O Consello da Xunta aprobou na súa reunión desta semana a modificación puntual das normas
subsidiarias de planeamento do Concello de Maside , no ámbito da rúa Outeiro
Grande e o seu contorno.

Esta modificación puntual ten por obxecto a recualificación dun ámbito de 9.017 m² como
solo urbanizable, conforme o establecido na disposición transitoria 13 da Lei de solo, para
integrar e ordenar normativamente o asentamento da rúa Outeiro Grande e o seu contorno
no planeamento vixente.

Este ámbito de actuación é un asentamento xurdido á marxe do planeamento arredor da rúa
Outeiro Grande, contiguo ao núcleo urbano de Maside capital, que afecta dúas zonas
separadas conectadas pola citada rúa, situadas segundo as normas subsidiarias (NNSS) en
solo non urbanizable (actualmente solo rústico) e en solo non urbanizable de especial
protección (rústico de especial protección).

Coa modificación puntual pasan a ser solo urbanizable delimitado un total de 7.602 m² de
solo non urbanizable (solo rústico) e 1.415 m² de solo non urbanizable de especial
protección (solo rústico de especial protección).

Deste modo, a modificación puntual establece a regulación detallada do sector co contido e
determinacións necesarias para o seu desenvolvemento ordenado.

Aprobación das modificacións de planeamento
O expediente tramítase ao abeiro do disposto nos artigos 93 e 95.2 e 4 da Lei 9/2002, do 30
de decembro, de ordenación urbanística e protección do ambiente de Galicia (Lei de Solo),
que determina que a competencia para a aprobación definitiva das modificacións de
planeamento municipal que terán por obxecto a reclasificación de solo rústico de especial
protección corresponde ao Consello da Xunta de Galicia, logo do informe favorable da
Comisión Superior de Urbanismo.

En abril de 2012 a Secretaría Xeral de Calidade e Avaliación Ambiental decidiu non someter
esta modificación a avaliación ambiental estratéxica. Posteriormente o Pleno municipal
aprobou inicialmente a modificación puntual e expúxoa ao público.

Finalmente, o propio Pleno aprobou as correccións da modificación e remite a
documentación á Xunta de Galicia, constando o 18 de setembro de 2013 o informe
favorable da Comisión Superior de Urbanismo.

A día de hoxe, o Concello de Maside dispón de normas subsidiarias de planeamento
aprobadas en outubro de 1985, que tiveron dúas modificacións puntuais.

Na rúa Ourense afundíronse varios metros da beirarrúa, provocando un gran socavón. Na Avenida de Compostela e a rúa Alexandre Bóveda o deficiente funcionamento das canalizacións provocaron inundacións en numerosas vivendas.

Na Avda do Arenteiro acumulouse unha gran cantidade de terra como conscuencia dos arrastres dende a rúa Astureses e a zona do parque municipal. O concelleiro de Obras, Magín Daparte, explicou nesta emisora de radio que esta problemática "e consecuencia de dúas deficiencias gordas que teñen a mariora das rúas do Carballiño, dunha parte carecen de rede separativa de pluviais e ademáis tratase de tuberías que en moitos casos son moi antigas e de fibrocemento que agotaron o seu tempo útil"

En relación ás problemáticas concretas na Avenida de Compostela e a rúa Alexandre Bóveda, Daparte lamentou "que se trata de dúas rúas nas que se acometeron proxectos nos que se fixeron investimentos millonarios pero con notables deficiencias que agora provocan estes problemas, que nós estamos tratando de solucionar".

En canto o derrubamento na beirarrúa da rúa Ourense, o concelleiro de Obras manifestou que "xa contactamos con Aquagest e xa están procedendo a reparar a tuberia, para logo poder acometer a reposición da beirarrúa".

Non obstante, para o grupo municipal socialistas, todas estas anomalías son consecuencia "da ineficiacia e incapacidade do goberno Marnotes, coas rúas cheas de fango, o que provocou que coas primeiras chuvias do outono toda a vila se víu anegada, todos sufrimos as consecuencais dunha inexistente planificación, ante algo tan previsible". Recordan os socialistas que "por varias veces xa advertimos e denunciamos esta situación no pleno da corporación, cos sumidoiros cheos de lixo...unha vila sen goberno".

O C.D. Arenteiro conseguíu os tres puntos na súa visita ao campo de San Rosendo, nun encontro que gañaba por 0-3 no minuto 64 e complicou despois con dous fallos defensivos que meteron ao Sporting no partido.

C.D. Arenteiro: Pachi, Carlos Escudero, Diego López, Pablo Dabarca, Oscar Portos, Alex, Victor Gallego, Canexón, Bardelás, Martín e Quiroga. No transcurso da segunda parte tamén xogaron Manu, Omar, Adrían Núñez e Cancelas.

Goles:

0-1. Minuto 30, Martín, moi atento, aproveita un fallo da defensa local e tras regatear ao porteiro marca a placer.

0-2, Minuto 56, Pablo Dabarca de falta directa.

0-3. Minuto 64, Quiroga, de cabeza tras un centro de Martín.

1-3. Minuto 69, Georgio.

2-3. Minuto 74, Diego.

O Partido: O Arenteiro pudo acadar unha goleada ao seu favor, con múltiples ocasións para ampliar a ventaxa no marcador, e cando todo parecía finiquitado dous despistes defensivos condenaron aos carballiñeses a sufrir no último cuarto de partido. Ao final o marcador fixo xustiza co equipo que esta tarde saíu a gañar dende o primeiro minuto de partido.

Arredor de oitenta persoas concentraronse na Praza Maior demandando o "tanatorio fora do casco urbano", tal como proclamabaa a pancarta principal.

Os concentrados eran na súa maioria residentes na rúa Evaristo Vaamonde, onde pretende intalarse o tanatorio, e da rúa Eusebio Lorenzo, non obstante acudiron á protesta vecinos doutras zonas.  Tamén participou na concentración a concelleira do BNG Áurea Francisco.

A portavoz vecinal, Vanesa Lois, recordou ante os presentes os motivos que manifestan para opoñerse á instalación desta actividade.

"Tanatorio fora do casco urbano" e "el pueblo unido jamás será vencido" foron as consginas máis coreadas durante a concentración.

Os tres accidentes rexistraronse na estrada N-541, no mesmo punto, a saída da curva do Cornuval en dirección a Pontevedra.

Nos tres casos, os conductores perderon o control sobre os seus vehículos, o primeiro deles ás 17,30 horas do venres, un veciño de Pontevedra que saíu ileso, chocou contra unha farola a altura do Centro Comarcal do Carballiño. Pasadas as 20 horas do mesmo dia, un camión envorcou no mesmo lugar, no mesmo viaxaban tres persoas, o conductor que saíu ileso e dous ocupantes que resultaron feridos, un deles grave, os tres de nacionalidade portuguesa. Foron hospitalizados no CHUO.

As 17 horas do sábado rexistrabase o terceiro accidente en apenas un intervalo de tempo de 24 horas, idéntico aos dous anteriores, sendo evacuada a conductora en ambulancia.

A convocatoria do BNG na casa da cultura do Carballiño reuníu a máis de 200 persoas, emigrantes retornados das comarcas do ribeiro e O Carballiño afectados por esta problemática.

Trala reunión, conducida pola deputada nacionalista Tareixa paz, quedou constituída a "Plataforma de Afectos do Carballiño-O Ribeiro", que coordenará unha comisión de 4 persoas de ambas comarcas.

A Axencia Tributaria ven comunicando nos últimos meses aos emigrantes retornados que reciben pensións do extraxeiro a obrigatoriedade de tributar por esas pagas, reclamandolles esas cantidades dende o ano 2008 e impoñendo sancións económicas. O BNG non entende "esta actitude do Partido Popular e do Sr. Montoro, tendo unha doble vara de medir, facendo amnistias fiscais para os grandes defraudadores e abusando deste xeito dos pensionistas", remarcou a deputada do Bloque Nacionalista Galego.

Tras 15 anos de concelleiro do Bloque Nacionalista Galego no concelleiro de Leiro presentou un escrito de renuncia no rexistro Municipal. Ocupará o seu lugar na corporación muncipal Rebeca Paz.

Luis Pérez "Ficol" alude á"acumulación de traballo e a necesidade de renovación" para xustificar a súa decisión, e aclara que "de ningún xeito esta renuncia supón que me vaia apartar da vida política municipal nin a miña actividade dentro do BNG, formación na que levo 30 anos militando e na que seguiréi traballando na miña condición de responsable do consello comarcal do Ribeiro e membro do consello nacional", manifestou a esta emisora de radio o veterano militante nacionalista.

O equipo carballiñés xogou dende o minuto 67 con 10 xogadores por expulsión do defensa Lois, que víu doble amarela, dous minutos despois chegou o gol dos locais, a zaga verde quedase parada pedindo fora de xogo pero o árbitro concede o tanto no medio das protestas dos xogadores e dos seguidores do Arenteiro.

C.D. Arenteiro: Pachi, Escudero, Lois, Diego López, Dabarca ( Marcos Sotelo, m. 63 ), Alex, Canexón, Victor Gallego, Quiroga ( Cancelas, m.66 ), Bardelás ( Omar, m.63 ) e Oscar ( Núñez, m. 70 ).

O Partido: O Arenteiro pudo e debeu sentenciar na primeira parte do encontro, cando dispuxo das mellores ocasións do partido, sobre todo unha nas botas de Oscar, que enviou o balón fora cando estaba so ante a portería e outra nun potente tiro de Quiroga, que repeleu o meta local. Na reanudación, cando parecía que o Arenteiro acabaría facendose cos 3 puntos, chegou a expulsión de Lois e a continuación o polémico gol do Taboadela, e a partir de entón o Arenteiro xa non tivo capacidade de reacción.

O alcalde do Carballiño decide asumir a demanda da veciñanza da Avda. do Balneario e cara as festas do Setembro do ano que ven as atraccións estrearán nova ubicación.

Asi o confirmou Marnotes nesta emisora de radio tras reunirse cos empresarios das actraccións de feira que acudiron este ano ao San Cibrao carballiñés. O alcalde recordou como "cando se comezaron as obras de construcción do parking díxeranlle aos veciños que ía ser unha solución provisional mentres duraran as obras, xa o ano pasado me trasladaran a súa inquietude, e xa antes das festas adquirimos o compromiso que o deste ano sería o último, a verdade é que son enormes os perxuizos que se causan, e temos que buscar unha solución".

Son dúas as opcións que se barallan, unha -parece que a máis probable- ubicar as atraccións todas xuntas na Avenida do Arenteiro, ao lado do parque municipal, ou ben repartir as atraccións por varias zonas do centro urbano, "a ubicación final decidirémola antes de decembro, despois de escoitar a outros sectores, como os hosteleiros", subliñou Marnotes.

A convocatoria faise para o sábado dia 28 de Setembro ás 20,30 horas na Praza Maior do Carballiño.

A concentración está promovida polo grupo veciñal que se opón á ubicación deste proxecto de instalación dun tanatorio na rúa Evaristo Vaamonde.

A documentanción do proxecto e o procedemento administrativo pode consultuarse na páxina Web do concello do Carballiño.