A comparecencia para facer unha avaliación dos 100 primeiros dias de goberno municipal do Partido Popular foi aproveitada polo Alcalde Argimiro Marnotes para dar a coñecer á débeda que o concello carballiñés mantén cos proveedores, que "son 11,5 millóns de euros que se deben según unha relación de facturas recoñecidas que figura no concello, son facturas que están sen pagar e que se remontan desde o ano 1991 atá o mes de xuño de 2011, non sabemos por qué esto non se fixo público antes, seguro que moitas destas débedas xa prescribiron e moitos dos provedores xa se cansaron de reclamalas, pero tampouco sabemos por qué non se fixeron no seu caso expedientes de prescripción", indicou o rexidor municipal en manifestacións a esta emisora de radio.

Marnotes tamén desvelou que nos dias previos ás festas do setembro "houbo que que negociar con Unión Fenosa e facer un pago de 40.000 euros porque senón tiñamos o risco de non poder encender a iluminación artística das festas", según os datos aportados hoxe a débeda que ten contraida o Concello do Carballiño coa empresa eléctrica ascende a 600.000 euros, e que se corresponde con mensualidades que foron quedando sen pagar por parte do concello durante os últimos 5 anos, ademáis "deixaron sen pagar todo o 2010 e todo 2011 atá xuño", sentenciou.

O Alcalde do Carballiño valorou e mesmo agradeceu "o enorme traballo que todos os concelleiros e concelleiras do Partido Popular realizaron nos 100 primeiros dias de mandato, agora os veciños saben que no concello hai un alcalde que os escoita e recibe a diario, e que trata de resolver os seus probemas, ahí é onde pode verse o cámbeo que votaron o 22 de maio". Marnotes considera que nos tres primeiros meses o Partido Popular xa cumpriu parte importante do seu programa electoral "xa contratamos a auditoria, sempre se nos dixo que non se podia facer porque hipotecaría ao Concello, e ahí está, o problema económico do Concello do Carballiño non é o coste da auditoria que reclamaban os veciños, senón esos 11,5 millóns de euros que se debe aos proveedores ou o que se lle debe aos bancos".

 O Alcalde carballiñés tamén se referíu a outras decisións xa adoptadas nos 100 primeiros dias de goberno municipal, como o convenio coa Deputación que a partir do vindeiro 1 de outubro faráse cargo da xestión do punto limpo e a recollida do lixo ou "a mellora que experimentou nos últimos meses a seguridade cidadán, cunha mellor coordenación das forzas de seguridade que está dando moi bós resultados como creo que están vendo os veciños do Carballiño", indicou.

O mellor que deixou o partido co Cortegada desde logo que foi o resultado, o 2-0 final no marcador que perimite ao Arenteiro sumar a terceira victoria da liga e seguir no liderato da categoria da 1ª autonómica. Foi un mal partido dos locais que xogaron toda a primeira parte moi despistados, sobre todo en defensa, aínda que a falla de acerto nos últimos metros do Cortegada deixaron os 3 puntos en Espiñedo. Nada máis iniciarse o partido o meta Samuel salvou un man a man cun dianteiro visitante no que pudo adiantarse o Cortegada. O gardameta carballiñés protagonizou a xogada polémica do partido cando se víu obrigado a derrubar a un atancante do Cortegada fora da área, e no que os afeccionados do Ribeiro pedían a vermella para Samuel, sen embargo o árbitro interpretou que o xogador visitante non encaraba a porteria e a xogada non supoñía unha ocasión manifesta de gol, polo que ensinou o cartón amarelo ao meta carballiñés. Antes; Iglesias, moi oportuno igual que o dia do Allariz, aproveitou un balón dentro da área marcar o primeiro gol do Arenteiro.

 Tralo descanso, Dacosto cambeou a insegura defensal local, deixou no vestiario a César e Pana e no seu lugar entraron Viñas e Igor. Foi no tramo final do partido, tras a incorporación no equipo de Canexón, cando o Arenteiro tivo as mellores oportunidades para incrementar a súa aventaxe no marcador, e sería precisamente Canexón quen faría o 2-0 desde un tiro cruzado desde fora da área, minutos antes o propio Canexón protagonizara a mellor xogada do partido, ao canear a dous rivais e enviar un medido centro que ningúen soubo rematar.

