Unha mensaxe con moita mensaxe, a do rei Melchor dende o balcón da casa do concello a todos os nenos e nenas do Carballiño, e un recado para mamás, papás e abós "este ano temos que decirvos que recibimos moitas cartas por  internet, e gustarianos que nos chegasen moitas máis a través do comercio local, por un O Carballiño de futuro", unha mensaxe que foi respondida con aplausos dende o público concentrado na Praza Maior.

Antes, o alcalde do Carballiño, Francisco Fumega fixo pública unha confesión que lle transmitiran os magos de Oriente "dixérnome que os nenos do Carballiño sodes maravillosos, os mellores do mundo, e sódelo porque os vosos papás e mamás tamen o son", e tamén mereceu aplausos.

Pero sen dúbida cando máis parabéns se escoitaron na cabalgata de reis deste ano no Carballiño foi ao rematar o espectáculo de benvida a Melchor, Gaspar e Baltasar, na torre da Veracruz, tras unha pequena sesión de fogos artificiais resaltada pola beleza e arquitectura do monumento.

Un espectáculo que foi seguido por varios miles de persoas dende a rúa Evaristo Vaamonde, onde partíu a comitiva real para o tradicional percorrido polas rúas máis céntricas do Carballiño.

O Arenteiro derrotou por 3-0 ao Alondras no primeiro partido do ano en Espiñedo, unha victoria que permite aos verdes avanzar tres escalóns na táboa de clasificación, pasando do posto 14 que ocupaba antes de xogarse esta xornada ao 11 que pasa a obstentar, 4 puntos por riba do descenso.

Polo visto neste partido, pouco ten que ver o Alondras co equipo temible das últimas tempadas, sobre todo en defensa, bastante endeble. Asi e todo, houbo que esperar ao útlimos suspiro da primeira parte para que Javi Rey aproveitase un balón solto na área para marcar o primeiro gol do partido.

Os de Cangas non so mostraban debilidade defensiva, senón que tampouco tiñan a súa tarde ante a portería de Rui. Perdonaron o empate cun balón ao poste nunha ocasión moi clara, e despois ata fallaron un penalti, ou mellor e máis xusto decílo, parouno o gardameta portugués do Arenteiro.

 Mentres, Wadir non fallou e transformou o seu tiro dende os once metros, e puxo o marcador en franquicia para o Arenteiro. Finalmente, Mitogo aproveitaba os minutos que lle daban e reinvindicaba o seu estatus neste equipo marcando o 3-0 definitivo.

Para ver a ficha do partido, preme a seguinte ligazón:

http://www.futgal.es/pnfg/NPcd/NFG_CmpPartido?cod_primaria=1000120&CodAc...

A recepción aos Reis Magos, previa ao comezo da cabalgata, terá lugar este domingo, 5 de xaneiro, ás 18,30 h., ao remate da misa da tarde no Templo da Veracruz.

O espectáculo de luz, son e fogos de artificio poderá seguirse desde a rúa Evaristo Vaamonde, que quedará pechada ao tráfico a partir das 16,00 h., co obxectivo de realizar os preparativos para o desenvolvemento da recepción.

Ainda que se se anunciou no programa do Nadal o comezo deste espectáculo para as 18,00 h, retrásase media hora tanto para non interrumpir a celebración da misa dominical da tarde, que finaliza ás 18,25 h., como para dar maior realce ao montaxe de luz, son e fogos. Trátase dun evento que terá algunhas innovacións con respecto ao celebrado o pasado ano e que tivo tanto éxito entre o numeroso público asistente.

Así, nesta edición, ademáis de luz, son e fogos de artificio, haberá diversas propostas de gran espectacularidade visual na torre do templo.

Igual que o pasado ano, todos os elementos que se utilizan neste espectáculo son absolutamente inocuos para o templo. Ao remate do espectáculo de recepción comezará a cabalgata con tres carrozas, unha para cada rei, que discurrirá polas rúas Conde Vallellano, Paseo, Ribeiro e Cesáreo Tizón, ata o concello, fronte á Praza Maior.

Os reis, así como o alcalde, saudarán desde o balcón do concello e, como é tradicional, a continuación, Melchor, Gaspar e Baltasar recibirán e saudarán personalmente aos nenos e nenas no salón de plenos do concello.

