A Área de Educación do Concello do Carballiño e o SNL do que é titular a concelleira Guadalupe Sobrado Pérez promove unha campaña de dinamización lingüística dirixida ao comercio local do Carballiño. Esta campaña está deseñada para fornecer con materiais atractivos e para facilitarlles aos comerciantes que poidan levar a cabo a súa actividade en galego.

Neste caso trátase dun folio de etiquetas, deseñadas pola marca OZOCOgz deseño galego, para colocar nos agasallos que merquen os clientes e as clientas, con distintos lemas (Bo Nadal, Boas Festas, Un bico moi forte, Quérote, Desexo que che guste, Parabéns, Feliz Aniversario, Cos meus mellores desexos.).

En cada un dos folios inclúese o logotipo da institución Ademais, tamén se repartirán carteis coa inscrición REBAIXAS onde cada letra é unha foto dun lugar emblemático do Concello do Carballiño, así podemos ver o balneario, a Veracruz ou o parque municipal, enttre outros.

Se o quinto premio no Bar Estatequieto foi o primeiro do sorteo, o que visitou o Bar Lérida na Praza dos Irmáns Prieto do Carballiño, foi dos máis tardíos, o penúltimo do sorteo xa soprepasada a unha da tarde. O 43.831 deixa outro "petisco" no Carballiño, un décimo (podería ser máis de un) premiados con 6.000 euros.

O 86.986, un dos quintos premios do tradiconal Sorteo Extraordinario do Nadal, visitou o Bar Estatequieto do Carballiño. Foi vendido na terminal de lotarias deste coñececido e céntrico bar carballiñés, na Praza do Emigrante. Está premiado con 6.000 ao décimo, pero non se sabe de momento si se trata dun único ou varios décimos. Está moi repartido por numerosas localidades de toda España, entre as que figuran 12 galegas.

Unhos minutos antes das once da mañá recibíuse o aviso na central de Emerxencias 112, que de inmediato mobilizou ao bombeiros do Carballiño e Garda Civil, tamén se incorporaron ao operativo efectivos do Grupo de Emerxencias Municipal do concello do Carballiño e do 061 Urxencias Sanitarias.

O lume, por causas que se descoñecen, afectou a unha vivenda habitada na localidade de Dacón, aínda que no momento de declararse o incendio ningunha persoa se encntraba na mesma, polo que non houbo que lamentar ningunha incidencia para as persoas. Os bombeiros controlaron o lume, pero a vivenda sufríu importantes danos materiais, que a deixan inservible.

O brote declarado na Residencia de Maiores de Cea suma a maior parte dos 20 contaxios activos que notifica neste lúns 21 de Decembro O Sergas no concello de San Cristovo de Cea, cun incremento de 7 casos nas últimas 24 horas.

Tamén incrementa un caso O Carballiño, que ten hoxe 7 contaxios activos, os mesmos que tamén contabiilza o concello de Beariz. Cun único caso figura o municipio de Piñor.

A boa noticia da xornada é que, por vez primeira nos últimos meses, queda libre de virus o concello de Maside, que se suma así aos de Boborás, Punxín, San Amaro e O Irixo.

O Carballiño entra na semana de nadal nunha boa situación epidemiolóxica, con 6 contaxios activos de coronavirus, son dous casos máis que pasado xoves dia 17 cando alcanzou a cifra máis baixa dos últimos cinco meses, 4 casos, neste domingo son dous maís.

O municipio da comarca con máis contaxios activos é o de San Cristovo de Cea, que rexistra 13 casos, a maioria vinculados ao brote declarado na Residencia de Maiores da localidade. Beariz continúa con 7 casos, tamén asociados ao brote que se detectara o pasado dia 20 de Novembro na Residencia de Maiores bearicense.

Con 1 contaxio activo permanecen os concellos de Maside e Piñor. E sen contaxios activos continúan estando os municipios de Boborás, O Irixo, Punxín e San Amaro.

Unha fin de semana de tempo inestable e temperaturas diurnas con máximas no entorno dos 12 graos, e con diversidade de actividades, algunas delas ao aire libre.

Cine en O Carballiño e Leiro

O Cine-Club proxecta este domingo ás 19:00 horas no auditorio a película galega "Lúa Vermella", a última obra de Lois Patiño. No Novocine de Leiro cine de estrea coa película española "Hasta el Cielo", co galego Luis Tosar no reparto, en sesións -sábado e domingo- ás 16:00, 18:15 e 20:30 horas.

A cantante Lucía Pérez e Feitizo de Pau en Cea

O centro multiusos de San Cristovo de Cea acolle este sábado unha xornada de promoción da Vía da Prata-Camiño Mozárabe, que abrirá o grupo de música tradicional Feitizo de Pau ás 11:30 horas. Despois terán lugar tres relatorios sobre diversos aspéctos do Camiño Xacobeo, para dar paso seguidamente a actuación da eurovisiva  Lucía Pérez, antes dunha degustación de productos locais. A xornada concluirá cunha visita a un forno de Cea e o mosteiro de Oseira.

