Un grupo de mozos e mozas do Carballño son os promotores desta iniciativa que vive este sábado dia 21 de decembro a súa terceira edición, a Panamá-Venezuela que foi bautizada co nome dos dous bares do Carballiño nos que se inicia e remata a ruta.

Arrancará ás 9 da mañá no Bar Panamá, con sorpresa da organización para os máis madrugadores, e rematará chegada a noite no Bar Venezuela. No camiño, outros 23 locais da hostalaría carballiñesa serán visitados polos participantes, con xantar incluido por 15 euros no Pendello.

Non faltará a animación musical, que estara a cargo de Perrito Piloto, Os 3 Galeguiños e a mítica charanga do Doctor Anchoa.

No PODCAST de COPE O Carballño podes escoitar a Elisa, Carlos, Raúl e Pablo Marino, falándonos do Panamá-Venezuela.

Unanimidade no Parlamento de Galicia, cunha ausencia e polo tanto 74 votos a favor da proposición non de lei presentada polo grupo do Partido Popular e defendida polo deputado carballiñés Argimiro Marnotes e para "instar á Xunta á que esixa do Goberno do Estado a execución de accións inmediatas de mellora da N-541 para reducir a alta sinistralidade desta via, adaptando a mesma ás necesidades do tráfico, asi como dos habitantes dos núcleos de poboación polos que decorre".

O acordo unánime do Parlamento de Galicia, que contou ademáis do PP, o apoio dos grupos parlamentarios do BNG e PSdeG e o único deputado de Democracia Orensana, tamén recolle a petición de que se realice un estudio de viablidade que contemple a construción dunha autovia ou vía de alta capacidade entre O Carballiño e Pontevedra.

O Parlamento Galego apoiou asi as reivindicacións do Pacto de Pedre, que integran os concellos de Punxín, Maside, O Carballiño, Boborás, O Irixo, Beariz, Cerdedo-Cotobade e Pontevedra, e que tamén conta co apoio das Deputacións de Ourense e Pontevedra.

Escoita aquí a intervención de Argimiro Marnotes:

Dous productores de mel do concello de Boborás consiguen o recoñecemento entre os mellores meles de Galicia, no certamen anual das catas dos queixos e meles de Galicia, correspondente a este ano 2024 no que andamos, que ven de outorgar a Consellería do Medio Rural da Xunta de Galicia.

Ademáis de recoñecer os productos das diferentes Denominacións de Orixe Protexida e Indicacións Xeográfica Protexida, este ano introducíuse unha nova categoria, a que acolle a aquelas marcas adheridas ao selo de Artesanía Alimentaria.

Na cata de meles presentáronse 65 mostras, e e novo, entre os mellores meles de Galicia volve estar "Doce Bágoa " a marca de Terras de Boborás, de Johnny Trigás e ubicada en Cameixa, que desta vez consigue o "Ouro", no apartado de Artesanía Alimentaria de Galicia.

Ademáis, tamén conseguíu a "Prata" da Asociación Galega de Apicultura o productor de Feás, Franscisco Janeiro Labandeira, premiando neste caso o seu mel de castiñeiro.

As traballadoras de Gesmedical Dis, a empresa que xestiona tanto o Servizo de Axuda no Fogar do concello do Carballiño como a Residencia de Maiores Dependentes do Cornuval volveron manifestarse para protestar polo retraso no pago dos seus salarios.

No caso do SAF do Carballiño as traballadoras cobraron a nómina do pasado mes de novembro, pero aínda están a espera de que se lle ingrese a paga extra que debian ter recibido o pasado dia 15 deste mes de decembro. A concentración tivo lugar diante a casa do concello do Carballiño de 14:30 a 15:00 horas.

Despois, e tamén durante media hora, a concentración estivo a cargo das traballadoras da Residencia do Cornuval, ás portas do centro residencial, portando pancartas nas que podía lerse "Non máis retraso no pago dos salarios" e ""Traballo digno e atención decente".

O 2024 foi un ano importante no proxecto de Aspadisi, despóis da apertura da súa residencia, na actualidade son xa 17 as persoas residentes, e coa previsión de que sexan 24 en pouco tempo, unha vez que se amplie o convenio coa Consellería de Política Social, para novas prazas concertadas.

Ademáis, para 2025 Aspadisi agarda avanzar noutro proxecto importante, como é a construcción dun novo módulo para persoas con discapacidade dependentes.

Escoita aquí a entrevista ao portavoz de ASPADISI, Manuel Amil:

A revista internacional National Geographic vén de dedicar o seu calendario 2025 de Historia a distintas paisaxes, edificios e elementos patrimoniais da provincia de Ourense que revelan a maxestuosidade e beleza e tamén o pasado desta provincia. Turismo de Galicia colabora nesta publicación dentro da súa liña de actuación de difusión e promoción poñendo en valor todos aqueles atractivos propios e tamén na súa estratexia de internacionalización do destino.

