A Audiencia Provincial de Ourense ven de dictar unha resolución en contra do arquivo da causa que se sigue no Xulgado nº 1 do Carballiño pola morte de cans de forma violenta na canceira municipal da Medela.

Neste auto do pasado 24 de febreiro, a Audiencia considera "prematura a decisión do Xulgado de Instrucción de arquivar a causa sen tomar declaración aos responsables e traballadores da canceira, declaracións que se solicitaron no procedemento co obxeto de aclarar a morte dos animais", según declara a Asociación Matar por Matar Non, que recurrira ante a Audiencia o arquivo do procedemento denunciado no Xulgado do Carballiño.

Ademáis, a asociación recorda como "é a 3ª vez que a Audiencia Provincial detén o arquivo desta causa e decide devolvela ao Xulgado do Carballiño ao obxxeto de que se aclare o posible delito de maltrato animal, co resultado de máis dun cento de cans mortos con indicios de violencia".

En declaracións a COPE O Carballiño, o responsable da asociación, Xulio Fernández, recordou como "no Concello do Carballiño constituírase unha comisión de investigación para aclarar os feitos, houbo un cámbeo de goberno e aínda seguimos esperando que esta comisión faga o seu traballo, non dirán que non somos pacientes", ironizou.

O traballo do equipo auditor confirma que o Concello do Carballiño ten "un problema acumulado de 9,8 millóns de euros" a data do 30 de xuño de 2011.

 Dese total, 6,8 millóns correspondese coa débeda municipal, 4 millóns de euros de débeda financieira a curto e longo prazo e 2,8 millóns de euros de débeda a terceiros, según os datos aportados polo Concelleiro de Facenda Emilio Carballeda e o Alcalde Argimiro Marnotes, que anunciou "para que non exista problema futuro sobre facer auditoria ou non, este Alcalde comprometese a que antes de deixar o cargo, deixará as contas de novo auditadas". Marnotes tamén salientou o "pago da débeda" do Partido Popular cos seus electores e o pobo do Carballiño "ao presentar o resultado desta auditoria, que antes se tiña prometida, pero non se tiña feito", dixo.  

O Alcalde do Carballiño lamentou "a falta de axilidade política" dos anteriores gobernos socialistas "que fixeron un nulo ou escaso traballo pola via executiva,  xa que a recadación limitouse á via voluntaria e en contadas ocasión recurriuse á executiva, tamén nos consta que os veciños non pagaban por unha mala xestión  á hora de cobrar, provocando ademáis un agravio entre os que pagan e non pagan, ésta era unha cuestión máis política que técnica", salientou Marnotes. Neste capítulo o concello carballiñés deixou sen ingresar recibos por importe de 3 millóns de euros "que son de moi dificil cobro ou prescritos".

DÉBEDA CON TERCEIROS

Según o equipo auditor existen numerosas discrepancias entre o que contestaron os acreedores e os datos aportados polo concello, dandose o caso que dentro dun mesmo departamento administrativo existen  arquivos que non coinciden nos seus importes.

167 proveedores indicaron un diferencial de 566.000 euros, feito que incrementaría a débeda municipal. 98 proveedores aceptaron como boa a débeda comunicada desde o concello, e finalmente non contestaron á petición dos auditores un total de 248 proveedores, que suman un saldo toal de 911.000 euros.

Os auditores tamén comentan no seu informe que existen acreedores do concello que a súa vez xeran dereitos de cobro, sendo o caso máis siñificativo o de Aquagest, que en xuño de 2011 era acreedor en 9,6 millóns de euros e deudor en 9,1 millóns. Esta circustancia, que tamén se extende a outras empresas, provoca unha distosión moi siñificativa das débedas con terceiros e os dereitos de cobro rexistrados en contabilidade, sobrevalorando o activo e pasivo municipal e asumindo un risco "polo que as liquidacións deben facerse de forma regular sin acumular estas cantidades", apuntan.

Realizadas as liquidacións "teóricas" por parte do equipo auditor a 30 de xuño de 2011, as débedas con terceiros ascenderían a 2,8 millóns de euros, e os supostos dereitos de cobro que deberían provisionarse ascenderían aos 3,8 millóns de euros.

