(Redacción. Rocío Campos) O Centro de Servizos Sociais "Alvetus" en O Sifón ven de ampliar e mellorar o servizo de Fisioterapia. Esta nova prestación estará a disposición de tódolos veciños de Avión de calquera franxa de idade por un prezo moi asequible. Desta maneira, non terán a necesidade de desprazarse para acudir a outros centros especializados, xa que dende agora o Centro de Servizos Sociais "Alvetus" conta cun equipamento fisioterapeuta cun nivel altamente cualificado con camillas articuladas, camilla especial para embarazadas, lámpadas de infrarroxos, máquinas de electroterapia, máquina de parafina, máquinas de axentes quentes e máquinas de axentes fríos.

Co novo equipamento, ademais dos tratamentos que xa se viñan realizando, tratarán as seguintes patoloxías: problemas de espalda, incontinencia urinaria, problemas reumáticos e artrósicos, esguinces, problemas circulatorios, insuficiencia respiratoria, insuficiencia cardíaca e masaxes terapeúticos, entre moitas outras.

(Redacción. Rocío Campos) A xunta local do Partido Popular de O Carballiño elixe a Argimiro Marnotes como cabeza de lista para as vindeiras eleccións municipais.O actual portavoz do PP no concello e Xerente de Xestur en Ourense S.A foi nomeado por unanimidade candidato á alcaldía de O Carballiño para as vindeiras eleccións municipais nunha reunión celebrada na sede Local do Partido Popular. Argimiro Marnotes "recolle con responsabilidade a confianza que o Partido está a poñer nel", pero asegurou que "terá que dar un salto importante para conquerir a alcaldía que xa fai 14 anos está en poder do PSOE". Unha suma de esforzos por parte de todo o Partido, xunto co apoio dos votantes axudarían según os populares a conseguir o éxito nas vindeiras eleccións municipais.

A partir deste momento, o Partido Popular en O Carballiño, cunha xunta local renovada por medio dun congreso e con Argimiro Marnotes elexido como candidato á alcaldía, "está en disposición de traballar nun programa e na elección de persoas que lideren un proxecto político pensado no valor máis importante que ten o pobo, que son as persoas, pero sempre sen deixar de traballar durante os meses que quedan de mandato nas tarefas de oposición"

(Redacción. Rocío Campos) "A Mañá de Cope" desprazouse esta semana ata o concello de O Irixo para coñecer mellor a súa historia. Un  concello que conta con 120 km de extensión e onde entre os veciños abunda o apelido Nogueira, mostra diso dous dos nosos convidades no programa Antonio Nogueira, dueño do xeriátrico Nosa Señora da Sela e recoñecido construtor e Elisa Nogueira, veciña da parroquia de Campo. Pero durante a mañá tamén tivemos ocasión de falar co teniente alcalde do concello, Manuel Cerdeira "Lito".

Antonio Nogueira contábanos que O Irixo é un concello onde en tempos atrás houbo moita inmigración, maioritariamente cara o País Vasco. Pero non so houbo emigración a Euskadi, senón que tamén era común que veciños das parroquias de Dadín e do Campo emigrasen a países europeos como Alemania e Francia.

No seu papel de constructor, o cal xa leva construido ó redor de doce pisos en O Carballiño, aseguraba que cerca de mil pisos de O Carballiño pertencen a veciños de O Irixo. En canto á residencia xeriátrica Nosa Señora da Sela, que non hai moito iniciou a súa actividade, está considerada unhas das máis completas e modernas da provincia de Ourense cun entorno que conta con cerca dos 4000 km2.

Elena Nogueira, María e Irene son as tres integrantes da comisión de festas do Irixo que de última hora acordaron organizar as festas do quince que terán lugar os días 14, 15 e 16 de agosto. Elena aseguraba que para ter máis información sobre o cartel habería que esperar uns días.

O último dos convidados desta maña foi o teniente alcalde, Manuel Cerdeira "Lito", o cal aseguraba que a emisión do noso programa dende o concello e a Festa do Cabalo eran o pistoletazo de salida dunha serie de acontecementos festivos. O domingo 1 de agosto celébrase a décima Festa do Cabalo que desde as 12:00 horas acolle diferentes concursos de beleza, andadura e trote e unha comida popular con pulpo e carne o caldeiro.  Unha festa que se celebra desde hai dez anos, pero onde a tradición se remonta os anos noventa celebrando, incluso, curros nos pobos de Parada de Labiote e Carballeda. Outra das actividades previstas para este verán está dirixida ós máis cativos, xa que durante os días 9 e 13 de agosto realizarase un campamento urbano nas instalacións da praia fluvial de O Irixo. O día 14 celébrase a X Festa do neno onde a partir das 16.00 horas disfrutarán de diferentes actividades como hinchables, touros, tobogáns e unha festa da espuma.

