O responsable da Xefatura da Policia Local do Carballiño repasou no transcurso da súa intervención radiofónica en COPE O Carballiño diversos aspéctos relativos á seguridade vial e a mobilidade na zona urbana do Carballiño. 

Francisco Valeiras tamén atendeu e contestou numerosas preguntas da audiencia desta emisora de radio, e mesmo pedíu a automobilistas, peóns e a cidadanía en xeral unhas boas prácticas para conseguir unha vila máis segura para todos.

Pode escoitar a intervención íntegra no PODCAST de COPE O Carballiño.

Esta acción formativa estivo organizado pola Confederación Galega de Persoas con Discapacidade -COGAMI-, e a ela asistiron persoas con certificado de discapacidade ou incapacidade laboral procedentes dos concellos do Carballiño, Ribadavia, O Irixo, Cenlle e Maside. 

Con 60 horas lectivas neste curso de alfabetización dixital, abordáronse módulos de internet, procesador de textos e folla de cálculo para a mellora das competencias dixitais.

Ao acto de clausura, asistiron o concelleiro de Benestar Social do concello do Carballiño, Diego Fernández, xunto a Paco Abuín, coordenador da área de formaicón de COGAMI e David Ribada, o docente que impartíu o curso.

Sebas Lamazares, Fátima Gómez, José Antonio Barge e Manuel Nogueira protagonizaron unha novoa Tertulia dos Venres en COPE O Carballño, moderada por Xan Pinal. Unha vez máis, destacou tamén a participación da audiencia, achegando os seus comentarios.

Escóitaa aquí:

O recoñecemento fóralle concedido a Francisco Franco no ano 1958, asi pois, 66 anos despóis o pleno do Carballiño acordou por unanimidade de todos os grupos poíticos representados  na actúal corporación corporación, retirarlle esa distinción, a medalla de ouro do Carballiño.

Ademáis, a corporación gardou un minuto de silencio, con concelleiras e concelleiras, postos en pe en memoria e homenaxe de todas as vítimas da dictadura franquista.

“O Concello, tomando en consideración a política internacional de resarcir ás vítimas de violacións dos dereitos humanos ao que se adheriu o Estado español no ano 1977, asinando o pacto Internacional de Dereitos Civís e Políticos das Nacións Unidas, e a Recomendación da Asamblea Parlamentaria do Consello de Europa do 17 de marzo de 2006, levou a consideración dos grupos municipais tomar o acordo de proceder a esta retirada”, manifestou o alcalde Francisco Fumega.

Engadíu que  “tendo en conta as disposicións recollidas na Lei de Memoria Democrática, cuxo fin é o recoñecemento, reparación e dignificación das vítimas do golpe de estado, da guerra civil e da dictadura franquista, a revogación tamén pode levarse a cabo a título póstumo tras o falecemento”, subliñou o rexedor municipal.

Traballadores do Grupo Municipal de Emrxencias do Carballiño volveron manifestarse esta mañá fronte a casa do concello e coincidindo coa sesión de pleno que celebrarba a corporación municipal.

No audio adxunto podes escoitar as razóns deste acto reivindicativo en voz de Jhonatan Domínguez, portavoz dos traballadores.

O Consello da Xunta deulle hoxe o visto e prace á aprobación provisional do proxecto de mellora da estrada autonómica OU-212, no seu percorrido polo treito interurbano do concello de Beariz, e na travesía de Liñares, no municipio de Avión.

Esta actuación conta cun investimento do Goberno galego estimado en máis de 1,3 M€ e correspóndese coa 1ª fase de acondicionamento do tramo de algo máis de 6
quilómetros desta vía autonómica, entre o centro urbano de Beariz, á altura do punto quilométrico 6+250, e o desvío ao núcleo de Couso, no quilómetro 12+620. No seu conxunto, a actuación suporá un investimento total de 3,85 M€.

Nesta 1ª fase de acondicionamento, as obras de mellora da estrada no treito interurbano de Beariz consistirán na rectificación da curva do quilómetro 7+350,
aumentando o raio de 30 a 50 metros, e na mellora do firme e ampliación da plataforma ata os 7 metros entre a capitalidade do concello e a curva do quilómetro
7+350. Neste tramo, actualmente a OU-212 é unha estrada convencional sen beiravía, con dous carrís por sentido de 3 metros de anchura cada un, nun contorno interurbano.

A actuación no treito da vía ao paso polo municipio de Avión céntrase na travesía de Liñares, que vai do quilómetro 8+760 ao 9+610, e será humanizada. Neste treito manterase, en xeral, a distribución da sección actual, pero buscando como obxectivo básico a integración da vía no contorno urbano de Liñares, recuperando a súa identidade urbana e priorizando a figura do peón.

En toda a lonxitude da travesía construiranse beirarrúas e bandas de aparcamento a un mesmo nivel, cun cambio no acabado do pavimento e separación por bordo de 10 centímetros de anchura. Este deseño facilita que toda esta superficie poida ser utilizada polos peóns, tamén as bandas de aparcadoiro cando estas non estean
ocupadas por vehículos.

Ademais, o bordo que separará estas zonas da beirarrúa e o aparcadoiro da calzada elévase unicamente 2 centímetros sobre a rodada, continuando así coa percepción dun espazo onde o peón cobra maior importancia.

En dúas zonas concretas, do quilómetro 8+925 ao 8+950 e do 9+200 ao 9+255, unifícase o pavimento de toda a sección, creando unha plataforma compartida con
prioridade peonil ante a escasa anchura das beirarrúas actuais.

A actuación incluirá outras melloras complementarias, como o acondicionamento dos accesos existentes á estrada OU-212, a renovación da iluminación e das varandas de protección peonil, así como a reposición de servizos afectados e a renovación da sinalización, adecuándoa ao novo deseño da vía.