REMAMENTE DE TESOUREIRIA

Ainda que os remanentes de tesoureiría presentan saldos positivos en cada ún dos exercicios analizados, resulta que o informe tamén recolle a súa vez que, como consecuencia da deficiente xestión no cobro durante os últimos anos, leva o concello "a definir como de dificil cobro, ou sexa prescrito, a cantidade de 3 millóns de euros, o que suporá un desaxuste nas previsións do remanente de tesoureiría fixados nos citados orzamentos e as súas liquidacións, xa que se daban como existentes en tesoureiría". Esta circustancia reflictiráse en consecuencia nos orzamentos para este ano 2012, que desta maneira "terémolos que deixar no entorno dos 8 millóns de euros", suliñaba o Alcalde do Carballiño.

ESTIMACIÓN DE LIQUIDEZ

Tendo en conta os datos anteriores, e considerando os dereitos de cobro prescritos, resultaría que a 31 de decembro de 2010, fíxase polo concello unha liquidez positiva de 1,7 millóns  e según o equipo auditor sería negativa en 1,2 millóns, mentres que a 30 de xuño de 2011 o concello fixa unha liquidez positiva de 2,3 miilóns de euros e según o equipo auditor sería negativa en 1 millón de euros.

GRAO DE CUMPLIMENTO DA NORMATIVA CONTABLE

Chama a atención dos auditores que no ano 2007 incumplironse por parte do concellos casi todos os prazos, e en menor medida no ano 2009. Tamén inciden nos defectos na documentación remitida aos órganos de control externo, asi recollense as chamadas de atención ao Concello do Carballiño no ano 2007 por parte do Consello de Contas, no 2008 por erros de cálculo de certos estados e conciliacións bancarias, que siguen recordandose no ano 2009, e xa finalmente no ano 2010, o Tribunal de Contas denuncia a falta de acta de arqueo, xustificantes bancarios e conciliacions.

O Arenteiro volveu desperdiciar outra oportunidade de afianzarse no segundo posto da clasificación, ao non pasar do empate sin goles no partido xogado no campo de Oira ante a A.D. Covadonga. O equipo de Eiroás, moi mermado, tan so contaba cun xogador no banquiño para posibles cámbeos, non so plantou cara aos carbaliiñeses, senón que incluso tiveron as súas ocasións para gañar o partido.

Tamén é certo que pudo facélo o Arenteiro, se aproveitase as súas oportunidades, sobre todo unha moi clara aos 30 minutos da primeira parte, tras unha boa combinación da dianteira carballiñesa, Alén puxo un balón a media altura sobrre a portería local e xa co porteiro batido, Iglesias non pudo cabecear por moi pouquiño. No segundo periodo, aos 10 minutos e ao sace dun córner, Kennedy conectou un cabezazo que se foi fora por moi  pouco. Xa no tempo de desconto Alén controlou un balón na área pero o seu disparo saíu demasiádo cruzado e foise fora. Antes, o meta Pachi evitou coa súa intervención que a A.D. Covadonga se adiantase no marcador tras unha xogada de Roberto Dacosta.

Ningún dos dous equipos foi capaz de facerse co control do partido, nin co peso do xogo, polo que o reparto de puntos pode considerarse bastante xusto. Con este resultado, o Arenteiro so logra sumar un punto, mentres que o Ramirás -tras a súa victoria ante o Maceda- situase a 1 punto do Arenteiro e amenaza a segunda posición na clasificación que sigue sendo de momento para os carballiñeses. O líder Nogueira, que tamén gañou, amplia a diferencia con respecto ao Arenteiro en 7 puntos.

As previsións de choiva na mañá deste domingo non impediron que un numeroso grupo de persoas participasen na andaina organizada pola Concellería de Benestar Social do concello carballiñés. A actividade formaba parte da programación deste departamento municipal con motivo do Dia Internacional da Muller, que se conmemora o 8 de marzo.

