A ruta das tapas deste venres e do seguinte, 6 e 13 de decembro, respectivamente, estará protagonizada polos “Sabores do Nadal”, e terá como aliciente poder participar nun sorteo dunha cesta de Nadal cuxo valor ronda os 1.000 euros.

O evento foi presentado no restaurante Casa Gazpara polo concelleiro de Turismo, Manuel Dacal; a xerente do CCA, Noelia Mares; a representante da bodega Pazo Tizón, Raquel Cabo, e representantes dos dezaseis establecementos hostaleiros que participan nesta iniciativa, e que amosaron as tapas que ofrecerán á clientela nestas xornadas ao prezo de 2 euros.

Durante a presentación procedeuse ao sorteo das dúas viaxes de fin de semana a Asturias e Oporto, correspondentes á ruta das tapas do pasado mes de novembro. Estes premios recaeron, o de Asturias, que inclúe dúas comidas en dous restaurantes de Xixón e Oviedo de hostaleiros carballiñeses, en Patricia Gulisano, e a de Oporto en Roberto.

Manuel Dacal felicitou ao sector hostaleiro carballiñés pola calidade e innovación das súas propostas gastronómicas, e agradeceu ao CCA, Pazo Tizón, Aceites Abril, demáis patrocinadores e sector hostaleiro os produtos ofrecidos para a cesta de Nadal.

Noelia Mares recordou que na app quedamosdetapas pódese ver cada unha as propostas dos dezaseis bares, mesóns e restaurantes que conforman esta iniciativa, e convidou a vivir o Nadal no Carballiño.

Raquel Cabo expresou a súa satisfacción por colaborar con este evento gastronómico e hostaleiro.

E David, cociñeiro da Casa Gazpara, en representación do sector hostaleiro, dixo que no Carballiño hai un gran potencial culinario, que é moi creativo e que merece un recoñecemento, pois está a un gran nivel.

O alcalde Francisco Fumega desvelou en COPE O Carballiño que estáse estudando dotar dunha nova planta ao edificio da Casa da Cultura do Carballiño.

Fumega recoñeceu que é unha proposta na que ven traballando dende fai algunhos meses e mesmo estando en contacto con algún dos arquitectos autores do proxecto de rehabilitación que se levou a cabo na década dos anos oitenta do século pasado.

O rexedor municipal dixo que para levar a cabo a construcción desta nova planta no edificio é necesario aprobar unha modificación no Plan Xeral de Ordenación Municipal e contar con autorización de Patrimonio, pero non ve ningún tipo de atrancos que poida impedir a execución deste proxecto, tanto no que refírese á estructura do edificio como ao aspécto económico xa que é unha proposta lóxica e racional "que non excede as posiblidades económicas do concello", subliñou.

Con esta actuación, o alcalde considera que O Carballiño podería contar cunha biblioteca moderna nun edifcio integral.

A Casa da Cultura do Carballiño data dos anos oitenta e fora un proxecto dos arquitectos carballiñeses Fernando Blanco Guerra e Chus Blanco Piñeiro, e no que tamén participou Alfredo Freixedo. Foron os autores da rehabilitación deste edificio ata daquela coñecido como "a casa dos mestres", que fora contruida orixinalmente na mesma época na que tamén se edificiou o Grupo Escolar Calvo Sotelo, na década dos anos vinte do século pasado.

O alcalde carballiñés aproveitou a súa intervención nesta emisora de radio para pronunciarse sobre a polémica destes dias na vida política municipal, tras a petición do Partido Popular para que se celebren as sesións en horario matinal, e ademáis que se acorde dotar as sesións dun regulamento, o que foi criticado tanto por Espazo Común como BNG, partidarios de que os plenos sigan celebrandose os derradeiros mércores de cada mes e en horario de tarde-noite.

Fumega, a preguntas dun oínte, mostrouse partidario de convocar as sesións da corporación carballliñesa en horario de mañá, e tamén dixo que se fai aconsellable un regulamento, e avanzou que no transcurso da semana que ven os grupos políticos representados no concello carballiñés tratarán de chegar a un acordo sobre este asunto.

Precisamente, no pleno extraordinario celebrado esta mañá, para tratar os puntos que quedaran pendientes cando se suspendeu a sesión da pasada semana debido ao seu horario intempestivo, acordouse por unanimidade e a instancias de Espazo Común demandar da Xunta que dote a o Carballiño dun novo centro de saúde.

