O concello do Carballiño pon en marcha un novo proxecto, financiado polo "Plan de Sustentabilidade Turística en Destino", que está financiado con fondos europeos NextGeneration-

Trátase dun proxecto arredor do pulpo, o viño do Ribeiro e o Pan de Cea e para o que será preciso a colaboración de todos os sectores relacioanados co turismo.

Escoita aquí a Entrevista a Martín Outomuro, que explica as claves do "Club de Producto Enogastronómico".

A conselleira de Medio Ambiente e Cambio Climático, Ángeles Vázquez, e o alcalde de San Cristovo de Cea, José Luis Valladares, avaliaron nunha reunión novas vías de colaboración para mellorar o servizo de saneamento no municipio.

Máis polo miúdo, analizaron o proxecto municipal para construír unha nova estación depuradora de augas residuais (EDAR). Nesa liña, o rexedor informou á conselleira de que a previsión municipal é poder remitir a Augas de Galicia o proxecto desta actuación antes de fin de ano para que poida ser avaliada polo persoal técnico da entidade autonómica e establecer fórmulas de cooperación.

Pola súa banda, Ángeles Vázquez reiterou que a Xunta continuará prestando o seu apoio técnico e económico aos concellos para que poidan exercer as súas competencias de saneamento e abastecemento de xeito máis eficiente e prestar servizos de calidade á súa veciñanza.

De feito, o orzamento de Augas de Galicia sobe o vindeiro ano 2025 preto dun 5%, ata os 144 M€, para seguir optimizando o saneamento e o abastecemento coa mellora de infraestruturas, a formación e divulgación e a execución de políticas activas de resposta ao cambio climático.

O obxectivo principal será facer un uso eficiente da auga e reducir a pegada hídrica na comunidade mediante investimentos nas redes de saneamento, depuración e abastecemento así como no apoio aos concellos, o deseño de mapas de riscos climáticos ou a creación de corredores verdes para reducir os asolagamentos.

A Banda de Gaitas e Danzas O Irixo estivo presente no acto celebrado en Ribadavia para presentar o proxecto de declaración do baile e música tradicionais como Ben de Interese Cultural

Nun encontro celebrado no Museo Etnolóxico de Ribadavia, o conselleiro de Cultura, Lingua e Xuventude, José López Campos, anunciou o inicio dos trámites coa publicación no Diario Oficial de Galicia deste luns 25 de novembro, da declaración do noso patrimonio inmaterial como BIC.

A agrupación xestionada pola Asociación de Gaiteiros do Irixo, cunha pequena representación de once integrantes, presentou unha mostra da súa música e bailes tradicionais como colofón do evento. Nun formato de cuarteto tradicional e tres parellas de baile, membros desta escola puxeron en valor o gran traballo de formación que se leva na Banda de Gaitas e Danzas O Irixo, que con máis de 50 alumnos segue apostando pola formación de xeracións futuras, contribuíndo así á divulgación e defensa da nosa cultura e manifestacións artísticas propias.

Os verdes mereceron máis que un punto e ao final, e menos mal, tiveron que conformarse co empate ante o equipo navarro que sen facer apenas merecementos lograron adiantarse no minuto 84 de partido, catro minutos despóis Martin Solar lograba o 1-1 definitivo.

O Arenteiro, que con este empate acumula 12 xornadas cunha única derrota, pudo e debeu gañar este partido, pero no fútbol non sempre gaña sempre o que máis o merece, e o partido de hoxe foi un bo exemplo.

Tanto na primeira como, sobre todo na segunda parte, o Arenteiro foi claro dominador do encontro ante un Osasuna que achicaba como podia, a veces con bastante fortuna, as acometidas do Arenteiro sobre a portería navarra. Pero non era a tarde e non pudo ser.

Agora, toca xa pensar na próxima xornada na que o Arenteiro volve xogar en Espiñedo, recibindo desde as 17:30 h. do domingo 1 de decembro ao filial do FC Barcelona, o Barsa Atlectic.

Video resumen do partido:

https://www.youtube.com/watch?v=c4pEjnobyjE

Cronica do partido:

https://www.lavozdegalicia.es/noticia/ourense/2024/11/24/arenteiro-rebel...

O concello do Carballiño executou o proxecto de reforzo da iluminación do Estadio de Fútbol Municipal de Espiñedo, a través dunha achega económica de 60.000 euros da Consellería da Presidencia, Xustiza e Deportes.

A nova iluminación xa luciu no partido do campionato de liga da Primeira Federación que xogaron na tarde-noite deste sábado Arenteiro e Osasuna Promesas, desde as 19:30 horas, con luz artificial.

A iluminación instalada con tecnoloxía LED, permite tanto a mellora lumínica que poideron comprobar a afección que seguíu o partido no propio estadio, como os que o fixeron a través da G2 ou FEF TV, que retransmitiron en directo o partido. Ademáis, tamén obtén agora unha maior eficiencia e aforro enerxético.

O Club Deportivo Arenteiro cumpre asi as esixencias federativas, que viñan advertindo da deficiente iluminación, non apta para a actúal categoria na que está a competir por segundo ano consecutivo, a categoria de bronce do fútbol español  e antesá da Liga de Fútbol Profesional.

Na tertulia deste venres 22 de novembro acompañan a Xan Pinal nos estudios de COPE O Carballiño, María Luisa Rodríguez, Manuel Nogueira, Fátima Gómez e José Antonio Barge.

Entre os asuntos tratados está o interés do alcalde de Ourense, Gonzálo Jácome, por emitir a súa televisión Auria no Carballiño, tras o cese nas súas emisións de Badal Novas fai unhos meses atrás.

Escóitaa aquí.

O persoal da residencia pública de mairoes do Carballiño, que xestiona a empresa GESMEDICAL DIS SL, concentrouse este xoves ás portas do centro convocado polo Comité de Empresa, para demandar melloras tanto nas condicións de traballo como na atención asistencial.

O Comité de Empresa valora moi positivamente o apoio a esta primeira protesta, asegurando que "tivo o apoio de preto do 100% dos traballadores e traballadoras" desta residencia pública, que ten unha capacidade asistencial de 80 prazas, a maioría de persoas dependentes.