A Consellería de Medio Ambiente, Territorio e Vivenda prevé contratar antes de final de ano a redacción do futuro Plan Básico Municipal (PBM) do Concello de Beariz. Así llo trasladou esta tarde a conselleira Ángeles Vázquez ao alcalde deste municipio ourensán, Manuel Prado, no transcurso dunha xuntanza por videoconferencia na que abordaron varios asuntos de interese local.

O instrumento urbanístico vixente en Beariz é unha Delimitación de Solo Urbano (DSU) do ano 1994 polo que se trata dun dos 37 concellos galegos para os que foi concibida a figura do Plan Básico Municipal, unha ferramenta impulsada pola Xunta precisamente co fin de que municipios de menos de 5.000 habitantes e que non contan con planeamento xeral poidan dotarse dunha ordenación básica que lles permita desenvolver certa actividade urbanística, pero sen establecer criterios de crecemento urbano.

A Xunta asumiu directamente a redacción do primeiro PBM de Galicia, o do Concello do Páramo, que precisamente esta semana acaba de iniciar o seu período de información pública, como paso previo á súa aprobación definitiva.

Este documento, tal e como lle explicou a conselleira ao alcalde, servirá de guía na elaboración dos futuros plans básicos municipais. Así, lembrou que actualmente hai oito concellos que se atopan na recta final da tramitación deste instrumento –estimada nuns 18 meses- e que nun segundo grupo de municipios, entre os que se atopa Beariz, xa se dispón das imaxes aéreas necesarias para poder realizar a cartografía que servirá de base na elaboración dos seus respectivos PBM.

Neste sentido, Ángeles Vázquez trasladoulle que o seu departamento pretende darlle un pulo importante este ano aos Plans Básicos Municipais, polo que nos orzamentos se reserva unha partida de 842.000 euros para sufragar os custos dos traballos de cartografado e redacción destes documentos.

Noutra orde de asuntos, a Consellería tamén estudará a posibilidade de colaborar economicamente nun proxecto municipal de humanización no núcleo de Doade a través dalgunha das liñas de axudas que pon a disposición dos concellos. Neste sentido, cómpre lembrar que a Xunta leva 10 anos colaborando coas entidades locais a través do chamado Plan Hurbe na execución de diferentes tipos de intervencións e proxectos urbanísticos que contribúan a crear, mellorar ou humanizar equipamentos de uso común e colectivo.

De feito, desde o ano 2009 o Concello de Beariz asinou varios convenios de colaboración coa Xunta ao abeiro deste programa que permitiron levar a cabo actuacións de acondicionamento e mellora en diferentes prazas e rúas do termo municipal, así como intervir sobre a contorna da Casa consistorial.

Neste sentido, Ángeles Vázquez animou ao alcalde a presentar este novo proxecto urbanístico en Doade, lembrando que nos orzamentos de 2021 o seu departamento dispón de case 7,5 millóns de euros para cofinanciar actuacións municipais destinadas tanto á mellora de equipamentos públicos como á humanización das contornas urbanas.

Leiro é coñecido polas súas altas temperaturas, sobre todo na época de verán, pero estes dias veu rexistrando mínimas de ata 6 graos baixo cero, provocando as consabidas pracas de xeo que se convirten nun problema nalgunhos camiños da rede viaria municipal, e tanto para a circulación de vehículos como para peóns.

A Agrupación Socialista de Leiro ven de denunciar públicamente "a desidia do goberno municipal", e como exemplo da situación de perigo consecuencia das xeadas destes dias pon o lugar de Cubilledo, na parroquia de Gomariz, cunha imponente praca de xeo como pode apreciarse na fotografía, asegurando que "na noie deste mércores un vehículo quedou atascado e tivemos que chamar ao 112 para que viñenan a socorrelo, dada a deixadez de funcións dos gobernantes de Leiro, que andan a outras cousas menos o que teñen que andar", remarcan.

Os socialistas piden "medidas urxentes" e recordan que o portavoz municipal Manuel Rodríguez xa advertíu reiteradamente ao alcalde de Leiro de que "se non se tomaban medidas logo chegarían as consecuencias, como agora se confirma, subliñan.

