O ciclo, organizado polo Concello do Carballiño xunto coa Asoc. Musical Cultural O Tambor Colectivo, é un festival urbano onde os grupos actúan en distintos “salóns” ubicados no centro da vila. O obxectivo é achegar unha gran variedade de estilos musicais aos máis de 500.000 visitantes que se esperan neste 2018 durante as dúas semanas que preceden á celebración da Festa do Pulpo.
Tras o éxito das pasadas edicións, este 4º Ciclo de Músicas de Sofá consolídase xa como un dos festivais de referencia do territorio galego. Para iso a organización conta, como cada ano, con grupos musicais de primeiro nivel, de estilos tan distintos como o rock, a samba ou a música tradicional, entre outros. Esta calidade, unida é estética vintage dos escenarios e á accesibilidade dos mesmos fan dos concertos algo único.
Cinco referentes do panorama musical galego
Nesta edición o festival conta cun total de cinco grupos, referentes nos seus estilos dentro do panorama musical galego. Trátanse de Bala com Bala, cuarteto de bossa nova e samba; Trilitrate, cuarteto de música acústica e videocreación en tempo real; Davide Salvado, referente da música tradicional galega tanto nas nosas fronteiras como fóra delas, ou Oie Trío, trío de jazz composto por guitarra, saxo e contrabaixo; pechará o ciclo És un árbol, grupo de rock absurdo que non deixan a ninguén indiferente, tanto pola música como polas letras.
Ademais, durante os dous días haberá dous salóns destinados aos dj's Chicotralla e Dj Aí, e como novidade , o sábado terá lugar a presentación do libro Mulleres de Gargamala, da man de “Arredor da Tradición”
“Vendo a acollida e progresiva calidade do evento, agardamos e confiamos en que cada ano a proposta será máis ambiciosa, chegando a converter o Ciclo de Músicas de Sofá nun dos festivais urbanos de referencia na Península”, declaran Anaïs e Pedro.
Venres 3 de agosto
Bala com Bala. Samba/Bossa/Jazz (Gz, Portugal)
20:30 hrs. Rúa Aldara
Baixo, cantante, batería e guitarra compoñen este cuarteto que en 2016 se xuntan en Lisboa para mesturar o jazz con outros estilos como samba ou bossa nova
Trilitrate (Vigo)
00:00 hrs. Praza Maior
Proxecto que abarca música acústica e viodeocreación en tempo real. Trátase dunha composición colectiva que ten como fin crear algo persoal e inédito. Desdebuxan as liñas existentes entre a composición e a improvisación, revelando influencias de estilos alonxados entre sí, como música clásica, improvisación libre, hardcore, ou o noise.
Sábado 4 de agosto
Davide Salvado. Tradicional (Gz)
13:00 hrs. Rúa Principal
Un dos artistas galegos con máis proxección tanto na península como fora dela. Ven de presentar o seu 2º álbum “Lobos”, mais desta volta virá ao Ciclo só acompañado das súas percusións, reinterpretando o repertorio vocal da música tradicional galega e peninsular
Oie Trío. Jazz (Gz, Francia)
20:00 hrs. Rúa Curros Enríquez
Cunha formación pouco habitual para un trío de jazz, este combo integrado por músicos residentes na área de Vigo presenta composicións orixinais e arranxos de standars dende unha perspectiva actual, sen esquecer a tradición.
Es un árbol. Rock absurdo (Gz)
00:30 hrs. Praza Maior.
Eles manifestan que practican “rock absurdo, pop marsupial e tarantella saudí”; teñen 2 discos no mercado , “La buena nueva” (2012) e “En el parlamento” (2014). Veñen aos Sofás a facernos vibrar, bailar e rir con temas como “Bambi nuclear”, “El fascismo es mi ley” ou “Un cardenal”
Chicotralla. (O Carballiño)
Venres 3 agosto. 21:30. Praza Aquilino Sánchez
Pinchadiscos ecléctico, baila entre músicas diversas; encaixa e desencaixa temazos populares con temas menos coñecidos. Para entendelo hai que ir velo.
DjAí. Djset (Nigrán)
Sábado 4 agosto. 21:30. Rúa Perfectino Vieitez
Un veterano das festas underground en Galicia, pinchou tanto en praias como en búnkeres. Desta volta ven aos sofás cargado de temazos “rompepernas”; crudo e cool: así son as súas sesións.
Arredor da Tradición. (Gz)
Sábado 4 agosto. 12:30. Rúa Principal
Presentación do libro Mulleres de Gargamala!Cantares de tradición oral.