RESULTADOS DA 3ª XORNADA

CLASIFICACIÓN 3ª XORNADA

As sesións de fogos artificiais volveron ser os acontecementos máis seguidos das festas do setembro. Miles de persoas presenciaron as tiradas de "La Gallega" e "Pirotecnia Abad", ésta última congregou na noite do sábado a unha multitude que disfrutou dunha das sesións de fogo voador máis espectáculares dos últimos anos no Carballiño.

A pirotecnia de Leiro estivo a unha gran altura, pola calidade e cantidade do espectáculo ofrecido, que foi despedido ao seu remate cunha gran ovación por parte do público que abarrotaba a Praza do Emigrante e as rúas máis próximas, no evento máis concurrido das festas deste ano.

Unha explosión de colorido apoderouse do ceo do Carballiño durante 20 minutos, cunha perfecta adaptación e orientación ao entorno da Alameda, sen perder en ningún momento o rítmo e cunha cuidada e moi lograda progresión secuencial "Pirotecnia Abad" puxo en escea un magnífico espectáculo. Ao final, unanimidade, o mellor do programa destas festas do setembro 2011.

O cámbeo do dia festivo para o 16, en lugar do 17 e o adianto da feira ao 15, este baile de datas e a exclusión do programa das orquestras punteiras do panorama musical galego, son os dous comentarios máis criticos que se veñen escoitando nos últimos dias no Carballiño en relación ao desenvolvemento destas festas do setembro. Polo demáis, o bo tempo está contribuíndo a unha destacada participación popular, sobre todo polas noites, cun extraordinario ambiente de público tanto na avenida do balneario, onde se instalou o parque de atraccións, asi como nas zonas máis céntricas.

O adianto do festivo local ao 16 restou ambiente de público e actividade comercial á feira do dia 15, que resultou un auténtico fiasco para a hostelería e os polbeiros, que nin xiquera venderon a metade dunha feira normal, e "moito menos ca unha feira das festas", desde o comercio, a hostelería e a veciñanza en xeral, escoitáronse a través de esta emisora de radio un aluvión de críticas contra esta decisión adoptada por unanimidade pola anterior corporación municipal o ano pasado. En canto ao programa festivo, os comentarios apuntaban á falla das orquestras de máis renome de Galicia, mentres que outros aspéctos da programación festiva son valorados positivamente, como os eloxios que recibe a iluminación artística instalada nas rúas carballiñesas ou as actividades de animación nocturna, que están obtendo unha gran aceptación.

O Alcalde do Carballiño, Argimiro Marnotes, destacaba "o gran ambiente que están rexistrando estas festas" e recoñecía e agradecía o traballo que está desenvolvendo a comisión de festas "e aínda máis tendo en conta o orzamento que temos, que todos sabemos cál é".

O Polifacético artista Moncho Borrajo foi o encargado de pregoar estas festas carballiñesas do setembro, o seu pregón deu paso a cinco xornadas festivas que se prolongarán atá o lúns dia 19, inclusive. O festivo local adiantase este ano ao venres dia 16, de tal maneira que a feira tamén se adianta ao dia anterior, o xoves dia 15.

MÉRCORES DÍA 14:

10:00    Alborada. Bombas de palenque.
10:00    LXVII Concurso de Gando Raza Loura Galega na Uceira.
11:30    Pasarrúas de Xigantes e Cabezóns.
17:30    Actividades para nenos/as de 3 a 12 anos.
             Previa inscrición na Área de deportes do Concello vos días 12 e 13 de Setembro.
             PONLLE AS PILAS O Teu BOCADILLO.
             OBRADOIRO – XOGOS E MERENDA SAUDABLE
             CON PRODUTO DO MAR.
                           Consellería do Mar. Xunta de Galicia.
20:30    Actuación dá Coral Polifónica Casino do Carballiño, non auditorio do Casino Cultural e         

             Recreativo do Carballiño           
21:00    Actuación dous grupos locais Noveis de Rock e na Praza dás Monxas.
             GRUPOS:
             ROBERTO SOBRADO
             SINGÜLTUS
             BANDA DESARMADA
             LITTEL OAK
21:45    PREGÓN DÁS FESTAS S. CIBRAO 2011 a cargo de MONCHO BORRAJO.
22:00.   Inauguración do Alumeado Artístico S. Cibrao 2011.

