O Carballiño que ten mar está na parroquia de Cesantes, no concello de Redondela, na zona rural máis habitada do municipio.

Según os últimos datos demográficos do IGE este lugar do Carballiño conta con 770 habitantes, que viven na súa maioria en vivendas unifamiliares, e localízase á beira da estrada N-550, que comunica Pontevedra con Redondela.

O Carballiño que ten mar ten unhas espectáculares vistas panorámicas sobre a ría de Vigo, coa ponte de Rande ao fondo e a toda a ensenada de San Simón, onde encontrarémos as famosas illas de San Simón e San Antón.

Unha boa parte da veciñanza da aldea do Carballiño ou "do barrio do Caralliño" como tamén se coñece en Redondela, adícase á pesca e ao marisqueo na ría, e mesmo conta cun pequeno peirao. O lugar conta con varios establecementos comerciais e de hostelería.

Pero alguén dubida que O Carballiño ten mar ? preguntouse en COPE O Carballiño o concelleiro de turismo de Redondela, Daniel Boullosa, que aproveitou a súa intervención nesta emisora de radio para invitar a todos os carballiñeses a coñecer este outro Carballiño "cunha magnifica praia da que podedes gozar,que conta con todos os servizos, un parque infantil e un paseo de quilómetro e medio" e achegarse ata a Illa de San Simón, que é visitable dende Xuño a Setembro.

Eso si, Boullosa recoñeceu que "este noso Carballiño ten mar, pero no voso Carballiño tendes o mellor pulpo á feira do mundo".

O grupo municipal popular considera que "no casco urbano do Carballiño temos a práctica totalidade dos pasos de peóns en condicións que non son as óptimas. Os fallos existentes son múltiples e variables e en cada un deles se debe de mellorar en un ou varios aspectos, incluso algún debe de mellorar en todos os aspectos".

Refírense a problemas de sinalización vertical ou horizontal, iluminación, ángulo de visión para o viandante ou para o propio condutor, así como a propia accesibilidade, ou incluso a redución efectiva da velocidade dos vehículos, polo que para os poppulares "fai que resulte urxente acometer un plan de mellora destes puntos que son imprescindibles para dar seguridade e facer do Carballiño un lugar de perfecta convivencia entre a circulación de vehículos e peóns, sen ter que levar sobresaltos por accidentes facilmente evitables".

Entenden que "os pasos de peóns se debe de conseguir que exista unha luz propia que ilumine todo o traxecto do mesmo, facendo se fose necesario luminarias propias do paso de peóns. Non pode haber coches estacionados nin contedores de lixo ao carón mesmo destes pasos, pois imposibilitan a visión tanto de peóns como de condutores".

Tamén que "as beirarrúas deben de contar con sobreanchos que permitan levar a mesma ata a propia liña de circulación rodada para garantir que sexan vistos, evitando que os vehículos tamén o usen de praza de aparcamento".

Por todo elo, o Partido Popular considera que "a colocación dos propios pasos de peóns debe de ser motivo de revisión, pois é pouco entendible casos como o que coincida un paso de peóns cunha entrada de carruaxes con vado ou que nos apartemos da realidade que os propios peóns necesitan para non facer recorridos que van contra dos que resultarían razoables".

Neste Plan de mellora de seguridade que se solicita e que se espera sexa aprobado en pleno, emplazan tamén ao Goberno municipal para que se tome en serio esta proposta, "débese de ser ambicioso, protexendo ao máis indefenso nestes puntos, que é o viandante, ante un condutor ao que se lle deben de dar todas as facilidades para que tome conciencia ao chegar a estes puntos, reducindo o límite de velocidade si fixera falta",conclúen.

"É de sobra coñecida a querencia do actual goberno carballiñés por feiras e festas e, por suposto, non ían deixar pasar a oportunidade de poñer as súas mellores galas e viaxar a Madrid para facerse moreas de fotos no marco da Feira de Turismo Internacional FITUR",repróchanlle dende Espazo Común aos gobernantes muncipais.

E engaden que "se ben a presenza de representantes institucionais do Concello do Carballiño nesa cita debera ser unha boa nova, xa que se trata dun dos maiores escaparates promocionais a escala mundial para dar a coñecer a oferta turística dunha zona, neste caso concreto case que produce un certo sonroxo".

E mesmo critican dende ESCO que "tres persoas viaxaron ata alí gastando recursos públicos, curiosamente, as mesmas tres persoas que se desprazaron o ano pasado a Asturias, a conta do Concello, para “organizar” a posterior presentación da Festa do Pulpo. Non sabemos se son sempre tres para turnarse ao volante", ironizan.

"Semella de manual que cando se vai a un evento destas características, o que se quere por en valor para darlle visibilidade, debe terse moi claro. É dicir, hai que levar ideas novidosas e ter un proxecto, unha concreción de que é o que pode convencer a potenciais visitantes.
Ir a Madrid falar de termalismo, tendo que chegar a destacar a Fonte do Bañiño, que nin xiquera se pon en valor tendo un mantemento habitual para telo nunhas condicións adecuadas, explicao todo. Este pequeno manantial no lugar de Arcos é senlleiro para nós pero non parece ser un argumento convincente para que xente doutros lugares se desprace masivamente a O Carballiño", manifestan dende esta formación política da oposición municipal.