A este respecto, Fumega mostrouse favorable a acometer este proxecto nos terreos colindantes co actúal centro de saúde, aínda que será nunha reunión no transcurso da próxima semana cando se formalice un acordo entre os grupos politicos do concello.

O alcalde do Carballiño tamén asegurou que a Oferta Públia de Emprego para cubrir dúas praza na plantilla da Policia Local conta cos correspondentes informes xurídicos favorables que avalan esta convocatoria. Asegurou que O Carballiño terá no transcurso de 2020 dous novos axentes de Policia Local e que, ademáis na OPE do próximo ano tamén se convocarán novas prazas na Policia carballiñesa.

A interveción íntegra de Fumega en COPE O Carballiño pódese escoitar no apartado de PROGRAMA desta Páxina WEB, do dia 4 de Decembro.

O PSOE de Leiro reclama ao Goberno Municipal do Partido Popular "a urxente intervención nas estradas das nove parroquias de nosa Concello para que e segundo di a nosa campaña que estamos a levar acabo por todo o Concello para O LEIRO QUE QUEREMOS, e que se prime dunha vez e se po interese xeral de toda a veciñanza no seu conxunto".

Os socialistas reiteran a inaprazable necesidade de que o goberno que preside Fco José Fernandez deixe de tratar aos veciños como cidadáns de segunda categoría, xa que “o estado de deterioración das estradas municipais requiren dunha intervención urxente das mesmas e non deixar pasar o tempo e mentíndonos como fixo o Alcalde na estrada de PAREDES- OREGA- BERAN, para nada este goberno municipal pensa no interese xeral, polo que os socialistas criticamos e denunciamos publicamente as aptitudes caciquiis deste señor Alcalde xa que vén realizando reiteradamente".

"O gran tránsito de vehículos que transcorre por algunhas das vías, así como a súa deterioración pola falta de atención e o oportuno asfaltado das estradas, levaron a numerosos veciños a solicitar a axuda do PSOE de Leiro. Moitas persoas das parroquias afectadas trasladáronnos a súa preocupación pola falta de seguridade viaria que este grave problema ocasiónalles”, aseguran os socialistas.

Engaden que "esta defensa dos servizos públicos do noso municipio, tal e como trasladaron os propios veciños das nove parroquias ao noso Portavoz Municipal Manuel Rodríguez, foi o detonante da solicitude de apoio aos socialistas de Leiro ante a inacción do goberno municipal”.

Polo que "os socialistas reiterámoslle ao Grupo de Goberno do Partido Popular que se deixen de facer cálculos electorais para seguir na poltrona e que miren moitos máis polo interese xeral de todos e cada un dos nosos vecin@ s que para iso pagan os seus impostos municipais, para ter servizos públicos de calidade e non como está a pasar agora que depende da condición política dos veciños realízase ou non se realiza, é moi triste que nos tempos que corren, haxa este tipo de accións caciquiis e de submisión das cales están a pasar no noso Concello", manifestan dende o PSOE de Leiro.

Agardase unha gran afluencia de público, dada a espectacularidade deste tipo de probas, que contan un total de 292 inscritos, nas modalidades de Canicross, Bikejoring, Patín, Patín 2 Cans e Carro.

Entre os participantes estarán o mellores deportistas de España, moitos deles con experiencia tanto nos campionatos de Europa como do Mundo de Mushing Terra.

A proba está organizada polo Club ACADE, es as federacións galega e española de deportes de inverno, coa colaboración do concello de Boborás.

A competición desenvolveráse o sábado 7 e o domingo 8 de Decembro en horarios de mañá e nun circuíto nos arredores da capitalidade municipal. 

A entrega de premios faráse o domingo ás 13:30 hras no polideportivo municipal de Boborás.

Dous grandes musicais, como son “El tributo a Coco” e “Frozen” que virá ao Carballiño como primeira vila en Galicia tras a representación na Gran Vía de Madrid, así como diversos concertos, entre os que destaca o de Roi Casal “Son galego, son cubano” Xacobeo 2021, que será gratuito, e o de Nadal que ofrecerán a Coral Casino do Carballiño e a Banda de Vilatuxe; a obra de Teatro del Norte “Retablo de la avaricia, de la lujuria y la muerte”; unha gala de circo e os monólogos de Grison Beatbox & Jaime Caravaca e o de Agustín Giménez, encabezan o cartel das máis de corenta actividades culturáis e sete deportivas que terán lugar este Nadal no Carballiño.

