A consellería de Educación informa do peche dunha aula por causa do coronavirus no IES Chamoso Lamas do Carballiño, ao rexistrarse un caso positivo dun alumno.

Según o protocolo que se ven aplicando dende o inicio do curso, non é o habitúal, que un único caso de Covid-19 leve á clausura da aula, aínda que neste caso acordouse asi ao tratarse dunha aula con tan so oito alumnos. De feito, é a primeira vez que esto acontece nos centros educativos do Carballliño, a pesar de que chegaron a rexistrar preto de medio cento de contaxios entre o alumnado no que levamos de curso. Precisamente, no propio IES Chamoso Lamas, Sanidade notifica outros dous casos positivos máis, polo que en total son 3 os que rexistra o centro.

Ademáis, na última actualización de datos, tamén figuran un contaxio activo no CPR Sagrado Corazón e CPR Vila do Arenteiro, respectivamente.

Do 24 de Decembro ao 6 de Xaneiro, o concello de San Cristovo de Cea ofrece a toda a veciñanza un moi diverso programa de actividades virtuais, que poderán seguirse a través da páxina web municipal, Facebook, Instagram e Canal de WhatsApp.

No arquivo adxunto, tes todas as  propostas desta programación navideña do concello de San Cristovo de Cea:

Baixo o lema "A MAXIA DO NADAL ESTÁ NO COMERCIO LOCAL" o Centro Comercal Aberto pon en marcha a súa programación navideña, coa colaboracíon do concello do Carballiño e a empresa Destelerías Miño, distribuidora da marca carballiñesa Paniagüa.

A programación ábrese o dia 22 co sorte dunha cesta de nadal  e continúa os dias 23  e 24 con visita de Papá Noel e os seus Elfos, Máquina da Neve, Cabezudos, personaxes do Nadal, música e coche do nadal, o mércores 23 en horario de 16:00 a 18:30 horas e o xoves 24 en horario de 11:00 a 13:00 horas. O dia 4 de xaneiro repetiránse estas actividade de animación navideña, e finalmente o dia 6 de Xaneiro sortearánse 1.500 euros en vales de compra, en combinación co sorte do neno da lotaría nacional.

Tanto o presidente do CCA, Julián Garriga, como a concelleira de promoción económica, Silvia Baranda, incidiron no acto de presentación  desta campaña da finalidalde da mesma, premiar a fidelidade dos clientes co comercio local e dinamizar as rúas do Carballiño con actividades de animación para tódolos públicos, pero sobre todo pensando nestas datas nos máis cativos da casa.

O alcalde de Cea, José Luis Valladares, e Alejandro Rubín en representación da Órden do Camiño de Santiago, presentaron a programación de actividades que desenvolveránse en Cea este próximo sábado 19 de Decembro, dedicada á promoción da Vía da Prata-Camiño Mozárabe, unha iniciativa enmarcada no programa " O Teu Xacobeo" cofinanciado por Turismo de Galicia.

A xornada celebraráse no centro multiusos de San Cristovo de Cea e contará con tres conferencias. A primeira delas estará a cargo de José Luis Rodríguez Cid, que falará da Vía da Prata, a segunda abordará aspéctos medioambientais, que impartirá Bruno del Llano. E o terceiro relatorio será o de Jesús Francisco Ares, que fará un repaso histórico polas etapas e a evolución dos camiños de Santiago como ruta cultural europea.

Para a apertura, ás 11:30 horas actuará o grupo musical "Feitizo de Pau" e ás 13:00 horas, antes dunha degustación de productos locais, actuará a cantante galega Lucía Pérez. Ademáis, haberá visitas a un forno do Pan de Cea e o Mosteiro de Oseira.

A inscripción, gratuíta, faráse enviando un correo electrónico á dirección: secretaria@ordendelcaminodesantiago.es

A Consellería de Medio Ambiente, Territorio e Vivenda adxudicou o mes pasado por un importe de 95.052,76 euros, IVE incluído, o contrato de rexeneración do conxunto de Santa María do Campo, no concello ourensán do Irixo. As obras sobre o terreo, das que se encargará a empresa Vipeca, Obras y Servicios, SL., empezarán en xaneiro e terán unha duración de aproximadamente cinco meses, segundo o prazo de execución que consta no contrato.