XOVES DÍA 15:

10:00.   Alborada. Bombas de palenque.
11:30.   Pasarrúas de Xigantes e Cabezóns polos barrios dá Vila acompañados polo grupo de         

             Gaitas Orcellón do Carballiño
11:30.    Pasarrúas Charanga Castro Belo; polos Barrios dá Vila.
17:00.   Pasarrúas de Xigantes e Cabezóns polos barrios dá Vila, acompañados polo grupo de    

             gaitas Orcellón do Carballiño.
18:00.   Pasarrúas dá Charanga Castro Belo  polos Barrios dá Vila.
19:00.   Actuación do ORQUESTRA PANTASMA
             (Home Orquestra); na Praza Maior.
19:00.   I CARREIRA DE CAMAREIROS “S.CIBRAO 2011”; Premios para vos 3 primeiros  

             clasificados.(Rúa Principal).
21:00.   Pasarrúas a cargo do Grupo XITUMA BATUQUE.
21:00    Verbea Espectáculo na Rúa Conde Vallellano
                        “ORQUESTRA D´MODA”
22:45    Verbea Espectáculo na Praza Maior
                         “ORQUESTRA LEDICIA”.
23:00.   Pasarrúas a cargo do Grupo XITUMA BATUQUE.
00:30.   Verbea Espectáculo na Rúa Conde Vallellano
                         “ORQUESTRA D¨MODA”.
01:00.   Pasarrúas a cargo do Grupo XITUMA BATUQUE.
02:00.   Verbea Espectáculo na Praza Maior
                          “ORQUESTRA LEDICIA”
03:45.   Fin de Festa.

VENRES DÍA 16:

10:00.   Alborada. Bombas de Palenque.
11:30.   Pasarrúas de Xigantes e Cabezóns polos barrios dá Vila, acompañados polo grupo de   

             gaitas Orcellón do Carballiño.
11:30.   Pasarrúas dá Charanga NBA polos Barrios dá Vila.
11:30.   Pararrúas dá Charanga Air Jalicia polos barrios dá Vila.
11:30.   Procesión na Honra de San Cibrao coa “Banda Escola Municipal do Carballiño”.
             A continuación: Misa solemne na honra do San Cibrao; presidida por un bispo e   

             sacerdotes do arciprestazgo. “Orfeón do Carballiño”

           
13:30.   Concerto dá Banda Escola Municipal do Carballiño.
             Lugar: Praza Emilia Pardo Bazán.
17:00.   Xogos Populares:
             Carreira de Sacos, Corda, Culler, Xogos con paracaídas. Remataremos a tarde coa  

             Festa dá Espuma
             Trofeos, Agasallos e larpeiradas para os participantes.
              Lugar: Na Pista Roxa.  
17:00.   Pasarrúas de Xigantes e Cabezóns polos barrios dá Vila, acompañados polo grupo de

             gaitas Orcellón do Carballiño
18:00.   Pasarrúas Banda Escola Municipal do Carballiño.
18:00.   Pasarrúas Charanga NBA polos Barrios dá Vila.
18:00.   Pasarrúas Charanga Air Jalicia polos Barrios dá Vila.
19:00.   Ximnasio MADOKOAN
             EXHIBICIÓN DE: HAP –KI DO
                                          KICKBOXING
                                          AERO KICKBOXING
             Lugar: Na Praza Maior.

19:00.   Concerto Banda de Música na Praza Pardo Bazán.
              Banda Escola Municipal do Carballiño.
21:00.   Verbena Espectáculo na Avenida do Balneario.
               ORQUESTRA AMIZADE.
22:30.   Verbena Espectáculo na Praza Maior.
               ORQUESTRA ISMAEL.
00:30.   Gran Tirada de Fogo Voador.
                 “Pirotecnia La Gallega”
01:00.   Espectáculo de Rúa.  Itinerante:
               “CAVEIRAS E DIABLITOS”
             Lugar: Zona Praza do Emigrante.
01:00.   Verbena Espectáculo na Avenida do Balneario.
               ORQUESTRA AMIZADE.
2:30.    Verbena Espectáculo na Praza Maior.
                ORQUESTRA ISMAEL.
03:45.   Fin de Festa.

