A Consellería de Economía e Industria iniciou un  procedemento administrativo á empresa Estela Eólica debido ao incumprimento dos compromisos fixados no seu plan industrial asociado para a construción dun complexo de xestión de residuos.

No mes de Decembro de 2011 o Conselleiro de Medio Ambiente dera a coñecer que o municipio elixido era O Irixo, para ubicar a planta de tratamento do lixo para o sur de Galicia, unha ubicación e un proxecto industrial que xerou o rexeitamento de amplos sectores da poboación comarcal.

"A non xustificación dos investimentos requiridos nos prazos previstos, dentro da tramitación do concurso eólico, así como a non creación dos postos de traballo fixados ante a Comisión de Seguimento dos Plans Industriais, levou á comisión, seguindo a normativa relativa ao concurso, á apertura dun expediente por incumprimento", pon de manifesto a Consellería por medio dun comunicado informativo publicado na páxina web da Xunta de Galicia

Agora, iníciase un prazo de presentación de alegacións por parte da empresa e unha posterior fase de análise das mesmas por parte dos técnicos da Comisión de Seguimento na que se determinarán as medidas a tomar, según informa a Xunta de Galicia

O CONSELLEIRO DE MEDIO AMBIENTE ANUNCIA QUE SE OPTA POLA AMPLIACIÓN DE SOGAMA

O Titular de Medio Ambiente, Agustín Hernández, aproveitou unha comparecencia co Alcalde do Carballiño, no que se daba conta da sinatura do convenio para as obras de urbanización na contorna da Veracruz, para anunciar que - independientemente do expediente aberto a Estéla Eólica por parte da Consellería de Industria- a Xunta procederá á modifícación do Plan de Residuos Sólidos Urbanos de Galicia, que contemplaba a instalación dunha planta incineradora no sur de Galicia.

No seu lugar, a Xunta aposta pola ampliación das instalacións de SOGAMA en Cerceda, asegurou o Conselleiro de Medio Ambiente, Territorio e Infraestructuras.

O lume que se lle imputa tivo lugar na parroquia de San Xoán Laxas, no concello  de Boborás, o día 19 de setembro.

Resultaron queimados 3.000 metros cadrados de monte arborado e outros 3.000 metros cadrados de monte raso, según os datos facilitados pola Policia Autonómica, que deu conta da detención dun home, como presunto autor do lume.

O incendio produciuse, segundo as investigacións, nun camiño sito nunha zona forestal e as lapas estenderonse rapidamente pola contorna. Por estes feitos, foron tramitadas dilixencias que foron remitidas ao Xulgado de Instrución do Carballiño

A Comisión de Festas e os responsables da orquestra chegaron ao acordo de suspender a actuación este pasado domingo, debido ao temporal de vento e choiva.

As festas da Saleta desenvolvianse atá o domingo cunha gran afluencia de público, que tivo o seu momento álxido na verbena do sábado, non obstante as adeversas condicións meteorolóxicas condicionaron a programación festiva do domingo, cando houbo que suspender a procesión e tamén a actuación da Orquestra Panorama, por moitivos de seguridade.

Tras barallarse varias datas para o vindeiro mes de outubro, finalmente fiixouse a data deste xoves 27 de setembro, para a actuación aplazada o pasado domingo.

Pachi Vázquez fixo constar este compromiso por escrito nunha declaración que asinou ante os veciños que acudiron a un acto no Irixo.

Neste documento, presentado este pasado sábado no Grupo Escolar do  Irixo,  o candidato á presidencia  da Xunta  manifesta a súa “oposición radical” ao proxecto e a preocupación polas “graves consecuencias que suporía converter este concello no vertedeiro do sur de Galicia”.

Vázquez lembrou no Irixo que o proxecto está paralizado “porque os veciños e veciñas do carballiño, do irixo, e do Deza lles paramos os pes”. Aínda así, lembrou que “o actual goberno do PP non garantiu que non vaia reactivalo tras as eleccións autonómicas”.

Advertiu por tanto que “temos que asegurar o que vai pasar mañá” e por elo garantiu que “se eu teño responsabilidade de gobernar este país, nin no Irixo nin en ningún sitio de Galicia haberá incineradora”.

Comprometeuse por elo por escrito a anular este proxecto nos primeiros cen días de goberno, ademais de a esixir á empresa Estela Eólica, promotora deste proxecto, a presentación de novos proxectos industriais non contaminantes, que permitan crear o mesmo número de empregos, a anular o Plan de Residuos de Galicia “que prima a incineración e os vertedoiros de lixo”.  Vázquez avogou pola contra por aprobar un novo plan que estableza a prioridade da redución, revalorización, reutilización e compostaxe dos residuos sólidos urbanos.

