Asi ven de anunciálo o alcalde Manuel Cerdeira, unha medida que será efectiva con carácter inmediato.

O concello do Irixo, que se converte asi no primeiro da comarca en adoptar esta medida, vai axudar directamente a "todos os autónomos con domicilio fiscal ou que estan empadronados no municipio do Irixo, terán unha axuda do concello correspondente á contía da cuota de autónomos do mes de Marzo".

O concello do Irixo conta con 84 autónomos, tras experimentar un incremento interanual de 22 novos autónomos, a maioria deles nos últimos meses, xente moza que se deu de alta a través dos programas de empredemento xoven apoiados dende o concello e a deputación provincial.

Quince dias despóis do seu ingreso, ven de recibir a alta hospitalaria a carballiñesa de 69 anos de idade que fora ingresada no CHOU despois de dar positivo en coronavirus, e tras regresar a O Carballiño dunha viaxe de lecer fora de Galicia.

A muller, veciña da parroquia de Seoane, xa se encontra no seu domicilio.

Según os datos actualizados esta mañá pola Conselllería de Sanidade, outras 34 persoas deron positivo no COVI 19 na Área Sanitaria de Ourense nas últimas 24 horas, que elevan a cifra total a 694 persoas contaxiadas  no ámbito provincial. En Galicia xa son 4.635 casos recoñecidos oficialmente.

Os grupos políticos da oposición municipal continuan dando a coñecer distintas propostas e medidas que apoiarán no concello do Carballiño dentro do "escudo social e económico" que debería xa poñer en marcha a institución municipal.

A concellleira do Bloque Nacionalista Galego, Sofía García, deu a coñecer esta mañá un documento no que se fixan as prioridades para esta formación politica, e que son as seguintes:

Medidas de información e comunicación

•Crear un apartado no web municipal “CORONAVIRUS” no que se informe de todas as novas, medidas e recomendacións relativas ao coronavirus.
•Actualizar e difundir por todos os medios do Concello a información coas recomendacións, teléfonos de contacto, resolucións da comisión de seguimento, información sanitaria, etc.
•Informar á corporación de todas as medidas que se tomen para poder aportar as melloras que se poida.

Medidas con voluntariado

•Posta en marcha, dende a Concellería de Servizos Sociais, dun programa de acompañamento telefónico ás persoas da terceira idade e a aquelas que son máis vulnerables, para evitar os efectos do illamento, coñecer de primeira man o seu estado e poder facer seguimentos diarios.
•Creación dun rexistro de voluntarios e voluntarias con perfís persoais e profesionais que poidan ser útiles neste momento (psicólog@s, traballadores e traballadoras sociais, estudantes ou profesionais de ramas sanitarias, etc.) e Creación dun rexistro de ofertas voluntarias e demandas de bens e subministros que poidan ser de utilidade nestes momentos.

Medidas Sociais

•Implementar axudas de emerxencia ás familias para afrontar as necesidades dos e das menores, familias desfavorecidas e afectadas polo impacto da situación socioeconómica do coronavirus.
•Atención ás persoas sen fogar, adoptando as medidas necesarias para que se garanta o seu dereito á saúde.
•Esixir da Xunta de Galiza a atención ás residencias de persoas maiores, que garantan a saúde das persoas residentes e dos traballadores e traballadoras.
•Coordinar coas outras administracións un protocolo de atención e seguimento a vítimas de violencia machista durante o periodo de confinamento.

Medidas do Servizo de Limpeza

•Reforzar a desinfección e fumigación dos espazos públicos, especialmente aqueles de maior concentración de persoas e nos días de maior tránsito de veciños e veciñas: Centro de saúde, supermercados, farmacias, etc. Para a realización dos mesmos deberán traballar coordinados os voluntarios de Protección Civil e os integrantes da U.M.E. desprazados na contorna.
•Establecer un protocolo de “Recollida de lixo porta a porta”, baixo petición de persoas vulnerables.
•Establecer un protocolo de recollida de lixo a domicilio para posibeis doentes positivos por coronavirus.

Medidas para o Persoal e servizos de titularidade municipal

•Dotar de equipas de protección individual a todas as persoas que desenvolvan labores en contacto co público. Asegurar o cumprimento dos protocolos de prevención en todos os servizos de titularidade municipal.
•Impulso do teletraballo e da atención telefónica e/ou telemática, reducindo a atención presencial ao imprescindíbel.