SÁBADO DÍA 17:

10:00.   Alborada. Bombas de Palenque.
11:30.   Pasarrúas de Xigantes e Cabezóns polos barrios dá Vila, acompañados polo grupo de  

             gaitas Orcellón do Carballiño.
11:30.   Pasarrúas dá Charanga Dr. Anchoa polos Barrios dá Vila.
11:30.   Pasarrúas Banda de Música de Noia.
13:00.   CONCERTO Banda de Música na Praza Pardo Bazán.
16:00- 20:00:   Tarde de Inchables:
                        (Tobogán xigante – multi 4 – Pallaso – Fútbol 3.).
                       + OBRADOIROS (Globoflexia-Maquillaxe-Tatoos)…
                        Lugar: Prazas do centro dá Vila (Rúa Principal).
 17:00.   Pasarrúas de Xigantes e Cabezóns polos barrios dá Vila, acompañados polo grupo de

              gaitas Orcellón do Carballiño.
18:00.    Pasarrúas Banda Escola Municipal do Carballiño.
18:00.    Pasarrúas Charanga Dr. Anchoa polos Barrios dá Vila.
18:00.    Selección Galega de Exhibición de Taekwondo. (Praza Maior)
19:00.    CONCERTO Banda de Música de Noia.
21:00.    Verbena Espectáculo na Praza Maior.
              ORQUESTRA SUPER-T.
22:30.    Verbena Espectáculo na Praza do Emigrante.
              ORQUESTRA AMÉRICA.
00:30.   Gran Tirada de Fogo Voador.
             “PIROTECNIA ABAD”
01:00.   Verbena Espectáculo na Praza Maior.
             ORQUESTRA SUPER-T.
02:30.   Verbena Espectáculo na Praza do Emigrante.
             ORQUESTRA AMÉRICA.
03:45.   Fin de festa.

DOMINGO DÍA 18:

10:00.   Alborada. Bombas de Palenque.
11:30.   Pasarrúas de Xigantes e Cabezóns polos barrios dá Vila, acompañados polo grupo de

             gaitas Orcellón do Carballiño
11:30.   Pasarrúas dá Charanga O Santiagüiño polos Barrios dá Vila.
16:00.   Festa Infantil Musical. Amenizada por un dj. e monitor
             Coreografías de Baile, xogos variados, larpeiradas para tod@s.
              Lugar: Praza Maior.
17:00.   CHAVE. Tirada Individual e por parellas na Entrada do Parque Municipal.
17:00.   Pasarrúas de Xigantes e Cabezóns polos barrios dá Vila, acompañados polo grupo de  

             gaitas Orcellón do Carballiño.
18:00.   Pasarrúas Charanga O Santiagüiño polos Barrios dá Vila.
18:00-  21:00.   I CAMPIONATO DE FUTBOLÍN “San Cibrao 2011”
                         Na Praza Maior.
21:00.   Verbena Espectáculo na Praza Maior.
             ORQUESTRA ASSIA.
22:30.   Verbena Espectáculo na Rúa Calvo Sotelo.
             ORQUESTRA  NEVADA.
01:00.   Verbena Espectáculo na Praza Maior.
             ORQUESTRA ASSIA.
02:30.   Verbena Espectáculo na Rúa Calvo Sotelo.
             ORQUESTRA NEVADA.
03:45.   Fin de festa.

LUNS DÍA 19 (DÍA DÁ ROMARÍA DÁ SALETA)

10:00.   Alborada Bombas de Palenque.
10:00.   Romaría dá Saleta: “Misa e Procesión”
14:00.   Xantar Popular na Carballeira dá Saleta.
18:00.   Día do Neno. Atraccións a metade de prezo.
21:00.   VERBEA Espectáculo na Praza Maior (1ª Pase)
             ORQUESTRA FANTASÍA
00:00.   VERBEA Espectáculo na Praza Maior (2º Pase)
             ORQUESTRA FANTASÍA
02:00.   Fin de Festa.

A medida adoptada polo goberno municipal de Boborás xa comezou a aplicarse nalgunhas localidades e iráse completando no transcurso das vindeiras semanas atá acadar a totalidade dos núcleos do municipio. Durante o anterior mandato, xa se decidira apagar parte das iluminacións, daquéla, fixérase de xeito selectivo, reducindo o número de luminarias, mentres que agora o apagón será completo durante 4 horas, entre as 2 e as 6 da madrugada.

