O concello do Carballiño ten programados para este verán arredor de setenta días de eventos festivos, culturáis, deportivos e gastronómicos. Isto supón que ata finais de setembro haberá, de media, unha actividade deste tipo cada día e medio.

Todas as actividades serán abertas ao público e gratuitas, agás dúas que se desenvolverán no auditorio, así como os festivais de cine e teatro galego, que terán prezos moi populares.

“Na programación pensouse en todos os públicos, nenos, mozos e maiores, polo que se pode dicir que O Carballiño ofrecerá unha das máis completas programacións culturáis e de ocio de Galicia, cun gran atractivo turístico”, según dixo hoxe o alcalde, Francisco Fumega, no decurso da rolda de prensa de presentación do programa.

“O obxectivo –dixo Fumega- é ofrecer aos carballiñeses e visitantes moitas alternativas de entretemento, pero tamén promover o turismo e así dinamizar o comercio e a hostalería, que son dous dos sectores con máis emprego da vila”.

No acto o alcalde estivo acompañado polos concelleiros de Cultura e Turismo, Diego Fernández e Manuel Dacal, respectivamente, que expuxeron a parte do programa correspondente a cada área.

Diego Fernández dixo que, en total, ía haber uns 20 concertos de música pop, rock, jazz, funky, electrónica, bandas populares, corais e doutros tipos de música. Asemade, anunciou unha aposta importante polas Xociviga, que se celebrarán do 25 ao 30 de xullo, e fixo fincapé na novidade da Feira Medieval desta próxima fin de semana e no Entroido de Verán do 16 de xullo.
“Será un mes de xullo moi intenso, co obxectivo de atraer visitantes e procurar que a xente do Carballiño quede na vila”, dixo o concelleiro.

Pola súa parte, Manuel Dacal diu a coñecer a programación dos días precedentes da Festa do Pulpo, onde destacan os eventos gastronómicos adicados ao pulpo, como A Tapa Máis Grande do Mundo, dúas rutas das tapas, e concertos de música de banda, de música pop, de música dos anos 40 e 50, tributos á música soul, aos Vétales e ao mítico grupo sueco ABBA, entre outras actividades.

Dacal agradeceu ás institucións, entidades e marcas comerciais a colaboración con estes eventos, que serán difundidos a través dun tríptico que xa se está editando.

Alumnos e alumnas do IES nº 1 e do Manuel Chamoso Lamas foron agasallados durante unha recepción desenvolvida no concello do Carballiño.

Ao acto asistiron o alcalde, Francisco Fumega, o concelleiro de Educación e Cultura, Diego Fernández, os directores dos institutos, Manuel Amil e José Manuel Vázquez, así como os estudantes e familiares. Tratábase de recoñecer o mérito acadado por estes alumnos e alumnas durante este curso.

Así, as matrículas de honra obtidas por tres estudantes do IES nº 1 (Mauro Barreiro Nóvoa, Tania Payo Serafín e Nerea García Veloso) e dous do instituto Chamoso Lamas (Lucía España Fariñas e Anselmo González Garrido); tres alumnos que destacaron no certame de Contacontos (Esteban Decabo Nogueira, Sander Ulloa Sieiro e Manuel Vázquez Augusto); os sete estudantes que acadaron o segundo premio no Club de Debate (Marta, Beatriz, Sandra, Víctor, Eugenio, Laura e Sandez), e, finalmente, á estudante Dana Michel Constantine, por ser a Mellor oradora de bacharelato no certame Parlamento 2016. Francisco Fumega felicitou aos alumnos, aos profesores e aos familiares polo esforzo realizado durante o curso e diu as gracias por levar o nome do Carballiño por Galicia.

“O importante é prepararse e formarse, porque o coñecemento é o futuro”, dixo o alcalde.

Diego Fernández tamén agradeceu o esforzo de alumnos e profesores e destacou a importancia de desenvolver habilidades complementarias das estrictamente académicas.

Os directores dos centros, Manuel Amil e José Manuel Vázquez, agradeceron a recepción do concello e resaltaron a importancia de que os alumnos e alumnas agasallados leven o nome do Carballiño por Galicia adiante por cuestións de mérito, tanto de tipo académico como noutros ámbitos educativos e culturais.

O Partido Popular recorda que "A Liorta, 1ª Feira Medieval do Carballiño" que se celebrará esta próxima fin de semana está organizada por unha empresa privada que non pagará taxas de ocupación da vía pública.

