A Consellería de Medio Ambiente, Territorio e Vivenda acaba de adxudicar por un importe de 84.553,32 euros, IVE incluído, as obras de humanización e mellora de varias rúas do concello ourensán de San Cristovo de Cea. Dos traballos encargarase a empresa Ingenieros Consultores Agrupados, S.L., e o prazo estimado no contrato para finalizar os traballos será de tres meses. As actuacións de mellora levaranse a cabo en cinco zonas do casco histórico do núcleo de Cea, co fin de darlle continuidade a unha actuación xa iniciada noutra fase de humanización e lograr a uniformidade de todo o conxunto.

Para lograr este obxectivo, apostarase por unha pavimentación idónea para o uso peonil e de tráfico lixeiro, principalmente na parte máis antiga do núcleo, orientada a mellorar a seguridade, a accesibilidade e, en definitiva, a mellora xeral da calidade das rúas. A superficie total a acondicionar é de aproximadamente 1.295,79 metros cadrados e localízase no que constitúe o casco antigo do núcleo, integrado en gran parte por edificacións tradicionais. Na zona de actuación, ademais, atópanse algúns dos equipamentos municipais que prestan servizo a todos os habitantes do Concello, de aí a necesidade de acondicionala e adaptala á demanda actual da veciñanza como punto de encontro e de esparexemento.

Tal e como se xustifica no proxecto, o que se busca é a posta en valor destas rúas con condicións axeitadas de funcionamento para o seu uso e goce como elemento de relación e espazo de ocio na zona máis tradicional do núcleo de Cea. A mellora e a humanización deste espazo preténdese conseguir co acondicionamento das rúas en canto aos acabados dos pavimentos e das instalacións. Cómpre lembrar que o núcleo de Cea presenta unhas zonas nas que xa se acondicionou a pavimentación para uso peonil e de tráfico lixeiro a base de formigón impreso a cor e bandas de granito gris que rompen co deseño continuo. A nova actuación adxudicada pola Xunta pretende dar continuidade ás zonas nas que non se interviñera aínda, empregando acabados similares con formigón impreso e bandas perimetrais e transversais de granito para que o casco antigo presente unha uniformidade de tratamento no seu conxunto e mellorando estas zonas para uso peonil dos veciños de Cea.

O Carballiño ten hoxe 141 veciños e veciñas pasando pola enfermidade da Covid-19, cinco menos ca onte, según os datos falicitados por Sanidade, esto non quere decir que non se rexistrasen novos contaxios, senón que as altas volven superar por séptimo dia consecutivo aos que contraen a enfermidade no municipio carballiñés.

Tamén reduce contaxios activos o concello de Boborás (-3) polo que se queda hoxe con 20, e tamén reduce (-1) o número de enfermos Beariz, que rexistra cinco. Pola contra, aumentan o número de persoas con infección activa Piñor (+2)e pasan a ser cinco, tamén incrementa un caso San Cristovo de Cea, que ten 19 casos activos, e tamén rexistra un caso máis Maside, que pasa a ter catro. Non hai variacións no Irixo (4)Punxín (3) e San Amaro (1).

A brigada municipal de obras executa estes días o proxecto de ensanche da calzada da rua Mesón, en Seoane, cubrindo con cemento as marxes e cunetas desta rúa que ata agora eran de terra.
Asimesmo, a brigada realiza traballos de consolidación do antigo forno comunal de Mouriz, que se atopaba en perigo de derrube, pois as paredes son de cascotes que, nalgúns puntos, hai tempo que comezaron a ceder, co conseguinte risco de derrubarse.
Esta rehabilitación enmárcase na política de conservar nas mellores condicións posibles e valorizar o patrimonio etnográfico do municipio, que conta con numerosas construcións de interese nas parroquias do Carballiño.

Os xeriátricos da comarca do Carballiño contiúan mantendo a raia o coronavirus, asi se desprende dos últimos datos facilitados polo departamento de Política Social da Xunta de Galicia e no que se recolle a incidencia da Covid-19 nas residencias de maiores de toda Galicia. Dende que se declarou a pandemia apenas se rexistraron media ducia de casos illados, e ningún contaxio masivo.