A camiñata saíu da Praza Maior e cubríu un recorrido dunhos 10 kilómetros polas ribeiras do Arenteiro e dando a volta por Paciños e Mudelos, regrasando ata O Carballiño. A Concelleira Purificación Alberte, que en algunhos momentos encabezou a andaina, agradeceu ao final a participación ás persoas asistentes e invitounas a seguir involucrandose nas actividades organizadas polo Concello do Carballiño con motivo do Dia Internacional da Muller.

O vindeiro xoves, 8 de marzo, procederáse á lectura dun manifesto institucional no salón de actos da casa do concello, e inauguráse unha exposición dos murais realizados polo alumnado dos distintos centros de ensinanza do Carballiño. Ademáis, este lúns remata o prazo para presentar as fotos ao 1º concurso fotográfico "Mulleres no Rural", que organizou o concello carballiñés en colaboración coa Asociación Fotrográfica O Potiños.

O Conselleiro de Medio Ambiente fixo estas declaracións no transcurso da visita institucional que realizou ao Concello de Beariz " a dia de hoxe non temos ningunha documentación a maiores, entendo que se a empresa propuxo o Concello do Irixo, presentará a documentación, pero insisto que a dia de hoxe non presentou nada".

Agustín Hernández aclarou que a intención da Xunta de Galicia é cumplir os prazos fixados no plan de residuos de Galicia "temos que cumplir o plan de residuos, existe unha empresa que é Estéla Eólica, e xa o dixemos o dia 5 de decembro, que propuxo á Xunta de Galicia unha ubicación nun concello, non unha ubicación concreta", salientou.

Preguntado por COPE O Carballiño sobre a postura institucional tanto do Concello do Carballiño como da Deputación de Ourense en contra desa ubicación anuncidada no municipio do Irixo para instalar esa planta de residuos, O Conselleiro suliñou "o que dixeron é que non consideran axeitada unha ubicación que tiña tratada a empresa cos veciños dunha parroquia do Irixo, nós, cando teñamos esa proposta concreta, analizarémola e avaliarémola có concello onde se atope ese proxecto, e se ese proxecto que presente -se é que o presenta- non cumplise as condicións, a obriga da Xunta de Galicia sería buscar unha ubicación e cumplir o plan de residuos", remarcou.

A Consellería de Medio Ambiente, Territorio e Infraestruturas concluirá no vindeiro mes de outubro as obras de abastecemento e saneamento nos núcleos de Muradas e Lebozán, no Concello de Beariz.Segundo explicou esta mañá o conselleiro de Medio Ambiente, Agustín Hernández, tras reunirse co alcalde, Manuel Prado, o goberno galego, a través de Augas de Galicia, realiza unha achega económica de máis de 313.000 euros para levar a cabo estas melloras hidráulicas.

No núcleo de Muradas, tanto o abastecemento como o saneamento son moi antigos e sofren deficiencias importantes, polo cal cambiarase a actual rede unitaria por outra separativa. Así, actualmente estanse levando a cabo os traballos preliminares para instalar 1.172 metros de tubaxe ao longo da estrada OU-213 que cruza a poboación de norte a sur.

Parte da rede de pluviais verte á rede existente en Beariz e o resto vai a parar a unha valgada na entrada a Muradas. A rede de residuais tamén ten dúas vertentes, unha a rede de Beariz e a outra é a que vai polo centro de Muradas, desembocando na depuradora.

O proxecto inclúe, ademais, 1.176 metros de tubaxe en previsión de alimentación de 25 futuras luminarias, instalación das súas bases, arquetas da liña e a reposición do pavimento da beiravía.

En Lebozán proxectouse unha rede nova de 554 metros de tubaxe que verte na depuradora existente, aproveitando as obras para instalar tamén un novo abastecemento en tubaxe, xa que o actual tiña diámetros moi reducidos. Deste xeito, as obras atópanse ao 50% da súa execución.

NOVAS ACTUACIÓNS EN BEARIZ

O conselleiro analizou co alcalde as novas actuacións prioritarias para o concello de Beariz en materia de infraestruturas tanto hidráulicas como viarias. En concreto, sobre o acondicionamento da estrada que une a capitalidade do concello co alto da Ermida, que facilitará o acceso do municipio á estrada O Carballño-Pontevedra. Tamén analizaron a necesidade de mellorar a captación para garantir un mellor abastecemento neste concello ourensán.