Considera o Partido Popular que "a privatización de servizos está sendo elevados a graos insospeitados cando vemos que tamén o fan coa cultura e a historia do noso pobo, e ademáis por un goberno municipal que estando na oposición defendían a municipalización de servizos", remarcan.

Para acceder ao comunicado do Partido Popular, prema no arquivo adxunto:

Veciños da localidade de Garabás concentraronse este pasado sábado na Praza do Concello de Maside para manifestar a súa oposición á instalación dunha antena base de telefonía móbil a escasos metros de vivendas habitadas e a existencia dunha vertudura ilegal "de centos de toneladas de residuos tóxicos procedentes de refugallos da construcción".

O manifesto da protesta denunciaba "o total abandono por parte dos responsables municipais do concello de Maside", aseguran que en Setembro de 2015 puxeron en coñecemento do alcalde de Maside a existencia desta vertedura e afirman que "o alcalde de Maside se comprometera a darlles unha solución".

Representantes da asociación "Plataforma Masidá" asistiron a esta concentración e informaron ao resto dos manifestantes que "a vertedura de residuos sólidos xa está denunciada", tamén subliñaron que non permitirán "difamacións insidiosas do alcalde, que se referíu a Plataforma Masidá como brazo armado ao servizo do Partido Popular, porque ademáis de ser difamacións que xeran odio e animadversión contra un colectivo social, son radicalmente falsas", enfatizaron.

O presidente da Cámara Municipal de Vila Nova de Gaia, Eduardo Vítor Rodríguez, propuxo un hermanamento entre a súa cidade e a vila do Carballiño.

É un ofrecemento que lle fixo ao alcalde do Carballiño, Francisco Fumega, durante o acto de presentación da Festa do Pulpo nesta metrópoli da desembocadura do río Douro.

O acto desenvolveuse na capela do Espaço Corpus Christi, un antigo convento restaurado como centro cultural, de singular beleza, e a el asistiron asistiron o Vereador de Turismo, Mario Duarte, o de Cultura, e Carla Machado, en representación da presidencia da Asamblea municipal. A xerente de Turgalicia, Carmen Pita tamén estivo no acto.

E por parte da delegación carballiñesa, acudiron Xosé Manuel Dacal, Diego Fernández e Rosario González, concelleiros de Turismo, Cultura e Medio Rural, respectivamente, así como o portavoz do PP, Argimiro Marnote, a concelleira Pilar Caride, e o portavoz do BNG, Francisco Ferreiro.

Vítor Rodríguez agradeceu a deferencia das autoridades carballiñesas por terlle dedicado a 54 edición desta festa a Gaia, e avogou por promover o intercambio cultural e turístico entre ambas poblacións co obxectivo de difundir as excelencias, incluidas as gastronómicas, de cada unha entre as respectivas veciñanzas. Tamén propuxo colaborar para dar a coñecer o patrimonio histórico-artístico.

Francisco Fumega dixo que tomaba en consideración a proposta do hermanamento e amosou o seu agradecemento tanto pola boa acollida das autoridades gaianas como pola posibilidade de promover a Festa do Pulpo do Carballiño na área metropolitana máis importante de Portugal, tras Lisboa.

Fumega presentou a Festa do Pulpo como un dos maiores eventos gastronómicos e festivos de Galicia e convidou ás autoridades a acudir ao Carballiño o 14 de agosto. Asemade, o alcalde carballiñés fixo un paralelismo entre mosteiros (o de Oseira e o de Corpus Christi) para explicar como unha vila do interior de Galicia podía ter os mellores pulpeiros e pulpeiras do mundo e lle dedica unha festa declarada de interese turístico nacional a este produto do mar.

Finalmente, autoridades, convidados e xornalistas puideron degustar empanada, pulpo, pan de Cea e viño do Ribeiro no patio do convento, co acompañamento dun grupo da Escola de Gaitas do Carballiño, que tamén acudiron a Gaia para este acto de presentación e promoción da Festa do Pulpo.

As autoridades da Cámara Municipal de Gaia confirmaron a súa asistencia á Festa do Pulpo o 14 de agosto, e virán acompañados por unha agrupación musical e folclórica que fará un desfile e unha exhibición de música e baile tradicional no parque municipal do Carballiño ese mesmo domingo.