A etnomusicóloga Xulia Feixoo e o compilador Guillerme Ignacio integran o grupo de traballo “Arredor da Tradición”, centrado na compilación, investigación e divulgación das músicas de tradición oral da Galiza. Froito deste traballo é o seu primeiro libro Mulleres de Gargamala!Cantares de tradición oral,no que debullan e comparten o saber das mulleres e a tradición anual da zona de Gargamala
El tema de las terrazas en Carballiño es de autentica guasa. Yo tambien lo tengo comentado, me es igual que sea PSOE o PP o podemos, son todos unos inutiles. Hay que decir un basta y se acabo. Entiendo que debido a la falta de profesionalidad de los hosteleros locales se tengan que aprovechar del verano, pero lo de las terrazas es demasiado.
El plaza te obliga a ir por la calle, el hawai a hacer una curva para ir a la calle del paseo como si fueses un trailer, por debajo de los soportales ya ni das pasado, el estate quieto ya ni te cuento. Se cierran calles para poner disc jokeys sin problema, y mientras los peatones a correr riesgos, porque la conduccion en Carballiño brilla por su imprudencia, ya ni te respetan en los pasos de peatones, menos si vas invadiendo la calle.
A esto sumar el amiguismo que parece reinar con la obra del antiguo Gazpara el cual reforma la acera a su gusto y encima ni acera protegida para el peaton pone. Una vergüenza de pueblo, menos mal que solo son dos meses y despues volvera la calma y las cuatro personas por local, mientras cambiar de aires e ir a Ourense a tomar algo que apetece mucho mas.
O xurado do concurso de curtametraxes CURTASoPRIMA acordou na reunión celebrada esta mañá conceder os seguintes galardóns:
Por unanimidade acorda conceder o Primeiro Premio a LA MUJER INVISIBLE, de Noemí Chantada Puime, por considerar o honesto realismo e a delicadeza no tratamento dunha historia actual.
Asimesmo, acorda conceder o Segundo Premio a CANDO MAMÁ PECHOU AS CAIXAS, de Arancha Álvarez Brandón, polo realismo moi vencellado a Galicia, con carácter amador que reflicte unha realidade social actual.
E o Terceiro Premio a ESCARABANA, de Sara Casasnovas Pumar, recoñecendo a calidade técnica e de guión, ao tratarse dunha primeira curtametraxe.
Finalmente o Xurado, destaca a calidade xeral das pezas, especialmente as de carácter amador, a variedade de xéneros e temas, e a unanimidade á hora de outorgar as puntuacións.
Os premios, consistentes en 500, 330 e 100€, respectivamente, para o primeiro, segundo e terceiro, asi como tres trofeos, entregaranse na Gala 35 Aniversario das Xociviga, que se celebrará esta tarde no auditorio municipal.
O Xurado estivo formado por:
Na súa variante profesional, por:
Lara Bacelo. Fundación Carlos Casares
José Antonio Nogueira. Escuela de Artes Plásticas y Audiovisuales de la Benemérita Universidad Autónoma de Puebla, México.
José Rúas. CC SS e da Comunicación. UVIGO
Na súa variante non profesional, por
Aldara Pagán. Estudiante de CC da Comunicación. USC
Yeray Diéguez Barreiro. Estudiante CC SS e da Comunicación. UVIGO
Belén G. Ojea. Estudiante Ciencias da Comunicación USC
Os socialistas de Leiro, consideramos intolerable o estado no que se atopa a Ponte Esperela que esta na OU-209, ao seu paso pola localidade de Leiro, presenta un estado lamentable que afecta á paisaxe e, sobre todo cando fai dous anos que levamos con este problema, e este Grupo Municipal dos Socialistas llo advertiu o Grupo de Goberno de que habría que facer unha limpeza integral de dita Ponte, xa que ten moita maleza, pero a día de hoxe segue na mesma situación ou peor xa que a maleza e maior.
A estrada que discorre pola Ponte Esperela, de titularidade da Xunta de Galicia, supón o principal punto de entrada ao Concello de Leiro, vindo dende O Carballiño, ocasionando numerosos problemas de paso posto, que apenas, collen dous vehículos transitando ao mesmo tempo, en moitas ocasións ten que esperar un vehículo para que pase outro.
Tanto o goberno municipal do PP coma a propia Xunta de Galicia, permiten que se prolongue no tempo, unha situación que pode provocar inseguridade e risco para os usuarios e usuarias da estrada.
Tal como destaca o noso Portavoz do Grupo Municipal Socialista, Manuel Rodríguez: “As autoridades municipais e ás autonómicas, deberíaselle caer a cara de vergoña ante o lamentable estado no que se atopa a porta de entrada á nosa localidade, nos tempos que corren, é inaceptable ter as infraestruturas nestas condicións, por desidia de ambas administracións”.
É inadmisible que, nin siquera, procedan a limpeza da propia ponte, sendo Leiro un lugar de referencia no que a paisaxe e beleza se refire a todos os niveis, e non so polas altas temperaturas. O Grupo Municipal Socialista, insta ao goberno municipal a que actúe dunha vez por todas e proceda a esixir do goberno da Xunta que se faga a limpeza integral da Ponte como tamén que acabe as obras que fai meses que están inacabadas no Cruce da Ponte e a Estrada do Eixo do Ribeiro. Pola súa banda, o goberno do PP de Leiro, debería abandoar a desidia e por mans á obra no tocante á mellora da Ponte, posto que é a súa obriga manter espazos públicos nas mellores condicións posibles.
Catro alumnas e un alumno do Instituto nº 1 do Carballiño recibiron esta mañá unha homenaxe do concello, tras acadar a excelencia nas probas de acceso á Universidade. Trátase de Carlota Álvarez Feijoo, Marta López Gil, Rita Tizón González, Noelia Trigás Nogueira e Miguel García Fernández.
Todos conseguiron unha nota media superior a 9 nas probas de acceso á Universidade, e outros trece alumnos e alumnas do mesmo instituto estiveron ás portas de acadar un 9 na Avaliación de Bacharelato para o Acceso á Universidade -ABAU-.
Por este motivo o concello reuniunos esta mañá no salón de pleno nun acto ao que asistiron o alcalde, Francisco Fumega; o director do IES nº 1, Celso Fernández, e o concelleiro de Educación e Cultura, Diego Fernández, así como familiares dos alumnos.
Francisco Fumega fecilitou aos alumnos e ao profesorado do centro no seu nome e no de toda a corporación e veciñanza, e amosou a súa satisfacción pola boa saúde do ensino público no Carballiño.
Celso Fernández agradeceu a deferencia do concello polo recoñecemento aos alumnos, asegurando que era unha satisfacción enorme para os país, pero tamén para o claustro de profesores e profesoras do centro.
Finalmente, Diego Fernández sumouse a estes parabéns e fíxolles entrega aos alumno do libro “O cantigueiro de Orcellón”.
Unha estampa que repítese cada vez con máis frecuencia, tamén no Carballiño, a de ver xabaríns no centro do casco urbano.
Desta vez, en pleno dia de feira fin de mes, ésta é a escea que pudo verse esa mañá nos xardíns da Rúa Aldara, a carón mesmo da Praza Maior do Carballiño.
A directora xeral de Administración Local, Marta Fernández-Tapias, acompañada pola delegada territorial da Xunta en Ourense, Marisol Díaz Mouteira, asinaron convenios de colaboración cun total de 18 concellos ourensáns para financiar ao 50% a reparación dos danos ocasionados en infraestruturas de titularidade municipal durante a vaga de lumes do pasado mes de outubro.
No ámbito das comarcas do Carballiño e O Ribeiro os concellos que resultarán beneficiados destes convenios de colaboración son: Avión, Piñor, San Cristovo de Cea, Carballeda de Avia, Leiro, Maside e Melón.
O importe de cada convenio foi calculado en función da información facilitada polos propios concellos, e a comprobación técnica in situ para determinar se eran ou non gastos subvencionables.
Esta era unha das liñas de axudas incluídas na orde conxunta que habilitou o Goberno galego para facer fronte aos danos producidos polos incendios, cuxo orzamento ascendeu a 13,2 millóns de euros. A este orzamento hai que sumar os 9,8 millóns de euros investidos pola Xunta en actuacións directas en distintos ámbitos: nos montes e estradas afectadas, ou nos parques naturais.
Esta convocatoria conxunta do Goberno galego habilitou axudas para poder paliar os danos causados pola vaga de lumes nun amplo abano de supostos, como a de afectación a bens de titularidade municipal (como os convenios asinados hoxe, que serán un total de 41 a nivel de toda Galicia); pero tamén a vivendas, negocios e, por suposto, por danos persoais.
Os organizadores agardan superar os mil participantes que xa tivera a primeira experiencia carballiñesa "Holi" do ano pasado, para este sábado dia 28 de Xullo agárdase superar esa cifra para esta segunda edición, tal como comentou nesta emisora de radio Uriel Bernárdez.
A quedada está programada para as cinco da tarde na Praza do Emigrante, no centro do Carballiño., onde os participantes serán recibidos con música para ir entrando en ambiente nesta festa na que a pintura e a música son as protagonistas.
A "carreira" ou "recorrido" da Holi Pulpo será de algo máis dun kilómetro, ata a parque municipal do Carballiño, onde se celebrará un festival musical con varios DJ que se prolongará durante unhas catro horas.
As entradas están a venda en varios locais ao prezo de 10 euros, que inclúe ademáis da entrada varios agasallos para os participantes.
Toda a información da "Holi Pulpo 2018" pode verse en Facebook.
Páxinas
- « primeira
- ‹ anterior
- …
- 473
- 474
- 475
- 476
- 477
- 478
- 479
- 480
- 481
- …
- seguinte ›
- última »
