vive o municipio e deste xeito tapar a súa nefasta xestión ao fronte do Concello de Leiro”.

O voceiro do PSdeG-PSOE en Leiro, Manuel Rodríguez Vázquez, congratúlase de que a xustiza “dea a razón a veciñanza nas súas reclamacións e que desestime que hai un delito nas declaracións feitas por un militante socialista e veciño nas redes sociais”. Neste senso, o edil socialista lembra que “a crítica política e da xestión administrativa, non poden integrar nunca un delito, aínda que o xuízo sexa acerbo, apaixonado ou esaxerado, tal e como quedou probado na sentenza xudicial”.

Rodríguez Vázquez tamén afirma que o alcalde do Partido Popular “debería centrarse en traballar por mellorar o municipio, en lugar de estar molestando a xustiza con denuncias sen fundamento algún, que non fan máis que demostrar que o único que busca e tapar as súas vergoñas e que non se fale do seu desleixo cara a veciñanza de Leiro”.

Neste senso, o voceiro do PSdeG-PSOE na localidade subliña que o rexedor “ten o deber de escoitar á veciñanza, en lugar de ignorala, como nos ten acostumados ao longo do seu mandato” e esíxelle a Francisco José Fernández que “deixe de molestar a xustiza con asuntos sen relevancia e asuma a crítica como parte do cargo de alcalde de Leiro, presidente da mancomunidade do Ribeiro e senador”.

Os socialistas aseguran que na sentenza xudicial queda de manifesto nos fundamentos do dereito que “non pode deducirse das actuacións que os feitos denunciados poidan ser constitutivos de delito, polo que non se pode establecer un límite de permisibilidade tan baixo á crítica política e social, que implique non poder realizar manifestacións acerca da opinión que merecen as actuacións levadas a cabo por persoas que ostentan cargos públicos ou electos”.

A sentenza tamén confirma -remarca o PSOE- que Francisco José Fernández, alcalde de Leiro, ostenta un cargo público e as expresións foron vertidas nun grupo de Facebook do partido contrario, polo que se estima que non hai nin calumnias, nin inxurias, xa que non se imputa ningún delito concreto.

Deespóis de tocar fondo no ano 2020, O Carballiño recuperou o mercado inmobiliario en 2021, cun incremento do 25,61% no número de transaccións inmobiliarias en relación ao ano anteriror, alcanzándose a cifra das 103 opereracións de compra-venda de vivendas, das que 88 foron vivendas de segunda man, según os datos que recolle o Ministerio de Transporte, Mobilidade e Axenda Urbana, que se ocupa da vivenda.

Nos demáis concellos, e durante o ano 2021, tamén se aprecia un leve incremento no número de operacións de compra-venda formalizadas, destacando Leiro con 19 vivendas. En Maside e San Cristovo de Cea leváronse a cabo 13 transaccións inmobiliarias, respectivamente en cada un dos concellos.

Despóis, aparece Boborás con 10 transaccións inmobiliarias realizadas, Punxín con 9, tamén foron 9 as operacións de compra-venda de vivenda no concello do Irixo, 6 en Avión, 5 en San Amaro, 4 en Beariz e completa a relación o concello de Piñor, onde tan so se formalizaron dúas transaccións durante o ano 2021.

Son numerosos os vehiculos que apareceron esta pasada fin de semana con diversos desperfectos intencionados, fundamentalmente coas rodas pinchadas, asi o manifestaron en COPE O Carballiño varios dos propietarios afectados por estes actos vandálicos, todos eles na contorna da rúa Alberto Vilanova

Os feitos rexistráronse no garaxe do edificio dunha comunidade, onde practicamente non se salvou ningún vehículo, asi como tamén foron varios os vehiculos danados que estaban estacionados na vía pública, Tamén se contabilizaron roubos en algún dos automóbiles e outros desperfectos nunha moto, nesta mesma zona.

Algúns dos veciños afectados confirmaron a esta emisora de radio que xa presentaron, e outros van facélo nas próximas horas, denuncias ante a Garda Civil.

A xunta de goberno da Deputación acordou na súa reunión deste lúns 18 de abril conceder unha subvención de 61.000 euros para o concello de Beariz para contribuir ás obras de reforma no centro de saúde desta localidade.

Tamén dentro deste mesmo capítulo en materia de cooperación cos concellos, a entidade provincial aprobou unha achega económica por importe de 48.000 euros para o concello de Avión, neste caso para financiar a reparación do firme do vial que comunica as localidades de Espiñeiro e Vilariño.

Finalmente, tamén nesta xunta de goberno telemática presidida por Manuel Baltar, a Deputación acordou unha subvención de 18.000 euros a favor do concello de Punxín, como aportación ao servizo de arquitectura municipal deste concello.

"Os socialitas alegrámonos de que as nosas reivindicacións foran atendidas pola Consellería de Sanidade, xa que no seu dia tanto os compañeir@s no Parlamento Galego Marina Ortega e Julio Torrado, asi como tamén o noso portavoz municipal Manuel Rodríguez, puxeron en coñecemento das autoridades sanitarias a problemática do centro de saúde de Leiro, que debido as restricións pola pandemia, os doentes tiñan que agardar en numerosas ocasións fora das instalacións ata ser atendidas", relatan nun comunicado dende o PSOE de Leiro.

Explican que foron moitos os usuarios que pediron aos socialistas que trasladasen esta problemática ao Sergas "unha solución para protexerse do frio, da choiva e na época estival das altas temperaturas" polo que se demandaba unha actuación para acondicionar o espazo para a espera externa", unha demanda que agora asume a Consellería de Sanidade, congratúlanse os socialistas.

O conselleiro de Sanidade, Julio García Comesaña, e o alcalde de Leiro, Francisco José Fernández Pérez, veñen de asinar un convenio no que se establecen as bases para o financiamento de varias melloras no centro de saúde da localidade, entre as que destaca un sistema de climatización. No acto estiveron acompañados polo delegado Territorial da Xunta en Ourense, Gabriel Alén.

Este acordo tramitouse tomando como base unha memoria arquitectónica achegada polo alcalde de Leiro o pasado novembro despois de manter unha reunión co conselleiro na que lle garantiu o apoio para abordar esta reforma.

Segundo a dita memoria, as obras a executar terán un importe total de 38.562 euros, correspondendo a meirande parte á instalación dun sistema de climatización do centro, con grandes problemas de calor no verán. A instalación desde sistema, con dúas unidades exteriores e oito interiores, requirirá a desmontaxe ou demolición de varios falsos teitos e a súa posterior reposición.

Por outra banda, a obras de reforma incluirán tamén outras dúas actuacións: un pintado interior completo das estancias do centro e a instalación dunha marquesiña metálica acristalada na porta de acceso ao edificio, para protexer da choiva aos pacientes que desembarquen dun vehículo privado ou dunha ambulancia na entrada do centro.

O conselleiro de Sanidade agradeceu a boa disposición do alcalde para poder asinar este convenio, con tempo suficiente para que se poida licitar a obra e executarse en prazo. Deste modo, o persoal e os pacientes do centro de saúde de Leiro contarán cun centro de saúde mellor e máis confortable.