O Pontevedra B derrotou aos carballiñeses por 4-0, con dous goles en cada parte na quinta xornada de liga,  no partido xogado este sábado no sintético do Centro Deportivo da Xunqueira., nunha tarde de fútbol aciaga para os carballiñeses, que foron dominados de principio a fin polo equipo local.

C.D.Arenteiro:  Pachi, Carlos Escudero, Xurxo, Dabarca, Tazos, Gabriel, Bardelás (Cristián, m.69 ), Cancelas (Marcos Sotelo, m. 45), Roberto Dacosta, Iglesias e Javi López.

Goles:

1-0. Minuto 6, Collazo sorprende a Pachi cun tiro a media altura .

2-0. Minuto 42, falta sobre a portería  do Arenteiro e Yago gaña a acción á defensa carbaliñesa enviando o balón sobre o pau dereito.

3-0. Minuto 78, xogada do Pontevedra que entra como quere na área carballiñesa e resolve Buba facendo a placer o terceiro.

4-0. Minuto 83, outra vez Buba aproveita o desconcerto e despiste da defensa e o meta carballiñés, e marca sen oposición.

Comentario: O partido so tivo unha cor sobre o terreo de xogo, o granate dos pontevedreses, o Arenteiro ofreceu a súa pior cara no que vai de tempada, coas baixas de Iago e David Soares, éste último lesionado, saíu ao campo sen actitude para encarar o partido, e foi barrido literalmente  do terreo de xogo polos rapaces do filial pontevedrés. Moi mala imaxe do equipo, que volveu presentarse -como en Arousa- con tan só dous xogadores de campo suplentes, polo que Dacosta so pudo realizar dous cámbeos.

A Orquestra Paris de Noia abríu na noite deste pasado xoves a programación festiva, que continúa ata o lúns dia 24.

A Praza Maior de Cea convértese no escenario das verbenas, o plato forte da programación festiva deseñada pola comisión de festas, que repite na organización por segundo ano consecutivo tras a exitosa experiencia do ano pasado.

O venres 21 actúa a Orquestra Philadelphia e "La Década Prodigiosa". O sábado 22 amenizan a xornada a Charanga Ardores e os Gaiteiros Melidaos, e na verbena alternarán a Orquestra Gran Parada e o grupo La Oca. Para o domingo están programados concertos da Banda de Música de Celanova, que ademáis acompañará a procesión e a misa solemne na capela da Nosa Señora da Saleta e na verbena estarán Panorama e Océano. E xa finalmente, o lúns estará en Cea a Banda de música de Arcade e a verbena contará coa Orquestra Olympus.

As festas da Saleta terán este ano un orzamento próximo aos 75.000 euros. As familias de Cea achegan a través das aportacións veciñais arredor dos 40.000 euros, algo máis de 20.000 euros esperanse obter como beneficios do bar da comisión de festas, completandose o orzamento coa cuota que abonan as atraccións festivas e outros ingresos que consigue a comisión de festas mediante a organización de diversas actividades. O Concello de San Cristovo de Cea achega unha subvención de 1.000 euros.

Pais e nais, acompañados cos seus fillos, fixeron o traxecto entre O Carballiño - a marcha partíu da rúa Curros Enríquez-  ata o colexio da Uceira, para reinvidicar ante Educación a continuidade do servizo do transporte escolar desde o casco urbano do Carballiño.

A convocatoria partíu da Asociación de Nais e Pais de Alumnos, que esixe un compromiso por parte de Eduación para que se manteña o transporte escolar desde todas as paradas nas que na actualidade se recolle aos nenos.

Desde a ANPA amosaron a súa preocupación tras saberse que aos pais dos alumnos das paradas do Cacheiro e Os Catro Camiños foilles remitido un documento cara o funcionamento do servizo, o que provocou a preocupación da ANPA, ante a posiblidade de que se suprima o transporte escolar naquelas paradas que están a menos de 2 kilómetros de distancia do colexio.

O Alcalde do Carballiño manifestou coñecer a preocupación do colectivo de pais e confirmou "xestiós informativas ante a Consellería de Eduación, onde me aseguraron que non hai previsións de suprimir o transporte porque tampouco variaron substancialmente as circustancias de accesibilidade a dito centro".

