A Axencia Galega de Emerxencias (AXEGA) contribuíu, mediante a instalación de material absorbente, no control e contención dunha mancha de hidrocarburos localizada no Regato do Varón, no Carballiño.

Mediante esta actuación dos técnicos do Grupo de Apoio Loxístico da AXEGA, logrouse conter o derrame e impidir que avanzase río abaixo.

Foi un veciño quen coa súa chamada ao 112 Galicia, cando estaban a piques de dar as once desta mañá, permitiu activar un operativo no que participaron os técnicos do Grupo de Apoio Loxístico en colaboración cos Bombeiros do Carballiño e os membros do servizo municipal de Protección Civil.

Segundo puideron comprobar os servizos de emerxencias alí desprazados, tratouse dun derrame de hidrocarburos que quedou estancado no Regato do Varón, á altura da Rúa Fontela. Nesa zona actuaron os técnicos de AXEGA e os Bombeiros do Carballiño mediante a colocación de mantas absorbentes, que permitiron reter a mancha e impidir que continuase o curso do regato ata a súa desembocadura no Río Avia.

Ademais, desde o 112 Galicia, puxéronse os feitos en coñecemento da Garda Civil e da Policía Autonómica co fin de determinar a orixe da vertedura.

O cartel da LVII Festa do Pulpo do Carballiño xa está na rúa. Dende hoxe, 2.000 carteis comezarán a distribuirse polo Carballiño, Galicia e centros galegos de todo o mundo.

Trátase do inicio do ciclo da Festa do Pulpo que culminará o domingo 11 de agosto, día da celebración gastronómica.

O cartel, que é obra da deseñadora carballiñesa Ari Quintas, foi presentado esta mañá no concello polo alcalde, Francisco Fumega, e o concelleiro de Turismo, Manuel Dacal, que discuparon a súa ausencia por motivos de traballo.

Francisco Fumega dixo que se trata dun cartel moi fermoso que representa á perfección a simbiose do parque municipal coa tradición pulpeira e a do escanciado da sidra, nun claro homenaxe a Asturias, a quen se lle dedica este ano a festa. Por eso agradeceu o seu compromiso co Carballiño e o seu bo facer como deseñadora para levar o nome da Festa do Pulpo polo mundo adiante.

Manuel Dacal compartiu este agradecemento e referiuse a presentación da festa o próximo luns en Xixón, con asistencia das primeiras autoridades municipais e autonómicas, así como de persoeiros e medios de comunicación de Asturias. Tamén dixo que a próxima semana íase efectuar a presentación oficial da festa xunto cos patrocinadores e corporación municipal.

A deseñadora Ari Quintas foi tamén a autora do cartel da pasada edición da festa, que tivo un éxito extraordinario, e que por eso se lle encargou o deste ano, que se espera teña tan boa acollida como o anterior.

A cuarta edición da Feira Medieval A Liorta, que se desenvolverá este venres, sábado e domingo, incluirá algunhas novidades con respecto as pasadas edicións.

Así o sábado 20 de xullo, a partir das 21,30 h., no anfiteatro da Veracruz, o grupo de teatro Dar Trela levará a cabo a escenificación histórica da primeira voda celebrada na feira do Carballiño.

Pero non será a única novidade de A Liorta 2019, senón que ao longo dos tres días haberá multitude de espectáculos de rúa, na Praza Maior e no anfiteatro da Veracruz, como combates, voo de aves rapaces, lume e aéreos sobre estruturas elevadas, ademáis de pasarrúas de músicos, títeres e zancudos, e diversas actuacións sorpresa.

Asimesmo, a partir das 18,00 h., do venres 19 de xullo, estarán abertos os postos, talleres artesanais, rincón infantil, demostración de oficios antigos e exposición de aves rapaces.

PROGRAMA A LIORTA 2019

Venres
18:00 Hrs:
Os artesáns chegados dende todos os puntos cardinais dan vida ao mercado amosando as súas artesanías e produtos.
-Apertura de talleres, rincon infantil e oficios demostrativos antigos
-Apertura da exposición das Aves Rapaces
19:00 H. Pasarrúas musical a cargo do grupo de música Turdion
19:30 H. Funcion de “títeres”(raza Pardo Bazán)
20:15 Tiro con arco gratuíto
20:30 H. Exhibición de Voo.Rapiñas do Salnés (Praza da Veracruz)
21:30 H. orco e carro Matasanum (keppler TYT)
22:00 H. Pasarrúas musical Turdion
22:30 H. Pasarrúas animado
23:00 H. Espectáculo de Lume.- Estático (TENEBRAE) Praza Maior
23:30 H. Pasarrúas musical.- Itinerante.- Turdion
24:00 H. Peche do Mercado. (Hora estimada, variará en función do público)

Sábado:
11:00 H. Apertura do Mercado e posta en marcha dos talleres
11:00 H. Apertura do Rincón Infantil e da Exposición das Aves Rapaces.
11:30 H. Contacontos infantil (Praza Pardo Bazán)
12:00 H. Pasarrúas musical Grimorium.- Itinerante.
12:30 H. Exhibición de Voo.- Rapiñas do Salnés (Praza Veracruz)
13:00 H. pasarrúas animado
13:15 H. tiro con arco gratuíto
13:30 H. Combates Medievales.- Estático.- Especialistas Hípica Celta (Praza Veracruz)
14:00 H. Pasarrúas Musical.- Itinerante.- grimorium
14:30 H. Hora “del Buen Yantar”
17:00 H. Apertura do mercado, postos e talleres en vivo
17:30 H. personaxe sobre bola xigante (niño lapiz)
18:00 H. Matasanum carro endiablado (keppler)
18:30 H. pasarrúas con zancudos e musica
18:45 H. Os Cabaleiros dos Combates recorren o Mercado.- Itinerante.- Especialistas Hípica Celta.
19:00 H. Pasarrúas musical grimorium
19:30 H. Exhibición de Voo.- Estático.- Rapiñas do Salnés.
19: 45 H. función de contacontos
20:00 H. tiro con arco
20:30 H. Combates Medievales.- Estático.- Especialistas Hípica Celta.
21:00 H. bruxa negra aparece en escena ( Keppler)
21:15 H. 1719.VODA OU FODA?
Recreación histórica da primeira voda na feira do Carballiño. Grupo de teatro Dar Trela.
21:30 H. Pasarrúas musical grimorium.
22:30 H. pasarrúas animado música e personaxes
23:00 H. A Dama de Lume.- Espectáculo de lume (keppler)
23:30 H. Pasarrúas musical grimorium
24:00 H. Peche do Mercado.