Arredor de 900 persoas participarán este domingo,3 de xullo, na vixésima edición da xornada de convivencia familiar para persoas con discapacidade intelectual Special Olympics Galicia, que se celebrará no parque municipal do Carballiño.

En total, serán vinte as asociacións das catro provincias galegas que estarán presentes nesta xornada de convivencia que comezará ás 10,30 h., e rematará ás 19,00 h.

O evento presentouse esta mañá no salón de plenos do concello coa asistencia do alcalde, Francisco Fumega; do presidente de Fademga, Eladio Fernández; Bernardino Graña, en representación da Deputación provincial; Josefa Rodríguez, presidenta de Aspadisi e dous mozos de Aspadisi.

Francisco Fumega destacou o labor que desenvolven as familias das persoas con discapacidade intelectual e amosou a súa satisfacción por acoller un ano mais esta xornada de convivencia no Carballiño.

Bernardino Graña disculpou á concelleira de servizos sociais da Deputación, que se atopaba no pleno da institución, e agradeceu ao concello e a Fademga Special Olympics o traballo que levaban a cabo para organizar este evento.

Eladio Fernández loubou ás institucións pola colaboración prestada, concello, Deputación e Xunta e, sobre todo, a Aspadisi e ás familias das persoas con discapacidade intelectual polas iniciativas para mellorar a vida destas persoas. O presidente de Fademga recordou que esta xornada de convivencia comezou había vinte anos no Carballiño e a partir de aí se crearon moitas asociacións como a propia de Aspadisi. Asemade, adiantou que ían entregar a Medalla Special Olympics do 2016 ao profesor xubilado de Vilagarcía Xosé Luis Queiruga. Eladio Fernández sinalou, finalmente, que neste intre había unha boa relación de coopoeración entre Fademga es as asociacións de persoas con discapacidade intelectual e as administracións públicas, especialmente, coa Xunta.

Marina Ortega expresou a súa honra por recibir unha vez máis no Carballiño aos familiares e ás persoas con discapacidade intelectual de toda Galicia, e dixo que estaba orgullosa de colaborar para que estas persoas poidesen levar unha vida coa maior autonomía posible.

Finalmente, Josefa Rodríguez presentou a dous mozos de Aspadisi que explicaron a súa colaboración con este evento. Así dixeron que elaboraron eles mesmos os agasallos que se ían entregar o domingo, e que incluso idearon algunhas alternativas para o ocio durante a xornada.

O acto inaugural está previsto para as 11,00 h; ás 12,30 h., haberá actuacións musicais; o xantar será ás 14,00 h; ás 15,30 h., terá lugar o fallo do concurso de repostería, e despois comezarán as actividades de ocio, con xogos de mesa e outras iniciativas, e ás 19,00 h., será clausura e entrega de premios.

O Eixo Atlántico convocará unha reunión no Carballiño o 13 de setembro para impulsar a creación dunha rede termal no marco da Eurorrexión.

Esta iniciativa tómase dende o Eixo Atlántico a proposta do alcalde do Carballiño que, como rexidor dunha vila membro da organización, considera de gran interese elaborar unha estrategia propia para as vilas e cidades termais que forman parte do Eixo Atlántico.

En total, serán sete as vilas e cidades galegas convocadas, e outras seis de Portugal. Así, figuran nesta relación, ademáis do Carballiño, Laias, Lobios, Mondaríz, Lugo, Ourense e Caldas de Reis, en Galicia, e Termas de Sâo Jorge (Santa María da Feira), Chaves/Vidago/Pedras Salgadas, Caldas da Saúde (Santo Tirso), Taipas (Guimarâes), Caldas de Aregos (Rosende) e Melgaço.

Será a segunda reunión que teña lugar no Carballiño do Eixo Atlántico, pois no pasado mes de febreiro xa se reuniron na vila os concelleiros e técnicos de turismo das vilas e cidades que forman parte da organización. O interese do Carballiño nesta xuntanza reside, fundamentalmente, na posibilidade de impulsar a promoción dos establecementos termais, aproveitando a sinerxia do Eixo Atlántico.

De feito, os cambios que se están producindo en materia termal no Carballiño últimamente, coa construción do novo balneario de Partovia, a prevista renovación das instalacións do Gran Balneario do Carballiño, e a mellora da zona termal do Bañiño de Arcos, esixe a toma de iniciativas para anticiparse a estes cambios e fortalecer a relevancia do Carballiño nos principais foros termais. De aí que se considere de especial importancia esta proposta do Eixo Atlántico.