O Alcalde de Boborás, Cipriano Caamaño, recordaba como no seu dia Boborás tamén foi o primeiro concello en poñer en práctica esta medida "e despóis viñeron detrás outros moitos concellos que copiaron esta decisión, e sen que se escoitasen tantas críticas, porque seguramente neses concellos hai oposicións basante máis responsables dalgunha que temos aquí en Boborás". En declaracións a Cope O Carballiño, Caamaño tamén manifestou "que a maioria dos veciños entenderon daquéla esta medida, e seguro que tamén o entenden agora, pídolles un pequeno sacrificio, teñen que saber que o grupo de goberno busca con esta decisión ser solidarios con outras necesidades, como a asistencia a domicilio, a gardería infantil ou o xantar sobre rodas".

O máximo responsable do goberno municipal do Partido Popular recoñeceu "que cada dia é máis cimplicado gobernar, porque cada ano temos menos recursos económicos debido aos recortes nas subvencións que recibimos, e non podemos permitir poñer en risco servizos básicos e atender á xente que máis o necesita por non ter a valentia de tomar estas medidas".  Caamaño calcula que con esta medida o concello de Boborás aforrará 40.000 euros ao ano.

A goleada a domicilio do Arenteiro en Monterrei sitúa na segunda xornada de liga aos carballiñeses no liderato da 1ª autonómica, empatado a seis puntos coa Ponte-Ourense. O partido comezou cun cuarto de hora de retraso ao negarse o árbrtro a iniciar o mesmo sen que os locais identificasen co DNI aos seus xogadores.Abríu a conta goleadora do Arenteiro Marcos Sotelo, e logo empataría o Monterrei, nun fallo da defensa carballiñesa, un dos dianteiros do equipo local cabecea a placer e aínda que Pachi chega a desviar a traxectoria do balón ao poste, finalmente introducíase na porteria carballiñesa. Antes do descanso Bardelás faría o 1-2 cun tiro desde fora da área que, coa colaboración do meta local, sube ao marcador. Xa na reaunudación do partido chegaría o hat trick de Alén para resolver un partido ante un moi flouxo rival, como resultou ser o Monterrei. O primeiro ao controlar un balón na área e rematar a media altura, e os douus seguintes de idéntica factura, cunha vaselina sobre o porteiro local. O meta carballiñes Pachi relaxouse en exceso e permitíu o segundo gol do Monterrei, aínda que minutos antes do remate do partido evitou o terceiro cunha gran intervención, enviando a corner un balón que se colaba na portería carballiñesa. Ao final, 2-5 no marcador e segunda victoria consecutiva do C.D.Arenteiro, que o vindeiro domingo dia 18 recibirá en Espiñedo ao Cortegada.

RESULTADOS DA XORNADA AO COMPLETO

CLASIFICACIÓN

 A Consellería de Medio Ambiente, Territorio e Infraestruturas iniciará nos próximos días as obras de abastecemento e saneamento nos núcleos de Muradas e Lebozán, no Concello de Beariz. O goberno galego, a través de Augas de Galicia, realiza unha achega económica de máis de 313.000 euros para levar a cabo estas melloras hidráulicas. No núcleo de Muradas, tanto o abastecemento como o saneamento son moi antigos e sofren deficiencias importantes, polo cal se cambiará a actual rede unitaria por outra separativa. Instalaranse 1.172 metros de tubaxe ao longo da estrada OU-213 que cruza a poboación de norte a sur.

Parte da rede de pluviais verte á rede existente en Beariz e o resto verte a unha valgada na entrada a Muradas. A rede de residuais tamén ten dúas vertentes, unha a rede de Beariz e a outra é a que vai polo centro de Muradas, desembocando na depuradora. O proxecto inclúe, ademais, 1.176 metros de tubaxe en previsión de alimentación de 25 futuras luminarias, instalación das súas bases, arquetas da liña e a reposición do pavimento da beiravía.

En Lebozán proxéctase unha rede nova de 554 metros de tubaxe que vai verter na depuradora existente, aproveitando as obras para instalar tamén un novo abastecemento en tubaxe, xa que o actual ten diámetros moi reducidos. As obras, cuxo prazo de execución é de seis meses, beneficiarán 135 habitantes de Muradas e 65 habitantes de Lebozán, aos cales se lles ofrecerá un servizo axeitado de saneamento e abastecemento. Eliminaranse as fosas sépticas e os problemas de salubridade que elas comportan.