Domingo
11:00 H. Apertura do Mercado e posta en marcha dos talleres…
11:00 H. Apertura do Rincón Infantil e da Exposición das Aves Rapaces.
11:15 H. Personaxes interactúan co público
11:30 H. Espectáculo de aéreos “Elfa” (Praza Maior)
12:00 H. Tiro con arco e contacontos
12:30 H. Exhibición de Voo.- Rapiñas do Salnés
13:00 H. bola xigante (Niño Lápiz)
13:30 H. Combates Medievais.- Estático.- Especialistas Hípica Celta
14:00 H. Pasarrúas Musical.- Itinerante.- Turdion
14:30 H. Hora “del Buen Yantar”
17:00 H. Apertura do mercado,postos e talleres en vivo
17:30 H. O Fauno.- Itinerante.- Cano Canyon
18:00 H. Matasanum e bruxa negra incordian polo mercado
18:30 H. Os cabaleiros dos Combates recorren o Mercado.- Itinerante.- Especialistas Hípica Celta.
19:00 H. Pasarrúas musical turdion
19:30 H. Exhibición de Voo.- Estático.- Rapiñas do Salnés.
20:00 H. funcion titeres
20:30 H. tiro con arco
21:00 H. Combates Medievales.- Estático.- Especialistas Hípica Celta.
21:30 H. A bruxa negra Keppler.
22:00 H. Pasarrúas musical grimorium.
22:30 H. Espectáculo de aéreos “O Mensaxeiro da sabiduría antiga” (Praza Maior)
23:00 H. Saída do pasarrúas cos fachos ardendo e música pola rúa principal ata a Igrexa da Veracruz.
23:30 H. Chegada á Igrexa da Veracruz e solta de “farolillos”.
24:00 H. Tenebrae.- Espectáculo estático na Veracruz.- keppler.
24:00 H. Peche do Mercado.

A Axencia Galega das Industrias Culturais -AGADIC- volve incluir ao Festival de Teatro Gaelgo do Carballiño dentro dos eventos escénicos máis importantes de Galicia, e outórgalles unha subvención para este ano 2019 de 15.000 euros.

O ano pasado AGADIC deixara sen axuda ao certame teatral carballiñes ao considerar daqúela que non cumplía os requisitos para subvencionálo.

Agora, AGADIC ven de facer pública a resolución pola que se outortan as axudas deste ano, mediante adxudicación por concorrencia competitiva para este tipo de festivais escénicos.

O Festival de Teatro Galego está organizado na actualidade pola Asociación FETEGA e tradicionalmente viña celebrándose dende a súa fundación no ano 1989 a principios do mes de Setembro, aínda que na edición de 2018 por vez primeira na súa historia adiantouse ao mes de Agosto.

Puideron optar a esta liña de subvencións os encontros celebrados en Galicia entre o 1 de novembro de 2018 e o 31 de outubro de 2019, que contasen cunha traxectoria de polo menos dúas edicións anteriores e que ofrecesen nos seus carteis un mínimo de seis compañías ou grupos, entre outras condicións.

As bases fan fincapé na consideración deste tipo festivais como un sector cultural estratéxico para Galicia e no impulso da súa profesionalidade, de xeito que se esixe que polo menos a metade dos concertos ou representacións programadas sexan de pago, agás no caso dos festivais escénicos de rúa.

A Xunta busca deste xeito contribuír á consolidación dun mapa galego de festivais de carácter profesional, así como a dinamizar a contratación artística e a creación de públicos nestes sectores culturais.

Os días 16, 17 e 18 de xullo celébrase unha nova edición do cine de verán ao aire libre, Flores de cine, unha actividade promovida polo Cine-Club Carballiño para as noites de verán na baixada á Flores.

Proxectaránse tres películas na baixada de Flores, en horario de 22:30 horas.

Este ano os títulos escollidos son os seguintes:

O martes 16 comeza este ciclo cun clásico do ano 1957, "Doce hombres sin piedad", gañadora do Oso de ouro no Festival de Berlín dese ano e que conta cunha memorable actuación de Henry Fonda.

O mércores día 17 proxectaráse "En el calor de la noche" (1967), un thriller gañador de 5 Oscar e 3 Globos de Ouro. Está protagonizada por Sidney Poitier e Rod Steiger.

Completaráse este ciclo cinematográfico o xoves día 18 con "La chica del puente", de P. Leconte, para moitos unha das grandes películas do ano 1999.

Na seguinte ligazón podes escoitar o programa especial de COPE O Carballiño dedicado ao concello de Boborás e a festa histórica "1809: A Batalla", que se celebra esta fin de semana, sábado 13 e domingo 14 de Xullo, en Pazos de Arenteiro.

http://copecarballino.es/content/programa-especial-1809-batalla-de-pazos-de-arenteiro

Nos arquivos adxuntos podes descargar toda a programación e información de interese para gozar das distintas actividades: