O negocio da oficina carballiñesa será traspasado á sucursal que o banco manterá operativa na cidade de Ourense.

A oficina de Bankia no Carballiño, sita na rúa Curros Enríquez, pechará as suas portas antes do próximo mes de agosto. Aos traballadores, que son catro, a entidade ofrécelles a alternativa de baixas incentivadas e prexubilacións, fundamentalmente.

O banco nacionalizado pechará un total de 34 oficinas en Galicia, o que representa o 65% da actúal rede galega. As previsións apuntan a que tan só permanecerán abertas 15 oficinas en todo o territorio galego. Bankia pretendia traspasar estas oficinas a outros bancos, pero non tivo ofertas.

O Presidente José Antonio "Cadavid" e o seu grupo directivo presentaron a dimisión irrevocable ante a asamblea de socios, anunciando que o Club ten unha débeda actúal de 55.000 euros "que se lle deben a este Presidente, o Club non debe a ninguén", asegurou.

Ante un grupo de 17 socios que acudiron a esta convocatoria, Cadavid anunciou que a súa decisión non ten marcha atrás "porque neste momento non podo dedicarlle o tempo que este Club necesita, ademáis, teño que decilo, estou bastante decepcionado, con esta casa -referíase ao concello, onde se celebrou a reunión-, e incluso con exxogadores do Arenteiro cos que me encontrei e non foron capaces de coller o carné de socio".

Cadavid presentou un balance da súa xestión recordando que "collín o Club  a mediados da tempada 2010-2011 empuxado por unhos amigos cunha débeda de 46.000 euros, pero despois foron aparecendo outras débedas anteriores a miña chegada ás que eu fixen frente que elevaron a débeda total a 68.000 euros, na tempada 2011-2012 rebaixamola a 54.000 euros". O Presidente explicou que en 2012 perdeuse a subvención do concello -9.000 euros- "porque entregamos os papeles seis dias fora de plazo, por culpa do retraso da documentación que necesitabamos da Federación e da Axencia Tributaria, e cando entregamos todo contestousenos que xa era tarde, se quixeran arreglar podían facélo, pero non quixeron", suliñou.

Na última tempada o orzamento en Prefrente foi de 76.000 euros de gastos  e os ingresos de 66.450 euros, según o balance económico presentado ante os socios, que aprobaron as contas. O número de socios que esta tempada pagaron 80 euros do carné foron 117, aos que hai que sumar os que se repartiron publicidade, en total o Presidente cifrou en 251 os carnés repartidos, precisamente os ingresos por publicidade é aportacións -35.000 euros- representou mmáis da metade dos ingresos.

 O Presidente comprometeuse a condonar 10.000 euros da actúal debeda e aplazar o pago da débeda en varias anualidades "a próxima directiva terá toda a miña colaboración", remarcou.

Finalmente, e ante este desolador panorama que amenza a viabilidade do Club, o Presidente convocou unha nova Asamblea para a posible presentación de candidatos para o xoves dia 13 de xuño ás 8 da tarde no salón de actos da casa do concello do Carballiño.

Os propietarios dos establecementos comerciais e de hostelería da rúa Curros Enríquez rexeitan mairoritariamente o proxecto de peonalización que promove o grupo municipal de goberno, entre o resto dos veciños residentes a opinión está máis dividida.

Esta emisora de radio realizou unha enquisa na que se pode concluir que unha ampla maioría dos consultados son reacios á peonalización, tan so entre os hosteleiros encontramos unha opinión máis favorable ao proxecto que convertiría en peonil a rúa Curros Enríquez, no tramo que vai dende Conde Vallellano ata a Praza de San Ramón.

Outros dos consultados non o teñen aínda claro "non estou dacordo nin en desacordo, seguramente no verán iría mellor pero no inverno aquí non viría ninguén", reflexionaba a propietarria de Pastelería Raquel. Sen embargo, ún dos comerciantes máis veteranos da rúa teno máis claro, o titular de Droguería Macarrias "rotundamente estou en contra, esta é unha rúa de saída cara o Cruce dos Catro Camiños, nunca pode ser peonil", dixo.

A maioria non comparten o proxecto, Rosa, de Máis Deporte, pide "maís zonas de aparcamento ou Zona Azul, pero creo que é un erro tanta rúa peonil no Carballiño", suliñou. Non obstante, tamén nos encontramos con algunhos partidarios da peonalización, sobre todo entre os hosteleiros "eu creo que lle iría ben a todo o mundo, pero incluso podería probarse durante un tempo, facer unha experiencia piloto durante unhos meses, a ver como funciona", propuxo Moncho.

As entrevistas poderán escoitarse durante esta semana que ven no programa "A mañá de Cope O Carballiño". Ademáis, o lúns 10 e o martes 11 o Alcalde do Carballiño reuniráse tanto cos comerciantes e hosteleiros como cos veciños, para presentarlle o proxecto e escoitar as súas opinións.

Asi o anunciou nesta emisora de radio o Alcalde de Leiro, Francisco Fernández, que mostrou a súa satisfacción pola sentencia xudicial.

"O concello recibe asi unha boa noticia", porque declarase a imposiblidade legal de execución da sentencia inicialmente desfavorable para os intereses do concello, asi que agora o propietario dos terreos recibirá unha indemnización que calculo será dunhos 2.000 euros, e poñeráse fin a este conflicto", declarou o rexedor municipal.

Doutra parte, o pleno da corporación municpal deberá resolver a alegación presentada polo titular dos terreos en relación ao último procedemento de expropiación que leva a cabo o concello de Leiro. O alcalde adiantou en COPE O Carballiño que "a alegación será desestimada polo pleno".

Tres helicópteros que cargaron auga no río Arenteiro e as brigadas contra incendios da Xunta traballaron dende as catro da tarde no control dun incendio forestal preto do pobo de Cibreiro, no municipio de Boborás.

O incendio localizouse entre as localidades de O Eixán e Cibreiro, na parroquia de Astureses, e pola dirección e a intensidade do vento, bastante forte, dificultou as labores de extinción. O fume obrigou a proceder ao desaloxo da zona.

Os tres helicópteros que participaron no operativo cargaron auga no río Arenteiro, nas inmediacións da presa do Balneario. Este primeiro incendio forestal da tempada coincide cos primeiros días de calor do mes de xuño, con temperaturas na zona que sobrepasan os 30 graos. A última hora da tarde o lume quedou controlado.

 Manifestan "a discriminación que tanto o Goberno do Estado co beneplácito da Xunta como Adif están a facer co servicio ferroviario".

Así, dende as Xuventudes Socialistas do Carballiño denunciase "que o goberno da vila non tomara cartas no asunto antes, e evitara esta situación á que chegamos".  Remarcan que fai dous meses que  o alcalde, Argimiro Marnotes, dixo que ía a solicitar información oficial sobre a reducción do servizo, porque existían rumores sobre o tema".

 “É escandaloso que o goberno municipal non se faga eco dos problemas da vila, xa que esta situación víñase arrastrando dende fai un ano, cando se comezaron a suprimir liñas e cambiar horarios” comentou Miriam Fernández, secretaria das Xuventudes Socialistas do Carballiño.

Por outro lado, solicítase que dende o concello "se tome o papel de defender aos cidadáns e os seus dereitos, e se busquen solucións, para que as persoas que utilicen este transporte poidan seguir usandoo".

“Non podemos aplaudir que se nos prive aos xóvenes de estudar tan só por non ter desprazamento, xa que o coste para ir a Santiago incrementaríase 3 veces máis en ir a Ourense e coller un tren alí” dí Miriam Fernández.

Para rematar, puntualizan que para viaxar calquer día a Santiago dende O Carballiño "estamos suxeitos a un limitado horario, e por iso reclaman ao goberno municipal que se manifesten e que se propoña unha solución que non inflúa na economía dos cidadáns".

Preto dun centenar de veciños e veciñas de Dacón concentraronse esta mañá para protestar polo peche da oficina de Novagalicia Banco na localidade, tamén mostraron a súa inquietude polo futuro da Escola Infantil e o Médico, dos que dispoñen na actualidade.

A veciñanza non comparte a decisión da entidade bancaria e piden "que polo menos siga prestando o servizo unhos dias á semana". Tamén manifestaron a súa preocupación pola continuidade do médico  de familia no centro médico de Dacón "moito nos tememos que cando se xubile o actúal facultativo, tamén nos deixarán sen médico, e igual vai pasar coa Escola Infantil, que a van pechar, non estamos dispostos a quedarnos sen os servizos que temos dende sempre no pobo", subliñaron os manifestantes.

A homenaxe o que foi ata fai unhos dias o Presidente do Arcos C.F. celebrase o domingo dia 2 de Xuño ás 7 da tarde no campo municipal de Espiñedo.

Victor De Francisco Fernández, de 34 anos de idade, falecía repentinamente o pasado dia 20 de Maio. A familia deportiva do Arcos C.F., equipo que milita na 3ª Autonómica, rindelle unha homenaxe póstuma no transcurso do partido de fútbol que con tal motivo xogarán o propio Arcos C.F, reforzado con xogadores doutros equipos que queren participar nesta homenaxe, e o C.D. Arenteiro.

O proxecto, no que Unión Fenosa Distribución investirá 4,6 millóns de euros, somete a información pública a avaliación de impacto ambiental.

As características do proxecto poden consultarse na Dirección Xeral de Industria, Enerxía e Minas da Consellería de Economía e Industria, ou no enlace http://www.cmati.xunta.es/resolucions-da-avaliacion-ambiental-de-proxectos.

Son en total 504 as fincas que serán obxeto de expedientes de expropiación forzosa, nos municipios do Irixo, Dozón e Lalín. A nova liña de alta tensión de 132 KV terá un percorrido de 18 kilómetros. Entres as propiedades afectadas encontranse fincas dedicadas a traballos agrícolas, montes, prados, predios con masa de árbores autóctonos e incluso cultivos.

Tratase dunha distinción implantada dende o curso pasado en 2º de bacharelato e que recoñece a aqueles alumnos cunha nota media igual ou superior a nove.

O equipo docente otorgou este distintivo as alumnas Lucía González Rodríguez e Sela Taboada Payo. Outra boa nova para o IES Chamoso Lamas é que a Unión Europea ven de conceder para o curso 2013-2014 cinco mobilidades ERASMUS para que estudantes do Ciclo Superior de Administración e Finanzas realicen prácticas en países da Unión Europea, sendo o instituto carballiñés dos poucos da provincia que recibíu ditas mobilidades.

Ademáis, o IES Chamoso Lamas solicitou o Proxecto Leonardo para o Ciclo Medio de Adminstrativo, e tamén a carta ERASMUS para o periodo 2014-2020.