Sen ningún tipo de altercados de órden público, liortas ou incidencias de especial relevancia, asi deu o salto a 2020 O Carballiño, e así o confirman dende a Xefatura da Policia Local do Carballiño. Tan so un par de pequenos percances automobilísticos, dous accidentes de tráfico leves nas primeiras horas da tarde do dia de feira.

Por primeira vez en bastantes anos a Policia Local carballiñesa non tivo que atender ningún suceso relevante, en contraste co que viña acontecendo nos últimos anos, cando se multiplicaran as incidencias, sobre todo as pelexas, nas primeiras horas do ano novo "desta vez non rexistramos ningunha intervención reseñable, unha noitevella e un ano novo moi tranquilos, podemos decir que tivemos unha celebracións nas que O Carballiño foi exemplar", destaca o oficial xefe da Policia Local, Francisco Valeiras.

Tendo en conta os antecedentes dos últimos anos, sobre todo entre as 7 e as 10 da mañá do dia de ano novo, con numerosas liortas con feridos, a policia carballiñesa redoblou a partir das catro da madrugada os seus efectivos para atender posibles incidentes, con tres patrullas que non foron requeridas en ningún momento.

Feirón e noitevella con moito frio no Carballiño

As temperaturas, moi frias e con moita néboa tanto nas horas do feirón do 31 como no dia de ano novo, seguramente que influiron negativamente na animanción e afluencia de público nestas celebracións.

Non obstante, a feira de fin de ano volveu mostrar o seu tirón popular no Carballiño, sobre todo nas horas do mediodia e o xantar, os restaurantes e mesóns do Carballiño estiveron abarrotados, e algúns mesmo instalaron mesas supletorias.

Pola noite, tamén rexistraron unha boa afuencia aqueles que organizan as tradcionais ceas-cotillón de noitevella, aínda que son algúns menos dos que eran fai unhos anos atrás.

Tampouco a noitevella é xa aquela multitudinaria de tempos atrás no Carballiño, aínda asi a entrada no ano novo foi moi celebrada polos carballiñeses, e o que tamén é de destacar, con bo e san ambiente festivo, sen ningún tipo de incidentes.

Na foto, os integrantes da tertulia dos venres en COPE O Carballiño: Ana Morgade, Sebastián Lamazares, Manuel Nogueira e José Antonio Barje, con Xan PInal, xunto ao pobo navideño, unha creación da nosa compañeira Silvia Molina, feito a base de figuras de galleta decoradas con fondant, exposto nas oficinas desta emisora, na rúa Aldara nº 26,3º.

Todo o equipo de COPE O Carballiño desexámosvos que o ano novo chegue cargado con moitas e boas novas tanto para O Carballiño como para todos e cada un dos nosos concellos, e que 2020 sexa xeneroso en saúde e prosperidade para todos vos.

“Marina di algo, Marina di Algo, se lle repetía o pasado día 3 de novembro por parte das 500 persoas que asistían a manifestación a escuras na propia estación de RENFE no Carballiño" recordan agora dende o Partido Popular, referindo a reelixida deputada carballiñesa Marina Ortega.

"E isto facíase a conta de que daquelas a Deputada no Congreso do PSOE e candidata á reelección nas xerais que estaban en plena campaña, asistía xunto con outros membros do goberno socialista do Carballiño a esta concentración", engaden.

E tamén censuran os populares como "daquelas Marina Ortega non se pronunciou, deu a calada por resposta, e que de falar, seguro que mentiría para non prexudicar aos seus patrocinadores PSOE, pois de dicir a verdade, podería ter consecuencias electorais".

Aseguran dende o grupo popular no concello do Carballiño que "Marina Ortega era coñecedora dos criterios que o ADIF manexaba dende o mes de maio do 19 sobre a privatización e que se referían a esixencia para o adxudicatario sobre” garantía de horarios, a atención ao público, venda de billetes e servizos básicos”, incluso se dicía daquelas por parte do ADIF que se melloraría a atención ao público , pois se faría mais eficiente e eficaz que o que se viña facendo con persoal propio do ADIF".