Manuel Cerdeira tamén falou de diferentes temas municipais que afectan ó concello, entre os que destacan as obras do AVE. Debido a iso, as estradas secundarias de diferentes parroquias víronse moi afectadas, as cales xa están rematadas e melloradas na súa maioría. As que aínda non están rematadas son as obras do AVE, xa que ó concello aféctanlle os dous trazados que están previstos “Ourense-Santiago” e “Ourense-Vigo”. En canto á construcción da estación de mantemento realizada pola empresa COPASA e que se atopa nas instalacións da estación de trens de O Irixo creará moitos postos de traballos tanto directos como indirectos para o concello. A maioría do trazado do AVE irá por viaducto ou túnel, de aí que o túnel que empezará na zona de Prexigueiro e terá a súa saída en Cerdedo esté considerado como o terceiro máis grande de España cunha lonxitude aproximada de 16 km.  Outro dos proxectos que pon en marcha o concello de O Irixo está relacionado co programa de cooperación da Consellería de Traballo e Benestar da Xunta de Galicia. O Irixo conta cunha poboación moi envellecida de aí que se leven a cabo tarefas de acondicionamento de espazos públicos e de asistencia a domicilio. Para rematar, o teniente alcalde falou tamén das obras do Plan E previstas para este ano. O concello contaba cunha cantidade de 202.000 euros, a cal invertiron en aforro enerxético facendo unha reforma de todo o alumeado público.

Esta mañá Asunción Rivero, concelleira de cultura, e Carlos Montes, alcalde de O Carballiño, presentaban na Casa do Concello o cartel da vixésimo sétima edición das xornadas de vídeo e cine de Galicia que se celebrarán durante os días 2 e 6 de agosto. A principal novidade das Xociviga 2010 veñen a cargo de tres exposicións: "Xociviga 25 anos", unha exposición fotográfica titulada "Camiño, Foto e Palabra" de Juan Rúa e a máis importante de todas por ser unica en Galicia "O Camiño de Santiago no cine español". Pero ademais desta, outra das novidades desta edición foi a realización dunha serie de ciclos dirixidos a distintos patróns da poboación: ciclo de homenaxe a Manane Rodríguez, a cal lle foi concedida a "Xociviga de Honra"; ciclo de cine femenino onde destaca o curso de extensión universitaria "A muller na encrucillada do audiovisual", ciclo de cine xuvenil con películas como El Príncipe de Persia e Eclipse, ciclo de cine infantil onde se proxectarán películas como Alicia en el País de las Maravillas e Marmaduke entre outras, ciclo de curtas cedidas polo consorcio do audiovisual galego con Bata por Fora e Mínimo común divisor entre outras, ciclo de miradas de autor con The good heart e ciclo de Tvmovie galegas con películas como Reliquias, Cota Roja, Fútbol de alterne e o ciclo de curtas galegas con Perversa Lola, Enredo, O soldadiño de chumbo, 1997, e O río ten mans. Durante os cinco días tamén teremos a oportunidade de visualizar por primeira vez en toda a provincia películas como Señora de.., Mi nombre es Khan e Ciudad de vida o muerte. Ademais na edición deste ano, pretendese recupar o espíritu de ir ó cine e tódolos días ás 23:00 horas proxectarase unha película entre as que destacan Pájaros de papel de Emilio Aragón.

O gala de inauguración presentada por Camila Bossa, coñecida polo seu papel de Belinda en Mareas Vivas, terá lugar o día 2 ás 21:30 horas. A Banda Escola Municipal de O Carballiño amenizará a gala coa interpretación de varias pezas relacionadas co mundo cinematográfico.

As distintas actividades terán lugar no Auditorio, a Casa da Cultura e o Concello de O Carballiño e a elas acudirán numerosos autores galegos para manter encontros co público os diferentes medios de comunicación. As taquillas permanecerán abertas trinta minutos antes do comezo de cada sesión.