O calendario que se está a distribuír co número de decembro desta prestixiosa publicación e que leva por título ‘Ourense. Patrimonio, Arte e Paisaxe’ inclúe na súa portada unha fotografía do claustro do Mosteiro de Santo Estevo de Ribas de Sil.

A continuación, ilustra cada un dos meses cunha fotografía principal e outra de menor tamaño de edificios, paisaxes, tradicións e elementos artísticos. Así o mes de xaneiro inclúe unha instantánea do Pórtico do Paraíso da Catedral de Ourense, atribuído a un dos discípulos de Mestre Mateo. O mes de febreiro queda ilustrado cunha imaxe da Ribeira Sacra que se complementa con outra fotografía, neste caso, sobre a celebración do Entroido, festa moi arraigada nesta provincia e que ten lugar neste mes.

Marzo ten unha fotografía do Castro de San Cibrán de Lás en San Amaro-Punxín que se complementa con outras dun fragmento de cerámica atopada nestes emprazamentos castrexos. Os meses de abril e maio son ilustrados con fotografías da Ponte e igrexa de Allariz e da xudería de Ribadavia, mentres que xuño o fai cunha instantánea do Cañón do Río Mao e tamén do conxunto de hórreos A Feira, na Merca.

O Mosteiro de Oseira, no concello de San Cristovo de Cea, protagoniza o mes de xullo mentres que o de agosto se rende ante a paisaxe do embalse do Lindoso. A igrexa de Santa María Madre en Ourense xunto coa fachada do Concello desta cidade son as imaxes de setembro mentres que outubro aborda cultura vitivinícola da zona cunha fotografía do contorno dos ríos Cabe, Miño e Sil.

O mes de novembro está ilustrado por unha instantánea de Santa Cristina de ribas de Sil, un mosteiro benedictino, e tamén pola fachada da Nosa Señora das Ermidas, no Concello de O Bolo. Pecha este calendario no mes de decembro a nave principal da Catedral de San Martín de Ourense.

A Deputación de Ourense consolida a súa aposta polo termalismo cos avances nunha actuación estratéxica na área termal de O Bañiño, en Punxín. A institución provincial, a través do Plan de Sustentabilidade Ourense Termal, cofinanciado coa Axencia de Turismo de Galicia e a Secretaría de Estado de Turismo, promove unha obra que permitirá realizar unha piscina adaptada e accesible a persoas con mobilidade reducida.

O proxecto xa conta coa autorización da Confederación Hidrográfica Miño-Sil e complementará outras actuacións de mellora que se levan a cabo nesta área termal, financiadas pola Deputación.

A actuación para crear a primeira terma ao aire libre totalmente accesible de España conta cun orzamento de 36.705,59 euros e permitirá mellorar a oferta de O Bañiño. O principal obxectivo desta actuación é crear unha terma totalmente accesible para persoas con mobilidade reducida, pero tamén mellorar a percepción do destino como un destino para todo tipo de usuarios.

Actualmente, O Bañiño dispón de dúas pozas, ás que se accede a través de unhas pequenas escaleiras de pedra. Se ben dispoñen de barandas a ambos lados para facilitar a accesibilidade, non son axeitadas para o baño de persoas en cadeira de rodas ou con problemas de mobilidade.

Unha cadeira de rodas para baño

Nesta liña, para a construción da piscina especialmente accesible a persoas en cadeira de rodas, aproveitarase a disposición das pozas actuais e a pendente do terreo, construíndo un acceso en rampla.

Ademais, para entrar, disporase dunha cadeira acuática especial para o uso en piscinas. As cadeiras convencionais están fabricadas con metais que se estragan co cloro das piscinas, a auga salgada ou, como é neste caso, polos elementos disolvidos na auga como o xofre. Porén, a cadeira de rodas acuática está fabricada en materiais plásticos na súa totalidade, sen de ningunha peza metálica que poida ser susceptible de oxidación ou degradación.

Unha área con continuas melloras

Esta área termal, de titularidade municipal, sitúase ao aire libre e conta con autorización de uso lúdico por parte da Xunta de Galicia. Durante o ano 2022 realizáronse obras de acondicionamento, dotando á área termal de servizos e instalacións necesarios para a súa posta en marcha. Nestas obras, incidiuse, na medida do posible, na adaptación das instalacións para que foran accesibles a persoas con mobilidade reducida.

Ademais de construír unha terma totalmente accesible, as actuacións comprenderán tamén a instalación dun sistema de tratamento das augas residuais xeradas durante a limpeza das piscinas, mellorando así o respecto polo medio ambiente, xa que se evitarán os vertidos ao río.

Sebastián Lamazares, Fátima Gómez, José Ántonio Barge e Manuel Nogueira, acompañan a Xan Pinal nesta tertulia do venres 13 de decembro de 2024, emitida en directo desde os estudios de COPE O Carballño, e que podes escoitar no PODCATS adxunto: