O conselleiro de Política Social, José Manuel Rey Varela, entrevistouse no seu despacho de San Caetano co alcalde do concello de Leiro Francisco José Fernández Pérez.

Os dous mandatarios abordaron a situación da a atención persoas maiores neste municipio pertencente á comarca ourensán do Ribeiro. Nesta liña, acordaron continuar coa colaboración entre administracións para axilizar os trámites e abrir tan pronto como sexa posible ao longo deste ano o novo centro de día para persoas maiores, que ten unha capacidade máxima de 50 prazas e cuxa construción supuxo un investimento algo superior ao millón de euros.

Ao respecto, Rey Varela destacou a importancia que terá este equipamento para “promover e facilitar que os nosos maiores teñen un punto de encontro e manteñan un estilo de vida activo a través da organización de actividades e talleres orientados a conservar e potenciar as súas capacidades intelectuais, físicas e creativas”.

No que atinxe ao coidado das persoas maiores e dependentes, a Consellería de Política Social vén de incrementar o número de horas no Servizo de Axuda no Fogar (SAF) dos concellos que forman parte da Mancomunidade do Ribeiro, entre eles o de Leiro.

Este aumento de horas no servizo foi do 5%, o que permite chegar a unha ratio de atención por riba do 93%. “O obxectivo é conseguir todas as melloras posibles na calidade de vida das familias e das persoas dependentes, para o que continuamos a incorporar de maneira progresiva a máis persoas aos diferentes servizos que integran o sistema autonómico de atención”, indicou Rey Varela.

Por último, Rey Varela e o rexedor de Leiro manifestaron a súa vontade de seguir afondando nas liñas de colaboración entre as dúas administracións co compromiso de buscar conxuntamente unha política social axeitada que se adapte as necesidades da devandita localidade.

Os responsables do Consello Regulador da Indicación Xeográfica Protexida Pan de Cea e o alcalde da localidade panadeira presidiron unha desgustación de receitas feitas con pan de Cea da man da Casa de Turismo Rural "O Cruceiro" baixo a dirección da chef Emma Pinal.

Ao acto, celebrado no centro multiusos de Cea asistiron varios elaboradores da IXP Pan de Cea, xornalistas e representantes doutros colectivos colectivos, que poideron comprobar a versatilidade deste producto de calidade na gastronomia moderna.

A degustación comezou cunha escuma de sopa de allo con pan de Cea, para continuar cunha torrada salgada de pan de Cea con toques mariñeiros, pepitos de tenreira galega e tortilla de pataca, e concluindo cunha exquisita sobremesa a base de sandwich xeado de chocolotate de pan de Cea.

O presidente do Consello Regulador IXP Pan de Cea, Carlos Manuel Rod´riguez, aproveitou o encontro para presentar os carteis da Ruta dos Fornos, que se celebrará o sábado dia 1 de Xullo, na vespera da 26ª edición da Festa de Exaltación, que terá o lugar o domingo 2 de Xullo no campo da Saleta de cea. Antes, o domingo 25 de Xuño, celebraráse unha nova edición da andaina solidaria, desta vez os fondos que se recaden  destinaránse ao proxecto de investigación da biopsia líquida.

A presentación tamén servíu para presentar a renovada páxina web do Consello Regulador www.pandecea.org

Carlos Manuel Rod´riguez indicou que o novo portal "conta maior carga visual, con vídeos e fotografías, intégrase coas distintas redes sociais e incluso ofrecerá a posibilidade de seguir os eventos via streaming".

O Grupo Municipal Socialista de Punxín denuncia a "cínica pinza existente entre Cambio Intelixente e o Partido Popular para impedir que prosperen as iniciativas dos socialistas".

"Non é a primeira vez que a autodenominada –falsamente– nova política, abraza ó PP nun verdadeiro alarde de cinismo e dobre raseiro. E que o portavoz de CI, Joaquín Moldes, xa se aliou en varias ocasións co PP para frear propostas do PSOE e, días máis tarde, se apropiou da idea socialista para vendela como propia grazas a reunións institucionais", apuntan dende a formación socialista.

No pleno de marzo,recordan, o PSOE solicitou que se puxera en marcha un obradoiro de emprego para reducir o número de desempregados mediante a asociación con outros municipios, co fin de obter axudas.

Afirman os socialistas que "Moldes votou en contra pero, pouco despois, promocionou unha xuntanza coa delegada territorial da Xunta para vender un suposto logro de seu neste sentido".

Segundo alerta a portavoz socialista local, Rosa María Outerelo, “non suporía novidade algunha que fose unha máis das numerosas reunións institucionais que Moldes vende e que resultan infrutuosas”. “A realidade é que CI funciona como apoio fiel do PP para impedir que saian adiante as nosas iniciativas, por boas que sexan, importándolle absolutamente nada se prexudica os intereses da veciñanza que di defender”, destaca Outerelo. A edil alerta de que “o suposto partido do cambio non fai outra cousa que mentirlle á veciñanza de Punxín, votando en contra nos plenos para despois, fóra de tempo e forma, vender fume e apropiarse do que non é seu”.

O PSOE de Punxín esíxenlle a Moldes que “deixe de facerlle un pé ao goberno do PP e teña respecto pola xente de Punxín que é a quen está a representar”.

Os socialistas lembran que, ao contrario que CI e o PP, o PSOE non ten reparo en apoiar canta iniciativa positiva haxa para o concello, sen importar de onde veña. Por todo isto, os socialistas "reclaman que Joaquín Moldes se retracte e recoñeza que se opuxo a unha medida que agora di defender, amosando un nulo respecto polo traballo realizado polo PSOE".

Setenta e seis vehículos de alta gama concentraranse este sábado, 27 de maio, nos arredores da Praza Maior, dentro da II Quedada de Superdeportivos Vila do Carballiño.