VISITA AS EXPLOTACIÓNS DO PORCO CELTA

Por outra banda, Agustín Hernández realizou unha visita á Sociedade Agraria de Transformación Oural, dedicada á ceba extensiva de porco celta. Grazas á súa actividade, esta explotación fai rendible a cría de porco celta e asegura a permanencia da raza. O cebadeiro dá saída á produción de crías das explotacións familiares xa existentes, que ven comprometida a súa viabilidade pola falla de saída comercial.

Segundo explicou o conselleiro, coa posta en valor desta raza autóctona, con características moi particulares, e a súa comercialización promoverase a recuperación da mesma, e crearase emprego.

As características que lle dan valor a esta raza autóctona son: a graxa infiltrada no músculo, similar á de produtos porcinos coma o ibérico; o sistema de crianza tradicional compaxinado cun modelo de aproveitamento mellorado para incrementar o rendemento; ademais, responde á demanda existente no ramo da restauración de produtos novos e propios.
 

O Deputado do PP Daniel Varela alegou que "a ubicación non está decidida" e que podería ser a inicialmente prevista pero tamén "outra dentro do Irixo, fora do Irixo ou en calquer lugar de Galicia". En consecuencia, o Partido Popular votou en contra no parlamento de Galicia dunha moción presentada polo BNG para que a Xunta rexeitase "calquera proxecto de instalación dunha planta incineradora no Irixo"

Ante a moción dos nacionalistas, o deputado popular asegurou que "non hai tomada ningunha decisión sobre a ubicación da incineradora" e que polo tanto analizaránse todas "as posibles propostas que cheguen, debe quedar meridianamente claro que a ubicación non está decidida e haberá que estudiala", aseverou.

A Deputada do BNG Tareixa Paz recriminou aos populares porque "xa vai sendo hora de que aclaren cal é a súa intención" e instou ao PP a "rexeitar a hipotéca que supón a instalación dunha incineradora na Comarca do Carballiño". Desde o PSdG, a súa Deputada Carmen Gallego congratulouse que "Baltar`s power" fixera, ao seu xuizo, "recuar" nesta decisión ao Presidente Galego Núñez Feijóo.

De forma simultánea ao debate parlamentar, arredor de medio cento de persoas -a maioria pertecentes á Plataforma Incineradora no Deza Non- protestaron no exterior do pazo do Hórreo "en contra da instalación desta planta no Irixo e en favor de modelos de tratamento de residuos que favorezan a redución, reciclaxe e reutilización". Entre as concentradas, atopábase a concelleira carballiñesa do BNG Áurea Francisco.

Os responsables da comparsa "As Monarcas do Irixo" aseguran que contaban cun permiso de transporte especial para os dias nos que tiñan previsto desplazarse nas pasadas celebracións do antroido.

Non obstante, a Garda Civil interceptou no Carballiño á comitiva cando regresaban o pasado sábado de piñata da vila de Celanova, na rotonda da Fontela atoparonse cunha patrulla da Garda Civil, que os seguiron e á altura da rotonda da Casa Azul pedironlle a documentación dos vehículos, impoñendolle unha multa de 1.500 euros "por transitar pola via pública con vehículos non autorizados", 500 euros polo vehículo tráctor e outras duas multas cada unha por importe de 500 euros por cada unha das carrozas.

 Pese a explicarlle aos axentes que se trataba dun desplazamento programado que formaba parte da festa do antroido, a Garda Civil "non atendeu razóns e calcounos 1.500 euros, asi sacanlle as ganas a calquera, con este tipo de actitudes acaban có antroido, se lle fan falta cartos que os saquen de outra maneira pero non así", manifestaron a esta emisora de radio os comparsitas, moi disgustados coa actuación da Garda Civil.

O Alcalde do Carballiño lamenta a decisión dos socialistas e pregúntase ónde está Paco Fumega "temos un problema no Carballiño, un problema de liderazgo na oposición", dixo.