Pero aínda teñen máis doses de ironía ao afirmar que "aí remata todo o argumentario do trío de turistas desprazados porque é moi evidente que non hai unha estratexia".
As críticas ao concello do Carballiño tamén son extensibles á Mancomunidade Turítitica da que forma parte "accións concretas e tanxibles do Xeodestino ao que estamos adscritos contanse facilmente pola súa escaseza e capítulo aparte merece a Mancomunida Turística O Carballiño, Boborás, Ribadavia e Leiro, á que se fai unha aportación económica de 16.000 €".

Para o grupo de Espazo Común "a actuación máis relevante deste ente no Carballiño no ano 2019 foi a instalación duns aparatos de calistenia na finca das Barcias, en pleno Parque Municipal,suposta e oficialmente, a inversión foi de 8.000 € e fíxose construindo unhas bases de formigón nun entorno no que hai un acordo unánime de non facer ningunha actuación que poida interferir co Proxecto Integral do parque que está en proceso".

E finalizan mostrándose moi excepticos "descoñecemos cantos milleiros de turistas poden atraer estes aparellos pero si temos a certeza de que se O Carballiño quere presumir de vila turística máis alá da estacionalidade ou da semana da Festa do Pulpo tem que trazar un plan de futuro ambicioso e orixinal, que vaia máis alá de charangas, cantos de taberna, rutas de tapas e calistenia".

A Vicepresidencia e Consellería de Presidencia, Administracións Públicas e Xustiza da Xunta de Galicia ven de remitir ao concello do Carballiño a autorización para contratar a 12 auxiliares de Policía Local por un período de seis meses. Seis efectivos incorporaranse no mes de marzo, e outros seis o farán a partir do mes de xullo, tamén por un período de seis meses, polo que nos meses de de xullo e agosto, a plantilla da Policía Local do Carballiño verase incrementada en 12 auxiliares mais.

A Dirección Xeral de Emerxencias e Interior comunica que neste intre xa se está realizando a selección dos seis auxiliares temporais para incorporarse no mes de marzo.

Manuel Sotelo, concelleiro de Interior e Policía Local, asegura que se trata dunha noticia moi positiva, pois permitirá ao concello incrementar significativamente os efectivos cos que conta a Policía Local no Carballiño, podendo asumir con moita garantía as necesidades no período do ano con maior número de eventos e afluencia de visitantes.

Asimesmo, o concelleiro agradece que a Dirección Xeral de Emerxencias e Interior tivese en conta e autorice a petición realizada polo concello do Carballiño para a contratación destas 12 prazas de persoal auxiliar con carácter temporal.

Na actualidade, o concello atópase nun proceso de ampliación en dous efectivos máis da plantilla regular da Policía Local, según recorda Manuel Sotelo, que engade que un dos obxectivos da súa concellería é reforzar a seguridade no Carballiño, e que con estas iniciativas garántese un servizo acorde coas necesidades actuáis da vila e do municipio.

concello do Carballiño expuxo na Feira Internacional de Turismo “Fitur”, que se celebra en Madrid, as súas propostas para a promoción do turismo durante este ano 2020, e que son: a oferta termal, a gastronomía e o patrimonio natural e cultural.

Nun acto que tivo lugar hoxe no stand de Galicia, e dentro dunha iniciativa do Xeodestino O Ribeiro-O Carballiño, o teniente alcalde e concelleiro de Turismo, Manuel Dacal, falou das propiedades terapéuticas das augas dos balnearios carballiñeses, en contraposición a outras ofertas termais baseadas máis no relax que na curación de doenzas. Destacou o proceso de modernización recente do Balneario das Caldas de Partovia, e a ampliación das instalacións que vai acometer o Gran Balneario segundo un proxecto do presitixioso arquitecto Manuel Gallego Jorreto, Premio Nacional de Arquitectura.

“Temos dous balnearios: o Gran Balneario e o de Caldas de Partovia, e unha fonte termal pública: o Bañiño de Arcos. A principal característica destes mananciais reside nas propiedades das súas augas. Esta é a gran diferenza do Carballiño con respecto a outro tipo de ofertas termais, máis vinculadas a actividades de relax que ao tratamento terapéutico de determinado tipo de doenzas. Son augas indicadas para procesos epidérmicos, hepáticos, gastrointestinales, respiratorios, circulatorios e de metabolismo, entre outros, e que durante moitos anos contribuíron a que os nosos balnearios teñan unha boa consideración tanto por parte do colectivo médico como dos usuarios”, dixo Manuel Dacal.