O programa foi presentado polo concelleiro de Cultura, Diego Fernández, e Silvia Baranda, concelleira de Deportes e Comercio.

Ademáis, haberá cine, no que destaca un ciclo de cine infanti; audicións musicais, pasarrúas e animación de rúa, na que non faltará o Tren de Nadal do CCA nin a visita de Papá Noël, así como un gran espectáculo de luz, son e lume na Veracruz durante a Cabalgata de Reis; Ruta das Tapas, Cantos de taberna e exposicións fotográficas completan este intenso programa cultural, que comeza esta próxima fin de semana e se prolongará ata o mes de xaneiro.

En canto á actividade deportiva, hai que subliñar a 11ª Carreira Solidaria do Arenteiro; dúas probas de patinaxe, como son o III Trofeo Vila do Carballiño de Patinaxe Artística e a Gala de Nadal de Patina Aehde; o II Torneo de Reis de Fútbol Sala base e o 2º Campionato de Reis de Xadrez.

Silvia Baranda, como concelleira de Deportes e de Comercio, destacou as actividades deportivas así como as vencelladas co CCA e a praza de abastos, e dixo que se trata dunha programación moi intensa e completa, que busca dinamizar a actividade comercial, social, cultural e deportiva na vila durante o Nadal, e que o concello estará sempre disposto a apoiar todo tipo de actividades que redunden en beneficio do pobo. E fixo un chamamento para que nestas datas se merque nos establecementos da vila, porque son esenciais para menter vivo O Carballiño.

Diego Fernández expresou un desexo semellante e destacou a calidade dos espectáculos e actividades programadas, pensadas para todo tipo de público, pero tendo sempre moi presente ao público infantil e familiar. Por eso incidiu nos grandes musicais, concertos, obradoiros, circo e, sobre todo, na visita de Papá Noël e a Cabalgata de Reis. Tamén resaltou que por primeira vez habería actividades infantís no Centro Comunitario.

E referiuse á Ruta das Tapas do 6 e 13 de decembro, á obra de Teatro del Norte, o 28 de decembro; aos dous grandes musicais “Tributo a Coco” e “Frouzen”, que terán lugar os días 8 de decembro e 24 de xaneiro, respetivamente; ao concerto de Nadal da Coral do Casino e a Banda de Vilatuxe, o 14 de decembro; os monólogos de Grison Beatbox & Jaime Caravaca e de Agustín Jiménez, o 21 de decembro e o 18 de xaneiro, repectivamente, e ao concerto de Roi Casal “Son galego, son cubano” Xacobeo 2021, o 12 de xaneiro, que será gratuito, como actividades moi destacadas do programa.

Poderán solicitar estas axudas as persoas físicas ou xurídicas que acometan obras de rehabilitación ou embelecemento no perímetro de protección ou o campo visual do camiño, no caso da nosa comarca, a chamada ruta da prata que decorre por varias localidades dos concellos de San Cristovo de Cea e Piñor.

A Xunta de Galicia impulsará a mellora do embelecemento do Camiño de Santiago a través dunha achega de 1,2 millóns de euros que permitirá que se acometan iniciativas como a restauración de bens, actuacións en elementos que xeren un forte impacto paisaxístico nos diferentes itinerarios ou a substitución de elementos de mobiliario urbano deteriorados ao longo dos trazados, entre outras actuacións.

As solicitudes no prazo dun mes e poderán levar a cabo as súas actuacións a partir do 1 de xaneiro de 2020. Os beneficiarios recibirán, por parte do Executivo autonómico, o 75% do investimento realizado. Trátase dunha actuación que forma parte do Plan de Embelecemento do Camiño de Santiago, enmarcado no Plan Estratéxico do Xacobeo 21, e que permitirá financiar máis dun cento de actuacións na Ruta Xacobea.

Dúas categorías
As axudas do Plan de Embelecemento do Camiño de Santiago están divididas en dúas categorías en función do solicitante. A primeira delas permite financiar un mínimo de 40 actuacións propostas por entidades locais, nas que se inclúen os concellos de Galicia polos que discorre algún tramo do Camiño ou calquera entidade supramunicipal galega (deputacións, mancomunidades...) sempre que teñan competencias para a actuación proposta. Esta categoría conta cunha dotación de 600.000 euros.