Marnotes non entende como é a mesma persoa a que exerce como portavoz da Plataforma Incineradora Non e a súa vez tamén é o portavoz do grupo municipal do PSOE neste asunto, referíndose ao concelleiro Adolfo Nogueira "éste home fai de todo, é xa sabemos que a plataforma non quere a incineración en ningunha parte, pero no concello do Carballiño temos un acordo unánime para opoñernos a unha ubicación concreta", suliñou.

"Hai unhos dias pediase a miña demisión como deputado, porque non se trataba na deputación este punto que se acordara no Carballiño, pois non só eso, non só se tratou senón que se aprobou por unanimidade e agora resulta que se van do acordo, esto é un sin sentido, non entendo aos socialistas, o que era imprescindible fai unhos dias que se aprobase na Deputación, apróbase e resulta que agora ese acordo non dí a verdade", por eso -pregúntase Marnotes- "a qué están xogando os socialistas".

Preguntado de forma explícita sobre a súa posición en relación a ubicación da incineradora noutro posible emplazamento que non sexa o anunciado, o Alcalde do Carballiño manifestou "no Carballiño temos claro que a actúal ubicación é perxudicial para o noso concello e non nos vale, e nesa loita estamos, non teño nin idea onde pode ser outra ubicación, no momento que haxa esa proposta xa farémos un posicionamento, valerános ou non, e qué postura deberíamos tomar se a planta se vai a Cortegada e xa non se fai no Irixo, non sei entón se O Carballiño tería moito que opinar, igual que cando se plantexou instalar a incineradora en Xinzo ou no Deza".

Argimiro Marnotes chegou a ironizar sobre a postura dos socialistas " ao mellor o que queren é manexar eles os postos de traballo da planta, non vaia a ser que pretendan que a Sogama-2 vaia tamén para Cerceda onde goberna un Alcalde do PSOE, ou igual un destes dias piden a demisión do Alcalde de Cerceda, que é do PSOE, por querer levar esta planta do Irixo para Cerceda", para rematar concluíndo "en realidade o que lle molesta aos socialistas de todo esto é que o Alcalde do Carballiño e o Partido Popular se posicionase como o fixo, defendendo O Carballiño"

Unha primeira parte na que o equipo amosou unha total indolencia, e unha segunda na que os carballiñeses careceron de resolución ante a portería rival, condenaron ao Arenteiro. Os de Taboadela teñen a medida collida a este Arenteiro, se na primeira volta da liga derrotaron aos carballiñes por 3-0, hoxe volveron gañarlle en Espiñedo, desta vez 1-2.

Igual que en partidos anteriores, o Arenteiro volveu ser un equipo cun xogo deslabazado, sen un esquema de xogo definido a estas alturas da liga, e asi é complicado gañar os partidos se non tes a fortuna que sí tivo en anteriores partidos pero que lle faltou hoxe.  O primeiro periodo volveu ser un cúmulo de despropósitos por parte dos verdes, o Arenteiro exercía unha presión que en ningún momento chegou a ser efectiva, pola contra a U.P. Taboadela aprobeitaba para adiantarse no marcador cun balón á escadra da portería carballiñesa inalcanzable para Pachi. Aínda terían os visitantes unha clara oportunidade de incrementar a súa ventaxa no marcador, nun balón que Pachi regalou a un atacante visitante, pero apareceu providencial  Carlos Escudero para enviar a córner.

Na reanudación, a U.P. Taboadela seguíu plantexando o partido ao contragolpe, mentres os carballiñeses trataban de asediar a portería visitante, non obstante sería a U.P. Taboadela quen conseguía marcar o 0-2 noutro bonito gol do seu dianteiro Camba. O Arenteiro lograba meterse no partido a 10 minutos do final ao cabecear Alén un centro desde a dereita, no tramo final o Arenteiro seguíu a intentalo, pero unhas veces a ansiedade dos xogadores locais e nun par de ocasións as intervencións do meta visitante, condenaron aos carballiñeses a unha derrota que é un paso atrás na súa loita pola ascenso.