No seu relato, os populares tamén afirman que "no mes de agosto do 19, estes criterios que o ADIF marcaba como fundamentais no concurso público, foron recorridos por unha empresa do sector e o 20 de setembro o ADIF, RESOLVE que os conceptos que antes eran obrigatorios de atención ao público e venda de billetes e servizos básicos, desaparecen e continúan co proceso de adxudicación e xa desaparecía esa obriga de atención ao público".

Tamén asegura con rotundidade o Partido Popular que "isto todo, Marina Ortega Deputada nas Cortes polo PSOE, sabíao, e por tanto tamén o sabía o Alcalde do Carballiño, que o sabería tanto por terllo comunicado Marina Ortega, como por terllo comunicado o ADIF, na mesma reunión onde lle garantiron a gran noticia de que un mecánico viaxaría en cada tren nos viaxes Ourense/Carballiño".

O ADIF tiña que ter paralizado o procedemento de licitación desta privatización, toda vez que non se garantíaa o servizo de información, atención a clientes, venda de billetes e servizos básicos complementarios nas estacións de ferrocarrís, entre as que se atopa O Carballiño, ou senón, garantir que o seguirían a facer eles cos seus propios medios,entende o PP carballiñés.

Marina Ortega, manifestan, "tiña que ter informado ao Pleno do Carballiño, do que participou como Concelleira do Carballiño durante 4 anos logo da decisión do ADIF do 20 de setembro do 19 de sacar a obrigación de atención ao público e venda de billetes para que o Pleno do Carballiño tivera marxe de manobra".

"Pero Marina, tamén perdeu a mellor oportunidade de dicir o día 3 de outubro ante a veciñanza e ante moitos dos concelleiros do PSOE da Comarca do Carballiño, que non só nos quitarían a luz ese día senón que tamén nos quitarían a atención ao público e a venda de billetes.
Débese de facer con urxencia, a adopción de acordo plenario, que intente recuperar a normalidade deste servizo, aínda que a estas alturas non sexa máis que un xesto formal que represente a toda a poboación, cousa distinta sería telo feito, no momento que ADIF abandonou a obriga no concurso de atención ao público e venda de billetes na estación, pero temos que tentalo",lamenta o Partido Popular.

Finalmente, no grupo popular no concello do Carballiño esperan que o ADIF retome esta decisión, e agradecerían a Marina Ortega que se postule a favor do seu pobo por moito que lle moleste ao PSdG-PSOE.

"A necesidade dun movemento feminista no nosa Comarca, que poña de manifesto as carencias existentes en avances para as mulleres" foi secundada nesta asemblea aberta da Agrupación de Mulleres pola Igualdade do Carballiño (AMICA", a primeira que celebra este colectivo que se deu a coñecer en público con motivo da celebración do día internacional pola eliminación da violencia contra as mulleres, no pasado mes de Novembro.

Esta nova agrupación "emerxeu ante a necesidade de xerar un espazo seguro para as mulleres no que compartir experiencias e iniciativas que conduzan a reivindicacións e accións que fagan desta una vila na que se poida chegar a vivir no marco dunha maior igualdade", indican nun comunicado remitido aos medios.

AMICA "atópase en expansión e vai medrando paseniño pero con pé firme. Cun obxetivo claramente local e ó mesmo tempo abertas a un amplo espectro colaborativo con outras asociacións e plataformas feministas, sempre mantendo unha entidade propia na que resaltar todos aqueles comportamentos machistas que aínda seguen instalados na nosa comarca e poñendo a lupa nos micromachismos que podendo pasar desapercibidos atópanse en todos os ámbitos", subliñan.

Tras apoiar o movemento contra o peche do paridoiro de Verin, e dispostas a apoiar calquera iniciativa que xurda en prol da defensa dos dereitos das mulleres, AMICA segue asi a dar pasos no contacto coa cidadanía do Carballiño. Nestas asembleas "preténdese dar acubillo a todas aquelas persoas que teñan inquedanzas na loita por unha sociedade máis igualitaria, na que os roles de homes e mulleres establecidos que ainda predominan, se vaian esvaecendo".

AMICA "é un grupo de mulleres que marcan un rumbo claramente feminista e que anima a todas as persoas : homes e mulleres a formar parte e colaborar nesta andaina que está a comezar", remarcan dende este novo colectivo.