Todas as actuacións previstas teñen o obxectivo común de rexenerar o espazo público así como os bens que se asentan no mesmo, respectando as características e a esencia do lugar e o seu carácter eminentemente rural. Partindo desta premisa, os tres obxectivos da solución proposta pasan por primar a continuidade do espazo público, conservar e manter os principais elementos que o compoñen, tales como o cruceiro, a antiga escola unitaria ou a carballeira central, e mellorar a infraestrutura pública para a dotación dos servizos esenciais. Así, rexenerarase o espazo central da carballeira, recuperando e saneando o arborado e redirixindo a circulación peonil e impedindo a circulación de vehículos polo seu interior.

Ademais, substituiranse aqueles exemplares de especies foráneas por carballos de gran porte e outros novos que lle devolvan fortaleza ao conxunto. Ademais, xunto á antiga unitaria, que actualmente se utiliza como tanatorio, crearase un espazo aberto cuberto que permita a xuntanza de xente, unha peza de volume e dimensións acordes ás do edificio adxacente. En canto ás instalacións relacionadas cos servizos, como o alumeado público, o tendido telefónico ou as liñas de baixa tensión serán conducidas de forma subterránea para minimizar a súa presenza e o impacto na contorna.

A iluminación urbana, así mesmo, resolverase empregando dúas pequenas luminarias de parede pero que ofrezan luz suficiente. Santa María do Campo é un punto de encontro para a veciñanza e un dos lugares nos que se materializan parte dos acontecementos máis relevantes da vida en común do Irixo, como as celebracións festivas, procesións e romarías.

A Consellería de Infraestruturas e Mobilidade vén de iniciar hoxe as obras de reparación da cuberta das dársenas da estación de autobuses do Carballiño. Os traballos, cun investimento autonómico de preto de 11.000 euros, contan cun prazo de execución de 1 mes. A intervención que se levará a cabo na estación de autobuses de Carballiño ten por obxecto a substitución dos máis de 250 m2 da zona central da cuberta de policarbonato das dársenas por unhas novas chapas, con cumbreira.

Os traballos inclúen tamén actuacións na zona do encontro da cuberta co edificio da estación, para evitar que se produzan filtracións de auga. Esta actuación responde ao compromiso da conselleira de Infraestruturas e Mobilidade, Ethel Vázquez, na última xuntanza mantida co alcalde do Carballiño, Francisco José Fumega. Na reunión, a conselleira avanzou a realización destas obras como paso previo á cesión do edificio da actual estación de buses ao Concello. Ademais, propúxolle ao Concello trasladar os servizos de autobuses ao carón da estación de ferrocarril coa fin de facilitar a intermodalidade.

Este proposta da Consellería de Infraestruturas e Mobilidade permitirá facilitar un intercambio áxil e seguro entre os distintos modos de transporte público, facendo posible atender a demanda do Concello de destinar a actual estación de autobuses a usos sociais.

Unha muller de 87 anos de idade  que estaba ingresada no CHUO convértese na quinta vítima do coronavirus na Residencia de Maiores San Antonio de Beariz, según ven de notificar a Consellería de Política Social neste domingo 13 de Decembro.

O primeiro falecemento no xeriátrico bearicense notificouse o pasado dia 6, unha muller de 95 anos. O dia 8 falecía outra usuaria que se encontraba hospitalizada, de 80 anos de idade. Ao dia seguinte, o pasado mércores dia 9, coñeciamos o falecemento doutras dúas persoas tamén usuarias desta Residencia de Maiores San Antonio de Beariz, un home de 86 anos e unha muller de 100 anos.

O foco de coronavirus neste xeriátrico declarouse o pasado dia 20 de Novembro, afectando a 33 usuarios e 8 traballadores. Tras os cinco falecementos  e as altas médicas xa rexistradas, o brote mantén 20 contaxios activos, 16 usuarios e 4 traballadores.