“O Balneario de Caldas de Partovia é unha instalación moderna que ofrece os servizos termais máis vangardistas. A súa historia remóntase á época romana, pero a súa configuración actual é moi recente, e os seus baños teñen un sinal de calidade acorde coas esixencias actuáis”, seguiu dicindo o concelleiro, e “o Gran Balneario inaugurouse no ano 1900, pero está a piques de comezar as obras dun ambicioso proxecto de ampliación e modernización das súas instalacións. É un proxecto deseñado polo prestixioso arquitecto Manuel Gallego Jorreto, Premio Nacional de Arquitectura en dúas ocasións. O elemento máis simbólico do proxecto é unha piscina cuberta cunha cúpula acristalada que permitirá ver a magnífica paisaxe do río Arenteiro e do propio parque do balneario mentres se goza do baño”.

Según Manuel Dacal, “son melloras que incidirán na revalorización dos nosos recursos termais, e que nos situarán na vangarda dos balnearios de Galicia”.

XEODESTINO O RIBEIRO-O CARBALLIÑO
O concelleiro compartiu o estrado co presidente do xeodestino O Ribeiro-O Carballiño, Francisco Fernández; o alcalde de Ribadavia, César Fernández; o presidente da Ruta do Viño do Ribeiro, Juan Manuelo Casares, e a delegada territorial da Xunta en Ourense, Marisol Díaz. E tamén se referiu aos tres pilares que sosteñen, xunto co termalismo, a oferta turística do Carballiño, como son: a gastronomía, o patrimonio natural e o cultural.

Así, falou da Festa do Pulpo, do Parque Municipal, do conxunto etnográfico do Arenteiro e dos sendeiros.
Dixo que se está ultimando a elaboración do programa da 58 Festa do Pulpo coa perspectiva de acadar este ano a declaración de Festa de Interese Turístico Internacional, cuxos criterios para a concesión foron modificados recentemente polo Ministerio de Comercio, Industria e Turismo.

PÁXINA WEB DA FESTA DO PULPO EN INGLÉS

Entre os novos requisitos figura que a festa conte cunha páxina web propia e que estea traducida ao inglés.
Neste sentido, Manuel Dacal asegurou que hai uns días completouse a traducción ao inglés da páxina www.festadopupodocarballino.com , polo que xa se cumple este criterio, e que polo tanto xa non debería haber impedimento para que a Festa do Pulpo poda conseguir este ano a internacionalidade.

Durante a exposición da proposta termal e turística do Carballiño, proxectáronse nunha gran pantalla imaxes dos balnearios e dos principais recursos turísticos carballiñeses.

A concelleira carballiñesa do BNG, Sofia García, e a deputada no Parlamento de Galicia Noa Presas, presentaron no Carballiño a campaña reivindicativa que pon en marcha esta formación política para esixir a mellora dos servizos ferroviarios.

Nunha comparencia no local do BNG no concello do Carballiño, Sofía García dixo que non se podía permitir o desmantelamento progresivo do tren "que rematará pechando a estacíón do Carballiño".

A concelleira lamentou que o alcalde do Carballiño "siga sen convocar a reunión que acordamos os grupos manter cos responsables do Adif, e da que nada volveu saberse", e engadíu "que unha vila ben comunicada será unha vila en crecemento, unha vila mal comunicada é unha vila que perderá actrativo para vivir", dixo.

Noa Presas fíxo responsables da situación de perda de servizos ferroviarios en Galica tanto a PP como a PSOE "Renfe e Adif baleiraron de servizos ferroviarios O Carballiño e a provincia de Ourense".

A deputada do BNG subliñou que as políticas centralistas primaron a conexión con Madrid e deixaron abandoadas as necesidades da poboación, sobre todo no interior de Galicia, como é o caso da Comarca do Carballiño.

Nesta campaña, o BNG esixirá a modernización da rede ferroviaria e a aposta por un tren galego de proximidade que conecte as vilas e as cidades.

Os populares farán esta proposta por medio dunha moción ante o pleno da corporación municipal e para que sexa o concello do Carballiño que traslade esta petición ante a Consellería do Medio Rural da Xunta de Galicia.

Recorda o grupo popular como ésta de Santa Uxía de Lobás é a única concentración de terras que se levou a cabo dentro do municipio carballíñés, e tras rematarse a mesma en 2011, o certo é que a maior parte da superficie -son 266 hectáreas- permanecen improductivas, fracasando algúnhos dos intentos que se levaron a cabo para favorecer o seu aproveitamento por parte dos propietarios.

Agora, manifesta o Partido Popular, dánse as circustancias para que as terras de Lobás poidan recuperar a súa capacidade productiva, xa que a Consellería do Medio Rural está a piques de aprobar a Lei de recuperación de terras productivas, que xa está ultimada "e o propio conselleiro ten dito que se procurará a realización de proxectos piloto para desenvolver a lei, que virá acompañada de importantes investimentos para os sectores agrario, gandeiro e forestal, que procurará dar un empurrón para que o solo rural pase de ser improductivo a xerador de riqueza".