A segunda liña está dirixida a persoas físicas e xurídicas privadas titulares dun dereito real sobre un ben moble, inmoble, recurso ou elemento situado no Camiño de Santiago ou os arrendatarios dos citados bens. Neste apartado inclúense, ademais, comunidades de propietarios, asociacións de veciños ou comunidades de montes veciñais en man común. Así pois, financiaranse un mínimo de 60 actuacións nesta categoría que conta cunha achega de 600.000 euros.

Cinco ámbitos de actuación
As actuacións impulsadas pola Xunta de Galicia ao abeiro desta liña de axudas están incluídas en cinco ámbitos. O primeiro deles refírese a intervencións sobre elementos etnográficos e a súa contorna e inclúe accións de valorización, mantemento, consolidación ou restauración de fontes, lavadoiros, hórreos, pontes, muíños, valados ou calquera outro elemento de carácter tradicional vinculado á paisaxe e a cultura do lugar.

O segundo contempla actuacións sobre casas e eiras, como melloras nas fachadas e nas cubertas empregando materiais propios da zona; mentres que a terceira liña abrangue intervencións no espazo agrario co fin de reducir o impacto visual que xeran elementos en desuso ou abandonados sen interese patrimonial ou paisaxístico como naves, silos ou casetas.

As axudas do Plan de Embelecemento do Camiño de Santiago complétanse con actuacións para incorporar a vexetación como elemento integrador da paisaxe ou actuacións nos trazados do Camiño co fin de substituír elementos do mobiliario urbano que polo seu estado de deterioro ou as súas características físicas resulten alleas á contorna da Ruta Xacobea.

O Partido Popular fai referencia aos anuncios feitos dende o concello do Carballiño tanto polo alcalde como outros responsables municipais no transcuros dos últimos meses "serían 6 prazas de policía. Logo díxose que serían 4, mais tarde volveron a falar de 6, para logo rebaixar a 3 e finalmente publicar unha oferta de emprego pública (OPE) de 2".

Do mesmo modo, relatan, como a principios do 2019, primeiro sería unha OPE parcial só para policía, logo se dixo que se retrasaba porque sería unha OPE para a totalidade da plantilla, para definitivamente a mediados de novembro ter unha OP parcial só para a policía.

Por todo elo, conclúen que "o alcalde do Carballiño estivo enganando á veciñanza tanto co sistema da OPE como o número de policías a convocar, e o caso é que deixamos pasar dende que temos a RPT actualizada 2 convocatorias para concursar na xunta e crear novas prazas de policía local e ademais na derradeira tiveron ata 2 prórrogas concedidas para poder presentar a OPE que motivara a convocatoria".

"Non será, pois, pola falta de posibilidades que a Axencia de seguridade da Xunta de Galicia lle deu ao noso concello.
Pero sendo esto parte do pasado recente do noso concello, que demostra a mentira continuada que o alcalde Paco Fumega mantivo neste asunto, resulta que con data de 28 de novembro se ten publicado no DOG unha OPE parcial do Concello para cubrir 2 prazas de policía.
Esta OPE está en entre dito, pois para poder sacar estas dúas prazas na oferta pública de emprego, contabilizáronse 2 baixas de persoal funcionario e fixo, contra ningunha alta no ano 2018",subliñan dende o grupo popular.

Ademáis, consideran que "as dúas vacantes que se razoan para esta OPE, son unha xubilación na policía local que non ofrece dubida algunha, pero a outra trátase non dunha baixa en si, senón que se contabiliza a ausencia dunha traballadora con contrato fixo pero que non está no seu posto por unha excedencia concedida no ano 2018 e que para maior incertidume resulta que esa praza está en propiedade dende o ano 2006 o cal e de moi difícil xustificación a contabilización da mesma como VACANTE".

O Grupo municipal socialista, entende o grupo popular, "o que tiña que facer con ese posto de traballo que ademais é dunha traballadora social sería o de cubrila cunha interinidade e facelo para servicios sociais, pois dende que se lle deu a excedencia o servicio de igualdade e servicios sociais está necesitado de que alguén cubra ese posto mentres non se reincorporase a súa titular do posto".

Advirte o Partido Popular "como está a situación, correse serio risco de que se teña que anular esta OPE, se teña que pasar outra vez por mesa de negociación e se teña que publicar antes de que finalice o ano".

E finalmente, auguran que "de non ser así, ao final, pode que nin 6, nin 4, nin 3, nin 2, pode que 1 ou o mais seguro que sexa ningún".