Tamén, froito das reunións mantidas cos responsables dos concellos durante a planificación e redacción do proxecto, se inclúe nesta intervención a renovación da
capa de rodada de dous tramos da OU-212, para dar homoxeneidade á actuación, entre os puntos quilométricos 10 e 11 e entre os quilómetros 15 e 15+500, dentro do termo municipal de Avión.

Agora, tras o acordo hoxe do Executivo autonómico, nas vindeiras semanas someterase ao trámite de información pública o proxecto, por un prazo dun mes.
Este é un trámite necesario para que os interesados poidan presentar suxestións, e tamén para os efectos expropiatorios, xa que coa intervención se afectan 20 predios particulares cunha superficie de 3.493 m2

A previsión da Consellería de Vivenda e Planificación de Infraestruturas é poder aprobar o proxecto no outono, para a finais de ano realizar a convocatoria de
levantamento de actas previas das expropiacións e licitar a execución das obras no primeiro trimestre de 2025. O prazo para a realización dos traballos é de 14 meses.

O Goberno galego continúa traballando para darlles continuidade ás sucesivas melloras levadas a cabo nos últimos anos nesta vía autonómica, que une a N-541 na
Ermida coa OU-504 en Beade, e que é o principal acceso ás capitalidades dos concellos de Avión, melloras en que a Xunta leva investido un total de 6,8 M€.

O delegado territorial da Xunta en Ourense, Manuel Pardo, salienta a calidade dos viños do Ribeiro na presentación da 61ª edición, terá lugar os vindeiros días 3, 4 e 5 de maio de 2024, no recinto da Alameda en Ribadavia.

O delegado territorial, que estivo acompañado na presentación de César Fernández, alcalde de Ribadavia, e Juan Casares, presidente da DO Ribeiro, destacou que o viño do Ribeiro posúe unha serie de combinacións de aromas afroitados e florais, dado a emprego na súa elaboración de variedades autóctonas tradicionais como a treixadura, o torrontés, a loureira, o caíño, o brancellao ou o sousón, que lle outorgan unha gran personalidade, que cada vez maiormente demanda o mercado.

Manuel Pardo subliñou o traballo que ven desenvolvendo a Xunta no eido vitivinícola da comarca, extensivo a todo o sector vitivinícola galego, e que concretou en tres eixos fundamentais de cara o futuro; a aposta polas variedades autóctonas, pola recuperación de zonas históricas de viñedo e, de xeito destacado, pola calidade.

A programación
Na Feira participarán un total de 36 adegas e colleiteiros que ofrecerán os seus viños a todos os visitantes que se acheguen ata Ribadavia durante os días do evento.

O público deberá mercar a súa copa na caseta de venda de copas (na entrada do recinto) e, posteriormente, visitará as casetas das adegas onde poderá optar por degustar os viños mediante a proba (pequena cantidade de viño para catar o viño), copa ou por botella. Cada opción terá un prezo diferente que marcará cada adega.

A principal novidade desta edición reside na zona gastronómica, que contará con dous ambientes diferenciados. Por un lado, un restaurante con capacidade para 150 persoas, que ofrecerá tres menús diferentes a escoller, e no que se poderá reservar previamente tanto para xantar como para cear. Por outra parte, tamén haberá un espazo denominado ‘Zona de Tapeo’, que contará cunha pulpeira, cun posto de queixos de todo o mundo e cun posto de Coren, onde se ofertará comida variada e complementaria para aquela xente que acuda sen reserva ou que queira acompañar os viños con algo de comer.

Entre as principais actividades destacan os showcookings e catas comentadas con cociñeiros e sumilleres de recoñecido prestixio, RibeiroBUS (rutas turísticas nun autobús antigo polos viñedos e patrimonio do Ribeiro), a cata popular, actuacións musicais en sesión nocturna tralo peche do recinto, zona infantil, Botella Xigante, visitas guiadas ao Castelo e ao Museo do Viño de Galicia.

O pregoeiro
O presidente do Tribunal Superior de Xustiza de Madrid, Celso Rodríguez Padrón, será o pregoeiro da Feira do Viño do Ribeiro 2024. O maxistrado, natural de Ribadavia, é unha persoa con unha ampla e recoñecida traxectoria profesional na carreira xudicial, o que, sen dúbida, aporta un valor engadido a esta nova edición da Feira do Viño do Ribeiro.

A presenza deste persoeiro é unha verdadeira honra, e contribúe a dignificar mais se cabe o excelente traballo que adegas, colleiteiros e viticultores fan, día a día, para que o Ribeiro transite polo camiño da excelencia.

Características dos viños da DO Ribeiro
Os viños desta denominación responden a unha serie de combinacións de exquisitos aromas afroitados e florais que case sempre resultan sorprendentes ao elaborarse con variedades autóctonas tradicionais (Treixadura, Torrontés, Loureira, Caíño, Brancellao, Sousón) posuíndo unha acusada personalidade que os fai incomparables.

Os viños brancos do Ribeiro son lixeiros, frescos, secos, afroitados, de cor de palla pálida, elevada acedume fixa e unha graduación alcólica entre 9º e 13º. Os viños tintos do Ribeiro, son de cor vermella morada e compensados de acedume, sendo a graduación comprendida entre 9º e 12º.

Os viños monovarietais presentan unha excelente estrutura, cunha cor non moi acentuada. Ao igual que os brancos, os tintos tradicionais do Ribeiro son plurivarietais, sendo o conxunto brancellao-caíño-sousón o máis característico, aportando o brancellao estrutura, o caíño aromas e o sousón cor.

O viño tostado do Ribeiro, é un viño obtido a partir da selección das mellores uvas autóctonas da DO, sometidas a un proceso de secado e pasificación baixo cuberta.