A Residencia da Saleta de Cea é a única da comarca do Carballiño que aparece a dia de hoxe  nesta relación de centros afectados, con 5 contaxios activos entre os seus usuarios. As residencias e vivendas comunitarias de maiores de Dacón, Boborás, Maside, Cea, O Irixo, Beariz, San Amaro, Partovia e O Carballiño (3) suman preto das cincocentas prazas residenciais.

O concello do Carballiño acaba de adxudicar o proxecto do cambio do sistema lumínico da Avenida 25 de xullo, así como da Rúa Telleira e da Travesía Fonte Barreiros, en Corzos. A adxudicación realizouse por un importe de 100.672 euros.
Este proxecto conta cuha subvención do Fondo de Compensación Ambiental da Xunta de Galicia, que aporta o 80% mentres que o 20% restante lle corresponde ao concello do Carballiño. Asimesmo, houbo que asinar un convenio co concello de Maside, debido a que a zona de Corzos atópase nas lindes de ambos termos municipais.
O novo sistema lumínico da Avenida 25 de Xullo suporá volver a poñer en funcionamento as dúas luminarias que ten cada farola, xa que, debido ao gasto enerxético, só estaban en funcionamento as luminarias que dan á calzada, pero non as que dan ás beirarrúas.
Son, en total, 178 puntos de luz, cunha potencia total de 30.763,2 watios.
Este proxecto, no que se utilizarán luminarias led e outros elementos de última teconoloxía, enmárcase no Plan de Eficiencia Enerxética posto en marcha polo concello nestes últimos anos, e que supón un aforro considerable no consumo de enerxía.

OUTROS CAMBIOS

Así, téñense realizado cambios do sistema de iluminación pública no barrio de Toscaña, nas rúas Xullo R. Soto, Conde Vallellano, Ourense, Martínez Avellanosa, Otero Pedrayo, Galicia e Calviño, ademáis de no polígono industrial e no parque empresarial, entre outras.

A curva do coronavirus continúa á baixa no Carballiño, unha tendencia que se mantén dende o venres da pasada semana, e no informe facilitado por Sanidade correspondente a este mércores dia 28 de Outubro vemos que a cifra actualizada de contaxios activos no Carballiño descende ata os146, son once menos ca onte. Tamén parece confirmarse esta mesma tenencia á baixa no concello de Boborás, que a dia de hoxe rexistra 23 casos, dous menos ca onte.Tamén rexistra un enfermo menos en relación a onte o concello de San Cristovo de Cea, que mantén 18 contaxios activos nesta xornada.

O único concello que desta vez incrementa os contaxios de Covid-19 é o de Piñor, tiña un único caso e pasa a ter 3, dous máis ca onte. E non hai cámbeos no resto dos municipios: Beariz (6) O Irixo (4) Maside (3) Punxín (3) e San Amaro (1)

A actualización de datos da Consellería de Eduación deste martes 27 de Outubro déixanos boas noticias, xa que os casos de Covid-19 activos nos centros educativos da comarca do Carballiño experimentan un notable descenso en relación aos do pasado venres, cando eran 37 casos, que se quedan hoxe martes en 27.

Tan so o CPR Vila do Arenteiro rexistra un incremento de casos positivos de coronavirus na súa comunidade educativa, tiña un único caso o venres e hoxe notifícanse 3.  Entra na relación de centros afectados, xa estivera e saíra da lista, á que regresa agora cun caso o CPI de Cea.

Mantéñense os mesmos contaxios activos da pasada semana no PAI de Boborás (6), que permanece pechado, CPI Terras de Maside (1) e Escola Infantil do Carballiño (1).

Descenden os contaxios no resto dos centros afectados, que según esta última actualización, son os seguintes: CPR Sagrado Corazón (6) CEIP Calvo Sotelo (2) IES Chamoso Lamas (2) IES nº1 (2) e CEIP de Boborás (3)