A  Asamblea Comarcal da Cruz Vermella no Carballiño retoma as súas actividades prepandemia e, ademáis, organiza un curso de primeiros auxilios, asi o anunciou no trascurso dunha entrevista en COPE O Carballiño a coordenadora local desta ONG, Viki Rodríguez.

Este novo curso de primeiros auxilios comezará este próximo sábado dia 23 de Outubro, e desenvolveráse nos sábados sucesivos ata o dia 20 de Novembro, cun total de 40 horas lectivas, e será baremable para o Sergas. As persoas interesadas poden demandar unha información máis detallada no teléfono 988 273 042, ou persoalmente na Asemblea da Cruz Vermella no Carballiño, na rúa Rosalía de Castro-soportais da Praza Maior.

Ademáis, a Cruz Vermella ofrece outras actividades, entre as que están a xinmasia de mantemento, pilates, informática ou clases de reforzo escolar.

Para escoitar a entrevista íntegra á coordenadora carballiñesa da Cruz Vermella podes facélo no arquivo de audio que encontrarás en "Programas", no arquivo correspondente a este lúns dia 18 de Outubro. 

Unha charla informativa e interactiva, e actividades que promoven o movemento físico, son as propostas que fai o concello de Piñor para a súa veciñanza durante as próximas semanas.

O Día Mundial da Alimentación, celebrábase este ano 2021 baixo o lema“alimentos seguros agora para un futuro saudable”, unha frase que expresa con claridade o necesario que é que cambiemos a nosa forma de producir e consumir e comecemos a facelo dunha forma sostible e responsable, se queremos que haxa un futuro para as novas xeracións. Os países que forman a Organización das Nacións Unidas para a Agricultura e a Alimentación (FAO) asumiron varios compromisos bastante ambiciosos coa finalidade de transformar a maneira na que se consumen os alimentos, facendo que os máis saudables resulten asequibles, informando claramente das desventaxas da comida “basura”, os azúcares, etc.

O día mundial da alimentación pretende ser un recordatorio do importante que é alimentarnos de forma correcta, mediante a inxesta dunha dieta sa e equilibrada. Como unha nutrición saudable é de suma importancia para a saúde, por este motivo, dende o Concello de Piñor organiza varias actividades durante as próximas semanas.

"Alimentación, movemento e saúde nas persoas de idade" ésta charla terá lugar o luns 18 de outubro ás 19:30 horas no Centro social (Albarona) e na que se destacará a importancia da nutrición e necesidades enerxéticas, cales son as características fundamentais dunha dieta saudable nas persoas de idade e a importancia do movemento para unha vida saudable.

Ademais, como o movemento é importante para unha vida saudable, tamén se vai iniciar Actividade física para maiores, que terá lugar un día á semana ó longo do mes de outubro e novembro en dous grupos; tódolos mércores de 19-20 h no Centro social da Albarona e de 20-21 h na antiga escola de Cotelas. Dende o Concello de Piñor informase ás persoas interesadas en participar de que deben inscribirse nos Servizos sociais do Concello de Piñor.

O director xeral de Emerxencias e Interior, Santiago Villanueva, visitou a Agrupación de Voluntarios de Protección Civil de San Cristovo de Cea, na que a Xunta investiu máis de 12.000 euros nos últimos anos, unhas inversións que se encadran no obxectivo do Goberno galego de reforzar as agrupacións de voluntarios para dotar aos concellos duns servizos de emerxencias acordes coas necesidades da súa poboación.

Santiago Villanueva subliñou que a agrupación local beneficiouse, nos últimos catro anos, de axudas por importe de máis de 5.000 euros, procedentes das partidas destinadas ao funcionamento das AVPC galegas, ás que se destinou 4 millóns de euros nos últimos anos. Ademais, San Cristovo de Cea recibiu o ano pasado 7.500 euros da orde de axudas para equipamento, coa finalidade de dotar á agrupación dunha coitela quitaneves, necesaria para axudar á poboación en condicións meteorolóxicas extremas. Na dotación de equipamento aos servizos de emerxencias das entidades locais, o Goberno galego leva investidos case 20 millóns de euros.

A Agrupación de Voluntarios de Protección Civil de San Cristovo de Cea, ademais, forma parte das entidades que se benefician do Plan de atención ao peregrino posto en marcha este ano pola Xunta por mor do Xacobeo. A raíz dun convenio de colaboración para o auxilio dos peregrinos da Vía da Prata, a agrupación recibiu máis de 3.000 euros. O plan ten como principal obxectivo proporcionar aos peregrinos que se acheguen a Galicia unha atención presencial en caso de sufrir situacións de emerxencia polas que precisan axuda. Un dos puntos fundamentais deste plan é a posta en marcha de patrullas de protección civil nos camiños para garantir a atención aos peregrinos.