O vindeiro venres 30 de xullo terá lugar na Praza Maior do Carballiño a primeira das actividades de difusión da sustentabilidade deseñadas no proceso de implantación da Axenda 21 Local.  A Axenda 21 Local é un programa da Xunta na que participan varios concellos, entre eles o do Carballiño, que desarrolla un plan de acción municipal basado na integración, con criterios sostibles, das políticas ambientais, económicas e sociais do concello, e que surxe da participación e toma de decisións consensuadas entre os representantes políticos, persoal técnico municipal, axentes implicados e cidadáns. A actividade programada para este venres trátase dun evento lúdico-divulgativo co que se pretenden presentar os traballos de implantación da Axenda que se van a levar a cabo no concello, así como o equipo que vai traballar neles, para favorecer a participación dos cidadáns en tódalas fases do proceso.

O programa para este veneres é o seguinte: a partir das 18:00 horas terán lugar diferentes actividades como unha exposición guiada na rúa baixo o nome de "Sostibilidade ó cubo", varias proxeccións multimedia e música no escenario móbil, xogos e regalos para os máis cativos e unha mostra de grafitis na rúa. A partir das 21:30 actuarán os diferentes grupos locais dentro do concurso "Banda Sonora da Axenda 21" entre os que atopamos a "Stylo", " In the rain", "Demetrius", "Jorge Cervantes" e "Singultus". Durante as actuacións dos diferentes grupos locais realizaranse sorteos entre aqueles veciños que teñan completado todo o percorrido da exposición.

A dia de hoxe, aínda non chegou ó Concello do Carballiño resolución algunha solicitando a devolución dos 250.000 mil euros investidos no proxecto de construcción da canceira municipal da Medela, asi o asegurou esta mañá a Concelleira de Facenda do Carballiño, Inmaculada Ucha, saíndo ó paso da información facilitada desde o Partido Popular, que advertía desta decisión da administracción autonómica, esixindo ó Concello a devolución da citada cantidade de diñeiro, debido a defectos de forma na tramitación da achega económica recibida no seu dia por parte da Consellería de Medio Ambiente da Xunta de Galicia, na etapa do bipartito e sendo o seu titular Pachi Vázquez. A responsable das contas muncipais negou trato de favor algún có Concello do Carballiño e criticou ó Portavoz do Partido Popular de "trasmitir ó pobo do Carballiño datos erróneos ben polo seu descoñecemento do tema ou ben pola mala información das súas fontes". Ucha manifestou que todo o expediente está en regla por parte do Concello do Carballiño, e que a auditoria feita sobre as obras da canceira só desvelou "a ausencia do cartel de obra, que xa fora retirado". A Concelleira insistíu en que ó Coincello "aínda non chegou ningún requerimento por parte da Consellería de Facenda", eso si, adiantou que no caso de recibirse algunha resolución reclamando o diñeiro gastado nas obras da canceira, o Concello do Carballiño tomará as medidas necesarias e "agotaránse todas as posibles vias", antes de aceptar esa posible reclamación. Inmaculada Ucha tamén explicou a contía das axudas recibidas e os pagos feitos á empresa que executou a obra, e aseverou que en todo momento desde o Concello se seguiran as indicacións da Xunta para a tramitación de todo o expediente "a través dun convenio de colaboración, e non a través da lei de subvencións", como posterirormente se estaría solicitando.

O Grupo Municipal do BNG de Boborás presentouse nas dependencias municipais co obxecto de estudiar en profundidade os nove expedientes relativos as adxudicacións das obras subvencionadas a través do Plan E. A través dunha resolución dictada polo alcalde Cipriano Caamaño permitirase o acceso a antecedentes, datos e informacións que obren en poder dos servicios da Corporación en relación coas obras do Plan para o Fomento do Empleo e a Sostenibilidade Local 2010, así como a consulta do expediente de contratación das referidas obras que nunca son concedidas ás empresas e empresarios do concello.O Grupo Municipal do BNG poderá, polo tanto, revisar a documentación nas dependencias municipais o día 30 de xullo entre as 9:00 e 9:15 horas. Un total de quince minutos que fai aumentar aínda máis as sospeitas das posibles irregularidades. Diante deste novo atropelo o BNG anuncia que "o día 30 deste mes non se presentará nas dependencias municipais e reserva presentar accións legais en contra deste boicot".

O concello de Beariz inclue dentro do Plan E as obras de aforro enerxético previstas para as localidades de Magros, Correa, Alén, Framia e Abeleira. As princiais vantaxes deste sistema de xestión e aforro enerxéticos son: o aforro enerxético e en mantemento, o control do punto de luz, o sistema de vixilancia da instalación, o control integral da instalación, o sistema de comunicación por onda portadora e o sistema informatizado de control da instalación. As obras, cun orzamento total de 46.000 euros, foron adxudicadas á empresa Esinor Sistemas.