Mercado Navideño en Maside

Con postos de artesanía, productos locais, ou reposteiría, que se ubicarán baixo unha carpa, en horario de 11:00 a 18:00 horas do domingo na Alameda de Maside. Haberá sorteos entre o público asistente e antes de finalizar o mercado, á media tarde, fará acto de presenza Papá Noel.

Visita guiada en Boborás

O domingo ás 10:30 horas os participantes están convocados a reunirse na Igrexa de San Martiño de Camexia (Na foto), onde comezará a visita guiada. Tras coñecer esta xoia do románico, os participantes achegaránse ata o Castro de Cameixa, e finalmente visitarán  a "Casa da Gafa", en Laxas. Margarita Estévez -guía turística- e Jorge Lamas -arqueólogo- guiarán esta cita coa arte e  a arqueoloxía.

Sáude e boa fin de semana !

"Mellor local, mellor galego" este é o lema co que o BNG do carballiño, arrinca a campaña de apoio ao comercio local e aos produtos galegos e de proximidade. A concelleira Sofía García e o deputado no Pazo do Hórreo Iago Tabarés, deron conta esta mañá en rolda de prensa dos motivos que impulsan ao BNG a levar adiante esta iniciativa, ao tempo que piden a implicación de toda a veciñanza na mesma. Segundo Sofía García "con esta campaña queremos contribuir a paliar o feche de tendas e a destrución de postos de traballo como consecuencia da crise económica xerada pola COVID-19". García incidiu en que un dos obxectivos da campaña é "destacar a potencialidade e calidade dos produtos galegos como motor para a dinamización do pequeno comercio, comercio local que aposta pola calidade, pola innovación e pola especialización".

"O comercio local ofrece calidade, trato personalizado, produtos coidados e diferentes e vendidos por persoas as que coñecemos e tratamos ao ser parte das nosas vilas". Con esta afirmación, a concelleira Sofía García marca outro dos obxectivos fundamentais da campaña xa que "ese valor engadido só nolo da o comercio local". Outro dos aspectos fundamentais é o feito de que o comercio local e de proximidade é xerador de postos de traballo e polo tanto de dinamización social e económica nas nosas cidades e vilas. Sofía incidía en que coa campaña presentada, o BNG "quere aportar o seu grao de area para dinamizar a nosa vila e potenciar os produtos que xeran riqueza no noso país". "animamos a veciñanza a aproveitar estas datas para implicarse co noso comercio, coas nosas feiras e cos nosos produtos". Por último, García advertiu de que "debemos impedir que a nosa vila se convirta nun deserto".

En termos similares se manifestou o deputado por Ourense no Parlamento galego Iago Tabarés quen iniciou a súa intervención lembrando que desde o BNG "sempre se apostou polo comercio local, entendendo q ue é esencial na nosa vida económica e social, contribuíndo mesmo a dinamización das nosas vilas e cidades". Tabarés quixo afondar no feito de que "non todo é imputable á pandemia, posto que xa antes da mesma, o comercio local atopábase nunha situación moi difícil". Para Iago Tabarés temos que ter en conta a importancia que o comercio local ten en Galiza ao supor o 14% do PIB e o 13% do emprego". Tanto económica como socialmente é un sector "moi importante".

O deputado afondou durante a súa comparecencia no feito de que "nestas circunstancias, onde grandes plataformas, as cales, en moitas ocasións nin tan sequera tributan aquí, están comendo parte do mercado do comercio de proximidade, é o momento de apoiar decididamente ao comercio local". Os motivos esgrimidos por Tabarés para apostar polo comercio local resúmense en que primeiro "porque é mellor, ao oferecer produtos dunha altísima calidade". Segundo "por ser unha economía e un xeito de producir moito máis sustentábel e respectuoso co medio ambiente". En terceiro lugar porque "estes produtores e comerciantes revirten os seus ingresos na propia terra, e tributan na propia terra".

Por último, Tabarés apuntou que é preciso "humanizar e socializar as nosas vilas e as nosas cidades, o que da cor as nosas rúas son precisamente os pequenos comerciantes". De entre as medidas que hai que adoptar urxentemente, Iago Tabarés destacou en primeiro lugar, as axudas directas de carácter económico ao sector, en segundo lugar, declarar Galiza zona saturada de grandes superficies cunha regulación dos horarios comerciais que permita oa pequeno comercio competir en igualdade de condicións e poder conciliar a vida laboral e familiar. En terceiro lugar, o establecemento dunha marca de calidade para os produtos de horta galegos, "témolos e son de gran calidade, potenciémolos e diferenciémolos como produto galego". Por último, Iago Tabarés aposta por levar a cabo campañas de promoción e valorización das prazas de abastos, dos mercados tradicionais, das feiras e do comercio de proximidade". Por todas estas razóns desde o BNG lanzan a campaña de apoio ao comercio local e de proximidade polo que distribuirán cartelería para incentivar ao consumo nestes establecementos.