Según os datos que recolle este mércores dia 13 de Xaneiro  coronavirus.sergas.gal   e que están actualizados ás 18:00 horas de onte martes, cando o comité clínico da Xunta incluíu a O Carballliño entre os grupos de concellos con máximo nivel de restriccións, O Carballliño manténse en canto a incidencia acumulada de novos contaxios nos últimos 14 dias no parámetro entre 150-250 por cada cen mil habitantes.

Son 32 novos contaxios nos últimos 14 dias no Carballiño (37 casos activos na actualización de Sanidade de hoxe). Chama a atención este dato se o comparamos co resto dos concellos de idéntica poboación aos que a Xunta encadrou no nivel máximo de restriccións, xa que todos eles teñen unha incidencia de coronavirus moi superior, e ata catro veces máis novos contaxios nos últimos 14 dias dos que ten O Carballliño, según os datos oficiais.

A explicación para incluir a O Carballlño no nivel máximo de restriccións, según as explicacións do alcalde Francisco Fumega a COPE O Carballiño é "porque aínda que teñamos moitos menos casos, parece que están diseminados, apenas teñen relación entre si, o que fai moito máis dificil o seu control, e por eso son estas medidas tan duras, para que non pasar polo que xa pasamos en Outubro, esto é o que me trasladan dende o Sergas", manifestou o rexedor municipal, que mostrou o seu apoio a estas novas medidas restrictivas que contemplan o peche perimetral do municipio e a prohibición de atender no interior dos locais de hostelería.

As novas medidas acordadas pola Xunta para conter a progagación do coronaviurus incluiron a O Carballliño no grupo de municipios que pasan a ter as restriccións de máximo nivel, o que implica mobilidade restrinxida co peche perimetral do municipio carballiñés, no que non se pode entrar nin sair, agás para casos xustificados por motivos laborais, educativos ou sanitarios.

A outra medida con máis repercusión é a que afecta á hostelería, tan so poderá atender en terraza cun aforo máximo do 50% e con peche ás seis da tarde. As medidas entran en vigor ás 00:00 horas deste venres 15 de Xaneiro.

Todos os demáís concellos das comarcas do Ribeiro e O Carballliño figuran no segundo nivel de restriccións, polo que non terán mobilidade restrinxida, pódese entrar ou sair do municipio, e no caso da hostelería poderá atender tamén no interior dos locais, cunha ocupación do 30%, aínda que tamén deberá pechar ás seis da tarde.

O Toque de queda en toda Galicia adiántase ás 22 horas.

Empápate da mellor fotografía de Javier Tenente. Galicia, Senegal, Andalucía, Nicaragua, A India, Sri Lanka, Brasil, Panamá, Madagascar, Vietnam, Noruega, Indonesia... as comunidades de pescadores artesanais de todo o mundo son as protagonistas desta mostra que reúne imaxes únicas. « Fillos do océano» é unha homenaxe a todos eses pescadores artesanais que viven do mar e para o mar; ámano e veneran e obteñen del todo o necesario para a súa supervivencia. Tamén é unha chamada de atención e de concienciación social a favor da preservación dos ecosistemas mariños, para que respectemos e preservemos os océanos da destrución que hoxe ameaza este medio tan fráxil e indispensable para a nosa supervivencia. Só así, preservando o medioambiente, conservaranse as culturas ligadas á pesca tradicional e artesanal. Javier Tenente inicia o seu traballo profesional no diarios Faro de Vigo e Atlántico Diario, nos que desenvolve o seu labor como fotógrafo de prensa durante varios anos, ata que considerarse preparado para emprender o seu percorrido como reporteiro.