 Marnotes remitiu un escrito á ANPA no que comprometese "por parte da Alcadia a defender sempre a importante e necesidade do transporte escolar, asunto que á vista do que se nos comunica desde a propia Consellería non corre perigo de eliminarse".

A Garda Civil do Carballiño cerrou unha invstigación de varias semanas procedendo a detención de 4 veciños do Carballiño entre os 25 e os 35 anos, e a un súbdito marroquino de 36 anos de idade.

Según a Garda Civil, son os presuntos autores de varios delitos de roubos con forza rexistrados nos últimos meses nos municipios de San Amaro e O Carballiño, concretamente un bar, unha panadería e 3 vivendas e adegas, onde se apoderaron de diverso material, desbrozadoras, bicicletas, motoserras, carburante e 1.500 euros procedentes da recadación obtida en máquinas rexistradoras.

Os detidos ocultaban os obxetos sustraídos nun monte próximo a O Carballiño, e posteriormente procedían ao seu intercámbeo co súbdito marroquino por hachis, por eso, éste último está detido como presunto autor de delitos de receptación e contra a saúde pública.

O Carballiño celebrou o dia do Patrón San Cibrao coa tradicional procesión do santo polas rúas carballiñesas, despois tivo lugar a misa solemne no Templo da Veracruz, presidida polo bispo da diócese de Astorga e veciño natural da nosa comarca, Camilo Lorenzo.

O bispo de Astorga recordou como precisamente nesta data da festividade do patrón cumplense 60 anos desde que a Veracruz celebrou a primeira misa na honra a San Cibrán, acontecía en 1952. Camilo Lorenzo tamén tivo unha lembranza para o gran promotor da construcción do templo, o párroco Evaristo Vaamonde e tamén palabras "para todos os que desde entón cuidan do templo e desta gran cidade que é O Carballiño".

O C.D. Arenteiro empatou en Espiñedo ante o Ribadumia nun partido que foi gañando ata o minuto 80 e pudo incluso perder nos minutos finais, cando o equipo do Salnés dispuxo dun par de ocasións para levarse os 3 puntos.

C.D. Arenteiro: Macía, Carlos Escudero (Cristián, m. 88), Xurxo, Dabarca, Tazos, Iago, Roberto Dacosta (Bardelás, m. 83), Cancelas ( Gabriel, m.60), David Soares, Iglesias e Javi López (Marcos Sotelo, m. 69).

Goles:

1-0. Minuto 29, nunha das contadas xogadas do Arenteiro ante a portería rival, David Soares leva un balón pola banda dereita, cede a Cancelas e o seu centro vai a cabeza de Javi López que cruza o balón en diagonal ao fondo da portería visitante.

1-1. Minuto 80, en pleno dominio do Ribadumia, un rechace ao borde da área é aproveitado por un dianteiro visitante que envia un zurdazo inalcanzable para Macía.

Comentario: O Ribadumia tivo a posesión do balón e dominou no xogo claramente no cómputo dos 90 minutos de partido, pero atopouse cun inconmesurable Xurxo na defensa carballiñesa, convertido esta tarde no gran baluarte da liña defensiva do Arenteiro, que foi o mellor do equipo neste encontro.

Pontevedra B - Arenteiro, o sábado 22 ás 5 da tarde no campo da Xunqueira.

O carballiñeses chegan á quinta xornada de liga coa idea de sorprender ao filial pontevedrés. Dacosta non poderá contar neste partido con Prada, que xa é baixa segura por unha enfermidade, que o terá aproximadamente mes e medio apartado do equipo.

Asemade, son dúbidas para este desplazamento o lateral Pana, que xa non pudo estar no partido do pasado domingo ante o Ribadumia, recuperandose dunha pequena lesión, e Iago, pendiente dun  feliz acontecememento, xa que está a punto de ser pai.

Polo demáis, Dacosta poderá contar co resto da plantilla. O partido xogaráse ás 5 da tarde no sintético da Xunqueira, na zona universitaria de Pontevedra, preto do Estadio de Pasarón.

VERÍN - ARENTEIRO NA COPA DEPUTACIÓN

Non se pode decir que tivese fortuna o Arenteiro no sorteo dos oitavos de final da Copa Deputación, xa que correspondeulle en sorte o Verín C.F., na única eliminatoria na que se van enfrontar equipos de Preferente. Ademáis, a eliminatoria, que segue sendo a partido único, deberá xogarse no José Argiz, o dia 12 de outubro.