(Redacción. Rocio Campos) A Consellería de Facenda da Xunta de Galicia reclama ó Concello do Carballiño a cantidade de 250.000 euros, motivada por unha mala xestión  feita dunha subvención utilizada no seu día para a construcción da canceira do Carballiño, sendo Pachi Vazquez Conselleiro de medio-ambiente, entre as irregularidades detectadas están certificacións mal emitidas e pagos sen xustificar. Cabe recordar que María José Pérez, concelleira de Medio Ambiente naquela época, nunca se manifestou sobre as xestións feitas durante a obra de construcción da canceira. Un asunto que resulta de moita gravidade, xa que evidencia o que se viña denunciando denda fai uns meses na propia canceira cando apareceron un elevado número de cans mortos nunha fosa.

O Partido Popular do Carballiño pide "que se aclare esta situación e se depuren responsabilidades sobre calquera irregularidade que se determine". Desta maneira, demanda explicacións claras ó alcalde do Carballiño, Carlos Montes, ante a presente denuncia pública e ó BNG, como socio do goberno actual, para que actúe en consecuencia e axude dende a Concellería de Medio Ambiente a que todo este se clarifique.

"A Mañá de Cope" desprazouse ata o concello de Avión para disfrutar en vivo da celebración da súa VI Festa Mexicana na cal tivemos ocasión de falar co seu alcalde, Antonio Montero e Isabel Gabián, organizadora do festexo para coñecer da súa man a historia deste pobo. Isabel Gabián achegouse ós micrófonos do programa para explicarnos en que consiste a citada celebración. A Festa Mexicana iniciouse no ano 1995 como homenaxe a todos os emigrantes no pais azteca e debido o seu gran éxito xa vai pola súa VI edición. O programa para este ano comezará as 20:30 horas con actividades para os máis cativos como xogos de piñatas, hinchables e touros mecánicos. A partir das 21.00 horas, tódolos asistentes poderán degustar da "tardeada mexicana" acompañado das típicas bebidas mexicanas, da cal Isabel nos aconsellaba os "tacos ó pastor" feitos á forma tradicional no trompo. Os restaurantes encargados de colaborar son O Rincón Azteca de O Carballiño, Chilam-Balam de Vigo e O Mesón Mejicano de Tourón.  Para rematar a xornada festiva, a verbena estará amenizada polos grupos de mariachis Garibaldi e Zones Mexico. Isabel tamén tivo ocasión de falar da Fundación Avión que desenvolve actividades durante todo o ano, pero que durante os meses de verán programa actividades especiais como o piragüismo, a piscina de auga salada e a Festa Mexicana entre outras. Amparo García tamén falou para nós. Trátase dunha emigrante mexicana e veciña do concello de Avión durante os meses de verán que axuda na decoración e organización da Festa Mexicana.

O concello de Avión delimita coa Serra do Suído e a do Faro e nos seus vales nacen multitude de ríos que desembocan no seu principal río, o Avia, de aí que o topónimo de Avión teña a súa orixe neste río. Dos importantes recursos naturales cos que conta o concello falou en "A Mañá de Cope" o seu alcalde, Antonio Montero. A pesca e a caza son as dúas principais actividades que se desenvolven debido a importancia dos ríos e os montes que rodean o concello nos seus catro costados. Os anos 2004, 2005 e 2006 non foron os mellores para as terras de Avión, xa que os incendios arrasaron gran parte da zona forestal. Desta maneira, o concello de Avión foi pioneiro no nacemento de "Mancomunidades de comunidades de montes veciñais en man común" que agrupa a distintas comunidades de montes cun obxecto común como é a limpeza dos montes, a reforestación e o tratamento da madeira. Ademais, durante os últimos meses o concello de Avión está pendente de multitude de proxectos "que estaban en mente  e se lle comeza a dar o visto bo". Un deles é a axuda de case un millón de euros para un proxecto de saneamento integral e de depuración nas augas de Avión. Ademais, a Praza da Igrexa sufrirá unha reforma integral para aproveitar ese patrimonio cultural co que conta. E por último, estanse priorizando os servizos socias que presta o Centro Integral de Servizos Sociais Albetus do concello de Avión onde se van incluir vinte prazas máis para os grandes dependentes que conten cun deterioro físico importante.

Como non podía ser doutra maneira "A Mañá de Cope" estivo amenizada de novo coa música en vivo do cantante de música mexicana, Pepe Benavente.