Esta nova etapa levarao dun extremo a outro do mundo, cubrindo algúns dos máis importantes acontecementos das últimas décadas. Na actualidade traballa como fotógrafo independente, representado pola axencia Getty Images. As súas fotografías foron publicadas nalgunhas das revistas e xornais máis importantes de España, como O País Semanal, Geo, Interviú, Magazine da Vangarda, O Mundo ou Tempo. Entre os anos 1998 e 2005 colaborou como fotógrafo coa ONG Médicos do Mundo e cubriu conflitos bélicos e desastres naturais en diferentes lugares do mundo, entre os que cabe destacar os traballos realizados en Centroamérica (Furacán Mitch 1998), Kósovo (1999), Timor (1999), Iraq (2003), Haití (2004) ou o tsunami en Banda Aceh, Indonesia (xaneiro de 2005). Gañou en dúas ocasións o prestixioso Premio Internacional Luís Valtueña de Fotografía Humanitaria (2003 e 2005), ademais de recibir o Premio Galicia de Comunicación (2004) e unha mención especial nos Premios Ortega e Gasset de Xornalismo (2006).

CORRENTE CULTURAL é unha aposta de ABANCA e Afundación para difundir cultura por toda Galicia, polos diferentes municipios e contando coa súa colaboración, construíndo unha rede de calidade que leve novas propostas máis aló dos nosos edificios. As iniciativas que conforman este ciclo parten dunha produción de nivel, con interese específico para a comunidade e unha estreita vinculación coas nosas tradicións e historia.

O vicepresidente da Xunta, Alfonso Rueda, acompañado do delegado territorial da Xunta en Ourense, Gabriel Alén, visitou o concello de Leiro para coñecer de primeira man as actuacións levadas a cabo ao abeiro das axudas da Vicepresidencia, que nos últimos anos supuxeron un investimento de máis de 980.000 euros para melloras ambientais e de infraestruturas.

Alfonso Rueda visitou os traballos realizados o ano pasado na Casa do Concello nos que a Xunta colaborou cunha axuda de 34.300 euros da Orde de Infraestruturas de uso público para contar cun mellor illamento térmico e acústico. A Administración autonómica destinou na última convocatoria desta liña de axudas 4 millóns de euros, 1 millón máis que o exercicio anterior, co obxectivo de poñer en marcha novas infraestruturas de servizos básicos municipais ou reformar as xa existentes.

Por outra parte, o Goberno galego financiou con 32.000 euros o acondicionamento a praza Eladio Rodríguez do concello, considerada monumento histórico-artístico, coa renovación do pavimento, os muros de mampostería e o mobiliario deteriorado, así como a substitución das balizas por outras leds. Este apoio materializouse mediante o Fondo de Compensación Ambiental, ao que a Xunta destinou en 2020 un orzamento de 12,5 millóns de euros dirixidos a melloras ambientais nos municipios da comunidade. Ademais, no marco deste fondo investíronse outros 2.000 euros na rehabilitación do valado de peche da área recreativa de Pena Corneira.

O vicepresidente primeiro destacou que este concello é un exemplo a seguir no que se refire á colaboración entre entidades locais para gañar eficiencia e optimizar recursos, xa que pertence á Mancomunidade do Ribeiro, á que a Xunta apoiou en varias ocasións en distintos proxectos como o mantemento dos seus servizos medioambientais como lumes e a recollida de lixo. Tamén pertence á Mancomunidade Turística Terras do Avia, que foi merecedora dos Premios Coopera en varias edicións.

O Carballliño suma hoxe martes dia 12 de Xeneiro un caso máis que onte e alcanza os 33 contaxios activos. Tamén suma un contaxio o concello de San Cristovo de Cea, que rexistra 8.

Non temos variacións nos demáis concellos, cos seguintes casos activos: O Irixo (2) Piñor (1) Punxín (1) Boborás (1) Con cero contaxios continúan resistindo os concellos de Beariz, Maside e San Amaro.

O coronavirus tamén da por rematadas as vacacións de Nadal e coa volta ás aulas a Consellería de Educación notifica 5 casos de Covid-19 en dous centros educativos do Carballliño nos que veñen de activarse o protocolo COVID. 

En concreto, son 3 casos no CPR Vila do Arenteiro e 2 no IES Nº 1 do Carballiño. No último informe, antes das vacacións de nadal, o único centro afectado -con 4 casos- era o IES Chamoso Lamas, que tralo periodo vacacional quedou libre de virus.