A Agrupación de Voluntarios de Protección Civil de San Cristovo de Cea conta con 20 voluntarios aos que Santiago Villanueva agradeceu o seu labor altruísta e desinteresado para velar cada día pola seguridade dos seus veciños, como levan demostrado nos últimos anos, especialmente nos meses da pandemia nos que a entidade afanouse na axuda dos colectivos máis sensibles.

A Xunta licitou por máis de 166.000 euros as obras de mellora do saneamento nos núcleos do Sifón e San Vicenzo, no concello de Avión. A plataforma Contratos Públicos de Galicia publica hoxe a licitación deste contrato, ao que as empresas interesadas poderán presentar as súas ofertas ata o vindeiro 15 de novembro.

Esta intervención enmárcase no convenio de colaboración asinado en abril entre a Consellería de infraestruturas e Mobilidade e o Concello de Avión, por importe de 185.000 euros, para conectar as redes de saneamento destes dous núcleos co colector xeral de Avión, xa que na actualidade contan con redes de saneamento que conflúen en fosas sépticas cuxo funcionamento é deficiente. Segundo o convenio asinado, a Xunta, a través de Augas de Galicia, asume o 80% do investimento. Tamén levará a cabo a contratación da execución, dirección e xestión das obras, que contan cun prazo de execución de 4 meses. Pola súa banda, o Concello de Avión contribuirá ao financiamento do 20% restante, ao tempo que asume a realización das xestións pertinentes para posibilitar a execución das obras, así como a recepción, mantemento e conservación das actuacións que se leven a cabo.

A actuación será financiada pola Unión Europea, no marco do Programa Operativo FEDER Galicia 2014-2020, como parte da resposta de la Unión á pandemia da covid-19. Esta actuación dá continuidade ás obras realizadas no ano 2013 pola Xunta, coa execución de dous colectores xerais nos núcleos de Avión, Cendóns e Beresmo e dunha nova depuradora para 1.250 habitantes equivalentes, que supuxo un investimento de preto de 830.000 euros. As obras recollidas no contrato licitado hoxe inclúen a execución dunha rede de conexión ata a citada depuradora de Avión, xa deseñada no seu día para atender tamén á poboación deste dous núcleos do municipio. A intervención consiste na construción de dous tramos de colectores de PVC cun diámetro de 315 mm e unha lonxitude total de algo máis dun quilómetro. 

A Xunta licita a concesión dunha área de servizo na autovía AG-53, no tramo entre o Alto de Santo Domingo e a Autovía das Rías Baixas (A-52), cuxas obras suporán un investimento de máis de 3 millóns de euros.A nova área de servizo localízase á altura do concello de Maside, dentro da parroquia de San Miguel de Armeses, no límite co concello de Punxín.

O contrato licitado hoxe inclúe a execución das obras da citada área de servizo, que contan cun prazo de 12 meses, así como a xestión das instalacións durante un período de 35 anos. As empresas interesadas neste contrato contan ata o día 22 de febreiro para presentar as súas ofertas. Segundo a intervención deseñada pola Xunta, trátase da creación dunha zona destinada á área de servizo, que se situará na marxe esquerda da autovía Dozón-Ourense, entre os puntos quilométricos 80+250 e 80+750. A dita área contará con acceso desde ambas as dúas marxes, para prestar servizo a ambos os dous sentidos de circulación.

Na actualidade están executados os carrís de aceleración e desaceleración da autoestrada, parte dos accesos, así como unha glorieta na marxe dereita e o paso superior que permite conectar a área coa marxe dereita. Ademais, a superficie destinada á área de servizo encóntrase sen arboredo nin vexetación na súa maior parte e conta con zonas nas que xa se levou a cabo certo grao de explanación. Características da área de servizo A futura área de servizo, que prevé a creación de 7 postos de traballos (4 a tempo completo e outros 3 con dedicacións parciais), estará constituída por unha edificación que contará no exterior con tres dispensadores de combustible, tres puntos de recarga de vehículos eléctricos de tipo carga rápida e un equipo de subministración de auga e aire para vehículos.

O edificio atenderá os servizos de abastecemento de combustible, restauración e tenda, incluíndo aseos, vestiarios para o persoal, almacén e oficina. Prevese a dotación de 30 prazas de aparcadoiro: 15 para vehículos lixeiros, 3 para o aparcadoiro e repostaxe de vehículos eléctricos, 1 praza reservada para as persoas con mobilidade reducida e 11 para camións e autobuses. Tamén se disporá unha zona de xogo e esparexemento, cun parque infantil, anexa ao edificio. As actuacións completaranse co alumeado de vías, zonas de tráfico e áreas de estacionamento da área de servizo.