Medidas fiscais

•Facer un plan de aprazamento, fraccionamento ou condonación, (ata onde a lexislación permita) dos impostos, recibos e taxas en función das situacións concretas de cada persoa ou empresa.
•Iniciar o estudo para a posta en marcha, pasado o período de emerxencia sanitaria, dun Plan de reactivación económica naquelas cuestións de competencia municipal.
•Reforzar as Axudas de Emerxencia Social para evitarmos situacións de exclusión. Polo tanto deberá incrementarse no necesario, a partida orzamentaria adicada para estes fins.
•Demandar a eliminación urxente da regra de gasto, xa que restrinxe a capacidade de investimento, de reforzamento dos servizos municipais e de contratación de persoal por parte das institucións locais, limitando enormemente a súa capacidade de resposta á crise.

Espazo Común sitúa a súa proposta no contexto "desta situación de excepcionalidade que se está a vivir por causa da crise do COVID-19, non é allea ao noso pobo que está a padecer os rigores dunha nova realidade que ven de mudar de xeito ostensible o noso modo de vida".

A incertidume con respecto á duración deste confinamento sanitario e a conseguinte paralización de case toda a actividade económica son lousas moi pesadas que fan ver o futuro con moitísima preocupación a un inmenso número de familias e empresas, remarcan.

E por esto mesmo dende Espazo Común non teñen dúbida de que "son as administracións públicas as que teñen que dar resposta áxil e concreta para que esta preocupación non se transforme en angustia e todos aqueles que están vendo mermados os seus ingresos e, incluso, temen pola continuidade dos seus negocios ou postos de traballo, albisquen posibilidades reais de saír vivos desta desagradable situación".

Consideran que o Concello do Carballiño, como administración máis cercana á cidadanía ten unha obriga ineludible para dar unha cobertura axeitada a todas estas problemáticas.

Espazo Común fai referencia expresa á "existencia dun remanente de 4.000.000 de € anunciado polo alcalde Fumega en varias ocasións, ofrece unha posibilidade de osíxeno para tódolos afectados polo que dende o grupo de traballo constituído en Espazo Común para elaborar as nosas propostas, consideramos que cunha achega da metade destes recursos municipais (2.000.000 €) debera ser suficiente para garantir a protección social e sanitaria da veciñanza e dinamizar o futuro do pequeno comercio, hostalería, autónomos e demáis pemes".

O plan “O Carballiño CON-VIDA 20” proposto por Espazo Común divídese en catro apartados que son :

1. Medidas para a saúde pública durante o confinamento

2. Plans de protección social

3. Adaptación de impostos municipais

4. Reactivación do tecido económico local

Nos vindeiros días, anuncian dende Espazo Común que irán rematando propostas concretas que serán postas en coñecemento do goberno municipal e da cidadanía para a súa valoración e posible posta en marcha.

Finalmente, recalcan que están abertos ás posibles aportacións ques se desexe facer a este proxecto por parte de calquer veciño ou veciño, para o que se poden empregar as redes sociais de ESCO ou o teléfono 68870 71 21.

O grupo popular no concello calcula no Carballiñi "unhas 1500 situacións de emerxencia socioeconómica que inclúe maioritariamente a autónomos e comerciantes, son os casos nos que o Concello ten que facer un esforzo maiúsculo para atender as precariedades de forma puntual para axudar a paliar os efectos da COVID-19, sen esquecer o relacionado cos alugueiros, toda vez que un porcentaxe elevado de negocios está neste réxime pero tamén son moitos os que viven da renda que producen, polo que, compre unha especial dedicación por parte do concello para que as axudas sexan acertadas", subliñan.

E para elo e por elo o Partido Popular manifest que "o concello ten que habilitar unha partida orzamentaria vía subvención directa, para axudar a paliar os gastos das cuotas, impostos e alugueiros, dos autónomos, comerciantes, agrarios afectados, e familias vulnerables. E tamén axudar aos pequenos arrendadores afectados que viven de eses ingresos".

Respecto das situacións que se produzan de precariedade nas persoas e unidades familiares estas deben de ser atendidas pola ordenanza de emerxencia social que aínda está pendente de aprobación definitiva e que ten que ser fortemente reforzada no seu orzamento, para axudar a cubrir as necesidades básicas que teñan,propoñen os populares.

Finalmente, avenzan que o portavoz do Grupo Popular, Ricardo Perea, reunirase co Alcalde para poder avanzar na forma máis idónea para chegar ás mellores solucións e no menor tempo posible e espera que sexan todos os grupos políticos con representación no concello.