As xociviga 2011 inician este sábado as proxeccións. Ás 17:00 horas empezarán coa  primeira película de cine infantil, Ga-Hoole, na Casa da Cultura, onde ás 20:00 horas proxectase o documental O meu nome é Luís Ferreiro, contando coa presenza do director, Roi Cagiao, o protagonista do mesmo Luís Ferreiro, militante antifranquista, e o profesor e ensaísta Xesús Alonso Montero, que participarán na presentación da película e posterior coloquio. A programación da casa da cultura pecharase ás 23:00 horas con Del poder, documental que narra os sucesos acaecidos en Xénova no 2001, cando os movementos sociais protestaron ante unha reunión do G-8 e foron brutalmente reprimidos (norte de Carlo Giuliani). A entrada ás proxeccións da Casa da cultura e gratuíta ao longo de todas as xornadas.

No auditorio proxéctase ás 18:00 horas a producción francesa Micmacs, do director de Delicatessem e Amelie, Jean-Pierre Jeunet. Ás 20:00 horas a última de Woddy Allen, Medianoite en París. Xa ás 23:00 horas levarase a cabo a gala de inauguración, de entrada gratuíta, na que se proxectará Doentes, que protagonizan os actores  Xosé Manuel Oliveira “Pico” e Antonio Durán “Morris”, que recibirá a Xociviga de Honra 2011. Anbolos dous estarán presentes xunto co director da película, Gustavo Balza.

As proxeccións continuarán os tres proximos días. Os horarios pódense consultar nas carteleiras do Cine Club Carballiño da Praza Maior e nos lugares de proxección, auditorio e Casa da cultura, así como no blog do cine club, cineclubecarballino.blogspot.com, onde ademais aparece información sobre todas as actividade e películas. O domingo haberá unha actividade especial: un concerto de música a cargo do cuarteto de corda  Emsemble Aurum acompañado da soprano Indra Sesti di Luca, que interpretarán diferentes pezas de bandas sonoras de películas a partir das 20:45 na Praza dos Irmáns Prieto (praza das monxas).

RECOÑECEMENTO DE XOCIVIGA A ANTONIO DURÁN "MORRIS"

O premio Xociviga de Honra recae este ano en  Antonio Durán “Morris”. O premio recoñece a dilatada carreira profesional do actor, que empezou xa fai máis de 30 anos. O Xurado estimou que : “Morris é sen dúbida un dos rostros máis coñecidos do panorama audiovisual galego, tanto pola súa participación en curtas e longametraxes como polas súas persoaxes de series da TVG. Actor de longo percorrido, ten traballado tamén en máis de 25 obras de teatro, sobre todo no grupo do que foi un dos fundadores, Artello, como co Centro Dramático Galego. Dende que debutou no ano 1978 ata hoxe, Morris é sen dúbida un referentes da nosa cultura. Estamos seguros de que aínda o será moito máis”.

O xurado estaba composto por Ángel de la Cruz, director de cine e novelista, Eduardo Galán, debuxante, dramaturgo e crítico de cine, Miguel de Cabo, presidente de Cine Club Carballiño,  o Alcalde, Argimiro Marnotes, e o concelleiro de Cultura, Rodrigo González, en representación do concello,  que xunto co Cine Club Carballiño, organizan esta 28º edición das Xociviga.

O premio será entregado ao propio actor na gala de inauguración que se celebrará este sábado, día 10,  ás 23 horas no auditorio municipal. A entrada á mesma será gratuíta e nela proxectarase a última película rodada por Morris, Doentes, na que é o actor principal xunto con Xosé Manuel Oliveira “Pico”, que tamén asistirá á gala ao igual que o director da mesma, Gustavo Balza.

O Concello do Carballiño remitirá ao Adif un escrito no que solicitará explicacións sobre o peche do servizo de despacho de billetes e atención ao público durante as fines de semana na estación de Renfe do Carballiño, inicialmente, e según de comunica nun aviso que pode verse na propia estación, unha medida provisional durante o mes de setembro.Tamén se informa que para os trenes de media distancia os billetes despacharánse nos propios trenes, mentres que para os de longo recorrido, emplazase a facer a compra de billtes a través de internet, telefóno ou na estación de Ourense.

A corporación municipal do Carballiño acordou por unanimidade dos tres grupos políticos remitir un escrito que se trasladará ao Adif, instandoo a que con carácter inmediato se repoña este servizo de atención aos viaxeiros e despacho de billetes na estación carballliñesa. O acordo foi adoptado a partir dunha moción presentada ao pleno pola vía de urxencia, en base a unha proposta do grupo de goberno do Partido Popular.