As inscricións proceden de toda Galicia, pero tamén de fóra, como Madrid ou Portugal, e entre outras marcas figuran últimos modelos de Ferrari, Porche, Mercedes, Audi, Lamborghini e BMW. Os prezos dos vehículos van dende os 100.000 euros aos 250.000 euros, polo que o valor total dos coches participantes pode rondar os 11 millóns de euros.

O evento foi presentado este mediodia polo alcalde, Francisco Fumega; o concelleiro de Deportes, José Manuel Dacal, e o organizador Santi Pereira, propietario do bar Plaza.

A concentración comezará o sábado ás 10 da mañá, e a partir das 12 realizarase unha ruta ata o circuito de O Choupeiro, en Biduedo. Sobre as 13,30 regreso ao Carballiño, e ás 14,00 h., xantar nunha carpa que se instalará na Praza Maior. Asemade, haberá animación na Praza Maior cun DJ presentador.

Ademáis dos 76 coches, hai inscritos 150 participantes.

Con respecto á primeira edición, Santi Pereira dixo que nesta ocasión non ían participar coches historico deportivos, porque non había cabida na Praza Maior para tanto vehículo e polo tanto só haberá superdeportivos recentes.

Tanto o alcalde como o concelleiro de Deportes sinalaron que era un gran acontecmento para a vila, xa que atraía a moitos visitantes e supoñía unha plataforma de promoción, polo que agradeceron a iniciativa.

A Xuntanza de Maiores do Carballiño, que comezou a organizarse a finais dos anos 70 do século pasado, veu rexistrando un notable descenso de participación no transcurso dos últimos anos, de feito nas últimas edicións apenas logrou reunir a unhas mil quinientas persoas no parque municipal.

Lonxe foron quedando aquelas edicións multitudinarias de tempo atrás, cando a cifra de participantes situábase entre as 30.000 e atá as 40.000 persoas de algunhos anos, e polo tanto, cunha importante repercusión económica para O Carballiño.

Nun dos últimos plenos da corporación municipal, o concelleiro do BNG Chema Ferreiro presentou, e aprobouse por unanimidade, unha moción para instar á Xunta de Galicia a potenciar este evento, mentres que dende o grupo do Partido Popular comprometíanse a realizar xestións ante a Consellería de Política Social.

Pois ben, o portavoz dos populares no concello carballiñés, Argimiro Marnotes, confirmou a esta emisora de radio que a Xunta vai promocionar esta nova edición da Festa dos Maiores, de tal maneira que cada ún dos 42 Centros Sociocomunitarios existentes en Galicia terán un autobús gratuíto para que os seus usuarios poidan desplazarse ata O Carballiño.

A data que se manexa para a celebración da edición 2017 desta Xuntanza de Maiores do Carballiño é a do sábado dia 1 de Xullo.

A primeira das tres esculturas adicadas ao pulpo que foron realizadas o pasado ano en setembo nun certame que se realizou ao aire libre na praza da Veracruz, está xa instalada na rotonda de Conde Vallellano, entre as rúas Celso Emilio Ferreiro e Ben Cho Sei. A peza é obra do escultor Abdón Fernández, de Berán. Trátase duna tesoira cortando unha tallada de pulpo.

As outras dúas esculturas, uns rabos cocidos e unha cabeza humana con rabos saíndo do pelo, dos escultores Alberto Fernández e Claudio Barros, respectivamente, serán colocadas próximamente noutros lugares do Carballiño.

Asemade, estúdase a posibilidade de encargar a escultura dunha pulpeira cun caldeiro de pulpo a tamaño real, que podería ubicarse nalgún lugar de Arcos. Ao respecto, o concello está elaborando un proxecto para presentarlle aos pulpeiros e pulpeiras desta parroquia co obxectivo de consensualo.

A concellería de Medio Rural que dirixe Rosario González, conxuntamente coas de Promoción Económica que dirixe Adolfo Nogueira, e Medio Ambiente que dirixe Érika Paz, promoveu, en colaboración co Inem, un plan de acondicionamento do Camiño dos Arrieiros. O obxectivo é aproveitar as axudas en colaboraclión social para mellorar o patrimonio natural e etnográfico das aldeas e parroquias.

Concretamente, este plan permitiu contratar a cinco persoas, entre as que hai un canteiro, albaneis e peónsforestais, cuxo labor será limpar e acondicionar os case 15 km de recorrido que ten esta ruta de senderismo, entre Fonteantiga e Mesego, incluidos diversos subtramos. O contrato é por catro meses, polo que dendemaio atasetembroestestraballadorescentraranse en acondicionar estecamiño, que discorre por diversos tramos de río, cruzando pontes e lugares de interese natural e etnográfico.

O Camiño Natural dos Arrieiros, que foi inaugurado en febreiro do ano 2009 polaentón ministra de Medio Ambiente, Elena Espinosa, é un vial tradicional utilizado polos veciños de Banga, Mesego, Partovia, Sagra e O Barón, pero que tamén era a ruta usada no seu día polos transportistas que levaban viño producido nas fincas dos mosteiros cistercienses e outros productos da zona do Ribeiro hacia a capital composteláou as Rías Baixas. O camiño consta dun bucle principal de nove quilómetros que une Mesego e Fonteantiga, e seis ramais que parten de Mesego a Porto de Eguas, de Partovia ata As Caldas pasando por Refoxo, e desde Arenteiro, Fraga e O Penedo.

Este Plan realízase conxuntamente con outro para mellorar as fontes, lavadoiros e tanques das aldeas e parroquias, que taméncomezou a pasada semana con catrotraballadores (tres albaneis e un peón forestal), que foron contratados a través dun programa de colaboración social coInem por un período de tres meses.