Os bombeiros do parque intercomarcal O Carballiño-O Ribeiro, dependente do Consorcio Provincial, súmanse aos traballos de desinfección seguindo as directrices marcadas dende o mando único da Xunta na provincia de Ourense para a xestión da crise do coronavirus.

Esta mañá, realizaron labores de desinfección nas dependencias da Residencia de Maiores Irmáns Prieto do Carballiño, e mañá levarán a cabo esta mesma función nas dúas residencias de maiores do Cornuval, según avanzou nesta emisora de radio o alcalde Francisco Fumega que, ademáis, confirmou que ningunha das catro residencias de maiores do municipio do Carballiño rexistran contaxios, nin entre as persoas residentes -preto das duascentas- como entre o persoal que traballa nestas intalacións.

Unha muller de 84 anos convertese na primeira persoa que deu positivo na PCR no municipio do Irixo. O resto da súa familia, coa que convive esta muller no seu domicilio do Irixo non tivo nin ten ningún dos síntomas do coronavirus.

Doutra parte, e tal como xa lles avanzabamos este pasado martes dende COPE O Carballiño, confírmase o primiro caso de contaxio no concello de San Amaro, un home de 68 anos. Permanece en cuarentena no seu domicilio.

Record de contaxios nun dia na Área Sanitaria de Ourense, tras os datos actualizados pola Xunta este mediodia, 101 novos casos no transcurso das últimas 24 horas, que eleva a cifra total de positivos en COVID-19 na provincia a 660 persoas.

En todo caso, Galicia continúa coa taxa de letalide máis baixa de todas as comunidades autónomas de España, cun 2,32% respecto da media do estado que é dun 8,86 %. Tan só as cidades autónomas de Ceuta e Melilla teñen unha taxa inferior, cun 1,96% e 1,61% respectivamente. A taxa de letalidade reflicte a porcentaxe de falecidos respecto dos contaxiados.

No referido aos últimos datos, a Dirección Xeral de Saúde Pública da Consellería de Sanidade informa que, na última actualización, o número de casos de coronavirus en Galicia ascende a 4.379, deles 954 son da área da Coruña, 520 da de Lugo, 660 da de Ourense, 393 da de Pontevedra, 1.018 da área de Vigo, 591 da de Santiago, e 243 da de Ferrol.

Do total de pacientes positivos, 165 permanecen en UCI, 819 están en unidades de hospitalización e 3.395 no domicilio. Polo de agora, en Galicia rexistráronse 333 altas de pacientes e 130 falecementos.

O número de PCR realizadas é de 21.360.

O Centro Comercial Aberto do Carballiño pon de manifesto que "o estado de alarma polo coronavirus está xerando unha situación insostible para a gran maioría dos establecementos comerciais e hostaleiros do Carballliño, polo que o Centro Comercial Aberto solicita a axuda dos arrendadores de locais así como do concello, co obxectivo de evitar o peche de establecementos ao remate desta crise sanitaria, que conleva tamén unha grave crise económica".

Por isto, ao tempo que o CCA amosa todo o seu apoio ao sector comercial e hostaleiro, autónomos e pemes, solicita aos arrendadores a flexibilidade tanto para deixar de cobrar a mensualidade correspondente ao tempo de peche obrigado polo estado de alarma (que xa se ten producido nalgúns casos, o que é de agradecer) como para dar facilidades aos arrendatarios no pagamento destes alugueres.

Dende o CCA, e así lle lo transmitiron moitos asociados, consideran que de non producirse esta flexibilidade, moitos establecementos terán que pechar as súas portas, deixando estes locais valeiros e con escasas posibilidades de voltar a ser alugados.

Por outra parte, o CCA, que está en contacto co concello, considera que resulta de vital importancia crear unha comisión municipal de apoio ao comercio e á hostalería. Esta comisión deberá estudiar medidas de axuda, tales como a flexibilidade no pagamento de taxas e impostos municipais relativas ao sector, e outro tipo de medidas que contribúan a paliar a inactividade durante este período, así como o relanzamento económico e comercial posterior.

O CCA solicita a colaboración de todo o pobo, porque o sector comercial e hostaleiro, autónomos e pemes, supoñen un eslabón moi importante na economía e desenvolvemento do Carballiño, e ante esta situación prolongada de inactividade, resulta inviable asumir os custes derivados da mesma.